قصيدة شيخه و راشد اللي هاجسي لين أموت - السامر


شيخه و راشد اللي هاجسي لين أموت
ما ملا قلبي إلا حب غالي و غالي

احسب الوقت أخاف من الثواني تفوت
ما تمتعت في شوفة حبيب صفالي

داعي ربي بليلة قدر فالقنوت
و استجاب الله العالي عزيز الجلالي

و جاب طفل خواله كاملين السموت
طفل أصبح وشوفه وسع اليوم بالي

أظلمت من ظلام القصر كل البيوت
و أظلم الدار كله من جنوب و شمالي

نور راشد ينور مظلمات الوقوت
أنور دبي كله و الخليج الموالي

لو تصيحون كن البيت ما فيه صوت
بينكم بس كني يا جماعه لحالي

في مكانه تقول إنه نسج عنكبوت
و ماله إلا ثلاث أيام و إلا ليالي