منتديات قصايد ليل - عرض مشاركة واحدة - تكفى ضمني بالحيل وراعي مشاعري .. وأدفني بين إيديك وأجبر بخاطري:بقلم /خآنتني أحاسيسي

08-04-2011

نرجع لتركي ..
تركي نزل من المصعد طبعا وطلع خارج المجمع وكالعادة لان دق المبير عنده طلع من جيب جاكيته زقارة وولعها وتسند على بوابة المجمع وجلس يدخن .. رن جواله :نعم
علي : وينك يامعود بنقوم احنا نفتر .. لان نص ساعه وبنطلع ..
تركي : خلاص انتظركم برى ..
علي : تركي فيك شي .؟
تركي :يرحم أأمك مافيني شي .. بس اذا خلصت هذا انا يم بوابة المجمع الي دخلنا منها ..>>كذااااب
علي : طيب ابراحتك ..
تركي :سلااام
علي :: سلام ..
الشباب: بلاه تركي .؟
علي وهو يرقع السالفه :لا بس يقول ان مصدع .. >>مسكين مايدري عن الي متربع بقلب اخوه
فارس : أجل يالله نمشي الحين
الشباب : ايه يالله ..
نور ونوار: آآو ماآآي قوود
فارس : اقول بلا هرج يالله ..

قربوا من المصعد بينزلون وكعادة فارس وعلي على الأكشن الي يسوونه سوى بينهم وبين بعض ولا يم اهلهم ..
فارس : اقول علي ..
علي :هلا بن عمي ..
فارس بهمس لبدر : بدر اشرايك نتحدااه ينزل من المصعد قبلنا ..
بدر : والله انك شيين بس يالله لعيونك ..
فارس بدر : علي .
علي : هلا ببن العمة وولد العم .. خلصونا نبي ننزل .. اخوي تصرقع بالبرد ..
فارس وبدر : نتحداك تنزل من المصعد قبلنا ..
علي يحب التحدي وانه يغامر :تتحدوني هآآ .. انت وياه .؟
عبدالله : لاتطاوعهم علي ماعليك منهم بس يبون يستغلونك بالتحدي ..
علي : ههههه انت ابصر فيهم بس انا اعلمكم انتظروا ثواني
البنات استغربوا وهم يناظرون لعلي رفع ثووبه واربطه على خصره . وقام ينزل من المصعد بسـرعه لحاله بدون ماينتظر المصعد ينزله ..
بدر : طالع هذا صدق
فارس مو قادر يتكلم من الضحك : هههههههههههههه توحفآآ ياعلي .. داائما تكسب التحدي وانا اتفشل
خالد : والله انك فاضي يافارس ..
فارس : لا وانت الصادق ممتلي مو فاضي .
انزلوا كلهم والبنات مو مستوعبين حركة علي .. سارة قلبها بيتشقق من الفرح من الي شافته تموت على علي حتى بمزحه وخفة دمه وكل شي ..
فارس وصل لعند علي : والله صيختني ياولد العم >>>يعني افحمتني
علي : اعلمك ماتقدر تتحداني ..
طلع كل واحد ومعاه اخته عدآآ اريام .. الي اصرت عليها اروى انها تروح وياهم وبالمووت رضت لانها تبي ترجع مع بيت خالها محمد عن الفشييلة ..
علي شاف تركي وبيده الزقارة وتركي مو حآس لان بعالم ثاني : ياهوو ين رحت ..؟
تركي : معاك ..
علي يستهزئ : ادخل بعيني اذا انت معاي .
تركي ويرمي الزقاره يدوسها برجله وكل الأنظار عليه تركي انتبه لنظراتهم بس تجاهلها ..
جات واحدة من بنات الليل .. وظلت تناظر لتركي تركي ماحس بس سمع واحدة تقول ((ياحلو)) استغرب يلتفت يمين شمال والشباب استغربوا وقالت :أنت يلي لابس الجاكيت الاسود ..
تركي يناظرها من فوق لتحت بحتقار : أنتي متأكدة أنك بنت .؟
فارس يهمس له :تركي مو وقته كلش يالله نمشي لانسوي مشاكل
بدر : يرحم ؤؤمك تركي خلها تولي باين عليها انها مو متربيه شوف شيلتها اشوي وتفسخهآآ لا واللثمة عاد..
البنت :بلاك سكتت .. اكيد تبي رقمي سجل عنـ .......
طبعا قاطعها تركي بان مشآآ عنها ولا عطاها أي اهمية
خالد ورافع حاجبه : أفحموك يا ... يابنت الليل
البنات مشوا وهم يناظرونها بقرف ..كل واحدة ركبت مع اخوها بسيارة ..
سارة : خلاص فارس حرك اريام بتروح مع بيت عمي عبدالعزيز ..
فارس ويناظر سارة من المراايا : وليه .. تضايقت منآآ ..؟
نور :لا بس ان آروى اصرت عليها ولا حبت تزعلها ..
فارس : حصل خير..

