((البارت الثاني عشر))
اريام عقدت حواجبها وبهدوء : ويهمك اذا اخاف اولا .؟
تركي بلعاانه:طبيعي يهمني انتي زوجتي ..
اريام بزفره : تركي بلييز ابي انزل قبل لاتشتغل اللعبة والله اخاف انا
تريك انكسر قلبه عليها وتذكر كلام فارس ليلة الملكة الي موراضي ينسآه بهالمواقف وظل يناظرهآ :..........
اريام وسكته من يده برجآ : بلييز تركي والله اخاف .!
تركي :.....
اريام : تركي وين رحت
تركي بارتباك : هآآ لا ولا شي
مافي بلعبه غير تركي واريام .. وأشر للهندي بأن يشغل اللعبة
اريام على طول مسكت حالها وغمضت ودفنت راسها بكتف تركي .. تركي بلا شك عاجبه الوضع : ريمو حووبي رفعي رااسك ..
اريام: ماابي والله راسي يعورني ماابي
تركي يبتسم وعاجبه شكلها وبراائتها: تكفين حبيبتي رفعي رااسك .. وبتتعودين
اريام : اذا راسي يضايقك برفعه بس بضل مغمضة لاني ماتحمل كذا .. العاب ..
تركي ابتسم على براائتها وهمس باذنها: اذا العاب تخافين منها اشلون لو شي ثاني
اريام برجآ : تكفى تركي خله يوقفهآ ..
تركي ببتسامة :تحملي اشوي بكرا لو سافرنا بشهر العسل وخليتك تركبين معاي كل لعبة شنو بتسوين
اريام: مو وقتك ..
لجين: اوووه والله نسينآآآ
نور:شنو السوات الحين ..؟
لجين: شوفي بفكر الحين وبدق عليك بعدها ..
نور : طيب بانتظارك خيتو ..
لجين:سياا
خلصت اللعبة .. وقفت وتركي ميت ضحك واريام مسكيينه منقهرة من تصرفه تركي أثناء ماهو يمشي نزل ثوبه وضبط شماغه اريام تحس كأن تركي راخص بها<< مسكينة
اروى مشت جهة اريام: ريوم حبيبتي ماصار لك حآجة
اريام والقهر بعيونهآ وناظرت تركي تركي ابتسم وغمز لها: حلوة اللعبه صح ريمو؟
اريام بقهر: لهنآ وبس ابغا اروح البيت ممكن
تركي ببرود: موممكن
اروى: تركي حتى انا بروح البيت
تركي بخبث: اها عشان اريام ..
اريام حافظت على هدوئها: لاتحطني بالواجهه
تركي عناد لأريام طلع الزجارة من جيبه ووشغلها وببرود: اوكي يالله قدامي انتي معاها
اريام واصله حدها من تركي بينها وبين نفسها:سلامات هذا لازال على الزجاير معليه ياتركي
اروى بحزن: ريوم حبي والله انا انقهرت من تصـ.....
قاطعتها اريام:انتي مالك ذنب ..خلاص سكري الموضوع ..
وصلوا عند السيارة وتركي يبغآ يزيد جرعة من جرع عذابه على اريام .. شافها ان مالها خلق تركب بجنبه أأشر لها: وين
اريام برائة عفوية وتركي استانس عليها بس مابين لها : بركب بعد وين بروح
تركي :ايه عارف انك بتركبين بس ماتركبين وراء تركبين قدام
اريام وتكتفت:شنو بتفرق يعني واحنا رايحين كنت راكبة وراء ..جات على الحين .؟
تركي : قلتيها واحنا رايحين اما الحين مصنفه عندي انك تركبين جنبي يالله اركبي قدام وبلا كثرة كلام .. وركب السيارة
وخلاها تركب قدام رغما عنها .. واروى منقهرة على اريام ومنصدمة من تصرفات تركي الحنون الطيب ماتوقعته بيوم يصير كذا مع اريام بس هي ماتدري عن سبب تصرفاته هذي ..
اريام بقهر ركبت قدام وسااكتة ..
اروى ركبت بالمقعد الي وراء جهة اريام وحطت يدها على كتف اريام وكانها تقولها معليه تحملي لحد ماتوصلين البيت ..
