مريت من شارع حبيبي

السلام عليكم ورحمة الله وبركاته

[poem=font="simplified arabic,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]

مريت من شارع حبيبي وشفتـه=ياليتني من قبل شوفـه توفيـت
اقفى وهو يضحك وانا مالحقتـه=وصارت حياتي كل ابوها تناهيت
والله مابه يـوم بالعمـر خنتـه=ولا مع غيره من البيض وافيـت
انا الذي في وسط قلبـي رهنتـه=وانا الذي عن غيره اليوم عييت
كان الوحيد اللي عجبني وعجبته=وكان الوحيد اللي بحبه تماديـت
كان الوحيد اللي فهمني وفهمتـه=ياليتني من قبل فرقاه انـا ميـت
كان الوحيد اللي ملكني وملكتـه=كنت اتمنى شوفته كل ماامسيـت
ياليت فارقني بظروف وعذرتـه=ولا اشوفه مقفيـن يـوم ناديـت
الله ياكـم ليـل لجلـه سهرتـه=الله ياكم لجلـه الدمـع هلييـت
الله ياكـم بيـت لجلـه كتبـتـه=الله ياكـم لجـل حبـه تشاقيـت
ياكم شكى قلبي ولا كن جبرتـه=اصبر ياقلبي بالعمـر ماتعنييـت
انا اشهد اني ياعرب قد خسرتـه=ماقد مشيت بدرب حب وتهنيـت
آمني انفاسي على مـن عشقتـه=وفي الاخره يقفي وانا ماتعديـت
اقفى وخلانـي ودمعـي نثرتـه=ساعة تذكرت الغلا ثـم ونيـت
الجرح في قلبي وانا اللي كتمتـه=اضحك وانا ماقد بعمري تسليـت
ياليتني في مامضـى ماعرفتـه=ياليتني في شارعه مابعد جيـت [/poem]

كلمات
ابو هاجر