مريم أن شالله مينسى الدوى حقي الله يذكرك بالخير يابو ماجد لو أنت هنا كان محتجت لحد
نوره ولهتي عليه هذا أول يوم له في ألدوره بالشر قيه
مريم أكيد ولهت عليه المهم كلمي أخوك اذكره مينسى ألدوى
خذت نوره التلفون ودقت على أخوها ولا رد أرجعت دقت مره ثانيه
فارس كان يشوف اتصال على جوال ماجد البيت يتصل بك رفع الجوال ورد
فارس نعم
نوره صوت غريب العفو هذا جوال ماجد
فارس أيه نعم
نورع بعصبيه صدق كذاب وحيوان سكرت
مريم شفيك سكرتي
نوره مصدق يسمع صوت بنت ويكذب أقوله جوال ماجد ويقول أيه
مريم طلبي الرقم عدل يحظي
نوره أرجعت اتصلت
فارس نعم
نوره ساكته نفس الصوت
فارس يبه هذا جوال ماجد بس أهو في دورة المياه
نوره وخضرتك من عشان ترد
فارس يبتسم صديقه فارس
نوره أول ما سمعت الاسم رمت ألسماعه في حضن أمها كلمي أنتي واصعدت غرفتها
مريم صج خبله الو
فارس هلا خالتي
مريم هلا فيك منو معايه
فارس معك فارس
مريم حياك الله ماجد وينه
فارس رايح تكرمين دورة المياه
مريم زين يولدي الله يعافيك ذكره لا ينسى يجيب الدوى وهو جاي
فارس تأمرين بذكره تأمرين على شي ثاني
مريم يعطيك العافية مع السلامه
نوره في الغرفه صوته عذاب وأنا بقره راده بدفاشه عليه خذت جوالها وشافت رساله قرتها <مساء الخير والإحساس والطيبة مساء ما يليق ألا بأصحابه >
نوره مسكين رسالتك ماهي واصله لأحبابك
الساعه 2الفجر نوره 2بتحط رأسها تنام وشافت جوالها يدق ولما شافت الرقم لا حول هذا متى بيفكني من شره حطته صامت ونامت
رياض يتصل أكثر من مره ولا أحد يرد
طيب تلعبين لعبة كبار معندي مانع كتب رساله وأرسلها لنوره2
طبعا نوره2 نامت ولا انتبهت للرسالة
في الصباح نوره2تستعد للجامعه وخذت جوالها
وشافت الرساله ألي كلها تهديد
<نوره دمرتي نفسك بنفسك واستعدي للي جاي> أنتابها خوف وقررت تقول لنوره يمكن تلقى لها حل
في ألجامعه
نوره2وهذا كل ألي صار وأنا خايفه مدري ليه
نوره بنرفزه وليه مقلتي لي من البداية
نوره2صدقيني سالفة ملقيتها بال بس شكلها مراح تعدي عنده نوره الله يخليك مبقى فضايح مع أهلي خالد أذا عرف والله ليحرقني بالنار ولا عنده في أحد
نوره زين سمعيني عدل اليوم تخلين أبوك يطلع لك رقم جديد ويسجله باسمه وأنتي لا تعطين أحد رقمك ألا الموثوق فيهم والحين غفلي جوالك
نوره2أرتاحت للفكره ونفذتها على طول وغيرت رقمها في نفس اليوم
رياض يومين يدق والرقم غير موجود في الخدمة ومن ألعصبيه كسر غرشة عطر عنده
بنت الكلب أكيد غيرت رقمها بس على مين على رياض التاجر ؟؟؟؟؟؟؟؟؟؟؟؟
بعد أسبوع أحضرت نوره عزيمة أختها
عشان أهل زوجها وكانت طفشانه من تلميحات
أم زوج أختها أنها تبقاها لولدها طبعا نوره حطت كل حرتها في مشاعل بكم قرصه وضربه على الراس ....
في الجامعه ...........