تركي ينتظر تحمى السيارة اشووي وجالس يضبط الكلر حق ثوبه وشمااغه وتسند عالمقعد وناظر لآروى وبعدها لاريام : الا صج ليه قلتوا تبون تمشون ..
اروى ترقعها عشان اريام: انا صدعت حدي ..
تركي بعد تصديق: مسكينة اختي الصداع ماجا لك الا بالهبي .. طيب واريام ..؟
اريام ناظرته ورفعت حاجبهآ كآن تقوله انت ادرى :.......
تركي ابتسم ابتسامة النصر ونفس الوقت عناد فيها خذ يدهآ وحطها على فخذه عشان يحرج اريام قدام اروى حاولت اريام تسحبها بقد ماتقدر .. بس تركي ضاغط عليها بقوة
استسلمت بينها وبين نفسها : آآآه ياقلبي شنو بتتحمل لتتحمل .. الله يساعدني عليك ياتركي ..تعبتني مللتني
اروى : تركي
تركي ومسرح في اريام : هممممم
اروى : حرك اتوقع السيارة حمت وخلصت ..
تركي ارتبك : هآآ ايه صح نسييت
اروى ببتسامة : اكيد اريام قمر واحد يشوف القمر ولا ينسى روحه
تركي ناظر لاريام وابتسم :......
اريام بعالم ثااني :.......
تركي حرك السيارة واريام حست كأن يد تركي مو على يدها وسحبتهآآ وتكتفت وسندت راااسها على النافذة ورايحة بعالم ثاني ..
تركي وهو يسوق : تبون تتمشون بسبارة ولا البيت على طول
اريام :......
اروى : مدري الي تشوفه اريام ..
تركي عينه على طريق وساعه عليها : هآآ اريام ..
اريام بصوت مبحوح : الي تشووفه ..
تركي حس باريام ان مالها خلق تصرفاته الي يتعمد يسويها وانها كلت هوى من التعب والعذاب الي تركي راوها ااياه :ريمو اشفيك ..
اريام ساكته عن دموعها تنزل لانها لو تكلمت دموعها بتنزل على طول اكتفت بأنها طلعت فيها وابتسمت كأنها تقوله مافيني شي :......
نور : طيب ..
لجين : ايه وبس..
نور: يعني ابرايك خلاص كل واحدة ببيتها ..
نوار تكلم نور : هيييي قولي لها نسويه جماعي يمكن اروى تحصل لها ظروف وماتجي
نور : سمعتي كلام نوار
لجين : ايه سمعته اقول .. خلاص كل واحدة تسويه لحالها ببتهم احسن فكرت فيها لوانا بمكان اروى بسوي الهوايل بنفسي
نور : صدقتي النار ماتحرق الا رجل واطيها الله يعين اروى بس..
لجين :اوكي سيآآ بخلي خلوود يوديني السوق ..
نور : هييي انتي اي سوق فاتح الحين الساعه 10 ونص مايمديك
لجين : صدقتي خليها لبكرة ..
نور :اوكيشن ..سيآآ
لجين :بااي
فارس بغرفة سارة : مدري ..
سارة : شنو ماتدري هالخبر بيفرح امي وربي..
فارس : مدري والله ودي وماودي
سارة : شووف بكرة بعد مايسافر يوسف امي مواعدة خالي سامي ان راح نروح بيته اوبالأحرى خالي عازمنا .. فأأنت لاتفاتحها الا بعد بيت خالي ..
فارس : خلاص .. شوورك وهداية الله بقوم انا اريح من صحيت الصباح مانمت ..
سارة : اوكي
فارس: تصبحين على خيير
سارة وتلعب بجوالها تغلب فيه : تلاقي خير..
اريام : يالله مع السلامة ..
اروى : مع الف سلامة.. بتشبكين ..؟
تركي اشر لها بيده >>يعني مع السلامة :.....
اريام: لا اروى مالي خلق .. ان شاء الله يوم ثاني ..اشوفك بكرة بالجامعه
اروى : اوكي ..
علي بصـــــالة بينه وبين نفسه : ادق ولا مادق ادق ولامادق ادق ولامادق..لو دقيت وشو بقول
بس اهم شي اسمع صوتها ولا اقول بلاهـــ....