حركوا كلهم .. تركي بعد القرف الي شافه يوم ركب السيارة حس براحه نفسية ..
ويحس ان وده ماينزل منها .. وضل يسوولف مع اخوه علي
آروى : تركي شفييك .؟
تركي ببتسامة :مافيني شي حبيبتي .. بس كنت مصدع اشوي والحين خفييت ..
اروى : ماتشوف شر ... علي ..
علي : نعم ..
اروى :لاتنسى تمر بيت عمتي شريف
يرن جوال اريام ..: هلا يمه .
شريفة : ماجيتي .؟
اريام : هذا انا بطريق جاايه ..
شريفة :خلاص انتظرك مابتعشآآ لما تجين
اريام : تسلمين ياغلى أم بدنيآآ ..
شريفة :الله يسلمك ويحفظك ويخليك .. وافرح فيك
اريام استحت : يمــــــــة
شريفة:مع السلامة
اريام : سيآآآ

تركي يحس قلبه بيطلع من مكآآنه من صوت وبحة وعذوبة صوتهآآ الي يتردد على مسامعه
تركي بجرئة ماتوقعها : يابنت العمة نزلي تعشي ببيت خالك ..
اريام منزلة راسها والخجل الي باين عليهآ وماتدري عن مشاعرتركي : آروى قولي له ماقدر ماما تنتظرني ..
اروى : العمة تنتظرها .. ماتقدر..
تركي بينه وبين نفسه : ياويل حالي على خجلها يالبى قلبهآآ .. لازم بكرآ اخطبهآ ..
علي ويطق بصبعه بوجه تركي : تركي اروى تكلمك وين تهت .؟
تركي وتوى ينتبه : ايه ايه سمعتها ..

الكل وصل على بيته

أريام : اهلين مامي ..
شريفة :هلا فيك يمه
أريام : يالله انا بروح ابدل واجهز العشآ معاك ..
شريفة :العشآ جاهز جهزته معاي الشغاالة من يوم دقيت معاك
اريام وهي صاعد الدرج ببتسامة لأمها : الله يخليك وعسآني ماخلى منك .

بيت عبد العزيز ..

آروى : والله ونــــــــــآسة .. ياليت كل اسبوع ولا كل اسبوعين تصير ..
علي : كثري منهآ اقول .. احمدوا ربكم طلعناكم هالمرة ..
آروى : اشدعوة ياحافظ .. مافيها شي لو طلعتونآ
علي: ان شاء الله خير .. من هنا لبعد اسبوعين يصير خير
تركي : اقول عن اذنكم بصعد آنام..
علي : ماراح تتعشآ ..؟
تركي : لا مو لازم لان فيني النوم والنوم سلطان هههه

على الساعة 2 بالليل في غرفة تركي ..

تركي منسدح على السرير وحاط يده وراء راسه ويده الثانيه يغلب بالجوال : آآه ياربي ودي انها تحس فيني وتحس اني ابيها .. بس احسها كلش مو حآسة ومو منتبهة .. لالالا .. هي يمكن تحس بس متجاهلتني يمكن انها تستحي ..(ترك الجوال وتغطآ بديباج) خلني ارجع انام مرة ثانيه احسن لي لايلعب براسي الشيطان .. بس لازم افاتح ابوي بالخطبة ..

خالد مع ربعه يتمشون بسيارة والاغاني حدهـــــــــــآآ ويصفقون بسيارة ويستهبلون .. الا ويرن جوال خالد ..
خالد يأشر لربعه (يعني سكروا الأغنيه) وسكروها ورد على جواله ..
خالد: نعم ..
بدر: وينك .؟
خالد: برة مع ربعي ..؟
بدر : طيب متى بترجع.؟
خالد: تحقيق ..
بدر بعصبيه : اكل هوى وقولي متى راح ترجع ..؟
خالد: ان شاء الله نص ساعه وارجع ..
بدر : ابيك بموضوع ..
خالد مستغرب ومنصدم بينه وبين نفسه: اول مرة بدر يطلبني بموضوع ..غريبه
بدر: هييي معاي انت ..؟
خالد بارتباك: اآآ ... ايه ايه معاك خلاص ان شاء الله نص ساعه بالكثير ورااجع ..