نوره2خلاص يانوير فكيها مصار شي كله كلام في كلام
نوره أي كلام أقولك أتصلت على أمي تخطبني رسمى وزوج أختي كلم أبوي وطبعا أمي ماعندها مانع خاصه أن الرجال في نظرها كامل ومايعيبه شي وانا مبقى واحد ملتزم بس محد يفهم
تقاطعهم سحر ياجماعه فهموني السالفه كأني اطرش في الزفه يعني اهلك بيغصبونك على الزواج
نوره2اكيد لأ بس شايفينه ولد مينعاف وحرام يطير من يدهم
نوره المشكله أمي كل دقيقه تحن علي
سحر قولي مبقاه بعد الزواج ميصير بالغصب
دلال هاي بنات
البنات هاي
دلال بنات طفش مدري متى نخلص ونتخرج
نوره2ومن أسمعك الحين أذا خلصتي بتجلسين في البيت لحد ميجي الغبي يخطبك من اهلك
سحر بمزح أي والله اقول نوره وافقي عشان بس تخلصين ألا والغبي يستناك
نوره شالت غرشة الماي وحذفتها عليها .سخيفه
توقف وحده عندهم
سهام كيفكم بنات مبسوطين
البنات الحمد لله
سهام ماعطلكم بس أحنا عاملين بارتي في استراحه للبنات شرايكم تجون
دلال انا مقدر اهلي مايرضون
نوره2بالنيابه عني وعن نوره والله منقدر اهلنا مايرضون كان يذبحونا
سحر عاد أنا شيليني من القائمه كلها ماأحضر حفلات ألا مع اهلي وسألي نوره ونوره
سهام براحتكم بس راح تفوتكم ...ومشت
دلال والله اني ماأحبها انتبهو منها بنات تراها لكم عليها
نوره أكيد عارفينها
سحر اقول صارت الساعه 10علينا محاضره سرينا
في بيت فارس على طاولة الغدا
حصه ان شالله عجبكم الغدا ترا انا طابخته بنفسي
ليلى الله يعطيك العافيه
فارس تسلم الأيادي
خلود ياليت اعرف اطبخ بس مشكلتي ماحبه
سحر حبيبتي خلى الطبخ حق اهله الحمد لله اني اعرف مثل امي وجدتي
فارس كلامك صحيح تسوين البيض عجيب مامره شفت احد سوا مثلك
سحر ايه شمت الأعداء فيني بس ان شالله تجيك وحده متعرف تطبخ قول امين
فارس يناظر سحر وهي حست انها تكلمت في موضوع خالها قافل سيرته نهائي فقيرت الموضوع
سحر تدرون ان صديقتي نوره اهلها بيزوجونها غصب عليها
خلود أي وحده منهم ان شالله نوير سعد
سحر لا نوره اخت صديقك خالي
فارس حاول يبلع الرز الي في فمه وكان يسمع بنتباه
ليلى من وين دريتي
سحر منها أهي بنفسها تقول ان اهلها شايفينه خوش رجال ومينعاف
حصه يمكن اهلها يعرفون مصلحتها اكثر ومع العشره يمكن تحبه
فارس مااعتقد اهلها يغصبونها انا اعرف ماجد وابوه ماراح يضغطون عليها على العموم انا سمحولي شبعت وبروح اريح اشوي ...
صعد لغرفته ومسك جواله وكتب رساله لنوره فارس لازم تعرف اني احبها قبل لا تروح من يدي
نوره كانت تتغدا مع اهلها لما وصلت الرساله
قامت وخذت الجوال من طاولة التلفزيون وقرت الرساله
احبك احبك احبك فارس
نوره بلقت عيونها في الجوال عدل لما شافت الاسم
نوره احم انا الحمد لله شبعت
مريم تعالي ماتغديتي عدل
ماجد تركيها بيفوتها أكلك الا أمي متى بيوصل الوالد
مريم اليوم ان شالله مبقى يخلص دورته
ماجد اقول ليه البيت يلق ونظيف والوالده كاشخه
مريم ماجد عن قلة الأدب ولا تضيع السالفه متى ناوي تفرحني واعرسك
ماجد توا الناس علي مالي خلق حرمه تحن وهات وجب انا بحالي احسن
نوره طول الطريق وهي تقرا الرساله مو معقوله اهو ولا يمكن وحده من البنات نوره2 او مشاعل لأن محد يدري بسالفتها ألا اهم
جالسه في الغرفه وعلى الصمت الي فيه يدق جوالها بنفس رقم الرساله بلعت ريقها وتردد انها ترد وحب الفضول تعرف من صاحب الرساله ردت
نوره نعم
فارس السلام عليكم
نوره صوت رجال .وعليكم السلام
فارس نوره
نوره من معي
فارس انا الي خليتي قلبه ينبض من جديد ويتولع فيك
نوره اقول شكلك غلطان بالرقم
فارس لا مو غلطان يا نوره أنا فارس الحمدان
نوره تبلع ريقها وتتنفس بقوه مو مصدقه
فارس نوره انتي معي نوره ردي
نوره بس كيف عرفت رقمي
فارس ميبقى لها ذكاء
نوره في نفسها اكيد خذه من سحر
فارس نوره أنا انسان جاد في علاقتي معاك حبيتك من قلبي واسهر افكر فيك والي خلاني اكلمك لما عرفت ان في واحد بيخطبك تشجعت وكلمتك وانا ابقاك بالحلال وأذا انتي موافقه
نوره من قلبها بدون صوت موافقه موافقه احبك والله احبك اخاف انا احلم
فارس لاحول نوره ...نوره ردي علي
نوره ينقال ماهي قاطه وجها .عندي اهل تجي تخطبني منهم وغير هالكلام ماعندي ..وسكرت وصارت ترقص من الفرحه وتغني ماهي مصدقه اخيرا حب حياتها يبقاها بالحلال
احبك يانظر عيني غلا يسري بشرايني
احبك بكل مافيني من اشواق والم وجراح
طبعا نوره كلمت صديقت عمرها نوره وخبرتها بكل الي صار ...
