منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

07-26-2011

اما عند الشباب ........

إبراهيم : يا أخي ملل أففففففففف
بندر : أعوذ بالله (يتثاوب) أنام أحسن
فهد : طيب خلونا نلعب
فيصل(تعدل بالجلسة) : شنو نلعب نتسابق يعني مثل البنات
ناصر: ليه قالوا لك ضبان نطلع بهذا الحر
سالم : دايم يقولون ضبان عادي نتحمل
فهد(باستهبال) : لا لا
سالم(ببراءة يستهبل) : أجل
فهد : أحنا تماسيح
سالم(رفع يده) : كفك صح
إبراهيم : الحمد لله والشكر أبتلينا بخبول
فيصل : خلونا نلعب ورقه
بندر : أذا كذا بلعب بس خلونا نلعب قبل الصلاة
محمد : أنا ما أبي ألعب
سالم : أفااا أبو جاسم ليه
محمد : بنام شوي قبل الصلاة
فهد : خلوه على راحته وزعوا الورق (رفع رأسه وانتبه لوضحه متجهه لخيمة المطبخ أبتسم بخبث) أقول شباب تبون قهوة
الشباب : أيه تكفه
محمد : أيه يالنسيب تكفه يمكن تطير النوم من العين
فهد(يوقف) : تبشرون دقائق بس
طلع فهد وأهو يبتسم ويخطط لوضحه وقرب من الخيمة سمعها تغني

قويه .. لأسيل عمران

أنا في داخلي بنية ******قوية ما هي شيوية
بريئة وطيبة وحبيبة******بس ماني على النية
صغيرة يمكن ف عمري****بس بعقلي يا كبري
وأسأوي منهم مية*******قوية ماني شوية
حكيتوا من ورا ظهري ****وقلتوا اني ما أدري
وهيه ماهي مخفيه******وهيه ماهي مخفيه
حسبتوها علي أسرار ****وصارت كلها أخبار
تجيني عندي يومية*****قوية ماني شوية
وكل اللي تشيعونه*****حكي وأفكار مجنونة
ماهي فيني مو لية*****ماهي فيني مو ليه
أنا امشي ورا إحساسي*****وأسوي اللي في راسي
مادام الروح ذي حية*****قوية ماني شوية

