|| ~ وينــــكــ ~ ؟؟

.. مر صوتك

كنــّه الناي .. وعزفني

.. مثل ما تعزف رياح الحزن باوراق الشجر في أول ايام الخريف .

. ألحان :

ما تشبه سوى :

غربة شعوري / غيبتي كلي وانا بقمة حضوري / وجهك المزحوم باسألتي ..

وكان :

الفضا الجمهور والمسرح .. رصيف !!

واجمل ألحان الحفل .. صمتي وصمتك

من بعد ماقلت :

وينك ؟؟




ما حسبت حساب شوقي .. في غيابك ................

خل عاد / جروحي وحزني وخوفي !

لاح برّاقك !! ولا هلّك .. سحابك ..................

ولا تشيل الارض ما شالت كتوفي

لي متى ؟؟ وانا اتشبث في سرابك ..................

آتحرّى جيــّـتك.. وآمـــد شوفي !

أسئلك بــ الله .. لا يكثــر عتابك .................

وانت أدرى خلق ربي في ظروفي



.. ومن قبل لا اقول :

وينك ؟؟

وانعزف مثل الحزن على الرصيف .. بأول ايام الخريف

ويتساقط ما تبـّـقى من ورق هاك العمر !! او بالاصح هاك الشجر ..

ويمر صوتك !!

كنت اهوجس فيك / عنــّــك ..

في مدى شكك وتفكيرك وظنــّــك ..

كنت اتمتم :

.. سيّد احلامي

ليا شافوا ملامحك الطفوليّـة وحبّوك بــ كلامي ..

اعرف اني ما فضحتك ..

ولا تماديت بحديثي عن عذوبة رقة الما في زمن قاسي وضامي ..

اعرف اني كنت اسولف عن تفاصيلك / وبحتك !!

واعرف ان بين انعدامي وانعدامي

مــــــــر صوتك !!

ومن قبل لا ابوحك لروحي على روحي كتمتك !!

وانعزف ناي الحزن

الفضا جمهور والمسرح رصيف ..

واجمل ألحان الحفل :

صمتي وصمتك !!

من بعد ما قلت

وينك ؟؟




الغلا .. مثل الجمر والجمر : رمّــد .................


والثمر .. وش الثمر ؟؟ لو ما حصدته !!


حاول تلّــحق على باقي .. محمّــد .................

اكثره .. من غابت عيونك .. فقدته !!


واكثرك ..

من غابت عيونك ..

وجدته !!


سيّد احلامي .. وحزني

ليتني ما قلت :



و
ي
ن
ك
؟



لـ/محمدجارالله السهلي..