لآ ضــــــــــآق صـدري قلت شبــو لــــي النـــــــــــــــــآآر ......

السلام عليكم ورحمة الله وبركاته

صبآحكم / مسآكم
معطر بريحة الهيل والبن وترحيب حآر كحرارة جمر الغضا مني لكم

كل له طريقته في مواساة نفسه وتفريغ شحناته النفسية سواء لشخص قريب أو الابتعاد في مكان
يفضله بعيدا عن صخب الحياة، وغيرها من الطرق والرموز، ومن المتعارف بمكانة فنيان القهوة و شب الضو
والتسامر حولها وذكرها العديد من الشعراء لمناجاتها بما يجول في النفس ، وتطيب له أوقاته، ومن هذه
القصائد التي قيلت عن شب الضو:

لا ضاق صدري قلت شبوا لي النار
سويت كيف مـا يسـوى مثيلـه
حمسـت بريـه وناديـت ببهـار
ماها قـراح جايبـه مـن ثميلـه

ياما حلا عقب العصر ,, شبة النار
في مجلسٍ كل النشامـا يجونـه
يلفونه اكبارٍ ,, ويلفونه إصغـار
من طيب من هو فيـه ويقدرونـه
في بيت ماحطوا له آبواب وآسوار
ذراه من صوف الغنـم ينسجونـه
هذي طراة الروح لا صرت محتار
آخيِر من بيـتٍ هَلِـه يزلجونـه

لا ضاق بالي ,, والهواجيس وردن
النـار شبّتهـا بدايـة عـلاجـي
والبن بالمحماس والنـار تلسـن
نـارٍ تزايـد جمرهـا بوتهاجـي

ياما حلا عقب المطر شبت النار
في روضة فيها شذى الورد فاحِ

ياريف قلبي للمسايير قـم شـب
وحط المناره في طويل الظلالـي
عقب تشق الها لجزل الحطب جب
وهات النجر واحضر جداد الدلالي

ألا يـا زيـن شبـت النـار وادلال
ادلال صفر ابهارهـا طيّـب الهيـل
في جال غرمولٍ حمر ,, يشرح البال
جوّه براد ومرتـوي خـدّه السيـل
الله يجيب العشب والخيـر منهـال
على بـلادٍ توفـي الحـق والكيـل

يا زِين شب النار ,, والرمث مشموم
في ليلٍ اسود غير قمـراه تضـوِي
وآتابع النجمات في خيـال مركـوم
وآسامر الجمرات والشعـر يـروِي

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-

يقول ابن حثلين :

يامحلا الفنجال مع سيحة البال 00 في مجلسن مافيه نفس ثقيله

هذا ولد عمٍ وهذا ولد خـــــــال 00 وهذا رفيقٍ مالقينا مثيـــــله