@الفصل الثامن@
في بيت بو فيصل
نزلوا لمى وريتاج في الصاله ونفسهم في خشمهم
لمى وريتاج:السلام
ام فيصل:وعليكم السلام
شجون كانت تطالع التلفزيون
لمى:ليش ماتردين السلام تراه واجب
شجون تلف عليها:سوري ماانتبهت ........هاي
ام فيصل:الناس يقولون وعليكم السلام......... مو هاي
شجون:اووووف يمه لاتكبرين السالفه كلها واحد
لمى تبي تعصب امها :ولاتقول لهما افِ ولاتنهرهما
وتكمل ريتاج بلقافتها:وقل لهما قولا كريما
ام فيصل:الله ياالدنيا قام الصغير يعلم الكبير
(بعدين طلعت)
لمى وريتاج ماتوا من الضحك وشجون عصبت على لقافة اخواتها
ريتاج:تستاهلين عشان ثاني مره تعرفين كيف ماتسكرين المكيف
لمى:ههههههههههههههههههههههههه
دخلت وئام
وئام:وش عندكم تضحكون
طلعت شجون من الصاله وهي الا الحين معصبه ووئام تناظرها
وئام :وش السالفه......!؟؟ شفيها مادى البوز؟؟؟
لمى : ماعليك منها ......بجي اليوم وينكسر غرورها
وئام :شرايكم بنات ........انا اليوم استلمت المكافأه وعازمتكم على العشا
ريتاج بفرح :الله وين
وئام:في مجمع الظهران
لمى :بس بشرط .......بعد العشا تودينا باسكن روبنز
وئام وهي تضحك :اوكي صار
ريتاج:لحظه ..........وانا ابي جيان
وئام :لا واللي يرحم والديك الا جيان
ريتاج :ليه اجل رازه وجهك وتودينا مجمع الظهران ؟؟
وئام:انا اعرفك اذا وديتك جيان ماراح يبقى شي فيها
ريتاج:لابس بشتري فليك وببسي وفلوتات وكتكات ومالتيزرز وتسالي ومجله لها وروتانا و..........
وئام قاطعتها :بس بس بس هذا اللي ماراح تشتري شي
ريتاج :أي بس
وئام تلف على لمى اللي ميته من الضحك
وئام :ياحول وش يسكتها ماقلنا شي
لمى وتزيد ضحك :هههههههههههههههههههههههههههه
ريتاج وهي تحط يدينها على خدها :لاحوووووووول عاد انتظريها لمن تسكت لا ازيدك من الشعر بيت اذا جا بكره تتذكرت السالفه وتضحك
وئام:اقول لمى بلا سخافه وروحي قولي لبسام يودينا هو في غرفته ويلبس اكيد بيطلع ........قولي له يودينا على طريقه
لمى بعد ماوقفت من الضحك :وليش انشاالله ماتقولين له
وئام :لأنه مايرفض لك طلب
لمى:المفروض انتِ اللي تقولين له لأنكم من جنس واحد
ريتاج مسكت بطنها من الضحك:هههههههههههههههههههههههههههه
وئام بعصبيه:لا والله من بياضك اللي يشق الجدران بس انا احلى منك
ريتاج بدلع :لاانا احلى
(لا انا احلى)
والتفتوا لقوا شجون واقفه بغرور
لمى:لاانتِ ولاهي غرام وبس
وقام الكل يطالع ببعض
ريتاج :ايه صدق متى بتجي
وئام :امي تقول بعد اسبوعين
وتكمل:وروز وينها؟؟؟
شجون:نايمه الظاهر البروستد اخذ مفعوله من عيوني
ريتاج عصبت:ياحماره مو هذي اللي ماتبي ومسويه رجيم
الكل:ههههههههههههههههههههههههههههه
شجون تأشر على نفسها:انا حماره يالبقره
ريتاج تأشر على نفسها:انا بقره يالتيس
لمى :هههههههههههههههههههههههه شكلكم انتم مطولين في السوالف خل اروح اقول لبسام احسن من وجهكم (وطلعت)
ريتاج وهي تصارخ عشان تسمعها :احلى من وجهك يالماعز
لمى وهي ترقى الدرج وتضحك الا يقابلها بسام وهو لابس
بسام :وشفيك تضحكين؟؟؟
لمى سكتت من الضحك
لمى بتردد:بسام
بسام:يالله قولي وش تبين؟؟
لمى: طلبتك
بسام:وش تبين اخلصي ؟
لمى :ودنا على طريقك مجمع الظهران
بسام:انا مشغول قولي لفيصل او ابوي يوديكم
لمى :تكفى طلبتك .......لا تردني
بسام وهو نازل:طيب عشر دقائق...... اذا ماشفتكم في السياره بروح
لمى وهي تنزل عشان تقول لأخواتها :طيب
ونزلت وقالت لأخواتها وامها اللي عيت تروح وراحوا فوق يلبسون
وئام راحت قومت روز والبسوا ونزلوا في السياره
في السياره جلست وئام وروز جنب بسام وريتاج ولمى وشجون ورى
بسام يلف على وئام:اليمامه السوده
وئام:سوده في عينك قول آمين
ريتاج:آمين
الكل قام يضحك:ههههههههههههههههههههههههههه
بسام يطالع بالمرايه ريتاج لأنها وراه:انتِ محد كلمك
روز:جد بسام حرام عليك لاتعقدها لأنها سمره
بسام:لاوالله عاد كافي اقول مثل ماابي
وئام :كذاب منقهر عشان اني احلى منه وابيض
بسام:هاهاي ضحكتيني....... انا اصلاً لو ما دخلت العسكريه كان صرت ابيض منك
وئام تستهبل:احلف
ريتاج :محد طقك على يديك وقالك ادخل
بسام:ارجعت القافه بس برد عليك ......لأني مااحب دوام الشركه وجيب هذي الأوراق واطبع هذي الأوراق وروح سوق الأسهم واشترك في هذي وبيعهاوغيره وغيره يعني وجع راس معتبر
ريتاج:على الأقل احسن من انك تطلع الأربعاء وترجع الجمعه
بسام:والله البزران ماينعطون وجهه....... كلها شهر واتخرج
شجون:توك تدري انا البزران ماينعطون وجه
ريتاج بعصبيه:انطمي انتِ محد كلمك..... من كبرك يعني
بسام بصراخ:خلاص ماابي هواش اللي بتكلم بحذفه من النافذه
والكل سكت ووئام وروز يضحكون بصوت واطي واكيد طبعا لمى اللي ماتت من الضحك
لمى:هههههههههههههههههههههههههههههه
ريتاج:وش يسكتها بسام انتظر لمن نوصل اذا اسكتت اعطيك اللي تبي
لمى:ههههههههههههههههههههههههههههههههه
بسام ضحك :اكيد مايحتاج تقولين
لمى:ههههههههههههههههههههههههههههههههه
وصلوا المجمع
بسام :اذا خلصتوا دقوا علي
روز وهي تنزل:انشاالله
|