فهد(دخل يصفق) : شاطره برافوا ترى حتى أنا قوي وفي داخلي مو شويه يا بدويه
وضحه(تبلع ريقها يوم سمعت صوته) : خير فهد بغيت شيء
فهد : قهوة
وضحه : لك
فهد : لي ولشباب
وضحه (تبي الفكه منه) : خلاص أخلص و أصلح لكم
فهد : لا
وضحه(لفت له ) : لا
فهد : أيه لا ما أبي انتظر وما أحب انتظر أبي اللي تسوينها ألحين
وضحه(رفعت حاجبها) : بس هذي لي وللبنات
فهد(يقلد صوتها) : بس هذي لي وللبنات أقول أخلصي حطي فناجين وعطينيها وما أحب اكرر الكلام
وضحه : بس أنا قلت للبنات بسوي لهن قهوة بوديها وبرد أسوي لك وللشباب
فهد : ينتظرن
وضحه(عصبت من طريقه كلامه وكأنها جاريه عنده) : وليه ما تنتظر أنت ولا إذا مستعجل أخدم نفسك أنا ما راح أسوي
فهد(عصب ) : نععععععععععععم ما سمعت
وضحه خافت منه خصوصا أنهم لوحدهم وفهد ما يتفاهم وهي تعرفه إذا عصب ما يحترم احد سواء غريب ولا قريب
وضحه : خلاص خذ (في نفسها ) سم عساك ما تبلعها مرض يمرضك وش الله بلاني
فهد(كتم ضحكته على عصبيتها وخزها) : ناس ما تفهم إلا بالعين الحمراء
وضحه( باستهزاء) : يا حظي الناس تقول ناس ما تجي إلا بالعين الحمراء
فهد(رفع حاجبه) : لا فيه تقدم مثقفه يالبدويه
وضحه(خلاص مو قادرة تتحمل بعصبيه) : بدويه وافتخر واللي مو عاجبه ينتحر بس تصدق ما يذبحك إذا شفت حضري يتبدوى اللي يذبحك أذا شفت بدوي يتحضر
فهد(يحط الصينية) : يعني طنازه بعلمك الذبح كيف
وضحه شافته قرب منه طلعت من باب الخيمة ركض ولا لفت خلفها خافت انه وراها عادي عند فهد ولا يهتم بالعادات والتقاليد ولا همه الناس تعرف إذا طاحت تحت يده أكيد نهايتها يالضرب بالذبح وما صدقت تدخل خيمة البنات اللي تفاجئن من شكلها تركض وتلهث من التعب تحاول تأخذ نفس أنسدحت (نامت) على الأرض وحطت يدها على صدرها تحاول تهدي دقات قلبها
ليالي : علامك تركضين كذا
سمر : لاحقك ذئب
وضحه(جلست عدل) : لا كلب لاحقني
مي (بخوف) : يمه وينه ألحين
وضحه : راح لخيمة العيال
فرح(بخوف) : يا قلبي عليهم لا يعضهم خلني اعلم أمي
وضحه(مسكتها قبل تقوم) : جلسي
فرح : والكلب
وضحه : الكلب فهيد
فرح(ضربتها على كتفها وبعصبيه) : كلب يعضك أخوي مو كلب
وضحه : أخوك خايس وحمار وكلب ولا يحترم أني بنت خاله مو محرم له ما يعرف يحط حدود بينا بالكلام مأخذ راحته
فرح(عصبت) : وضيح لا تغلطين عليه عيب
وضحه(بعصبيه) : لا والله واللي يسويه مو عيب
عذاري(تهديهن) : يا بنات أهدن قولي لنا وش صار
مي : صدق وين القهوة
عذاري(تخزها) : والله فاضيه حنا وين وأنتي وين
وضحه : خذاها
سمر : من
وضحه : الحمااااااااااااااااار
ليالي (تتغابى) : عندنا حمار في البر محد قالي
وضحه : آآآآآآه وش أقول بعد ما يفهم حمار وبقره بقول لكن وش صار رحت أسوي قهوة ...... ( وبدت تقول لهن وش صار وهي منفعلة يوم تذكرت وش صار)
البنات : هههههههههههههههههههههههههههههههههههههه
فرح : ههههههههه والله مو هين اخوي
عذاري : أعرفك قويه كيف تنهزمين قدامه ههههههههههههههههههههه
وضحه(عصبت) : تستهزئن أيه أقدر أرد عليه وعلى عشره من أشكاله بس أنا حاطه حساب لامهم وأبوه وأنتن ماخذات الشغله ضحك وتريقه علي
البنات : آسفين هههههههههههههههههههههه
وضحه(وقفت وبعصبيه) : خلاااااااااااص أنا تعبت مو قادرة أتحمل وانتو عديمين إحساس (طلعت وضحه من الخيمة معصبه)
فرح : وضحه تعالي
عذاري : وضووووووووح
ليالي : بنات خلنها لين تهدأ ونروح لها

أما عند الشباب .......