مر أسبوع ونوره عايشه الحب على اصوله وكان فارس كل يوم يرسل لها رساله أو اكثر البنت صارت مهمله في دراستها ولا تحضر المحاضرات وكل ماسألت سحر عن السبب تتعذر نوره بأسباب كثيره
وعلى نهاية الاسبوع سوت نوره حفله بمناسبة عيد ميلادها وكل الي اعزمت نوره2ومشاعل وسحر ودلال وكم بنت في بيتها وكيك وهدايا ورقص انتهت الحفله واتفقو البنات يروحون الفيصليه يتمشون يوم الخميس وبعد ماراحو افتحت نوره الهدايا وعلى هدية سحر كانت العلبه كبيره شوي افتحتها وكانت ساعه ماركه وجنبها هديه ثانيه في علبه وسط افتحتها وشافت خاتم الماس في حدود ثلاثة الاف وورقه جنبه مكتوب عليها
كل عام وحبيبتي بألف خير وان شالله السنه الجايه انتي معاي ولا أحد يشاركني فيك فارس
وغلف هديته مع هديت سحر في علبه وحده عشان ماتشوفها سحر
نوره قرت الرساله ولبست الخاتم وصارت في عالم ثاني الحب حلو بس للي يعرف يعيشه واذا صار واحد مثل فارس فأكيد الحلم بيده يصبح حقيقه ....
بعد نهاية الدوام الجامعي
تمشي بثقه وتركب السياره وتحرك السياره
رياض جبتيه
سهام افا عليك اجيبه عشانك بس صدقني تعبت على ماجبت رقمها وأنا مستغربه منك هذي البنت ماهي على مودك شتبقى فيها
رياض اخذي فلوسك الي طلبتيها وعطيني الرقم ولا تسألين كثير
سهام بكيفك مع اني اقدر اظبطك مع بنات احسن منها واحلى
رياض اذا طلبت منك تجيبين نوره تقدرين
سهام غالي والطلب رخيص بس السعر غالي
رياض المبلغ الي تبغينه يوصلك
سهام اوكيه حدد اليوم الي تبغيها وتكون عندك
يوم الخميس في مجمع الفيصليه الساعه 8اليل ادخلو البنات يتمشون
دلال شرايكم نغامر شوي
نوره تبغينا نرقص مثلا قدام الناس
دلال لا تعالو معاي
ادخلو دورة المياه للنساء
دلال عدلت شيلتها وتحجبت وخلت شي بسيط من شعرها يبان ..بنات سوو مثلي
نوره2لاانجنيتي واذا احد عرفنا
دلال محد يجي هنا لا الناس الهاي خلونا نجرب الحريه اشوي بس بحدود الأدب ..
بعد تفكير واصرار دلال البنات سوو مثل دلال وصارو يتمشون في المجمع
في جه من المجمع
سامي فكها شوي يابو الشباب ترا لك كم يوم وحالك مايسر
علي تركه ماصدقت سمع كلامي ورضى يطلع معانا اليوم ..
