‏غلاتك بهالقلب عشقٍ تأصل.
يا روحٍ سرت بالتواريد.
سيلٍ تدفق و اغرق.
كل هايمٍ في حبك يا التناسيم.
عشقتك عشق و يساومون به.
و ما دروا اني وصلت بحبك حد المجانين.
أصيلة و بنت اصل و من الاجاويد.
عطرها عنبر و مسك يا زين هالتراويح.
ابي امزج هالغزل بنوعٍ من هالتعاتيب.

ترى دنيانا أتعبت كل عاشق مستكين.
لا تخسريني يا الخليله بسبب.
كذبٍ ما له بالمعاني تفاصيل.
خوفٍ بك ما ألاقي له تبرير.
و يبعدني عنك مر السنين.
ترى الي يحب ما يخاف.
و يعادي ل أجل حبه حد المميت.
اشوف بملامح محياك العجب.
و اشوف بعد سرٍ دفين.
صارحيني يا الخليله بدنيتك.
ترى الصراحة راحة المحبين.

ترى العمر نعيشه مره واحده.
خلينا به نعيش سعد السنين.
ابي بوصلك يكتمل عمر.
وانمهر حدك و انهمر مطر معاشيق.
اوصفك بالزين و جمالك ما ينوصف.
سبحان الي خلق و ابدع هالخليقه.
ترى وجودك عندي من اصل التفاصيل. الي بها قد تجلت تواصيف حب العاشقين.
لا تحسبيني عنك بعيد.
ترى روحي لروحك تجردت يا ساكنة بين التجافين.
ترى قلبي لغيرك ما خفق.
و لأجلك لان و انشرح يا نبض الشرايين.
من زود حبي لك ادمنت.
و الإدمان تدفق بالوريد و انتشر.
وصرت من دونه ما اقدر أعيش.
وعدتك بالسجى اني ما افارقك دوم هالروح فيني قد تبسمت.
ووعدتك تكوني لي دوم هالقلب فيه تنابيض.