ســـــــــــــــــــــارة بغرفتها كالعادة ماسكة القلم والدفتر وتكتب خاطرة بخصوص اليوم .. احتارت شنو تكتب كل ساعة ماتمزع ورقة .. وفي النهاية قررت تكتب )أحبك ياخي حس على دمك )

نور ونوار بغرفتهم كل واحدة منسدحة على سريرها ويحكوون عن الي صار بالمجمع ..
نور وهي تلعب بشعرهآآ ونمبطحة على ظهرها فجآه نطت تقابل نوار : نوار اقولك شي بس لاتفهميني غلط ..؟
نوار ببتسامة وحماس: قولي وواذا فهمت غلط صححي لي ..
نور تلعب باطراف ديباجهآآ ومبتسمة بحيآ: آممممممم..
نوار تمزح: ماخبري انتي تستحين
نور تنرفزت وكشرت بوجهها: مالت عليك والي يقولك ..
نوار: والله امزح اشفيك.. يالله اسمعك
نور : على بالي بعد .. امممممم احس بدر شخصيته تجننن ..
نوار فتحت عيونها :....................
نور تأشر بيدها في وجه نوار : هييييي شفيك فهيتي .؟
نوار : نور لايكون تحبين بدور ولد العمة مريم ..
نور : آممممم وشفيهآآ .. وبعدين قلت لك لاتفهميني غلط.. يمكن يكون بس اعجاب ..
نوار : ماقولك بصراحه بدر ينحب بس انا مافكرت بيوم ان احب .. ماضمن ان يكون لي ماحب اعشم روحي وبنهاية اتحطم .. وياكثر ماتصير بين الناس كذآآ .. والله حرام الله مايرضاها .. نعذب روحنا بالحب وبنهاية ســـــــــــــراب
نور : اقول بلاها هالمحاضرة.. بس هاا ماوصيك الكلام بينآآ ..
نوار : افا عليك سدك بالآآمان.. اقولك شي ..
نور : قولي .. أمري ..تدللي .. غردي ..
نوار : الله الله المزآآج اليوم رااايق ..
نور : آمممممم .. انتي تشوفيني كذا .؟
نوار : ايه .. بس انتبهي لاحد ينتبه عليك .. الا صدق ماتحسين بالمجمع سارة ..
نور : وش فيها .؟
نوار : آمممم ..مدري احسها تطالع في علي كثيير .. بس انا سويت روحي متجالتها لوا اشووفها وهي اساسا كانت .. تفكر مااحد منتبه لها..
نور : تدرين انس نسييت .. وصدقت تبريرها لموقفهآآ ذاك المرة بس الحين خليتيني اشك انها صدق تحب علي ولد عمي مو أحد ثاني زي ماقالت لنا ولا اخو صديقتها الصغير ومدري وشو ..
نوار : انا لو بمكانها اكيد ببرر موقفي .. خاصه ان بعيلتنا شي مو عادي ان الواحدة تعلن حبهآ بينهم لشخص الفلاني سوى بعيد ولا قريب.. وبالفعل لو فكرنا فيها ..حرام نأمل ونعشم حالنا وبنهاية .. نووويه .. مايصير شي ..
نور : صدقتي .. خلينا ننآآم أحسن ..
نوار : تصبحين على خير ..

يوســـــــــــــــــــف &حــــــــــــــــــــور ..

