حبايب ذكرهم ما غاب …سعاده قلبي وياهم
حسافه يازمن غلاب….ندور كيف نلقاهم

((أنــــــــــا))
المجنون في حبك
وعلى حبك أنا مفطور
ولقيت الصمت يحكمني
إذا جاء للهوى طاري
يبان العشق في عيني
واحسبه داخلي مغمور
ويفضحني مع العالم
ولاينفع به إنكاري




ما شكيت من الوله بين المحاني ؟
ما جزعت من الفراق وكبر غلّه ؟
ما تحس انك فقدت إنسان غالي ؟
ما يمل القرب منك ولا تمله ؟
كان تذكرني مع الخلوه ثواني
أنت في بالي ترى العمر
~ كلــــــه ~





تحبني خطوه
أحبك سفر!
تعشقني لحظه
أعشقك عمر!
تشتاق لي ساعة
شوقي لك بحر





الناس تقرأ بنظراتك “عناويني”
وتقرأ بعيني علومك قبل “تنطقها”
ولو توقف أمه محمد “بينك وبيني”
روحي و روحك
هوى حبنا “يعانقها”
مكانك (القلب)
لامن طحت من عيني
فاتح لك :-
“أبواب حب كنت مغلقها”




أحبكـ ¨¨
و السكوت أبلغ مدام إن الحكي قصّر
مدامه ما بقى بالحب كلمة لين قلناها
يبي لي أبجدية من جديد إلها حروف كثر
عساي ألقى بها كلمة غرام ما حكيتها
أبيها لكـ ولا غيركـ بياصلها ولا يقدر
إذا انقالت لغيركـ يا بعد عمري ظلمناها .



اطــري عليه في بعض
الأوقــات ..
وهو كل الأوقــات في بالي …



أبيك الجاي من عمري أنا ما أبيك شي وراح
مدامك أجمل وأخر مدامك أول أحبابي
أبي أرتاح يا عمري أنا أدري هم تبي ترتاح
تعال وقبل ما أفرح ترى تفرح بك ثيابي
أحبك يا بعد عمر الحزن والجرح والأفراح
أحبك كثر ما نامت عيونك داخل أهدابي



يشدني لك صوتك الدافي تعال
ويشدني وجهك الباهر حسين
ويشدني لك طبعك النادر محال
ويشدني لك صفو حبك والحنين
عطني حبك عطني عطفك والدلال
وخذي مني فوق حبي ما تبين



ريح نفسك وكف مدمعك
ولا تجاري الشك فيني والظنون
أنت بس أنت ولا أحدن معك
وين ما طالع تلاقيك العيون
أنت في قلبي وعيني مهجعك
لك عيوني فراش ولحافك جفون
أنت الأول في حياتي وموقعك
منه كل الناس عجزوا يوصلون

أبي تلمس دفا شوقي
وبرد الليل بعروقي
وأبي لحظة تحس
إني امووووووووت حزن
بغيـــابك

صباح الحب من قلب عشق روحك وتمناها
عشق همسك عشق خطك ومراسيلك تحراها

جمال الصبح بنظرة عيونك ونور الشمس مرسوم بجفونك
وكل الكون ما يسوى بدونك !!

صباح الغلا والمعزه صباح الحب في كل حزه
يا اغلى واحلى من اعزه

صباح الخير لأحلى طير صباح الحب لأطيب قلب
صباح الهنا لعمري انا

صباح الورد والفل عالحلوين
بس حبيت اقول لهم احنا !!!
وايد وايد مشتاقين

يا صباح الأماني والفجر الجميل
على حلو المعاني والشوق الأصيل

أنا وعبير الورد ونسمة البرد
نقول:
صباح الورد ياورد

أحلى صباح لساكن القلب والروح
شوفتك تكحل العين وتداوي الجروح

أهديك وردة ياسمين لونها لون قلبك
تصبح عليك وتقول ياعسى الخير دربك

وصيت الطير وحلفته برب الخير
يبوسك ويقولك صباح الخير

صباح الحب والعهود ..
صباح الفل ودهن العود
صباح الورد لأحلى قلب بالوجود

صباح الورد صباح الشوق
صباح الحب والرقه صباح خاص بك
وحدك انته تستحقه

صباح الشهد صباح العسل
صباح الحب والغزل
صباح مصحوب بالأمل
صباح الحب يا عسل

صباحك نرجس وعنبر
صباح احلى من السكر
صباح العطر والكادي
صباحك مسك ومبخر

يا صباح الحب كله وشمس عمري وظله
مهما تغير الزمان حبك أنت في محله

ليتني بحضنك طول الأيام \ مسجوون \
و اقول حطوا من ورى القفل قفلين ..
تلمني بالحيل و اقول بالهون
حتى نصير بجسم واحد و قلبين ..!
مفتون بي و انا بعد فيك \ مفتوون \



مشتاقه كفوفي تلامس كفوفك
مشتاقه عيونى لوجهك اتشوفك
مشتاقه لحضنك ولخدك وابوسك

حظ من صبّح على الوجه الصبوح
و ( العيون السود ) قاتلها النعاس !
نظرتك تبري من ، جروحي جروح
وبسمتك فيها من الشمس إنعكاس !