طفل الملامه

مدخل

المكان اللي هنا .. مليان ضحكات ، وأغاني !

والكلام اللي بغيت أقول .. يحتاج لـ سكينه !


شوفي الركن البعيد هناك .. كنه صدر حاني

هذا هو اللي يليق بـ شاعر وبنت حزينه !

عمق

هنا والكرسي اللي من هجرته هزه إغيابك

وشارع تعشقه غيمه تبلل وجهة / الغابر !

سرت ذيك الزوايا والشجر والطير بأسبابك

تثاوب ليل ماغمض .. يضم اوسادته ساهر

لقيت الامس في يده حنينِ .. شاب ماتابك

مضى هالامس مابين الزحام ودوخته عابر

يردد لك ( انا صابر على تجريح مخلابك ..

انا صابر على بعدك الى بكره وانا صابر )

اشوف الشوق ماوطوط اظنه تاه في غابك

لبس ثوب الغروب وعلق اماله على باكر

فرش له حلمْ وارخى حاجبيه وصك دولابك

تقلب .. مادرى هالضيم حوله شبه متناثر !

ومر الريحْ .. يمسك في يمينه ريحة اثيابك

وقف نبضه يلوحْ ياعطر لاتختفي / ناطر !!

تعال وعانق الفجر العفيف .. اللي تغنى بك

بكى ومخدته ملت دموعه وانت مو شاعر

نزل من بؤبئيه اسراب هم و دمع متشابكْ !

صحى طفل الملامه واحتضن لعبوبته يآمر

هنا بابك خذل شاعر !

هنا بابك خذل شاعر !

هنا بابك خذل شاعر !

هنا بابك خذل شاعر !

كفر بالصبر لان الصبر لامن غبت ماجابك

ولان الصبر ماجابك غدى في ملته / كافر

رسمة الوقت برشامه بكت من يد طلابك ؟

يغششك الوصال ومل قلبه . ينصحك ذاكر

زرع حبك وطاحت في يده ( تفاحة اتعابك )

دخيلك بادر إبوصله .. عشان إرضاوته بادر

مخرج

أيــنا كان الضحيه ؟ .. وأينـــا اللي كان جاني ؟

مدري ! .. ولكن قراري لازم إنك تقبلينه :

مثل ما أكره فكرة إنه واحد ياخذ مكاني

ما أقدر أجلس في مكان إنسان .. كنتي تعشقينه

لأرواحكم النقيه

طرح رائع اخوي

قصيدة أكثر من رائعة
دام أبداعك وعطائك الراقي
لك مني جزيل الشكر والتقدير...
ودي وعبق وردي

طرح جميل

سلمت

يعطيك ألف عافيه ننتظر جديدك...

فيضَ مَنَ الجَمــالْ سكبتهْ
اناملك المَاَسيَةَ هنا
طًرّحٌ مٌخملَي
يعطَيك العآفية ..دمت بخير

شُكرَاً أقطِفُهَآ مِن قَلبْ ألجَمَآل
لِتُلِيق بِ حَجمَ جَمَآلِ طَرحِك
طَوقُ يَآسَمِينْ لِروحِك

عوافي ع الطرح

قطرات الندى انثرها
على ورقة امتزجت بنقاء روحك
لجمال ما طرح هنا قلمك و ابداعك
شكرا من القلب لـ هكدا عطاء
شكرا مدد على طرحك الرائع
لا عدمنا جهودك
كل الود