رياض كلمه زايده وبطلع
وعلى سوالفهم رياض انتبه لشلة بنات كاشفات
سامي واو اعشق بنت البلاد
علي لا تصدق انهم بناتنا يمكن اجنبيات خلهم يتكلمون وبتشوف الغه
رياض ماصدق الي شافه بعيونه نوره مغيرها وجها مرسوم في الذاكره والحين يشوفها كذا قام بسرعه
علي تعال يالخبل لا تفضحنا احنا في مكان عام
سامي متعرفه بنات ولا يرقمهم كان يتعب قلبه
رياض مشى وراهم بدون مايحسون عليه وبكل هدوء يطلع جواله ويصور البنات وهو كان مركز علي نوره اكثر
رجع لربعه وراح وباس راس علي
رياض الله يعطيك العافيه ياعليو لما اصريت اطلع معاك صدت صيده مافي احلى منها وعيونه تتوعد في نوره والي بيصير لنوره
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مرت 3 ايام والاوضاع هاديه والاجواء صافيه
ونوره زادت علاقتها بفارس اكثر واكثر صحيح كانو مقضينها رسايل تتكلم عن الحب والعشق وكان فارس اذا حب يعرف عن نوره شي يتعرف عليها اكثر يسألها برساله لحد مازهق وارسلا رساله لنوره
<حبيبتي شرايك نتوسع اكثر ونطلع عن مجال الرسايل ونكلم بعض منها اسمع صوتك وتسمعين صوتي >
نوره لما قرت الرساله ياقلبي عليك تسمع صوتي وبعدين نطلع مع بعض تحلم يافارس صار لازم تجي تخطبني رسمي
فارس انتظر 5 دقايق واتصل وسمع ان الهاتف المطلوب لايمكن الاتصال بها ألان فضلا اعد المحاوله مرة اخرا
فارس حشى قلنا نسمع الصوت وقفلت جوالها اجل اذا نطلع مع بعض يالله لك ربك يافارس
ويدق جواله المتصل رياض
فارس هلا رياض
رياض هلا فارس شخبارك
فارس الحمد لله وانت
رياض تمام ومافيه احسن مني ألالك يومين ماجيت القهوه
فارس مالي خلق وبعدين ماوراكم جمعه عدله
رياض لا بس هالمره عندي لك شي عجيب تعال انتظرك
فارس اكيد شي زي وجهك
رياض انت تعال ومالك الا الي يسرك
فارس اكلم ماجد ونجي
رياض لا من الاحسن مايجي لأن الموضوع يخصه من بعيد
فارس بدا الخوف عليه وش المصيبه الي انت جايبها
رياض شوف بتقضيها رسايل معاي بسكر في وجهك تعال وشوف بنفسك
بعد ساعه وصل فارس وراح للطاوله الي جالس عليها رياض
فارس وهو يجلس قول شعندك
رياض عاد سلم
فارس ماتستاهل مايجي منك الا التعب
رياض بسامحك لأنك صديقي المهم تذكر البنت الي قلت لك عنها
فارس والله اسمح لي بناتك كثير أي وحده منهم
رياض نوره سعد
فارس بعصبيه وبعدين معاك قلت لك وكلامي كان واضح ماعليك منها واهلها ناس محترمين وانا اعرفهم ولا ارضى عليهم
رياض لحظه ..لحظه تقول محترمه صدقني هذي بنت صايعه مع شلتها ولا لو هي متربيه كان ماسوت لي سوته مع ربعها
فارس ماراح يأثر فيني كلامك ولا ابقي اصدقك
رياض طلع جواله وشغل مقطع الفديو لما صور البنات .. خذ طالع
فارس اخذ الجوال بعصبيه وصار يطالع فيه وكانت الصدمه الي ماتوقعها مافيه الا بنت وحده يعرفها عدل نوره حبيبته ماصدق نوره فيها الجرأه هذي حتى لو كان الموضوع عادي عند بعض الناس الي يعرفه ا ن اهل نوره ناس محافظين في هالموضوع حط الجوال على الطاوله ووحس الدنيا ضاقت فيه
رياض بفخر صدقتني الحين لا تقول بنت متربيه او محافظه مع اهلها
فارس خلاص مابقى اسمع ازيد من هالكلام ارسل لي المقطع
رياض اسمع ترا انا حاجز قبلك وبعدين .
