%الفصل السادس%
يوم الخميس
في الصباح الساعه10
في بيت بو هيثم وتحديدا في غرفه هيثم
قام من النوم وراح الحمام غسل وجهه وطلع
اخذ جواله ودق على انفال مره مرتين ثلاث بس ماترد
هيثم:انا لازم اخلص موضوعي مع انفال
ونزل للصاله
وكانت امه تقهوي ابوه
وابوه اخذ الفنجان وباسها
هيثم:احم احم ههههههههههههههههههه من صباح ربي تبوس
ام هيثم انحرجت
بوهيثم:وانت ماتجي الا بأوقات مو مرغوب فيها
هيثم:هههههههههههههههههههه وعشان اني غرت منك .......انا ابي اليوم اخطب واصير مثلك
ام هيثم بفرحه:هذي الساعه مباركه اني اشوفك معرس جنب زوجتك واشوف عيالك قبل مااموت
هيثم:بعد عمر طويل
بوهيثم:لاتفاويلين على نفسك ترى والله لأزعل عليك انتِ ماتدرين دنيتي بدونك ماتسوى
{ام هيثم ابتسمت}
هيثم:انا جايكم الحين ابيكم تخطبون لي وانتوا طايحين لي تغزل
بوهيثم:موضوعك خلص انا بدق على عمكم بوفيصل ونخطب لك روز .........وش تبي بعد؟؟
هيثم بعصبيه:ومين قال لك اني ابي روز
ام هيثم استغربت:اجل من تبي!!؟؟
هيثم:انفال
ام هيثم طلعت عيونها:انفال ماغيرها!! بنت عمتك منيره
هيثم:إي
بوهيثم:وليش ماتاخذ روز بنت عمك هي اصغر واحلى....... وانا وامك كلمنا عمك وخالتك وخيرناها لك
هيثم عصب واحمر وجهه من الأنفعال:وانا ماقلت لكم اني ابيها عشان تخيرونها لي
ام هيثم:ترضى انك تفشلنا قدامهم وشفيها اذا خذيت روز
هيثم بصراخ:انا ماابي الا انفال ......... والا ماراح اتزوج
وراح
بوهيثم:لاحول والا قوه الا بالله
ام هيثم:وش السواه والله هالولد عنيد بيطح روسنا قدامهم
بوهيثم:والله مافي حل الا احنا نتعذر منهم ونخطب له انفال
ام هيثم تنهدت:الله يعين........ بروح ادق على منيره
اخذت التليفون ودقت
ام هيثم:الو .........السلام عليكم
منيره:وعليكم السلام
ام هيثم:شخبارك ؟؟وشخبار انفال؟؟؟
منيره:الحمدلله ......وانتِ شخبارك ؟؟وشخبار العيال؟ ورفال؟
ام هيثم:الحمدلله بخير...... يسلمون عليك
منيره:الله يسلمهم
ام هيثم :والله يامنيره.... ابيك بموضوع
منيره ابتسمت:امري
ام هيثم:لا مايصلح بالتلفون انا وبوهيثم وهيثم بنجيك بعد المغرب ونتفاهم معاك
منيره اعرفت الطلب وافرحت:حياكم الله احنا بأنتظاركم
ام هيثم:تسلمين....... يالله مع السلام
منيره:مع السلام
وسكرت
بوهيثم:وش صار؟؟
ام هيثم بعصبيه:الله يستر من ولدك العنيد
ودق التليفون
ام هيثم:الو
ام فيصل:الو وينك .......!!كل مادقيت لقيته مشغول
ام هيثم تبلعمت:والله ماادري ....وش اقول لك؟؟
ام فيصل بخوف:وش صار!!؟؟
ام هيثم:اليوم خطبنا انفال لهيثم
ام فيصل استغربت:وروز
ام هيثم:والله اني انا وبوهيثم مستحين منكم بس....... الولد مايبي البنت
ام فيصل عصبت:دام انه مايبيها اجل ليش خيرتوها له ووقفتوا رزق البنت
ام هيثم:...........................
ام فيصل:اكيد ماعندك رد بس...... احلفك بالله اذا انا اللي خيرت فيصل لرفال وبعدين قلت لك الولد مايبيها ......وش بتسوين؟؟
ام هيثم:............................
ام فيصل:بعدين الناس وش بيقولون ......بنتي فيها عيب عشان كذا مايبيها ولد عمها
ام هيثم بصراخ:قص بلسان كل اللي بيقول
ام فيصل:الله يسامحكم مع السلامه
طوووووووووووووووووووووووووط
ام هيثم تجمعت الدموع في عيونها
بوهيثم بخوف:وش فيك !!وش صار؟؟
ام هيثم تصيح:بسبت ولدك........ خسرت اختي
بوهيثم:.................................
ام هيثم:زعلت مني وقالت ان الناس بيقولون عن بنتها ان فيها عيب عشان كذا ولد عمها مايبيها
بوهيثم عصب:وش تبيني اسوي لولدك؟؟؟ انا اعرفه عنيد واذا غصبته من الزواج منها بيعاند اكثر ....ويمكن يحرجني قدام الجماعه....... ومااستبعد انه يهرب في ليله كتب الكتاب
ام هيثم زاد صياحها وصارت تشاهق :خلاص خسرت اختي .......خسرتها
بوهيثم جلس جنبها يهديها
&&&&&&&&&&&&&&
|