فارس لما ركب السياره كان مبسوط مرتاح مايدري ليه بس كان داخله احساس جديد اول مره يحسه 00وصل البنات للقصر وانزلو 00
سحر خالي ممكن طلب صغيرون
فارس ماخلصنا طلبات
سحر أذا ماعندك مانع ممكن أروح لنوره اليوم جمعة بنات بنطالع افلام و0
يقاطعها فارس على مااعتقد الموضوع ألي فيه بنات وطلعات منتهي منه أذا مافيه احد يروح معاكم لا
واذا اهلهم مسبلينهم أحنا لا
سحر بس ياخالي اهم محل ثقة اهلهم وعمرهم ماخانو الثقه
فارس سحر انتهينا مافيه روحه
خلود قلت لك لا تعبين نفسك اخذي افلاامك وطالعيها في غرفتك 0صعدت خلود وسحر لغرفهم 00
الساعون 9فارس كان مار جهة الغرف ووقف عند غرفة سحر يدق الباب
سحر تفضل 00يدخل فارس وشاف الانوار مطفيه الا الابجوره وسحر جالسه على السرير
فارس بتنامين الحين
سحر ماعندي شي انام احسن
فارس يبتسم مااقدر ازعل هالعيون جهزي نفسك
سحر مشكور ماابقى اطلع
فارس لاتستهبلين بوديك عند الشله الصايعه والساعه 11 تكونين جاهزه قدامك دقيقه ولا بمشي عنك
قامت سحر وباست فارس 00وصلها لبيت نوره واخذ ماجد معاه للاستراحه00
نوره2اخيرا ياسحرانفك سجنك
مشاعل بطنز انا لو خالي مثل خالك كان حطيت فيه قنبله وفجرته
نوره تضرب راس مشاعل ماعليك منهم سحر يمزحون معاك بس خالك مصخه يعني المفروض يعطيكم الثقه في الروحه والرده
سحر اهو مايقصر مايخلي مكان الاواحنا رايحينه حتى في السفر بس مايبقانا مثل هالبنات الي نسمع عنهم يطلعون مع السواق ومقاهي وشيشه وانتو تعرفون الباقي
نوره2 طيب بسالك خالك وينه الحين
سحر في الاستراحه مع ربعه
نوره2 وانتي تدرين شيسوون الحين
سحر لا والله مااعرف
مشاعل ألي يخاف عليكم ولا يبقاكم تروحون على كيفكم اكيد يسوي شي وانتو ماتدرون
نوره بعصبيه شعيله نوير خلصنا
نوره2 تغمز لمشاعل فارس وينه في الاستراحه يشرب بيره مع هاااااهاااااااهاااااااااهاااااااااااااااااا يضحكون سحر لا حرام عليكم والله ازعل هذا خالي وما أرضى عليه
نوره خلصنا يا البقر وتلوح عليهم البيبسي
نوره2 واحنا ما نرضى نطالع الأفلام أحسن
وكملوا لسهره على ضحك ووناسه صحيح سحر بنت غنية وعندها ربع بس حست مع جمعتها هذي حلوه وفيها حرية بدون تصنع وطبيعيه
في الاستراحه مع الشباب والناس قايمه وقاعده على الرقص 00
رياض جالس جنب فارس 0اقول يالحبيب تراني شفت أخت ماجد
فارس بانتباه نعم وكيف إن شالله
رياض كيف ما هي صعبه علي وانا المدير
فارس ما شالله عليك وعاجبتك الحركه هذي
رياض يا ابن الحلال الي يسمعك يقول حلوه صدق صوتها الشي الحلو فيها
فارس وان شالله الثانيه اعجبتك
رياض لا كانت متغطيه وما عطتني مجال اسولف معها بس دمها خفيف بنت سعد
فارس كان متضايق من حركة رياض بس لما سمع الاسم ارتاح تقول شفت اخت ماجد ولد فهد متأكد
رياض بدا يستوعب بنت فهد وسعد 0ايه والله صادق اثرها بنت سعد ما فيه مشكله اشوفها مره ثانيه
