محمومةٌ أَنا بِـ نار العشق
مَغمومة العَينين ، مُجهدة الجَسد
أَلقِمني أَقراصاً من صوتك و جُرعات من شَوقك الدَافئ ،
وأُتركني على رصيفٍ بَارد لأنتظرك ،
لَن يقُتلَني البَرد ، ولَن تَشتهيني الذِئاب ،
فـ حَرارة الحَنين ، ورَائحة الشَوق ستجعلُني لُقمة لا تُستَساغ.
رشا بملل:خلاص تعبت افتر راسي
مشاري بأحباط:و انا اللي قاصد أغير لك جو
رشا:رجعني البيت تعبانه أبي أرتاح
مشاري و هو يبوس يدها :لدرجه هذي مالك خلقي
ما ردت عليه وظلت تطالع بالسيارات اللي حولها وهي تفكر بحياتها معاه تناقض بتناقض شخصياتهم هو بيقتلوها بالبرود
وهي ضايعه و خايفه خايفه تسلم له نفسها و تندم معاه تنهدت بقوه
مشاري :عسى ماشر
رشا:مافي شي ماصدقت شافت باب البيت و نزلت بسرعه
كانت تمشي بسرعه وهو وراها بخطوات هادئه دخلت غرفتهم و شهقت بقووه وهي ترجع لورى :مشاري شوف
مشاري وهو يحاوط خصرها و بحنان :حلوه؟
كانت الغرفه متغيره من الاثاث الى الانوار الورد بكل مكان منثور وبكل لون وشكل
رشا بهمس:ليه؟
مشاري:اليوم كبرتي سنه و صرتي 19 سنه نسيتي
أمتلت عيونها دمع وهي تطالع بالمكان ما عرفت وش تقول هي اللي طول عمرها تتناسى هالتاريخ واذا احد تذكره تقلب الدنيا ليه اللحين تبكي من الفرح يمكن لانه مشاري اللي ماهي عارفه حياتها معاه يمكن هالشي اعطاها امل ولو بسيط
مشاري بحنان:أحد يبكي بعيد ميلاده
هزت كتفها و ما قدرت تحكي غطت عيونها وهي تحاول تمنع دموعها ضمها بقوه من ورى:لو ترتاحي أبكي الدموع أحسن فضفضه لنفس ساعات تحكي اللي ما قدرنا نقوله لفت عليه و حضنته وهي تبكي
ضمها بقوه وهو يحس بالقهر كل ما سمع صوته شهقاتها و بباله كلام محمد رشا مجروحه حييل!
أبو سعود :خلاص يا عيسى اليوم كلمته
عيسى:يعني اللحين كلمها؟
أبو سعود:لا هو ما يطلع الا حول المغرب وراك مستعجل
عيسى بشك:أخاف ترفض
أبو سعود:هههههههههههههههههههههههههههه لا تطمن المسأله بس شكليات
عيسى:يعني؟
أبو سعود:يعني أنا و نايف متفقين على هالشي حتى لو ما طلبت أنت انت لجوري و سعود لشجون يعني رايكم أخر شي نفكر فيه فهمت؟
عيسى بتفهيه:ما فهمت
ابو سعود:مو مهم و اللحين أطلع برا تراك معطلني عن شغلي
عيسى:أحم أحم توي بقولها يلا عن أذنك
طلع وهو مو فاهم أي شي من كلام أبوه بس ما أهتم المهم جوري له و أقدر يضمن هالشي مشى و هو يمسك على يده المرضوضه و صوت ضحكتها بباله أبتسم على جنب وهو يتخيل بس موقفها لو أنحطت قدام هالامر و مالها أي خيار
brb
|