فارس يقاطعه ارسل المقطع ولا كلمه زياده
رياض ارسل المقطع لأنه شاف فارس كان جاد ومعصب
فارس طلع من المكان بعد مخذ المقطع للفديو
رياض الحين دورك ياحبي ..دق على نوره
نوره2 منتبهت للرقم ردت نعم
رياض هلا بالقلب الحنون هلا بروحي وحشتيني كثير
نوره 2بلقت عيونها الصوت تعرفه عدل بس كيف عرف رقمها الجديد
رياض ياقلبي قلت لك لو تغيرين رقمك مليون مره أجيبه يعني أجيبه لو كان تحت الحراسه
شرايك فيني اعرف انكت دمي خفيف
نوره 2شتبقى مني
رياض نتسلى مع بعض ياحلو
نوره2أنا مو نوعيتك الصايعه ياحيوان ولا كل بنت مستوره لازم تهدم حياتها
رياض مروق وبستهزاء كثري منها يامستوره
نوره2 شقصدك
رياض سمعي لا تسوين لنفسك حركات انا بنفسي مصورك مع شلتك في الفيصليه وانتو كاشفات وجيهكم
نوره2انصدمت لأن الي قاله صحيح خافت من الفضيحه ومن اخوها خالد الي لو عرف بيذبحها ولا احد بيحاسبه
نوره 2بتوسل رياض صدقني احنا اول مره نسويها الله يخليك لا تفضحني انا انا وبكت
رياض حرام كسرتي خاطري لاتبكين عورتي قلبي كذا انا ماأتحمل اشوف دموعك بس سمعيني عدل اذا اتصلت عليك ردي بسرعه علي ولا تغيرين رقمك لأني بجيبه ولا تلعبين بذيلك من وراي سامعه
نوره شتقصد
رياض يعني تكلمين الشرطه او الهيئه كلها العاب مكشوفه لأن يوم ماراح يصير فيني شي عرفي خلال نص ساعه الرياض شايفه فضيحة نوره سعد سامعه ...سكر الجوال
نوره2 منهاره وتصيح دقت على نوره
لحقيني نوره بموت نفسي ..ورمت السماعه
نوره خافت على نوره2وراحت بسرعه لها لبيتها ..بعد 10 دقايق اوصلت نوره واستأذنت من ام نوره تصعد لها في غرفتها
نوره تفتح باب غرفة نوره2 ادخلت عليها لقتها مغمى عليها راحت بسرعه لها وبدت ترشها بماي كان قريب لها احد مارجعت نوره2لوعيها
نوره2 تحضن نوره لحقيني رياض ..رياض
نوره رياض شفيه
نوره2 الكلب كلمني وصار يهددني
نوره الحيوان صار يتمادى كثير لازم يوقف عند حده
نوره2 صورنا لما كنا في المجمع كاشفات وصار يهددني فيها
نوره تستوعب صورنا شلون يعني اكيد انتي كذابه
نوره2 والله قال لي صورنا لما كنا في المجمع نتمشى وقال بيفضحني اذا ماسمعت كلامه ويقول لأخوي خالد راح اموت يانوره وبدت تصيح
نوره انتي وانا ومشاعل ودلال ياويلي .ياويلي انتي اخوك خالد ومشاعل ابوها والله بيذبحها وانا انزلت دموعها
نوره2 انا ماقلت لك عشان تصيحين شوفي لنا حل
نوره نبلغ الشرطه ونقول انه عنده لنا صور ومزعجنا
نوره2 قال لي اذا بلغت أي جهه راح يفضحنا في دقايق وينشر المقطع شوفي حل ثاني الله يخليك
نوره الحين تفكيري مشلول خليني افكر
نوره2 شتفكرين اقولك قال لي يبقى يكلمني في أي وقت وبعدين اطلع نوره كلمي فارس يمكن يشوف لنا حل ويساعدنا
نوره انتي صاحيه اكلم فارس واقول له لو سمحت فيه واحد مصورنا ونبقاك تكلمه عشان اطيح من عينه
نوره2 تطحين من عين واحد ولا ننذبح كلنا نوره كلميه وقنعيه أنا احنا سوينا الحركه هذي طيش وندمانين عليها يمكن يساعدنا
نوره لا لا مبقى خلي فارس بعيد عن الموضوع وهذا الحيوان اعرف كيف اتصرف معاه
نوره2 طمنيني كيف
نوره الحين انتي قفلي جوالك هاليومين وبعدين اكلمك واقول لك كيف نتصرف معاه
البنات مر عليهم يومين وهم في حال الله يعلم فيه ؟؟؟؟؟؟؟؟؟؟؟؟؟
في الجامعه
نوره جالسه مع نوره2 وسحر والكلام بينهم شبه معدوم مع بعض
سحر بنات تبقون كابتشينو على حسابي
نوره ماعندي مانع
نوره2 اوكيه راحت سحر
نوره سمعي نوره فتحي جوالك اليوم واذا كلمك قولي له نبقى نقابله خليه يحدد اليوم ونروح مع بعض
نوره2 نقابله انتي مجنونه يعني راح اسوي الي يبقاه
نوره لاتخافين انا بكلمه ويمكن يقتنع بكلامي مافي غير هالحل
نوره2 راح تودينا في مصيبه كلمي فارس حرام عليك