يقاطعه فارس لا ثانيه ولا ثالثه شوف رياض اذا ما تادبت والله لا قول لماجد وشفت الي يكلمه ماجد الحين هذا خالد سعد اذا قلت لهم عنك اعرف بتطلع اليوم على نقاله سامع انت لك سوابق وهذيلي بنات ناس
رياض مالت عليك وعليهم وبعدين انا عندي أمل تسواهم كلهم
فارس بارك الله فيك العب على قدك 0000
انقضت الليله على البنات والشباب بشكل حلو
يوم السبت الساعه 1ونص الظهر ينزل فارس من الدرج ويدخل الصاله ويجلس جنب امه على الكنب
فارس يالحبيبه تراني جعت ما خلص الغدا
ليلى اصبر اشوي عازمه خوانك يتغدون معانا مع حريمهم
فارس خوش تغدينا العصر
دخل عبدالرحمن السلام عليكم
فارس وليلى وعليكم السلام
عبدالرحمن سمعت العصر شعندكم فيه
فارس سلامتك يالغالي بس الغدا بيطول عليك
عبدالرحمن لأيام محمد تراني تعبان من الاجتماعات ابقى اتغدا وانام
ليلى لا اله إلا الله عليكم ما تبقون الجمعه صبرو اشوي تراهم على وصول وبعدين فارس لا تضيع الموضوع خذ هذي البطاقات لحفلة شهوده لا هل ماجد وهذي لبيت العبدالله وهذي لبيت السعد
يقاطعها فارس أقول يمه ما تبقين أوزع البطاقات كلها عنكم
ليلى يمه منك هذي كلها على طريقك عن العياره بس
عبدالرحمن أن شاالله سويتي شي يبيض الوجه يا أم محمد هذي حفيدتنا وما نبقى قاصر عليها
ليلى لا تخاف كل شي جاهز بأذن الله
الا بدخلت محمد وزوجته وعيالهم وعبد المنعم وزوجته وبنتهم وبعد السلام وسوالف الحريم الي ما تخلص وبعد الغدا اخذ فارس ليال وحطها في حضنه
فارس أقول ها الجمال هذا كله طالعه على عمك
عبدالمنعم أي عم انت ولا محمد بنتي طالعه على أبوها
محمد أقول ترى النسل الطيب ما يطلع الا من نسل أطيب ويحط يده على كتف أبوه 0عبدالمنعم وفارس يناظرون بعض
فارس اذا تكلمت اليد اليمين أحنا مانقدر نقول شي تعرف من وين تاكلها ياابو عبدالرحمن
انقضت الجمعه الحلوه الي ماتنمل 00000
في نفس اليوم 7المغرب في بيت نوره
نوره يمه مطوله هريستك ماصارت
مريم يبقى لها شوي وبعدين توالناس على العشى خلي خواتك يخلصون طبخاتهم ونتعشى مره وحده اشوف ذكرتيني ستي ياستي يامال الصمخ
تطلع من المطبخ نعم ماما
مريم ليه مانظفتي ميلس رجال للحين روحي نظفيه بسرعه
نوره اذا انتو مطولين أروح البس بجامه أحسن لي
مشاعل خالتي حطي لنا ثنين ببسي قبل لاتبتدي مباراة السعوديه مع الامارات وتناظر جدتها
مريم ها شعيله بتبدون فيه يوزي عني ولا ماشي مباراه طالعونها
نوره ماعليك منها امايه انا بشجع الأمارات معاك
مشاعل صج مافيك الدم الأخضر
نوره فديت السعودي والأماراتي بدمي. الا وين روايتي الي قريتيها
مشاعل خليتها في المجلس لما قريتها الظهر
نوره روحي جيبيها
مشاعل سوري عشان تشجعين الأمارات يالدبه
نوره اوريك اليوم رجعي مع أمك سامعه 0
