(ســـيد جـــروحـــي)
سيد جروحي شمس عمـري و ظلـي
البعد طـوّل و الخطـأ منـك واضـح
اذا غـرورك يمنعـك تعتـذر لــي
تعال جنبـي و ابتسـم لـي و اسامـح
تـدري احبـك لكـن المـوت ذلّــي
ادوس انا قلبـي لـو الشـوق جامـح
الله عطاك الحـظ و اصبحـت خلّـي
و الله عطانيـاك طـاغـى مـلامـح
سألتنـي يــا ياسميـنـي و فُـلـي
يا كيف يشفى الورد .. و الشوك جارح
مثل العيـون اللـي لهـا كـل كلـي
زايـد حلاهـا لكـن الدمـع مـالـح
وش تنتظـر يكـفـي دلال و تغـلـي
الوقـت ماهـو للوصـل دوم سانـح
ما دمـت ترحالـك و مادمـت حلـي
ان صرت انا خسران ماصرت رابـح
لا تعطـي الفرصـة لعذالنـا الـلـي
لكل مـا هـو يهـدم الحـب طامـح
مالـك صبـر عنـي و مالـي تسلـي
والوقت خيل صـوب الآجـال رامـح
سيد جروحي شمس عمـري و ظلـي
الحب بعد و قرب .. مخطي و صافح
اذا غــرورك يمنـعـك تعتـذرلـي
لا تعتذرلـي قـول اسمـي و اسامـح
|