نوره تدرين ان له يومين مأرسل لي رساله مدري شفيه وخايفه صاير له شي ولا اقدر اسأل سحر عنه وتبقين اروح اكلمه اااه يانوره خلينا نقابل الكلب ونتفاهم معاه
نوره2 رطلعت جوالها وافتحيه ولقت رساله جايتها تهديد من رياض ان راح يقابل اخوها اليوم عشان يوريه سواد وجه اخته نوره 2خافت وخلت نوره تقرا رسالته
في هالحظه وصلت سحر تفضلو تجلس
نوره2 ونوره يناظرون بعض والخوف باين عليهم
سحر شفيكم عاملين مصيبه وخايفين احد يعرف عنها
نوره لا مافي شي بس تعرفين السهر وجلست الصباح تعبانين منها ولا ننتبه للمحاضرات وخايفين نعيد الترم
سحر ماسمعتو المثل الي يقول نام بكير واصحى بكير وشوف الصحه شو بتصير على العموم الله يساعدنا كلنا ونخلص ونتخرج وتصير هذي ذكريات نضحك عليها بعدين
نوره2 من قلبها ااااامين
نوره2 راجعه للبيت مع السواق وهي نازله من السياره متوجه للبيت كانت فيه سياره قدامها يفتح الباب للسياره الثانيه وبكل غرور ينزل منها ويتسند على الباب
رياض واقف بثقه
نوره2 وهي تصعد الدرج وقلبها بيوقف وفي نفسها أي قوه يعيش فيها وهي عارفه انه مشال عيونه عنها بس اسمعت صوت اخوها خالد طالع من البيت ماتت خوف ادخلت وظلت واقفه ورى الباب تسمع اذا صج بيقول لأخوها
خالد هلا رياض شخبارك
رياض هلا فيك اسمح لي ياخالد ماعندي رقمك وجيت اعزمك بنفسي يوم الخميس الجاي
خالد كلفت على نفسك كان خبرت احد من الشباب وقال لي
رياض افا لا تقول اتعنا واجيك انا بنفسي اعزمك لا تخلي حياك الله
طبعا نوره حست براحه واصعدت غرفتها وبدلت وجاها الاتصال
نوره2 نعم
رياض بذمتك مامتي من الخوف وكان قلبك بيوقف. نوير اخوك ووصلت له بس ابقي اعلمك وهذي قرصة اذن لك سامعه
نوره2 اسمع ابقي اخلص من سالفتك متى اشوفك حدد اليوم نتقابل فيه
رياض لا مااقدر البنت صارت قويه وطالعه جامده نتقابل ياعمري ماعندي مانع
نوره2 اسمع مراح اكون بروحي صديقتي معاي
رياض احلى واحلى زيادة الخير خيرين
نوره2 لا تستهبل كلها كلمتين معاك ورد غطاهم حدد اليوم
رياض الليله ياقلبي اكلمك ونتفق
نوره2 في مكان عام
رياض مثل ماتبقين ياقلبي اخليك فمان الله
نوره2 بعد ماسكر الله ياخذك كلب وحيوان
انزلت مع اهلها وقت الغدا وجلست جنب ابوها كانت تبقى تحس بالأمان من قربه لها كانت ودها تقول الحقني يبه من الذيب بس اكتفت تحط رأسها على كتفه وهو حضنها
سعد شفيه الحلو اليوم ساكت مو عادتك
نوره2 تعبانه يبه كثير
سعد بخوف قلب ابوك فيك شي نروح المستشفى
عبدالله بس بدت دلعها على الوالد متى بتكبرين انا الاصغر منك كبرت على الدلع
سعد مت من الحره وحيدة ابوها وتدلع عليه ها يبه شتاعبك
نوره2ابقى اخلص من الجامعه وارتاح
خالد يمه من دلع البنات بتخلصين وان شالله بس تخلصين انتي ذالفه عند رجلك
سعد مدري انت تصرف عليها من جيبك الله يخليني لها وتجلس معززه في حضن ابوها
نوره 2حست برتياح من كلام ابوها وامان
الله يخليك لي يالغالي وباسته على خده
عبدالله الا خالد خويك رياض الي جه قبل شوي من وين عرفته
خالد في جلسه مع الشباب
عبدالله اقول طحت على واحد مريش لو تشوف قصرهم تتمنى تعيش فيه ولا سيارته عجيبه
سعد عن منهو تتكلمون
خالد عن رياض التاجر أبوه صالح معروف
سعد ايه عرفته من عيله كبيره بس ياعيالي صدقوني الغنى غنى النفس موالفلوس
خالد الله يهداك يبه انت تعيش في زمن الفلوس تتكلم وتخدمك فيه
عبدالله لو تشوفون السيارات الي يركبها ابن الذينه
خالد ياليت على السيارت وبس تصدقون اوقات اسمع انه سافر لدول اسمائها غريبه
نوره2 من كثر الكلام عن رياض حست انها بترجع قامت
نوره2 قولو لأمي ماني مشتهيه اتغدا بروح انام
سعد متأكده ماتحتاجين مستشفى
نوره2 لا يالغالي كلها ارهاق بريح عن اذنكم
واصعدت غرفتها
نوره منسدحه على السرير ماسكه جوالها
