انت تدري

يا وليفي ليتك تشاور الخيرة
كل ما قررت تبعد وتقطعني

حبك بقلبي ولا يسكنه غيره
وطاري الفرقا لحاله يروعني

لا تحاسبني على كل تقصيرة
كل ما قلته لي البارح اوجعني

وانت تدري عن مكانك وتقديره
شوفتك لو هي من بعيد تنفعني

ما شرح قلبي على قو تعبيره
انت اللي من بدت الناس وش تعني

فيه شي اقوى من الحب والغيرة
الك لا من جيت ابترك يدفعني

ومن سببك الصدر كثرو مساييره
ومن قلط ما عاد كرم ووادعني

من زعلك يضيق صدري من الديرة
لا رضيت الكون ماعاد ياسعني

عقب ما ذوقتني نارن سعيرة
من غلاك اللي تسيطر وطوعني

والزمن محدن عرف وش مقاديره
مير من نفسي انا اشوفه اقنعني

والقدر لو هو على الكيف تغييره
معك اخلي بيض الايام تجمعني