08-14-2017
|
|
|
فيك يا حضرة قمر ،،، منتديات قصايد ليل
ماتغيرت بشعوري
فيك يا حضرة قمر..
الوله..
يجري بعروقي
وبي أحضاني سمر..
والوداد اللي ذبحني
ترجف أنفاسه شقى
وفي ربيع الوجد
تاه الحظ
بعدك وإنتحر..
ماتغير فيني شي
عاشقٍ يهوى غرامك
بس شيٍ ياوليفي
داخل أعماقي إنكسر..
جرحي في صمتك مسافة
والأمل.. لا جيت ألمه
أو أضمه يالحبيبه
عقب لحظات إنتثر..
والعتاب بوصلنا
أصبح خطايا
كالذنوب بعين ظالم
ماتجاوزها وغفر..
موجعه قصة غموضك
ولا بقى فيني صبر
ليه تهديني ظلامك
وأنت لك ضي القمر..
ليه تجفاني بعنادك
وليه صدك يا ضنيني
ليه بسماتي بغرامك
بعدها دمعي أنهمر..
في خفوقك نبض حاير
وأنت في صمتك غريق
حب بأنفاس الشفق
بأول ثوانيه أحتضر..
المشاعر في حديثك
كنها وهج السراب
ما تلامسها الكفوف
بس يتبعها النظر..
يا تناهيد الحنين
يا الغروب.. هيا إصدقيني
ليه كل إحساس قلبك
كالشروق بيوم عيدٍ إعتذر..
ليه بسماتك مثل وجه الموادع
مايبي عينٍ تشوفه
وليه تخفين الجنون
وأنت قلبك ما قدر..
ليه هالخوف بعيونك
والسكوت،
وحيرة آهاتك تعانق نبض روحي
والحنين بطرف عيك
والنظر..
ماتغيرت بشعوري فيك
ياحضرة قمر..
بس صمتك والغموض
ياضي عيني..
سهر عيوني شهر،،
الغريب
|
|
|
|
|