لك يومين مارسلت رساله خايفه صاير لك شي مدري ارسل له ولا لأ يمكن يبقى يختبرني يشوف اذا بهتم فيه اوووه انا تعبت برسل رساله اتطمن عليه
حبيبي فقدك هاليومين طمني عليك ان شالله تكون بخير
ارسلت وانتظرت الرد مر عليها وقت ولا رد وغفت عينها وحلمت انها تزوجت فارس وعايشه معاه احلى عيشه وصحت بعد وقت على صوت جوالها وردت
نوره هلا فارس
نوره2 انا نوره يالفاضيه
نوره حست بأحباط كبير هلا نوير
نوره2 كلمني وحدد الموعد بكره المغرب نوره انا معتمده على الله وعليك
نوره الله يساعدنا ان شالله
رياض يكلم جوال شرايك تجي وتشوف بنفسك لن مافيه بنت الا ولها سوابق
فارس اولا موكل البنات بس الطير على اشكالها تقع وبعدين انت رايح تقلباها ليه اروح اضيق عليك
رياض افا عليك لا تخاف بتجي معاها صديقتها
انا قلت انت ولا الغريب شرايك
فارس ساكت
رياض مراح اغصبك اكلم واحد ثاني
فارس مر علي بكره انتظرك
رياض خلك جاهز
ثاني يوم وعلى الموعد والمكان وقفت السياره نوره2 شوفي جايب احد معاه يفكرنا بنطلع معاه
كانو مايشوفون الي بسيارة رياض لأنه وقفها بالعكس
ينزل رياض ويوقف عندهم ها جاهزين
نوره انت مجنون ولا غبي ولا تظن كل الناس مثلك وبنفس اخلاقك الزباله
رياض عفوا اذا متبقين تجين معانا ذلفي يالله نوره
نوره2 ياحقير لا تفكر اني جايه اطلع معاك
نوره ابقي اشوف مقطع الفديو اذا انت صادق من الاساس
رياض يبتسم جايبه لك محاميه يحلوه بس يالله تفضلي عشان تصدقين انا رياض التاجر ومااكذب خذت نوره الجوال وشافت المقطع وكان كلامه صحيح
رياض تأكدتي الحين
نوره وبكل قوتها رمت الجوال عند جدار قريب منهم وتكسر الجوال لقطع
الحين ماعندك لنا شي كذا احنا خالصين
رياض بعصبيه مسك يد نوره ياحيوانه ليه سويتي كذا
نوره2 اتركها ياحقير
نوره اتركني لاألبسك قضيه ماتطلع منها طول عمرك
بصوت مجروح وبقوه فارس اتركها رياض
الكل واقف نوره منصدمه هذا فارس الثاني الي كان جالس في السياره
قرب لنوره وهو يناظر عيونها
فارس تفوووووووووووه عليك ياواطيه ياحقيره عامله نفسك شريفه ونقضيها رسايل بس وانتي تلعبين على الحبلين يوم انك كذا قلتي لي كان مريحك من زمان
نوره فارس الموضوع موالي انت فاهمه انا انا
فارس انتي وحد متربيتي وعديمة شرف بس مااقدر اغث اخوك وابوك مايستاهلون يعرفون بنتهم طلعت زباله
نوره تحاول تمسك دموعها قربت من فارس
و طرررررررررررررررررررخ كف
فارس ناظرها باختقار ومشى
رياض مصدوم وكان ساكت ماهو عارف السالفة
نوره2 ونظرات الحقد لرياض الله يبلاك بمرض ماله علاج الله يدمر حياتك
رياض مشى نوره انهارت وطاحت على الارض نوره2 ماتحملت خسارة صديقتها
مشت ورا رياض وطلعت سكينه كانت جايبتها معاها ولما قربت منه
نوره اصرخت نوره لاااااااااااااااااااااااااااااااه
رياض التفت وانصدم لما شاف نوره 2كانت بتطعنه في ظهره اخذ السكين من يدها بالقوه
رياض بتذبحيني ينوره كانت في عيونه اسأله بس ماقدر يسأل احد الموقف مايسمح راح وركب سيارته مع فارس ومشى
نوره2جات لصديقت عمرها وساعدتها تقوم من الارض لأنها منهاره وركبو السياره نوره كانت حاضنه نوره2 وتصيح من قلبها انها خسرت حب حياتها
اما فارس كان مسند راسه على الكرسي ومغمض عيونه
على كثر السنين الي عرفتك ماعرفتك زين
تمنيت اني ماشفتتك ولا لحظه ولا شويه
حسبت انت وانا نبقى حبايب نبقى احلى ثنين
حسبتك تبقى لي طول العمرمخلص وفي ليه
واثري حبنا كذبه نسيت العشره في يومين زرعت الشوك انا بنفسي غرست الهم بيديا
تعال وشوف وش كثر الدموع الي تخون العين كثر ماخانني حظي وعرفتك وانت موليه
واذا قصدك تبيع وتشتري قلبي انا بحرفين
أبي امحي الحب من قلبي واعيشك ذكرا منسيه
اناني مثل ما وانت ولا يفرق معاك البين
وانا ماعاد تعنيلي وخساره فيك ماضيه
رجع فارس البيت وصار يتمشى في الحديقه مع افكاره وصدمته ..
