اذا نويت تكتب في الشعر الأبيات
اكتب جزيلات البيوت الجزيله

والا انفقهق خلف الجدار والبنيات
وافسح مجال لاهل العلوم الجميله

لا دارت الافكار فالراس بحكمات
تبحث عن اللي كان ذراعه طويله

ماتدري انك ماتنوش الطويلات
حتى ولو تحتال فالامر بحيله

لكل زمان رجال يحسم المسافات
معروف بالموقف يزحزح ثقيله

................................. .......

لاتقرب النار والباسك ثياب الحرير
النار تصلي خضار العود شبة حريق

ولاتعوم البحر الا بصحبة خبير
اذا رغبة السلامه او بتمسي غريق

لاهبة العاصفة تعصف صغير بالكبير
والصايبه ضايعه بين الحكم والفريق

الشاهد الله على ماقول خلك قدير
أحذر تغرك متاهات الجهل بالطريق

السكب 12







اخوي مجنون قصايد طلب ان اكتب

مقطوفه اوماتسمي قطعه اومشاركه دون سبعة ابيات حيث لايطلق على القصيده مسمى قصيده الا اذا زادت ابياتها من فوق سبعة ابيات فمافوق
وهذا طلبة على العين والراس والجميع على راسي