ليتني اقدر اوصفك

ابي اوصف عيونك يا حبيبة هالفؤاد
ليه تلومونه خلوه عايش بحرته
يا مهرةٍ حبها وصل حد جنونه
و عهدي له اكبر فتونه
قلبي لك وحدك و عاد ليه تلومونه
يا مزنة هالقصيد
العشق لك و يعاودنه
عاهدت ربي فيك
و العهد ما يلزمونه
ووفيت لك لين قالوا ما للوفا وصف
انثر جراحي بالليالي و انتشر
و اداوي هالجراح بالوحده و الوحده قتاله
اعاند مر الزمان و العهد واحد
وحدي من جمال زينك توقف فؤاده
خافقي نبضات عشقه ترسمك رسمه
و العين ما عاد تناظر غيرك لحظه
مزيونةٍ ما ألاقي بزينها وحده
و خليلةٍ اتمناها للعمر كله
اعاند زماني و الزمان جارح
و اعاديه بغمد بتارٍ ما يرحم اعاديه
فارس و مغوار بوجه من عاداه
واحسب كل ما حادني عنك عدوي
اهاجر دياري و ليتك تفهمي
هجري الديار سبته انتي
اسري شمال و يمين
وببيادي العشق اتغزل ب اصله
ما ابي غيرك للعمر وحده
يا من ملكتيني بلحظه وحده
سجى ليلي فيكي تحلى
وسكر انامل هالايدين فيني ولهه
تحلي زماني و العلقم حده
يحوم حولي و ما يوصلني لحظه
يا سارحات الخيل انا لكم خيال
وما ابي غير هالمهره خليله
ألزم لجامي و اسري بيه
و السيف من غمده لو طلع كأنه ثغره
ابي اوصفك يا الحبيب و ما تنوصف
زين المحاسين فيكي تجلت
ملاكٍ فريد بطلته
و المد لو جف بتساطير الوصف
والله امده بدم قلبي و احيه
ازخرفك بين الجفون و الرمش
و احطك تاجٍ على الراس محله

اجمل ختم + تنبيهات

هنا نبض يحكي عن قصة عشق
عن أمل عن جمال لايتوارى بالأفق
عن أحلام بيضاء يدثرها فرح
عن انامل تتشابك لترقب القريب والبعيد
شروق أخر تتهادى به الروح
حرف يتوج بالجمال
ابدعت

تسلمين يا ملكة الجوري ذا من حسك الراقي و ذوقك الرفيع ربي يحفظك و دمتي ب ألف خير تحياتي

جميل والاجمل كلمات العشق
من القلب للقلب
بوح مباشر جميل وتسلسل واناقه
لديك اخي امير

اشكرك على هذا النص

ذا من ذوقك اخوي عود الليل ربي يحفظك و نورت خاطرتي دمت ب ألف خير تحياتي

بيض الله وجهك
وصح لسانك ياامير الحرف والاحساس
كلماتك لا يعلى عليها

ربي يحفظك اخوي مجنون القصايد من ذوقك والله تحياتي لك و دمت بخير

اشكرك ع الطرح الجميل
والكلمات الروعه
المهم اني استمتعت

تسلم اخوي سعودي من ذوقك ربي يحفظك تحياتي و دمت بخير