قطع عليه صوت اروى وتركي : بس المفروض ماسويت كذا
تركي مستانس على عمره يبتسم : طيب هي حرمتي ولا حرمتك .. حلوة حرمتك صح ههههه
اروى: تغيرت 180 درجة ياتركي عن اذنك بنام .. قبل لاتصعد :تصبح على خير علي
علي بارتباك : وانتي من اهل الخير
تركي راح لعند علي حط جواله على الطاولة ومفاتيحه وتسند عالكنبه : آووه بو شباب باين عليه عايش جو ثاني
علي : لا بس مسرح اشووي ..
تركي وعدل جلسته وشبك ايدينه : قولي بوشو مسرح ..
علي : قل لاقول اشفيها اختك تتحلطم معاك قبل لاتصعد
تركي علمه كل السالفة
علي انصدم : حرام عليك ياشيييييخ لو صاير لها شي مسكينة كان شسويت بعمرك .. وبعدين انا قلت لك هي يتيمه ومو عدله الي تسويه فيها والله
تركي مبسوط عالآآخر: لاتخاف مصيرها بتتعود وبتركب هالالعاب .. واذا على تعاملي .. تتحمل مثل ماانا تحملت رفضها لي
علي : ياذا هالرفض الي طالع ونازل به
تركي غمز له : جرب وصير مثلي ..
علي : قام ياشيييخ لاتخربني انا كذا مرتاح
تركي باستهزاء:ايه مبين مرتاح ومسرح من اشوي..
علي : مدري احس باقي على ملكتي 3 اسابيع .. طوويلة والله
تركي :وبقوة ..الشرهه عليك مطاوعها ..لوانا مكانك كسرت رااسهآآ مسوية فيهآآ وخر وأدن وضلت شهر على بال ماردت موافقتها لا وهالدور تاخر الملكة مثل ماهي تقول ماتقدر اجهز حالها ..
احسها تلعب على الحبلين ياعلي ..
علي عقد حواجبه مستغرب: شجالس تقول انت .. وشو تقصد .؟
تركي : اذا فهمتها ماينخاف عليك .. وخذ مفاتيحه وجواله :تصبح على خير بصعد غرفتي
علي : تلاقي خير .. بس بعد ماحيرتني بتصعد ..
تركي : وشو اسوي .. بس حركات البنات معروفة ..
علي يمزح : شكلك مجرب..؟
تركي يمزح يسوي نفسه بيرمي عليه الجوال: اسكت ياولد لا بهالجوال قال مجرب قال ..
اريام بغرفتهآآ وميته من البكي وتبكي من دون صوت بس تشاهق .. : ليه ياربي يسوي فيني كذا .. شسويت له انا .. شسويت ..؟
اروى حاولت تدق على اريام بس اريام ماردت ..
تركي بغرفته بدل ثيابه وانسدح عالسرير وبدأ يفتش بجواله فجآة تذكر الي سووى باريام عقد حواجبه : اشفيني انا اتصرف معاها بهالقسوة ..اوكي قلنا نرد الصاع صاعين بس مو كذا وقدام اروى
حتى اروى خذت عني انطباع سيئ .. وتذكر كلام فارس يوم الملكة كل مايتذكرها يأنبه ضميره على الي يسويه والي راح يسويه : يااااااااااالله .. انا طعنت البنت كسرت قلبها
بس .. ليه رفضتني بالبدايه مشكلة رفضها لي بالبداية والحالة الي عيشتني اياها .. هي الي اجبرتني اسوي كذا .. بس انا احس بدت تحبني .. احسن حل ادق عليها ..
اريام شافت ان تركي يدق عليها : آآآآآآآه .. شنو باقي ماقاله شنو باقي ماسوآآه يبي يكمل علي .. طبعا اريام ماردت ..
تركي دق مرة ثانيه وثالثه ورابعه وماردت اريام ماتبي تكلمه وهي بهالحال ماتبي تبين ضعفها له تركي : ياالله يمكن نامت .. بس ماتوقع تنام لالا يمكن نامت لان عندها جامعه بكرة ..
وليه ماتكون ميته بكي بسببي ولا تبي تردي عند فيني يحق لها والله اقول لاتضرب فيوزي بهالافكار ....
