البارحة فزيت من مرقدي أثنين
...................الساعة الي فيها روحي تجوعي

فيها انخلع قلبي على كامل الزين
...................أذرف دموعي من عيوني تبوعي

هاضت بي العبرة من العين للعين
......................ولوعني الوقت فوق الربوعي

أزفر زفيري يوم أنا بين نارين
...................نارن تلظى وأكثرت من منوعي

مرات أحاديها على الجنب بيدين
.....................ومرات أطفيها بقلبن خشوعي

لاني بشاكي غير لله بادين
..................يوم الخلائق في الليالي هجوعي

والنيه الي غارقه بينا بين
..................خلها على الطرقة تبين اللجوعي

أسامر الونه مع حظي الشين
................والهج بصوتن وسط دارن سجوعي

ياخوف قلبي لاسمعني المعدين
.................واخلط من الطرقي على كل نوعي

أبيك يالقمري تصوت الحناحين
.................وتصدح بها من فوق سورآ يروعي

الوقفه الي هزت القلب ثنتين
......................وحده دفناها ووحده تلوعي

شيعت قلبي بين كل العناوين
..................واسفكت دمي في طريق النزوعي

مابيك تصلبني بوسط الميادين
....................ومابيك تأجيني بوقت النبوعي

أبيك تدفني على بعد ميلين
.....................وترش قبري يابعد كل دوعي

وبعد موتي أرجاك عيد بعيدين
...................عيد الفرا ق وعيد مابه رجوعي

وابيك تنثر في طريقك رياحين
.................وأتقول هذا الورد ورد الصدوعي

وأن كأن هذا حلم من عشرة سنين
...................أرجاك لاتحلم بطيفي وزوعي

الفرحة الي غايبه عنك يالزين
..............أضحك فأن العمر يمضي سروعي

طاح الحطب ماعد بقى غير عودين
...............تكفى دخيلك شبها في ضلوعي



..............................
من أرشيفي المغطى بالغبار
..............................