. المكونات 1 كوب برغل ناعم 1 كوب سميد ناعم ملعقه كبيره معجون طماطم ملح ملعقه صغيره فلفل اسود ومثلها باربيكا. ماكان عندي باربيكا ضفت بدالها رشة كركم. الحشوه لحم مفروم.. فلفل اسود وملح بقدونس مفروم ناعم الطريقه نغسل البرغل ونخلطه مع السميد ونضيف له (كوبين مويه مغليه) ونغطي عليه ونسيبه نص ساعه. بعد كذا نعجنه بحذر لانو بيكون ساخن شوي او ننتظر لحد مايبرد. ثم نضيف له معجون الطماطم والملح والفلفل الاسود والباربيكا. نعجنه لحد مايتجانسو.. اذا كان قاسي نضيف له شوي مويه دافئه. واذا لاحظنا انو مايتشكل معانا نضيف له ربع كوب بقسماط علشان نشكله ونجوفه.. ونحشيه باللحم المفروم. واحنا نعمل حبات الكبه نضع ع اصابعنا شوي مويه... مو كثير بس علشان نقدر نشكلها وتكون متماسكه. الحشوه لحم مفروم نضعه بقدر لحد مايجف من المويه ونضيف له البهارات والملح وننتظر عليه لمن يبرد نضيف له بقدونس مفروم ناعم. اللي حاب يضيف بصل نضيفه بزيت لحد مايذبل ونضيف اللحمه... ونكمل. بعد مانخلص الحبات.. نقليها بزيت حار وغزير .. نقدر نفرزنها بس نترك بينها مسافه لحد ماتتجمد ونضعها بعلبه. وبالعافيه عليكم