وصلتها رساله
((ابعتذر"
وارسل مع الشوق عذري!
ياللي مكانك بين عيني و قلبي ؟ انا مقصر و الظروف اجبرتني !
وابيك تقبل اعتذاري وظرفي؟ والله ماني مهملك في حياتي
"لكن حياتي كلها اتعبتني ))
المرسل : الغالي .. >>تركي ..
اريام تقرأ الرساله ودموعها اربع اربع : وشو فايدة الاعتذار من بعد ماينزف قلبي اهات ياتركي بسببك وشو فايدة العذر ..؟
بس بتظل غالي حتى لو ارخصت بي غالي ياتركي غالي >> اريام شاعريه وماتحب تسوي مثله صاع بصاع ..
تركي يقرأ بجواله (( أبي أسال عن أخبارك ترد بكلمتين عتاب .`.
أبسال ليه اذا جيتك تموت بجرحي وعتابي
جزاتي اني معك وافي تعذبني بلا أسباب .`.
وأنا دايم بعيني أشوفك أغلي احبابي
أثاري هالوفا ضايع أثاري هالغلا كذاب .`.
عطيت وماخذيت إلا دموعٍ تسكن أهدابي ))
المرسل : ريمو
تركي ضرب على جبينه : آآآآآخ هذا الي مابغيته .. يعني هي صاحية بس ماردت علي .. دق عليهآآ .. ماردت.. دق عليها مرة ثانيه .. ماردت
اريام تقرأ : (( اريام تكفيين ردي .. وصلت حدي من كثر ماتحقرين ))
المرسل : الغالي ..
تركي يقرأ : ((والله العظيم مااحقرك بس انا تعبانه وصوتي رايح فيها ماعرف اكلمك وانا بهالحاله ))
المرسل : ريمو
تركي : انا قلت تردين يعني تردين ..
اريام ساكته :......
تركي : طيب شفيك .؟
اريام صوتها مبحوح : مافيني شي بس تعبانه اشوي ..
تركي : علي انا ريمو .. ؟
اريام : وشوو تبيني اقول ..؟
تركي :الي فيك .؟
اريام : حاليا ماقدر اقول اي حآجه لاني تعبانه وماكلة هوى من التعب ..
تركي : متى ان شاء الله ..؟
اريام: تركي تكفى والي يسلمك بكرة عندي دوام من الصباح .. ابغآآ انام لاني واصله حدي ..
تركي : انا الحين بخليك عشآن دوامك .. طيب .. وبكرة جهزي حالك عشان بمرك ..
اريام : أهــــآ عشآن دوامي .. لا بكرة ماقدر لان بكرة بنروح بيت خالي محمد
تركي : وشعندك هناك ..؟
اريام : ماعندنا شي سلامتك بس امي تبي تسلم على يوسف وانا بسلم على حور
تركي : آآه نسييت .. انا بعد بروح وانا بوصلهم عالمطار .. خلاص وانتي بتجين معاي طيب ..
اريام وتبي تسكته : ايه الي تبيه بيصير .. والحين ممكن انام ..؟
تركي بحدة: ضربيني احسن لك ..؟
اريام بزفره : استغفر الله العلي العظيم .. ماقلت شي انا ..
تركي : طيب روحي نامي .. بكرة يصير خير ..
اريام : طيب تآمرني شي ..؟
تركي : حاليا لا .. سلامتك
اريام استغربت من كلمته : ان شاء الله خير ..
تركي: سلاام
اريام : مع السلامة ..
في اليوم الثـــــــــــــــاني الساعه 4 العصر الكل مجتمع ببيت بويوسف البنات متحجبات لان الكل موجود من اولاد وبنات على اساس الكل يودع يوسف وحور لانهم بيسافرون حور وبويوسف وبوتركي ويوسف بجنب بعض
ولجين ونور وسارة ونوار واروى بكنبه بجنب بعض .. ام يوسف وشريفة وام بدر بجنب بعض .. خالد وعبدالله وبدر وفارس وعلي جالسين بعيد اشووي يعني بالكنبات الي بعيده اشوي عن الصالة الداخلية ..
ام يوسف: يوسف ماوصيك هالله هالله بحور..
يوسف ببتسامة ويناظر بحور: افآ يايمة توصيني على حوري..
