تدخل الكبار

السلام عليكم ورحمة الله وبركاته
تدخل الكبار
كتبت هالموضوع لأسباب منها
كثير سمعنا عن عائلات تفرقت بسبب خلافات أطفالهم مع بعض وتدخل الكبار فيها ادت إلى مشاحنات وقطع رحم
مثال من الواقع كنا نسمع عن أخوة ما يكلمون بعض يمكن سنه ولا زيارات ولاشي حتى زوجاتهم بعد فترة عرفت ان السبب خلاف بين أولادهم الصغار
ومن يومين تعرض ولد اخوي للضرب عمره عشر سنوات بسبب خلافه مع صديقه فقام الاخو الكبير وتدخل وحرض اثنين يضربون ولد اخوي لين سأل الدم من رجله... طبعا صارت مشاكل الابو اقتنع وعاقب والأم مصره توقف مع ولدها... مع انه تعهدوا لنا ما يعيدها الا انه ما زال يتربص به ويهدده ويرسل له رسائل مع أصحابه..
هذيلا مثال بالواقع يحدث دائم

الأطفال قلوبهم نقيه يزعلون الصبح يرضون العصر وتعودنا على هالشي
لكن انت يا الكبير ليش تتدخل ما بينهم؟
ليش تقطع العلاقات بسبب خلافات أطفال ما عليهم حرج
ليش تقاطع اخوك واختك وأهلك؟
و برأيكم متى نقول انه لازم الكبار يتدخلون؟ وما هي الحدود؟
كيف نعلم أولادنا الصغار انه الخلاف ما يوصل للضرب؟
منقول