محد قدهم مكيفين على القهوة ومستمتعين فيها كثير

إبراهيم : ياااااه يا فهد تسلم أيدك
خالد (يشرب من الفنجان) : صراحة كنت نايم وشميت ريحه القهوة بالزعفران قعدت
ناصر : صب لي ما نشبع منها
فيصل : أنا أشرب قهوة وأتلذذ فيها بس مثل هذي لا
محمد(يطالع الفنجان) : تذكرني بقهوة خالي محمد يوم نروح للقرية
فهد(يبتسم) : صدقت
خالد(يطالع فهد بنص عين) : لا تقول أنك
فهد : هههههههههههههههه وضحه مسويتها
الشباب : شنووووووووووووووو
فيصل : كيف سوتها
فهد(بهبل) : يعني تبي المقادير
فيصل : حمار اقصد كيف أقنعتها
فهد : هههههههههههههههههههههههههههههههههههه
خالد : فهييييييييييييييد وش سويت لها
فهد(رفع حواجبه) : والله ولاشيء
بندر : ههههههه منت صاحي أعرفك العقل خبر خير الله يعينها وضحه
فهد : يعينها
بندر(بخبث يطالعه) :عليك
فهد(فهمه وعصب اخذ منه فنجان القهوة) : جيب والله ما تستاهل
بندر(آخذه منه) : لا لا خلاص توبه
فيصل : فهد منت هين تخوف
ناصر : بصراحة لو البنات معها ما كنت تقدر عليها بس استفردت فيها لعبتها صح
محمد : لا اعدل لك لو ليالي موجودة ما تقدر تقرب وترد لنا صفر اليدين
سالم(أبتسم على طاريها وفي نفسه) : فديت طاريها وزولها ربي لا تحرمني منها
إبراهيم : مسكينه هالوضحه الله بلاها بولد عمه مهبول ههههههههههههههه
سالم : أقول فهد
فهد : هلا
سالم(يطالع بعيد) : مدري بس مو كأنها وضحه دخلت خيمة المطبخ مسرعه
فهد(يلف للخيمة) : والله
خالد : بس كأنها متضايقة أو معصبه لأنها بعصبيه تمشي (انتبه لفهد وقف ) فهد مالك دخل فيها والله لأخبر أبوي لا تقرب لها
فهد(يتجه برى الخيمة) : ما راح أقول شيء أسكت بس
بندر : الله يستر
خالد : هذا بيجلط أبوي من فعايله
إبراهيم : هو يبيها ولا لا
خالد : ما يبيها
فيصل(يتكي على المسند) : شكله بدى يتعود عليها
محمد : وإذا تعود بيتعب
فيصل : فهد صاحبي يموت بالعناد واللي يعانده يحب التحدي وإذا كسر خشم احد ونزل غروره يحس بالانتصار أما إذا أحد عانده يصير عصبي يحب تثبت نفسه تعالوا شوفوه بمركز الشرطة الربع ما يتحدونه بشيء مره تحدوه يصرخ في وجه رئيسنا بمكتبه
بندر : سواها
فيصل(يأخذ الدله ويصب قهوة) : أيه دخل وقام يصرخ بصوت عالي لدرجه أنا نسمعه وإحنا بمكتبنا
إبراهيم : أكيد رئيسك هزئه
فيصل : لا يدري مو صاحي فهد
الشباب : هههههههههههههههههههههههههههههههههههههههههههههه
سالم : لا صدق وش صار
فيصل : قال بصوت عالي تسمح لي سيدي أن أطلع اليوم قاله الرئيس ماني أصمخ قال فهد بصوت عالي هاااااااااااااااااه أحنا كنا نضحك ونسمعه وش يقول قال الرئيس وأهو معصب ما تسمع وش قلت ليه تصارخ قال فهد بصوت عالي سيدي اليوم سبحت(دش) الصبح ودخل ماء في أذوني وما أسمعك عدل قال الرئيس طيب أنت ما تسمع ليه تصارخ أنا اللي سابح ولا أنت
فهد رد عليه بصوت عالي لأني ما اسمع اصرخ عشان اعرف وش قلت لك الرئيس طفش منه سمح له يطلع عشان يفتك
الشباب : ههههههههههههههههههههههههههههههههههههههههههه
خالد : والله غاسل يدي منه هههههههههههههههههههههههه
أما فهد اللي أنصدم يوم قرب من الخيمة سمعها تبكي دخل وشافها جالسه على الأرض وضامه رجولها لها ومحاوطتها بأيديها وسانده رأسها على ركبها
فهد : وضحه
وضحه : ......................
فهد : ليه تبكين وش فيك
وضحه : ......................
فهد : أنا السبب عشان القهوة ويوم عصبت
وضحه : ......................
فهد : آسف ما كنت اقصد أنك تبكين ردي علي قولي شيء
وضحه وقفت تبي تطلع ونزلت لفتها على عيونها تغطيهن عنه بعد ما تأكدت أن نقابها عدل وقبل تطلع مسك يدها فهد لفت له ورفعت رأسها وخزته بس فهد ما شاف عيونها لأنها تحت الغطاء فهد هد يدها حس انه تمادى طلعت وضحه واتجهت لخيمة الحريم مو خيمة البنات

