اخ قاطع اخته فقالت له قصيده و

اخ قاطع اخته فقالت له قصيده ورد عليها بقصيده مؤثره

بسم الله الرحمن الرحيم
السلام عليكم ورحمة الله وبركاته
جبت لكم اليوم قصيده تتكلم عن قطيعه الرحم

أترككم مع الإبيات ولا تنسى التعليق
جتني رسالة من صدى خافق الروح
وقريتها بإحساس قلبي وروحي
قريتها وانهدّت قصور وصروح
وأنا من أول عالياتن صروحي
تشكي تقول القلب يا حمود مجروح
ما تدري اني غايراتن جروحي
تهلّ دمع وترفع الصوت بالنوح
واللي فقد غاليه لازم ينوحي
ما كلّمتني يمكن الصوت مبحوح
من النوح وإلا ما استطاعت تبوحي
جتني رسالتها بها دموع وجروح
وانهد باسباب الرسالة طموحي
تقول ياخوي الزمن صار مفضوح
والشيب فيني لو تشوفه يلوحي
يا بوعلي مالي بالأغراب مصلوح
مادام قلب اللي نحبه شحوحي
ودّي بشوفك دام الأعمار بفسوح
قبل الرحم يا خوي منا يروحي
زلّ الزمان اللي به أفراح ومزوح
أنخاك تكفى لا تظنّه مزوحي
وبعد الرسالة صار بالقلب ذابوح
طار المنام وصار فكري يشوحي
أختي رسالتها لها القلب مفتوح
كلّي لها والقلب ينصت ويوحي
أقولها ودموع عيني لها فوح
وسط المحاجر دمع عيني يفوحي
أجاوب الورقا على عالي الدّوح
وأنوح من فرقا الرفيق السموحي
والله لو إني وسط الأطباق مذبوح
لأظهر كما خطو الحصان الجموحي
وأقول يا عين المها ما بها شروح
لو تطلبين الروح تفداك روحي

م/ن

كل هذي عشان قاطعها

صح لسانك ولسان شاعرها


ربي يحفظك

ودّي بشوفك دام الأعمار بفسوح
قبل الرحم يا خوي منا يروحي
زلّ الزمان اللي به أفراح ومزوح
أنخاك تكفى لا تظنّه مزوحي
أليمه بربي

رائعه اختي
لاتحرمينا من ابداعاتك

شاااااكرهـ مروركم الغالي علي
ربي يسعدكم

وش هو له القطااعه دام مافي احد منا ضاامن عمره

صح لسانكـ ولسان قايلهاااا

طرح رااااااااااائع جدآ
ويعطيك الف عاافيهـ على هالنقل ..
الله يسلم الأيادي
وباانتظااار مزيدكـ ..

يسلموووو ع المرور الغالي علي
ربي يسعدكـ

صح لسانك ولسان شاعرها

صـح بدنـكـ
وتسلم ع المرور الغالي علي
ربي يسعدكـ