اصعدت غرفتها وبدلت وأنزلت سيده للمجلس كان عباره عن مجلس كبير داخله مجلس وسط عباره عن غرفة طعام والمجلسين كل واحد له باب ادخلت المجلس الوسط وصارت ادور روايتها وهي تغني
مابي بساط الريح أي شي في الدنيا
ودي اغمض عين وافتحها على القياه
نوره ستي وين روايتي 0صارت ادور بين الكنبات
ياانسه ستي ردي يامال الصمخ 00
احم 00احم
نوره وقفت مكانها صوت رجال؟؟؟ رفعت عيونها للمجلس الثاني وكانت الصدمه الكبيره لما شافته بعيونها يناظر وهو مبتسم وبسرعه تتطلع من المجلس وتصعد غرفتها ودقات القلب سريعه ماهي مصدقه الي شافته بس أكيد حلم خيال 0وسمعت صوت مشاعل يناديها
مشاعل خالتي ماصارت بجامه بدت المباراه
نوره أفتحت باب الغرفه من جاي في المجلس
مشاعل محد الا خالي ماجد عازم ربعه وبيطالعون المباراه خالتي ليكون درعمتي كان فارس موجود هناك
نوره ماهي مصدقه أن فارس شافها 0انا نزلت ودخلت المجلس لان الشغاله تنظف هناك بس شفته
واسكتت منصدمه خايفه
مشاعل وناسه خالتي اخيرتقابلتو وجها لوجه بروح اكلم نوره2 وابشرها وخذت جوال نوره واهربت فيه ونوره وراها بصراخ00000000000000
يوم الأحد كان يوم ثقيل على الكل 000
رجع فارس من العمل وجلس في الصاله مع البنات ويسمع لهذرتهم الي ماتخلص ومن محطه لمحطه
خلود خالي ممكن طلب
فارس يقرب أذنه لها اسمع قولي
خلود لا بس ربعي عاملين بارتي في بيت المنصور وإذا ماعندك مانع اروح وترا أمي معزومه بس مادري عنها اذا بتروح والحفله 5العصر
فارس تبشرين ويناظر سحر وأنتي مالك روحه يمين شمال
سحر بأدب حتى لو بقول ماراح ترضى انسى الموضوع
فارس لا مااقدر على المؤدبه اسمع قولي
سحر بصراحه شلتي الجديده بتطلع العصر للكافي اذا بتوديني جزاك الله خير
فارس بطنز مااقدر على الشله الجديده ومنهي شلتك
سحر احم نوره اخت صديقك ماجد وبنت أختها مشاعل ونوره سعد
فارس لما سمع اسم نوره ابتسم تذكرها وهي داخله عليه في المجلس وتغني
سحر خلاص خالي انسى انا قلت لهم انك ماراح ترضى اروح معاهم
فارس افا بزعل عليك بتروحين وتوسعين صدرك تامرين امر
خلود ياسلام أهي تامرين وانا لي الله
فارس انا لي الله جايكم وناسيكم انتو الثنتين الله يعيني عليكم
تغد فارس مع البنات وشرب الشاي وكان بيقوم بيريح سمع اغنية راشد الماجد تقول
ادعي علي بالموت ولا سمني
بس لا تفارقني دخيل الله وتغيب
طال السفر يابعد عمري همني
شلون اودع بالمطار أغلى حبيب
تعال قبل تروح عني ضمني
اقرب من أنفاسي ترى حالي صعيب
أبي انتثر قدام عينك لمني
وأبي أسالك هل نلتقي عما قريب
فارس ماقدر يتحمل صارت دموعه سابقته كلمات الاغنيه افتحت عليه باب ذكريات قديمه وصور لأشخاص مرو في حياته صعب ينساهم غطى وجه بغترته بس خلود وسحر انتبهو له وراحو لعنده
سحر خالي حبيبي لاتسوي في نفسك كذا
خلود خالي خالي رد علي