فارس ليه ينوره ليه جرحتي قلبي بعد مختارك بنفسه له ولا يمكن مالي حظ لا مع الي يختارونهم اهلي ولا مع الي اختارها قلبي لكن خلاص بنزع حبك من قلبي مع اني عارف مراح اقدر دخلتي فيه وتربعتي ااااه من قلبي
رجع ودخل للبيت وكان ينادي بصوت عالي
فارس سحر ياسحر
ليلى خير يمه شفيك
فارس وين سحر
حصه فوق في غرفتها
صعد وهو يناديها وليلى وحصه وراه
سحر اسمعت فارس يناديها وطلعت من غرفتها
هلا خالي تناديني
فارس سمعي مره وحده بقولها ومراح اعيدها الصعاليك الي تماشينهم لا أشوفك أو اسمع انك تمشين معاهم
سحر ليه شفيهم ربعي
فارس لا تقولين ربعي وكلامي مسموع
سحر لا مراح اسمع كلامك وربعي متقدر تبعدني عنهم
فارس هذا الي خذناه من مشيك معاهم صرت طولين لسانك وتردين بعد بس سمعي هذا خلود معاك اذا قالت لي انك ماشيتيهم تحملي الي بيصير فيك
سحر بصوت عالي مراح اسمع كلامك ولا تمشيني على كيفك بسك سيطره في حياتي انت مو ولي امري سامع
حصه سحر وجع تأدبي مع خالك
ليلى اعوذ بالله من الشيطان احد يفهمني السالفه
فارس تحرك بسرعه لسحر وعطاها كف قوي وزاد بالضرب لحد ماطاحت على تحفه وضربت رأسها بقوه ليلى وحصه ماسكين فارس يهدون فيه خلود ساعدت سحر تقوم وتوديها غرفتها وقبل لا تدخل سحر
سحر لو تقطعني قطعه قطعه يافارس حمدان مراح اسمع كلامك مو انت ولي أمري وقفلت الباب عليها لأنها شافت فارس جاي وعيونه كلها شر
فارس يرفس الباب بقوه مردك بطلعين يزباله وبتشوفين شبسوس فيك وراح لغرفته
خلود انا قلت مراح يجينا من ربعها هذيلي ألا المصايب
ليلى انتي تعرفين شي
خلود بصراحه لا
حصه رايحه اسأل سحر
ليلى لا يمه خليها الحين وبعدين نفهم السالفة منها
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أوصلت نوره وهي منهاره وصياح في غرفتها يحرق القلب ...
معقوله نهاية حب نوره تكون بهذي الطريقه أخسرت حبها وكرامتها في نفس الوقت ومن شخص واحد
مرت اليله هذي صعبه كثير على فارس الي سلم قلبه لوحده تلعب في المشاعر
ونوره الي الي حست بالذنب والحسره لأنها تسببت في خسارة حب صديقتها
رياض الي جالس يضرب خطوط ويبقى يعرف سالفت فارس
سحر الي اندمت على طريقة كلامها مع خالها وتسأولات ليه يمنعا من ربعها
نوره الي صارت تقرا رسايل فارس ودموعها ماليه وجها وطعم الفراق الي حست فيه من بعد فارس ؟
تابعو الأحداث القادمه مع الجزء الثالث ..
|