ماعليك إن طحت ياحظي ملام
وان بغيت ألوم.. قلي من ألوم

ضاقت الدنيا و لا عندي كلام
يا هي صعبه .. ضيقة الشخص الكتوم

من يلوم ان صار باحساسه زحام
و السهر عيا عن احزانه يقوم

ضايع ٍ وسط الهواجس و الظلام
في عيونه ياااه .. يا كثر الهموم

وفهد رجع للشباب وحاول يكون طبيعي رغم انه يفكر انه السبب وان وضحه كانت صامدة بوجهه وقويه فجاه شافها منكسرة وتبكي صدمه القوه اللي هي تتصف فيها اختفت يسمع لهم بس يفكر كيف تمادي لهذا الحد واهي جبل ما يهزه ريح بس قدر يهزها أبتسم بينه وبين نفسه معناه اللي يبيه حصل معناه مستحيل توافق عليه وبهذي الحال ما راح ياخذها وااااااااااااااو قالها بنفسه أخيرا صخره وانزاحت عن طريقي لو أبوي شنو يسوي أو أبوها يحاول يقنعها فيني ما راح توافق لو 1% هههههههههههههههههههههه يا فرحت قلبي أنتبه لسرحانه بجده يناديه
فهد : لبيه
الجد : لا إله إلا الله لي ساعة أناديك ما تسمع
فهد : هاه لا اسمع عونك يا جدي
الجد : أعانك الرحمان رح للحريم وقل لهن يسون لنا قهوة مضبوطة
فهد : تأمر يا جد ألحين أروح (أتجه لخيمة الحريم وبصوت) يمــ.. (ما كمل يوم طلعت وضحه بوجهه)
وضحه(طلعت ويوم شافته تعجب) : بغيت شيء فهد
فهد(أنتبه لعيونها وفي نفسه) : مشاء الله ياحلو عيونك يا ويل حالي معقول هالزين لحظه لا يكو سالفة يا ما تحت البراقع ضفادع خخخخخخخ
وضحه(بدت تفقد أعصابها لاعتقادها انه قاصد يطنشها) : تبغى عمتي
فهد : هاه
وضحه : لا حول ولا قوة إلا بالله شوف يا أبن الناس مو ناقصتك أذا ما تبي شيء وخر خلني أمر مو واقف مثل الجدار
فهد(رفع حاجبه) : لا صدق تعالي أعطيني كف أحسن
وضحه : اللهم طولك يا روح وبعدين
فهد(صر على ضروسه) : طسي نادي أمي
وضحه : بزر عندك تقول طسي ماني مناديتها
فهد : وضيح لا تستفزيني
وضحه : أف طيب عمتي نايمه
فهد : وضحه
وضحه : والله نايمه وش تبي
فهد : آففففف جدي يبي قهوة ومدري من أقول له
وضحه : قل من الصبح أنا أسوي قهوة جدي
فهد : قصدك جدي مو جدك
وضحه : .........................
فهد : إذا خلصت ناديني آخذها
وضحه(نزلت رأسها وبهمس) : زين بقول لخالد إذا خلصت
فهد : لا قلت أنا مو خالد
وضحه : فهد وربي مالي خلق لك زين بقول لأي أحد إلا أنت
فهد(رفع حاجبه) : ليه
وضحه(رفعت رأسها) : كيفي والحين أبعد بروح
فهد : أنتي ليه ما تفهمين إذا قلت شيء
وضحه(بصوت عالي) : عممممممممممممممممه
فهد : يا حماااااااااااااره هين الأيام بينا
وضحه تطالع فهد اللي راح يوم نادت عمتها وتضحك عليه خاف من أمه اتجهت لخيمة المطبخ تسوي قهوة وشاي يوم دخلت شافت البنات داخل ابتسمت
وضحه : خير مجتمعات تسوين العشاء
سمر : الله لا يقوله بس جينا نشوفك
وضحه(اتجهت وأخذت أبريق القهوة وصبت ماء وحطته على النار) : تشوفني
ليالي : طلعتي وخليتينا
