فداك الجرح وراعي الجرح من ساسه الى راسه

دخيلك ما بقى بعدك حبيب ولا لقيت أحباب ..
ولا عدت الذي قلبه وسع هالكون باحساسه

بعمري ما تعودت الفراق وماحسبت حساب ..
شف قلبي لهواك اشتاق حيل ودقت اجراسه

شف الشارع على كثر الغرام وما جمع غياب ..
تمنى لو نمر ومن بعيد نعطر أنفاسه

قسم بالله قلب ما فقدك في غيبتك كذاب ..
تظن أنساك شف دمعي على حبري وقرطاسه

أدور لك عذر واصنع من أشباه الحلول أسباب ..
وأطمّن قلبي اللي ذابحه همه ووسواسه

على كل المصاعب والمسافة عاشقك ما تاب ..
لانك كل ما يملك روحه وأهله وناسه

أنا من مر طيفك معتلي بين النجوم شهاب ..
لعنت أم الغياب وقسوته وأوجاعه وباسه

واذا جرحي بيدك عل جرحي للأبد ما طاب ..
فداك الجرح وراعي الجرح من ساسه الى راسه