حور واقفة قدام التسريحة تمشط شعرهآآ جاء لها يوسف من وراها ومسكها من خصرهآآ وانفاسه صارت على رقبتها حور تحس انها جمدت في مكانها وانشل جسمهآآ يوسف وهو هااايم فيها وراسه مدفون برقبتها : انتي كل يوم عن يوم تعذبيني ياحور ..
حور وهي بوضعيتها رفعت راسها لفوق وغمضت بخجل : شذنبي دآآمني حلوة .!
يوسف رفع راسه وخلى حور تكون مقابلته ولف ايدينه حول رقبتها : ليتك حلوة بس.. يابنت أنتي بعثرتيني بعثرة مامثلها بعثره.. انتي خلتيني هآآيم ..
حور من الحيآآ نزلت راسها : يوسف ..
يوسف ببتسامة جانبيه : لبــــــــــــيه عيون يوسف ..
حور : ..................
يوسف بخبث : حوريتي ..
حور : عيونهآآآ..
يوسف : ماباقي من الليل الا ساعتين ونص ..
حور فهمت قصده بس سكتت وابتسمت وراسها منزل للأرض..
يوسف : يالله خلينآآ ننآآم ..
حور رفعت راسها بسرعه : انت قلتها ننآآم .. يعني صدق ننام
يوسف ويرفعها بين يدينه : أنتي فاهمه قصدي لاتحاورين وتزااورين ..
حور : خطيييييييييييير يايوسف
يوسف يبي يجننهآآ : من عاشر قوم .... ماكمل ..
حور تحسست من مزحه قاطعته : يوســــــــــــــف
يوسف نآآظرهآآ وغمز لها وودآآها على السرير ..>> لهينآآ وبس ^_^

بيت نـــــــــــــــــــاصر ..
خالد توى داخل البيت وشاف بدر عالكنبه ومنزل راسه وواضع يدينه وراء رقبته وحس خالد كأن بدر متوتر ..
خالد وهو يحط جواله على الطاولة : بدر ..خوفتني شنو فيك .؟.
بدر رفع راسه على صوت خالد : والله مدري ياخلوود بس انت اكثر شخص تدري اني ماحب اقول لأي شخص عن الي بقلبي .. بس مدري اول شخص جا على بالي انت ..
حالد فتح عيونه من الخوف ومن كلام بدر الي ماتوقع بيوم ان يقوله مثل هالكلام ولا يفتح قلبه قرب من بدر حط يده على جبينه .. بدر استغرب من تصرف خالد .. خالد: بعد أنت صاحي وحرارتك كويسه
بدر بنرفزه : خالد والله مو فاضي لمزحك ورجتك ..
خالد : لاتلومني يابدر بس انا مستغرب منك انتي يلي ماتفتح قلبك الا لله .. ولاتشكي الا لربك سبحانه تجي وتقولي ..
بدر بزفره : شوف هو مو هم بس مدري طقت في راسي ..
خالد برجة :شنو الي طق براسك ... لاتتكلم بالالغاز يرحم امك ..
بدر ابتسم على رجة خالد : ابي اتزوج ..
خالد بقق عيونه ووقف من هول الصدمة وطق على صدره : ياالهــــوي ..
بدر ضحك : اقول لاتستهبل .. انا قلت شي .. وأجلس وبعدين كل ذا انصدمت اني بتزوج
خالد جلس : اشرايك انا وانت نتزوج بليلة..
بدر ببتسامة : انت خلص دراسة ويكون زواجنا بليلة ..
خالد يصفق باستهبال : أوووه وينك يام بدر تجين تسمعين الكلام .. والله انها بتجن من الفرحة ..
بدر : اكييييد راح تفرح
خالد وهو يغمز بخبااثه لأخوه: طيب ماقلت لي مين الي تبي تخطبها ولا مافي مزاجك واحدة معينة ..؟
بدر ببتسامه :اشفيك أنت ماتجوز عن حركااتك .. آممممم اصلا انا الي خلاني اخطب هي البنت الي دخلت مزاجي ولا انا مو حاط ببالي الفكره ..
خالد وحط رجل على رجل : أوه أوه أوه بعد دخلت مزآآجك يعني طآآآزجة ..
بدر يرمي الخدادية على خالد : اشفيك انت .. بتهبلني .. لاتهبب لي كذاا بالكلام ..
خالد :هههههههه صج قولي مين هالبنت الي هبلت فيك ..
بدر : اشراايك .. بــ نوار بنت العم محمد ..؟
خالد وهو يصفق له : اشهد لك .. البنت عليها جمال يسقط الصقر من السما >>يبي يجنن اخوه
بدر :هييي انت انا ماقلت لك تغزل فيها
خالد : بدينا نغااار ..!!
بدر : مدري انا ودي اخطبها بس اخاف يكون اختياري مو مكآآنه .. يعني اقصد لك مامرة سمعت لجين تتكلم عن اخلاقها ادبها كذا ابي اعرف اشياء مابي انشد لجمالها وبس ..
خالد :شوف انت اسئل امي .. لان لجين بتخر الكلام عند اعيال عمك .. وانت ابكيفك
بدر: صاار ..ووقف .. يالله بروح انام انا بس هاا الكلام بيننآآ
خالد : ابشر .. لاتوصي حريص ..