وضحه(انتبهت لوجيه البنات وابتسمت) : بنات ترى مو زعلانه منكن
فرح : طيب ليه طلعتي
سمر : ووين رحتي
مي : والله مو زعلانه
عذاري : آسفين مو قصدنا نضحك بس الموت يضحك
وضحه : كنت متضايقة شوي ومشتاقة لأهلي فرحت وطلبت من عمتي مهره أتصل بس هي كانت نايمه وخوله ما قصرت عطتني جوالها واتصلت وارتحت
ليالي(تقرب وتحضنها) : اعذرينا
وضحه : لا عادي تمونن ههههههههههههه (دمعة عينها وتبي تغير السالفة) حسبي الله على عدوينكم نسيت قهوة جدي
ليالي(تطالع لها) : خلينا نساعدك
وضحه :ما عندي مانع إذا خلصت اتصلي على واحد من إخوانك يجي يأخذهن لجدي
سمر : بنات لا ما نتصل أنا عندي فكره
البنات : وش
سمر : إذا سويناها أحنا نوديها لهم ونطلب من جدي نجلس معهم أنا مشتاقة لهم
فرح : والشباب
سمر(بخبث) : أحنا الداخلين وهم الطالعين
البنات : ههههههههههههههههههههههههههههههههه
خلصن البنات واتجهن بالقهوة والشاي لخيمة الرجال بعد مالبسن نقاباتهن وعدلن لفاتهن
البنات : السلام عليكم
الكل : وعليكم السلام
الجد(أبتسم) : حيالله بناتي
أبو إبراهيم : هلا بسموره وخوياتها
سمر : هلا بالغالي (باست رأسه)
بندر(في نفسه) : افففففففف يا كثر دلع خالي لك
قربن البنات وحطن القهوة والشاي وتمن واقفات
فهد : وش باقي حطيتنهن بتخدمنا يالله صبن
الجد : فهد ووجع
أبو وليد : هذا جزاهن يتعبن نفسهن ويسون لنا
أبو خالد : أستح وأحشم
سمر(رفعت حاجبها) : والله مع احترامي محنى خدم لأحد (قربت من جدها وهمست له ) وش قلت
بندر(رفع حاجبه وبنفسه) : لا والله
الجد : والله صعبه
سمر : أفاااااا كذا بزعل مالي خاطر يا جدي
أبو إبراهيم : خير
الجد : هههههههههههههههههههههه ما تهونين علي (لف للشباب) قوموا اطلعوا
الشباب : نـــــــــــــــــــــــــــــعـــــــــــــــــــ ـــــــــم
أبو إبراهيم : خير فيه شيء يبه
أبو خالد : سمر مسوين شيء العيال قولي لي بالعقال والله
أبو وليد : لا أكيد شيء كبير أجل ليه ينطردون والله يكون حسابكم معي لو صدق مسوين شيء
إبراهيم : ول ول وووووووول أهدوا ما سوينا شيء بعدين لا تجمعون رجاء ساس البلا هم محمد وفهد وسالم ناصر وإذا تبون فيصل معهم بعد
فيصل (لف عليه) : مالت عليك أخو طلعت نفسك يعني
إبراهيم(يلعب بحاجبه) : كلن ومصلحته
البنات (يطالعن بعض وكاتمات الضحكة) : ......................
الجد : أهدوا يا جماعه ما فيه شيء والعيال ما قالوا شيء بس البنات حابات يجلسن معنا صار لهن مده ما شافن جدهن وبيسولفن معي ووجود الشباب ما يأخذن راحتهن
بندر (رفع حاجبه وباستهزاء) : وهذي من فكرته لا تقولون سمر
سمر(رفت حاجبها مثله ) : أيه
بندر : اهاا
إبراهيم : بس مشتهي القهوة نقعد ساكتين يا شباب صح
الشباب : أيه
الجد : لا أعرفكم واعرف تنقزكم وكلامكم يالله فارقوا
مي : جدي والله شاربين قهوة قبل نص ساعة
أبو خالد : متى