حور استحت وابتسمت :....
تركي طبعا جالس بجنب اريام : حور اخبار صاحبي .؟
حور مبتسمه وحاطة يدها على بطنها : حاليا ابخير الحمدلله ..
تركي : عساه دوم ان شاء الله
اريام متوترة تهز رجلها وتركي حس بها بهمس: بلاك تهزين ..
اريام من بين اسنانها : مافيني شي..
تركي ناظرها ورفع حاجبه : يصير خير بعدين ..!
البنات يسولفون مع بعض وسارة بالوسط وكل ساعه تنط واحدة بجهتها عشان تكلم الي بالجهة الثانيه بهمس لهم : يرحم أأمكم غثتوني كل ساعه واحدة نطت بوجهي ..
بوتركي: كم موعد طيارتك يايوسف.؟
يوسف: الساعه 5 ونص ..
بوتركي : الحين 4 وربع ..
يوسف : ايه يادوبنآآ نوصل المطار ..
تركي وقف وكالعادة يضبط شماغه >> متعود على هالتصرف خخخ : يالله قوموا اوصلكم
يوسف : اعنبو ابليسك اصبر نودع اهلنا ..
تركي : يالله اخلص ..
اريام قلبها يدق اول مرة تكون بسيارة لحالها معاه طبعا بعد مايوووصلون يوسف وحور المطار ..
حور حضنت ابوها بقوة وتذكرت امها ونزلت دموعها : يبه الله يخليك .. لاتنساني كلها اسبوعين ورااجعه وماوصيك على اروى ..
ابوها مسح دموعها : لاتخافيني الغاليه اروى بعيوني .. انتبهي لنفسك وهالله هالله بولدنا وبزوجك ..
حور ابتسمت : ان شاء الله يبه ..
وبعدها يوسف ودع امه وابوه وحضنهم ووصاه على حور وان ينتبهون لروحهم .. وبعدها ودع خواته وعماته وحور ودعت البنات وام يوسف ووصتها على نفسها وتنتبه عالبيبي وبويوسف وعماتها واخوها تركي .. : تركي ماوصيك على اريام اريام غاليه علينا كلنا
تركي عطى اريام نظرة : اريام بعيوني ((اشر على عيونه))
طلعوا من الصالة الداخلية ووصلوا للصالة الي تكون على يسار الباب وعلي قرب ناحية حور وودعها ووصاها على نفسها وتنتبه على حالها
وهم فارس ودع الاولاد كلهم وحضن فارس : سامحني ياخوي اذا يوم من الايام غلطت بحقك ..
فارس حط يده على كتفه : لاتقول هالكلام انت اخوي ومالنا بد من بعض واناا مسامحك ..
يوسف وعبدالله انظارهم تعلقت ببعض يوسف على وضعيته وعبدالله عالكنبه وكل الانظار عليهم يوسف بعد تفكييييييير قرب ناحية عبدالله ومد يده .. عبدالله مامدهآ وعطى فارس نظرة
فارس ناظره بنظره وابتسامة كأن يقوله معليه المسامح كريم ووقف عبدالله وحضن اخوه بقوة بس ماعطى دموعه مجال تنزل عشآن مايبي احد يشوفه بهالحال ويوسف نفس الشي احضنه بقوة وقلبه يألمه على الي مضى بهمس : سامحني ياخوي
سامحني غلطت بحقك كثيييييييير ..
عبدالله بهمس : مسامحك ياخوي حط ببالك انت اخوي ولد امي وابوي
ورغم كل الي صار ماغير شي بقلبي من معزتك وغلاك
يوسف:طمنتني ..وبعده عنه .. انتبه لنفسك
عبدالله ابتسم وهز راسه بالايجاب :.....
يوسف قبل لايطلع : يالله مع السلامة وذاكروني بالخير ((وابتسم))
العمات وبوتركي وبويوسف وام يوسف : انتبهوآ لنفسكم وهالله هالله بروحكم ..