فارس يمسح دموعه خلاص يابنات بصعد ارتاح تطمنو انا بخير 00صعد لغرفته وهو حامل ذكره اليمه ماراح ينساها طول عمره000000
الساعه 6المغرب في الكافي شوب
نوره أن شالله مبوسوطه معانا يا سحر
سحر وناسه وانااقول ليه ربعي مطيحين في هاالاماكن
نوره2بعد ماشفتي شي الحين نطلب شيشه ونكيف عليها
سحر مستغربه لاتقولون أنكم تشربون
مشاعل مره وحده في الشهر بس
سحر وانتي نوره تشربين مثلهم
نوره والله مو دايم كم مره ينعدون
نوره2 نطلب لك وحده
سحر لا اخاف يشمون ريحتها فيني
مشاعل عادي لاتخافين سوي مثلي اذا أمي اسالتني عن الريحه اقول كنت جالسه جنب طاوله يشيشون تقول لي ثاني مره لاتجلسين انتهينا
سحر لا اخاف خلوها ثاني مره
نوره 2براحتك المهم انك جيتي معانا
اجلسو مع بعض لحد ماصارت الساعه 7ونص
سحر يالله بنات انا بمشي خالي ينتظرني بره
وانتو مش رايحين
نوره2 اكيد بكلم السواق 0تتصل بالجوال 0صاحب تعال اخذني من الكافي 00شو سويت حادث 0جات الشرطه الحين اقول اذلف مامنك فايده 0سكرت
البنات يطالعونها نوره صاير
نوره2 ابد سلامتكم السواق مسوي حادث وينتظر الشرطه
سحر قوموا وصلكم معاي
نوره لا مانبقى نكلف عليكم
سحر شدعوه البيوت جنب بعض يالله قومو
نوره2بخبث انا عن نفسي بروح معاك لان اذا تاخرت امي بتهاوشني
مشاعل افهمت حركة نوره2 حتى انا اذا تاخرت بتهاوشني امي
نوره من متى يانوير أمك تسال اذا تاخرتي وانتي طالما أنتي معاي أمك ماتسال 0توره افهمت حركتهم
سحر اقول مالك عذر قوموا وصلكم
قامو واطلعو نوره2 امسكت مشاعل وهمست لها بنيه خليها تصير وراه ومشو
سحر هلا خالي بنوصل البنات سواقهم سوى حادث
فارس اوكيه حياهم الله
اركبو ولما حست نوره بحركة البنات صارت تتوعد فيهم
نوره 2تهمس لنوره اقول نوير ريحة العطر الي حاطها دوختنا تقولين متسبح بالعطر جنان الريحه دخت يانوير
نوره سكتي فضحتينا بس اوريك اذا وصلنا
فارس سحر ريحة شيشه قويه 0بنظره حازمه 0
شربتي
سحر تكح بقوه لا خالي انا اشرب انا تربيتك هذي
طاوله قريبه منا كانو يشيشون
البنات خافو ؟؟؟؟
فارس حب يحرج البنات 0يعني مو الي معاك شاربين ترا عادي عندهم حريه
مشاعل خافت كثير وان سحر تعلم خالها وهو يعلم خالها ويصل الخبر لابوها خاصه أن أبوها متشدد ومايحب الغلط قربت لنوره2 الله يستر شكله بيفضحنا
نوره2تهمس لنوره 0نوير الي كذب مره يكذب مره ثانيه طلع ماهو هين الله يستر
نوره ماتوقعته كذا انتو السبب ولا كان انتظرنا أي احد يجي لنا
سحر لاخالي حرام عليك اصلا البنات ماشالله عليهم كانو عاقلين وجلستنا كلها ذكر وأحاديث وقصص فيها موعظه وعبره
فارس ماشالله مع أن المكان الي داخلينه مايشجع للي تقولينه بس كل شي جايز
نوره عصبت ولانها ماتقدر تتكلم ارفست كرسي فارس بقوه وهوحس بالضربه
فارس اسكت احسن لي لايجيني شي ثاني صح سحر
سحر ماهي فاهمه قصد خالها بس صادق خالي