فرح : يبه هذا فهد
فهد(في نفسه) : لا لا يالخبله يالفتانه يا ويل حالي لو عرف أبوي لا جدي عاد اليوم قايل لي ما أقول لها شيء
وضحه(تقاطعها) : هذا فهد طلب منى قبل شوي نسوي لهم قهوة وتقهوى هو والشباب
فهد(رفع حواجبه مندهش في نفسه) : دافعت عني وش حاصل بالدنيا اليوم
الجد : اها مالكم حجه يالله
بندر : آسف ما راح أطلع يا جدي
الكل ألتفت له منصدم من رفضه لطلب جده
الجد : خير
إبراهيم(همس له) : بندر وش فيك اليوم أعقل
بندر(يهمس ويصر على ضروسه) : أختك تقهر اجل ننطرد بسببها
إبراهيم : بندر تعرف أن لهن حق بجدي واهن يحبن يجلسن وخصوصا سمر ما تشوف مثله بالدنيا فلا تأخذ الأمور بحساسية
بندر : لا
إبراهيم : عنيد بس أنا اعرف لك (لف لهم ووجيهم مصدومه ) ههههههههههههههههههههههههههههههههههه الله يقطع شرك يا بندر ترفض تطلع أذا ما ذوقوك من القهوة أها قل أنك غرت من الشياب ههههههههههههههههههههههه
بندر لف له بيرد بس إبراهيم ما ترك له مجال مسك يده وقام معه ولا عطاه مجال يرفض
إبراهيم : خلو لنا شوي من القهوة عشان بندر هههههههههههههههههه
طلعوا الشباب وبندر يتوعد بإبراهيم وحركته وان حس انه أنكسر قدامهن وخصوصا سمر اللي يوصفها بالدلوعة اتجهوا لعند الحريم بعد ما تنحنحوا
الجدة : تعالوا يا هلا بعيالي وش فيكم كلكم مره وحده عندنا
بندر(يبوس رأسها) : هذلن البنات الله لا يبارك فيهن
الجدة : وش سون قل لي وهذي عصاتي جنبي لأخليها تعلم على جنوبهن
بندر : ههههههههههههههههههه كفو جدتي
سالم : أيه صدق حيلك فيهن يا جده الملعونات
أم إبراهيم : كل هذا شايلينه عليهن قولوا وش سون
فيصل (يلف لفهد) : عائله غريبة جدي يدافع عن البنات وجدتي عن الشباب
فهد : وش رأيك نزوجهم لبعض ولا تصير تفرقه
فيصل : هههههههههههههههههههههههههههههههههه تخيل تصير حروب
فهد : هههههههههههههههههههههههههههههههههههههههههه
محمد : وش عندكم تضحكون
فهد(غمز له ) : أقول شفت المصخره فرح تشارك في جريمة طرد زوجها هذا واهي ما تزوجوا طردته اجل لو تزوجوا وش بتسوي خخخخخخخخ
محمد : خخخخخخ بايخ
الجدة (لفت لهم ) : اسكت أنت وأهو قولي لي وش سون
خالد : قال لجدي يطردنا
خوله : أبوي طردكم ليه
منى : وش مسوين هذي المره بعد
إبراهيم : مناي لا تجمعين
خالد : أمس كان فهد ومحمد وسالم وناصر
الجدة : أخلصوا بلا كثر كلام قليلات الخاتمة اعرف سوالفهن وتميعهن عاد جدكم ما يصدق
الكل : هههههههههههههههههههههههههههههههههههههه
بندر : ابدا البرنسيسه سمر طلبت من جدي يطلعنا عشان يقعدن معه
أم خالد : وإذا أكيد بياخذن راحتهن
الجدة : بهذي مالي كلام
أم وليد : بس هذي السالفة
أم بندر : والله مكبرينها
إبراهيم : والله ما كبرها غير ولدك
بندر(صر على ضروسه) : مكبرها مصغرها نطلع والسبب بنات
إبراهيم(غمز له وهمس) : بنات ولا بنت هههههههههههههه
