وليد بصدمه:خـــــــــــــــــــــالــــــد
خالد:هههههههههههههه أذا أنت سويت كذا الوالده شنو بتسوي
وليد :بالاحضان يالغالي
خالد وهو يضمه :وحشتني ولود و حشتني أيامك و سنينك و الله لك فقده
وليد وهو يطالع لخالد:مو مصدق انك قدامي
خالد:لا لا صدق
وليد:ليه ما قلت؟
خالد:و الله تعبت أتصلك مافي امل تعطيني وجه
وليد بخجل:ههه لا بس أنشغلت بالشركات أعذرني يالغالي
خالد وهو يجلس:غريبه هنا بالدمام خبري كل الشغل هناك هنا مجرد مقر
وليد: لابس حبيت أتطمن ع الشغل هنا عاد ما يصير اخلي حلالي ع الغير الا وش تحب تشرب؟
خالد:لا الحمدالله بس قلت اسلم عليك بما أن الوالده بوحده من هالجمعيات و أروح ع وقت رجعتها
وليد:و أنت وش عرفك
خالد:أفا عليك ما يطوفني شي حتى لو كنت بغير ديره أمس قالت لي أنها نازله كم جمعيه هنا و بتمر الدار
رفع راسه له: أي دار؟
خالد:الدار اللي هنا
نزل وجه وهو يفكر بفجر نفسه يشوفها تمنى انه بدل عمته هاللحظه
خالد:وين رحت؟
وليد:لا بس ودي انها قالت كنت حاب أدعمهم
خالد:اوووه الايام جايه ما ودك تعزمني ع غداء حدي جوعان
وليد:و أحلى غداء لعيونك تفضل يالغالي
كانت تمشي لمكتبها بس و قفها صوت ام خالد :لو سمحتي
فجر وهي تلف لها:هلا
ام خالد :ممكن أتكلم معاك شوي
فجر:تفضلي
أم خالد:وش أسمك؟
فجر:فجر
أم خالد وهي تطالع بجوالها اللي يدق و كان و ليد:متزوجه يمه فجر؟
فجر:لا
أم خالد بأستغراب:كل هالجمال و لا ليه؟ الناس أنعموا
فجر بخجل:هذا من ذوقك
ام خالد:معاك مريم محمد الناصر أبي أتعرف على أهلك و من خاطري تكوني من نصيب ولدي و الله دخلتي قلبي من اول ما شفتك و اللي تبينه يجي لحد عندك
فجر اللي حست أن الدنيا تلف فيها و هي تردد أسمها مريم الناصر ظلت تطالع فيها
مريم بأستغراب:فجر في شي
فجر ببرود:لا بس أنا ما أفكر بالزواج اللحين لسى بدري عن أذنك
مريم اللي مستغربه من موقفها مو مشكله أرجع أكلمها من جديد اللحين تأخرت على شغلي
دخلت وقفلت عليها الحمام وهي تمسك راسها اللي يلف مو قادره تستوعب هذي مريم اللي كانت صديقة امها يا ترى لو عرفتي من أكون وش بتقولي وش بيكون موقفك؟
إرتآح يآقلبي..
كفاك اللي جرالك من زمآن فآت ..!
خذني وبلآ هذا الشتآت .
خذني، وحن يآقلبي على روحك..
وريّح هآلجنآح..!
وإطفيّ المصبآح
سعد وهو يغسل يده من بعد ما خلص غداء :مافهمت
ـأم سعد:يعني شذى وافقت
سعد و هو يطالع بامه:جد
أم سعد:ايه جد اصبر خل ارد ع التلفون
سعد بالامبالاه: بطلع أنام دخل غرفته و رمى نفسه بتعب ع السرير شذى وافقت؟ و بعدين تقدر تتحمل و الا لا؟مو هذا اللي تبيه ترضي ريم ؟ خلاص أفرح يا سعد ريم أكيد مبسوطه اللحين لان شذى مبسوطه بس أنت لازم تنساها شذى ما لها ذنب ذنبها تحبك و أنت تحب اختها لازم تنساها هي عايشه حياتها من سنين وهي ملغيتك منها الى متى تتامل بريم شي أسمه حب تحمل و أصبر و ربي قادر يعوضك عنها يمكن شذى تكون شي حلو بحياتك حتى لو ما كانت يكفيك انها تحبك مو شي يستاهل منك تسعدها غمض عيونه بقوه وهو يحس بصداع فضيع
brb
|