زمان الشك

لا تقول وانت منت بقد قولك
ولا تهدد وانت خواف وشرود

من زمان الشك دوم يحوم حولك
ثقل دمك وابتساماتك برود

ايه قاسي وادري انه ما يهمك
المهم اسد عينك بالف عود

واشرب القهوه عساها تصير سمك
واعرف ان شرواك عمره ما يسود

ياخي افهم ان من ياطاك عمك
وافهم انك نذل كذاب وحقود

لا تكثر بالحكي ثمن اخمك
ثم ارميبك ورا عقم الحدود

ودي ان الجن تلقاك وتقمك
وليتها تربط يدينك بالقيود

وليت بقعا تقمز بوجهك تضمك
تسحق ضلوعك وتلحق بالعمود

جبهتك دكيتها في صغر سنك
والاهانه جتك وكفوف الخدود

تشبه الحصني دواك بلحس كمك
توب واحلف ماتجي يم الاسود

يوم تزأر توقف اللقمه بفمك
لين تتعفن ويدخل فيك دود

جاك غازي ثم ساق الذم يمك
من بني غازي ويرجع من فرود

والله ان تركد على غبنك وغمك
غصب بالقوه اعلمك للركود

انخدعنا وانت تطربنا بفنك
واكتشفنا قلوب ملعونه وسود

بس جاك السيل يالقطره ودمك
نعرفك يا ابن دباغ الجلود


هجاء الغازي لشخص
غامض