.
وصية امي

البارحة ... سمرة تفاوض... في خيالي يسكنون
طـاولة ومحضـر.. نقـاش لبحـث مـاهيــة رجــل
جـن وشيـاطيـن تمـارد.... والملائكـه يحرسـون
يـالله حفظـك ..والعفـو والعافيـه.. وحسـن النـزل
عـل دارك ... يـا مراتيـع الطفولـه ... للمــزون
ليـن جنـاتــك ... تـدلى ... مـن عنـاقيـد.. ونخـل
اذكـر ان الطفـل . شاغـب ضمن نـاس يدرسون
ميـره اخفـى الجـرح والاحــلام فـي دفتـر طفــل
جـال الصبـا واشتـد . عــوده والعـواذل يسألـون
يـا تـرى ذا الطفـل باقـي .وش تعلــم .وش جهل
والامـاني بنت خصبـه ... تحلـم بمـال.. وبنــون
عاقـر انثـى الحلـم والحســرات فـي شيب الكهـل
واذكـر ان الحضـن دافي في صوتها الام الحنون
يـا صبـي عينـي لا نـوت. غـدراتها خلـك نصـل
احـذر العثـرات ... فيهـا والليـالي ... يمكــرون
والغبـن كـل ... الغبـن ... شـي تبيـه ولا حصـل
وليـا هـرجت افطـن ترى كل البني ادم ينطقون
امـا تجـي جملـه مفـيـده ولا تجـي همـزة وصـل
وديـرة الخـلان والاحبـاب .... فيهـا مـا يجـون
ليتهـا ... يـا عيـن قلبـي ... يـا للهجيـر وللمحـل
وصيتي لك ... لا خـزرتـك بطـرفها ام العيـون
تـرى الغـرق مـا بيـن صبيهـا .... وشـط الكحـل
لـو غـرقت ببحـر.. شـوق مبيسـم البنت الفتـون
ملامسة طـوق النجـاة اقـرب منـه كــوكب زحل
واحـذر .... ثمـانه منكـرات يذنبـون... ويتقـون
يـا رضيعـي فـي فــؤادك فعلهـا.... يـا هـو فعـل
وللحلـم زهـوه كـم غــاوي يمشي الدرب مغبون
مـن اولـه ليـن اخـره مبطـي مشـاه.. ولا وصـل
يـا عوينـة امـك كـل إنـاء جاب بطن الناضحون
والحيـا ضمـن المراجـل.. ولكـن العيـب الخـجل
قلت يمـه مـا ذكـرتـي جيتـه بصـدر... وطعـون
رديتهـا بعـاري كفـوفـي مكــره جنينـك لا بطـل
شلت مـن لـوعـات بقعـا لينـه تحوديـن المتــون
وللحمـول الكـايـدات اشيـل... مـا شـال.. الجمـل
بكيت يمه ولي نحيب وغصات صدريحشرجون
كنـه الدمـع العـــزيـز ... الهيـن الصعـب السهـل
ضـربت يـوم المــواجـع يختفـون ... ويظهـرون
كـل مـا انقضـى حـزن قديـم حـزن جـديد استهل
يـوم عاتبهـا اسنيني واشكـي لهـا احوال محزون
مثـل اجــودي حاجتـه. محصــوره عنــد النــذل
شـر البليه مـا يخلـي . سـود الليـتالي يضحكـون
قهـقهـه وسهـرات شمـاته.. ورحبـوا بـي بالحفـل
ذات الاسنـه ... والرمـاح شهـابهـا بـي يقدحـون
يشلـع سمـا يــم الثــريـا ثـم نيشـن القلـب. ونـزل
رغـم طحـن الليـالي بـ رحيهـا .. اللـي يطحنـون
ابشـرك يا نـون عينـي الريـح .. مـا هــز الجبـل
طحـت واقـف وانتهضت وتبت يديـن العـابثـون
لـويتها لـي السفـايف ... وامكنتهـا طــي وحبــل
الطعـون اللـي تـوالى وش يبـون اكثـر... يجـون
هل من مزيدك يا حروش الحزن في جوفي وهل
وان نشـدني عن غـلاها شوقهـا عقـل... بجنـون
مـرات عاقـل ويمتجنك ومـرات في مطهر هبـل
وبين لون المسك والرمش الكسل غطى الجفون
سهـرات غـي وبينهـم اسـرار فـي حفـلـة غــزل
فـي بساتيـن المحيـا ثـرثـره همـس .... وشجـون
بيـن ورد الجـوري ووجنـاتها فوضى ... وجـدل
يكشف اسـرار الخـزامى عـن شـذاها للغصــون
ويحكـي النعنـاع قصـة مـا يـوافقهـا ...... النفـل
حـالة عبـق حـالة هيـام يمضمـارهـا يتسابقـــون
غالب السوسـن شـذى الانفــاس والنرجس زعل
شقائـق النعمـان تطلب هـدنـة سـلام ثـم تخــون
عهـد مـع الوجنـات واللافنـدر.... بحــالة فشـل
ليـن اقبلـت لعـج الثنايـا ... تقلـب الدنيــا فنــون
ولا سلهمت تـودع رزين العقـل في حــالة ثمـل
فضـت السمـرة بخيـالي وارتحـل مـن يسكنـون
بعـدما اجـروا تفـاوض.. وانتهـت ورشـة عمـل
بقلمي / عيسى العنزي

رساله لوالداي

كان وجع رحيلكما عظيما كان اثقل من ان يتحمله بكاء