بندر : طس أحسن لك
خوله(غمزت لسلمى وميثه ومنى) : يلا بنات
أم بندر : وين
خوله : أنا غرت بنروح لهم لي حق في أبوي مثلهم
منى (تتسدن على العكاز) : وأنا بعد بروح
خالد(يلف لزوجته) : وأنتي بعد
ميثه : طبعا
إبراهيم : سلمى وين بتخليني بروحي ترى أخاف
سلمى : هاه
أم إبراهيم(حست بأن إبراهيم يبي يحرجها) : روحي يمه وإذا خاف بقرى عليه
الكل : ههههههههههههههههههههههههههههههههههه
أم بندر : روحن والله ما ألومكن الجلسة هناك حلوه
إبراهيم(طلع جواله اللي يرن) :.................
بندر : من
إبراهيم : ملقوف
بندر(أخذ منه التلفون لقى مكتوب النسيب يتصل) : ألو
إبراهيم (يطالعه منصدم) : والله عينه قويه
بندر(بعد التلفون وهمس له) : أمون اعرف هههههههههههه
فيصل(هز رأسه) : أنت اللي معطيه الخيط والمخيط لو أنك ممشيه على عجين ما يلخبطه كان ما طلع عن شورك
بندر : ليه شايفني زوجته يا حمار يمشيني
الكل : ههههههههههههههههههههههههههههههههه
إبراهيم(أخذ من بندر الجوال بسرعة) : جيب زين منقع الرجال على الجوال .. ألو
بندر : من قرده أنه نسيبك
سالم : ترى آخر شيء بيقوم عليك
بندر : يخسي هذا أليف
إبراهيم(لف عليه وصر على ضروسه) : شايفني حيوان تقول أليف
بندر : محشوم خخخخخخخخ بس تشابه
إبراهيم : لا بذبح ولدك اليوم يا عمه
ام بندر : والله غريب اليوم ما عمري شفته كذا
إبراهيم(بخبث) : أيه بلاك ما تعرفين مرارته شابه ميت غيض
بندر : أقول أعقل وكلم نسيبك
إبراهيم(يمد الجوال لسالم) : ود الجوال لمنى مشاري يبي يكلمها وخلني أشوف شغلي معه
سالم(يأخذ الجوال) : تأمر بس انتظروني
الجدة : على وش ينتظرونك
سالم : قبل يتضاربون أبي أشجع
بندر : شايفنا بزران أحنا عقال
إبراهيم : عقال ولا شماغ
بندر : خخخخخخخخخخخخ يعني أضحك
إبراهيم : ههههههههههههههههههههههه والله قدرت عليك
بندر : أنــــــــــــــــــــــــــــطـــــــــــــــــــ ـــــــــــــــــم
الكل : ههههههههههههههههههههههههههههههه
أم بندر : بندر علامك اليوم معصب
إبراهيم (بخبث) : ولدك بيعرس يا عمه دوري له على عروس
بندر (أنصدم ) : .....................
أم بندر : والله صدق
الجدة : ألف مبروك كلولووووووووش أخيرا عقلت وقررت تعرس
بندر : وليه أول مجنون يا جده
الجدة : لا يا ولدي أنت زين العقل بس الزواج أخير للرجال
بندر(يوقف) : تراه يكذب ما قلت بعرس ولا شيء وشيلوا هذي الفكرة من عقولكم (وأبتعد متجه لسيارته فتحها وجلس يسمع أغنيه للوسمي )

حرك مشاعر وجدي بو خد ناعم وردي .. يازين هونك هدي حاسب علينا شويه
فاتن مولع روحي أوقدت لهيب جروحي .. وانا كثير طموحي عاشق بصدق النيه

في سحرك عينك هايم مابستمع بك لايم .. للعشق مبدأ قايم عندي روح وفيه
ليتك تقرب خطوه واعطيك عيني فدوه .. انا اطباعي النخوه وانت لقاك هديه