مشاعل مع نوره2 ياليت الرفسه جايه في ظهره
بعد ماوصلو نوره2 لبيتها 0ووصلو نوره ومشاعل قبل لاتنزل نوره
سحر نوره بتحظرون حفلة بنت اخوي ماقلتولي
نوره انزلت وهي في نفسها فاضيه انا معصبه من خالك 0وسكرت باب السياره بقوه
سحر سكرت الباب بقوه شكلها معصبه نوره
فارس اهي معصبه من اول ماركبت شكلها مغصوبه تركب معنا
سحر صدق كانت رافضه بس البنات اغصبوها لان مافيه احد يوصلهم
كملو الطريق لبيتهم وفارس ماتكلم بس نوره اشغلت التفكير
يوم الاثنين الساعه 8الصباح نوره ماجاها النوم كانت مواصله وجالسه في الصاله اطالع التلفزيون
مريم صباح الخير غريبه نوره جالسه من وقت
نوره هلا مامي انا مانمت اصلا
مريم زين فطرتي ولا اسوي لنا فطور
نوره لا حبيبتي انتي ارتاحي وانا اسويه بنفسي كم مريوم عندي
مريم اكيد تبين شي خو الذيب مايهرول عبث
نوره انا الله يسامحك بس يمه انتي كنتي تبقين اغراض للبيت شرايك نروح بعد الفطور نشتريها
مريم الحين لاابوك هنا ولا اخوك خليها المغرب
نوره الله يسلم الموزين الحين ادق على الشركه ترسل لنا سياره
مريم انتي خبله انا اركب لموزين ليه العيله
نوره تحضن امها علشاني انا بنتك الصغيره والله زهقانه يمه وبعدين اخذ فكره عن اغراض البيت اذا الله وفقني
مريم تعرفين ماارد لك طلب خلينا نفطر وبعدين نروح
طالعين من البيت وسيارة الموزين واقفه الا بسيارة يوكن سودا واقفه عند الباب واول ماشافهم طالعين ينزل من السياره بثقه
فارس هلا خالتي صباح الخير
مريم هلا فارس شخبارك وشخبار الوالده
فارس بخير الله يعافيك
دورو نوره في هالحظه كانت مستانسه انها شافته مره ثانيه ولا كان قريب منها
فارس سامحيني خالتي على التاخير هذي بطاقات حفلة بكره ماكان عندي وقت اجيبهم
مريم لاعادي ليه تعبت نفسك كان عطيتهم ماجد
فارس انا انسى اعطيه وهو ينسى يذكرني علشان ياخذهم الا خالتي اشوف سيارة لموزين واقفه عندكم
مريم ابد سلامتك تدري كلهم في اعمالهم ونوير الا تطلع زهقانه عاد قلت نروح المخازن نشتري اغراض للبيت
فارس افا خالتي تركبين لموزين وانا موجود
مريم لا مانبى نتعبك ويانا
فارس لا تعب ولا شي انا ماخذ اجازه هاليومين علشان الوالده مشورتني
راح مشى السواق
نوره يمه ليه خليتي السواق يروح لازم نركب معاه
مريم سمعي احصلت سياره امان لنا بنركبها امشي اشوف
فارس كان فاتح لهم الباب الثاني وراه اركبت مريم بس نوره ناظرت فارس وراحت للباب الثاني واركبت 0يبتسم فارس ويركب ويوصلهم للمخازن واصر ينتظرهم لحد مايخلصون
بعد ماحاسبو يدق جوال نوره 0هلا نوير
نوره2 هلا وينك ادق تلفون بيتكم وماحد يرد
نوره طالعه مع امي للمخازن وتخيلي من الي وصلنا
نوره 2خلصي ماابقى افكر
نوره حبيب القلب
نوره2 كذابه مااصدق انا رايحه لبيتكم وانتظرك هناك
نوره زين
نوره2 ايه قولي لخالتي جمعة الحريم اليوم في بيت أم نواف