طلعوا يوسف وحور وتركي ناظر لاريام كأن يقولها يالله قومي قامت اريام بعد ماستئذنت من امها وركبوا السيارة
تركي ويوسف قدام وحور واريام وراء : هآآ اريام اخبار الجامعه
اريام ببتسامة : والله تمام .. الا انتي الحين اشلون عن الجامعه
حور ببتسامة : خذت اجازة 3 اسابيع بحجة اني تعبانه من الحمل .. هههه
اريام : ههههه يالله تتهنين ياربي ..
تركي : اقول بويعقوب ..
يوسف يبتسم : قول ولاتكثر ..
تركي : ماوصيك على اختي
يوسف : طالع من يتكلم .. انا الي مااوزصيك على بنت عمتي اكيد مسكينة مذوقها الويل>>يمزح
اريام تحسست من كلام يوسف برغم انها تدري ان مزح بينها وبين نفسها : اااه يايوسف كانك تدري .. برغم انك تمزح ..
تركي : افآآ .. ماهقيتها منك ياولد العم
يوسف يستهزئ : احلف عاد .؟
تركي : تطنز مع وجهك
يوسف كاتم ضحكتك : ابد بن عمي .. سوق وانت ساكت ..
بويوسف : ماحد يطلع من هنا الليله العشى عندي
ام يوسف بينها وبين نفسها : لاحوول اخوي سامي بيحط في خاطره .. وانا موااعدته ..
بوتركي : لا والله انا الليلة مرتبط وماقدر اطوول
بويوسف : طيب اجل الارتباطات ياخوي ترى العمر يخلص والشغل مايخلص .
لجين : خالي تكفى أأجلها لان انا الليلة بروح السوق ..
بدر وفارس يتحلطمون على البنات : اعنبو هالسوق الي مايملون منه ..
بدر: لا بعد مايكفيهم اسبوعيا يروحون ..
فارس : الله يعين الي بياخذ اختك وخواتي
بدر : يعني انا الله يعيني وعلي ..؟
فارس : انا ماتكلم عن سارة اتكلم عن ريا وسكينه
بدر قرصه : اااااخ ماينمزح معك
بدريبتسم :هه تأدب عشان لاتغلط لعى خطيبتي ..
علي متعمد مايجلس معاهم جالس مع عبدالله ويسوولف معاه
خالد كل ساعة والثانيه ويناظر بآورى بس اروى مو متبهه بس انتبهت الي مايفوتها شي نور بهمس : اروى بقولك شي
اروى : قولي
نور: خلوود يناظرك ..اروى بتلف جهة خالد عشان تتأكد
الا نور مسكت وجهه وبين اسنانها :يييييي لاتناظرينه عشان لايحس اني انا قلت لك .
اروى : طيب .. وشسوي يعني ..
نور : الي فهمته ان معجب
اروى : ياالله يانور على هالسوالف الي مو جاية تجوزين عنها
نور : بتشوفين بعدين شنو سر هالنظرة
اروى : خليه يولي بس ..
عبدالله : تستاهل كل خير ياعلي
علي : من طيبك ياولد العم
عبدالله : تدري ان سارة اطيب واحدة ببيتنا
علي يحس تحركت مشاعره وناظر لعلي وكأن يقوله كمل : ايه
عبدالله : اكلمك جد والله ماجامل حتى قبل لاتنخطب كنت اقول لاهلي هالشي
علي : وانا مصدقك والله .. بس مدري ماحسيت بهالشي ماراح احس به الا لما املك واعيش معاها واكلمها واخذ واعطي معاها
عبدالله : صح كلامك
فارس وبدر راحوا لعندهم ..
فارس: اووه اجتماع مغلق ..
بدر يستهبل ويحرك فارس بشويش: وخر اشوي فارس
فارس يتاظره مستغرب : اشفيك
بدر : عندي المغتاح بفتحه
فارس توى يستوعب :ههههههههههه الله يقطع سوالفك .. يادووبني استوعبت
علي كشر بوجههم : باااااااااايخين يااحفاد عبدالله >>> جدهم عبدالله
فارس بزفره : ايييييييه الله يرحمك ياجدي عبدالله
بدر : ايه والله لو ان موجود الحين كان ماسلم من مزحنا
فارس : والله انك شييين مالقيت الا المزح تذكره فيه هههههه
بدر : ههههههههههههه والله هذا الي جا ببالي
عبدالله : ههههههههه والله تونسون الواحد ..
>>>يتبع
|