بعد يوميين ببيت بوتركــــــــــــــي

حور : يبه متى بتخبر تركي عن حفلته لازم يدري .. عشان يستعد
علي : صح يبه .. كلام حور عدل ..
بوتركي : قريب ان شاء الله بقوله ..
حور : يبه شنو قريب ماباقي الا بكرة والي بعده حفلته ..
آروى : عدل كلام حووري ..
تركي لسآآ جاي من برى :هآآ .اليوم حووري عندنآ ..
حورببتسامة : بس اشتقت لكم ..مايحق لي .؟
تركي ويحط رجل على رجل ويرجع ايدينه وراء رااسه : يحق لك مو أنتي بنت عبدالعزيز ..؟
حور بفخر : وافتخر ..
بوتركي : استعد ياتركي .. مع ان ناوين نفاجئك بس لازم يكون عندك خبر عشان تستعد ..
تركي نزل رجله ومدد ايدينه وشبك اصابعه وعقد حواجبه :وشو يبه ..؟
بوتركي : بعد بكره حفلتك في منتجع *****
تركي ابتسم : أووه وانا اخر من يعلم..وبينه وبين نفسه ..أجل ماراح اكلمه الحين عن اريام
بوتركي : لان نحبك قلنا نفاجئك .
آروى : عاد هالله هالله بالكشخة ..
تركي :انا كل يوم كاشخ ..
علي بخبث : آآآآآيه .. وانت صادق
تركي ابتسم ابتسامة جانبيه وناظر علي بخبث : عليوو .. اسكت احسن
علي باادله نفس النظرة والابتسامة : اذا انت واثق احقرني
تركي ضحك : داااهيه ..
علي : ههههههههه

بعد يوم الكل جهز نفسه لحفلة تركي .. البنات تكشخوا والبسوا احلى ماعندهم والاولاد لبسوا ثياب وشماغ والكل يتنافس ان هو يطلع احلى من البنات ..
حور أثناء ماهي واقفه قدام التسريحة تلبس الاكسسوار المراايآآ طلع يوسف من غرفة التبديل وهو لساته مازرر ازارير ثوبه
:أوووه والله خايف ان أحد يخطفك ..
حور ابتسمت له : لاتباالغ يوسف ..
يوسف وهو يحط الكبكات بثوب : والله مابالغ وانا عند ربي صادق ..
حور خلصت من لبس اكسسوارها ولفت على يوسف وقربت منه وزررت ازارير ثوبه وعيونها ساعه على الازارير وساعه بعيون يوسف : طالع نايس يايوسف ..
يوسف خلص من تزرير الكبكات و ببتسامة وعيونه لازالت معلقة بعيون حور وحور نزلت عيونها بتزرر اخر زرار ماحست الا يوسف ماسكهآآ من اكتافها وشهقت حور ولزق جبهته بجبهتهآآ وانفاس يوسف كلها على وجهه حور تحاول تفك حالها من يوسف ..يوسف : وين بتروحين ..؟
حور وهي منزله عيونهآ عن عيونه : يوسف تكفى مانبي نتآخر ..
يوسف بعد وجهه عنها بس مازال ماسك كتوفهآ : طيب شفيك وكأنك حزنآآنه
حور ابتسمت ابتسامة مصطنعة : لآآ مافيني شي .. بس يالله لانتأخر .. وانتبه على حالك لاتنسى نفسك يايوسف الوقت مو لنا الوقت ضيق ..
يوسف وراح قدام المرآآيا ويلبس شماغه ابتسم بخبث : آآيه صح كلامك الوقت مو لنا الحين .. بس الساعه 2 بالليل لنآآ ..
حور انقهرت من كلامه لان هي متضايقة مالها خلق للكلام يوسف ومزحه : يوســــــــــــف ..
يوسف أنتبه لعيونهآآ ان فيها شي ومو رايقه لأحد بينه وبين نفسه : شنو غلب حالها كذآ .؟
بعد مالبس شماغه وتعطر راح لعندها على السرير وهي جالسه تلعب باظاافرها >>متوترة
يوسف لف يده عليها ومسك يدها بيده الثانيه : حووري عمري شفيك ..؟
حور بهمس : مافيني شي ..
يوسف يهمس باذانها : حووري شنو فيك ..؟
حور لفت عليه وحطت راسها على صدره :

انتهى البارت الرابع ..

انتظروني البارت الخامس