مريم يابنت خلصي تاخرنا على الريال
نوره مو اهو دق بصدره ينتظرنا خلاص خليه
اوصلو عند السياره ومعاهم السله وفارس صار يحمل الاغراض في الشنطه للسياره وفي نفسه مابقى شي ماشروه مابقى الا المحل بعد ماخلص في الطريق يدق جوال فارس
فارس هلا يمه 00ان شالله اوصل خالتي أم ماجد أولا 0تفضلي خالتي امي تبقى تكلمك 0يمد الجوال مريم هلا أم محمد شلونكم
ليلى عاش من سمع صوتك أم ماجد شخبارك وينك ماتبينين
مريم في هالدنيا وتدرين الواحد مايدري شنهو يجيه من مشاغل
ليلى صادقه طيب في جمعه بيت أم نواف شرايك تجين حريم الفريج رايحين يباركون لها علشان ملكت على ولدها
مريم لا اروح ماعندي شي
ليلى اجل خلي فارس يوصلك معاي
وعلى كلمه منا ومناك
فارس في نفسه خوش حرمتين ماسكين الجوال يسولفون متى يخلصون
مريم سم يمه فارس الولده تباك
فارس هلا يمه
ليلى الله يعافيك وصل خالتك أم ماجد معاي
فارس أن شالله يالله فمان الله
وصلهم لبيتهم
فارس انتظرك خالتي
مريم لا يمه روح جيب الوالده أولا وبعدين مرو على أكون خلصت
انزلو وادخلو البيت في الصاله نوره2 جالسه تشرب قهوه الابدخلت نوره وأمها
نوره2 هلا خالتي
مريم هلا يمه شلونك الا كلمي أمك قولي لها تجي بيت ام نواف
نوره2 امي بتروح وقالت لي أقولك وانا قلت لنوير ماقالت لك
نوره نسيت وبعدين هذا أنتي بتروحين ماما
مريم اروح أبدل قبل لا يجي فارس اصعدت
نوره2 تعالي قولي لي كيف فارس وصلكم
نوره بقولك بش وين ستي أبقها تسوي لي قهوه
نوره2 قالت بتروح تسبح
يدق جرس الباب
نوره تكلم من السماعه مين
فارس ياليت احد ياخذ الاغراض
نوره صج نسيناهم وين ستي لازم تسبح الحين
نوره2 روحي فتحي الباب أنتي مافيه احد غيرك أمك تلبس والشغاله تسبح وانا ضيفه سمحيلي
نوره أمري لاالله ألبست عبايتها وغطت وجها بالشيله واطلعت افتحت باب الشارع فارس صار يدخل الاغراض ونوره ماسكه له الباب لما شافته شايل مايكرويف شارينه
نوره لو سمحت حطه على الطاوله هناك
فارس حب ينرفزها مادري اشتغل عندك انا
نوره انحرجت واسكتت
وهوطالع يجيب باقي الاغراض دق جواله
فارس ينعم صوته وبرقه يرد هلا حبيبتي صحيتي من النوم 00نوم العوافي 00تدللي امري
نوره نزلت الشيله وقربت أذنها عند الباب عشان تسمعه عدل وهي منقهره من الي يكلمها بنعومه مالت علي طايحت حظ ماهو معبرني ولا نوير مسويه لي خطط امحق خطط ومانتبهت بدخلة فارس وحاط أخر شي من الاغراض
فارس تامرين على شي
نوره مفهيه لا مشكور
فارس وقف محله وكان يتامل ملامح وجها 0ماشالله القمر يطلع بالنهار
نوره في نفسها شفيه خبل يكلم روحه
فارس لما اشوف ماجد بحب راسه لان عنده اخت مثلك
نوره ارفعت عيونها وشافته يناظرها وكان مبتسم وحست على نفسها وراحت بسرعه داخل
في ها اللحظه في هالدقيقه أعلن قلب فارس انه بدا يحب نوره 000000000
|