منتديات قصايد ليل - عرض مشاركة واحدة

07-05-2011

في بيت مازن/
كان صوت صراخه يسمعه الحي كله..وهو داخل البيت معصب يناديها..يحاول يمسك أعصابه..لكن اللي سمعه صعب يتحمله..و اللي شافه..صورها تنرسل على جواله..و الله أعلم لمين انرسلت بعد..مين شافها غيره..و اللي شاب في قلبه نار..مين اللي يرسلها..مين اللي اخذ لها هالصور..
مازن يصرخ: لـمــــاااااا
لما تركض له بخوف: وش فيك؟
مازن يمسكها و يهزها بقوه: أنتي وش مسويه الله يفضحك؟ صورك مين يرسلها؟(يصرخ أكثر) تكلمي يا بنت الـ..
لما انصدمت: ......
مازن: تكلمي و إلا اللي أفكر فيه صح؟!
لما ترتجف: مازن..أنا مظلومه..لا..
مازن يقاطعها بقهر: يعني تعرفين عنهن!!..تكلمي..
لما: فيه بنات يهددوني
مازن بغيض: و ليه ما قلتي من قبل؟ و كيف جت صورك عندهم؟ وش فيه خايفه منه؟؟
لما تصيح: مازن أنا كنت اعرفهم بس تهاوشت معهم
مازن: و ليه يصورونك؟
لما: ما كنت أدري؟
مازن: تلعبين علي أنتي؟ قولي الصدق احسن
لما: كنت ازورهم بس..بس عرفت ان لهم علاقات و..و تركتهم..هددوني بالصور لكن أنا ما صدقت انهم مصوريني صدق
مازن بقهر: متى كنتي تزورينهم؟ صورك مو قديمه؟
لما بخوف: زرتهم مره وحده..بس ما قلت لك
مازن انقهر منها..و هو يضغط على يدها بقوه..
مازن: تستغفليني يا لما؟؟!
لما: أنت كنت مسافر...بس والله مازرتهم الا مره بس و ندمت
مازن يصرخ: أنتي طالق
رماها و طلع من البيت و هي تصرخ تناديه..لكنه ما رد عليها..صارت تصيح أكثر..رفض يسمعها..و أكيد بيرفض يصدقها..بس هي مظلومه..مظلومه..

في بيت أم عمر/
كانت حلا جالسه في الصاله تطالع التلفزيون بدون تركيز..من الإزعاج اللي عندها..
حلا تصارخ: مشوري رهوفه خلاص اسكتوا أبي اسمع
رهف: مثالي أخد لأبتي
مشاري: كدابه
ح بس أنت وياها اللي ما يسكت ماراح أعطيه آيس كريم و أنت مشيري لاتسوي فيها قوي على اختك و يله رجع لعبتها
أخذت رهف لعبتها منه و جلست بحضن حلا..و مشاري غار منها و جاء جلس جنب حلا و لزق فيها..
حلا تطالعهم: أرض أبوكم أنا كل واحد حجزله مكان!
مساهير تدخل: وش فيك معصبه على عيالي؟
ح والله العيال اللي داريه عنهم الظاهر إني بربيهم عنك
مساهير: عادي حبيبتي نتساعد أنا علي ابوهم و أنتي اهتمي فيهم
ح لا والله! عجزانه عنهم نزوج عمر وحده تساعدك أنا مو فاضيه لكم
مساهير تنط جنبها: يعني بتوافقين على عبدالعزيز
تذكرت حلا صديق عمر اللي من سنين سافر و قبل كم شهر رجع و خطبها..هي ما تعرف عنه شي و لا تتوقع هو يعرف عنها شي..هو بس خطبها عشانها أخت عمر..(أووف يعني وش أبي؟ علاقة حب..هذا من تأثير الجلسه معك يا رغد)
مساهير تضربها: أحلى كل هالسرحان بعزوز
ح مين عزوز؟
مساهير: اللي احتمال يصير زوجك يا خبله! والله مسكين عبدالعزيز نبليه بوحده مثلك
حلا بدلع: يحصل له يحمد ربه و يبوس يده وجه و قفى إن وافقت عليه
مساهير: يله قولي عاد بتوافقين أو لا؟
ح توي بأفكر
مساهير: لك أسبوع تفكرين!
حلا تقهرها: و بأعطي نفسي أسبوع ثاني و إن كان مستعجل يدور غيري هو الخسران
دخل عمر على آخر كلمه: مين الخسران؟
مشاري يركض لأبوه: عذوذ
عمر يطالع حلا بنص عين وهو يجلس و عياله يجلسون بحضنه..
عمر: والله و بديتي تدلعينه بعد!
ح مو أنا اللي دلعته..زوجتك هي اللي تدلعه
عمر يطالع مساهير بقهر: أنتي متى بتعقلين؟
مساهير تضحك: أحاول اقنعها فيه
عمر: لا والله!
مشاري: بابا أبي آيثكليم
رهف: و أنا بأد
ح و أنا بعد
مساهير: و أنا بعد
عمر يطالعهم و يتنهد: والله مو عارف مين فيكم الصغير و مين الكبير..يله قوموا و نادوا شوق لا تذبحنا لو تركناها
الكل: هييييه

في المستشفى/
كانوا ياسمين و ماجد طالعين من أول مراجعه لحمل ياسمين الأول..تأخرت بالحمل عمدا..لأنها كانت تبي تتأكد إن ماجد ماراح يرجع لحركاته اللي قبل..مروا بزواجهم بمشاكل كثيره..و هوشات كبيره..لين صارت أخيرا تثق بماجد..و عرفت إنه فعلا تغير..لأنه حبها..هالحب اللي يبينه لها بكل لحظه..و بأي مكان..
حست بماجد يوقف..و وقفت معه..طالعته شافته مبتسم..طالعت المكان اللي يشوفه و ابتسمت..يوم شافت المكان اللي كانت تشتغل فيه..
ماجد يطالعها: تذكرين؟
ياسمين: الذكريات الزينه أو الشينه؟
ماجد يضحك: لا الشينه..لأني متأكد إن الزينه ما كنت أنا فيها
ياسمين بشرود: لو أحد قال لي ذاك الوقت إني ممكن اتزوجك كان قلت إنه مجنون
ماجد: و اللحين؟
ياسمين: اللحين احس إني مجنونه لو ما تزوجتك
ماجد يرفع يدها اللي ماسكها بيده و يبوسها..و ياسمين تنزلها بإحراج..و هي تتلفت للناس اللي تطالعها..
ياسمين بعتب: ماجد كم مره قلت لك بطل حركاتك هاذي قدام الناس!
ماجد: وش دخلني بالناس؟ زوجتي و أحبها على كيفي
ياسمين تسحبه و يمشون: أنت الكلام معك ضايع ما تسمع إلا نفسك..يله لا نتأخر وعدت ورد نجي بدري
ماجد: لا تخافين عليها خالتي حصه معها
ياسمين: ولو ما أحب اتركهم لحالهم
دخلوا المصعد..و أول ما اتسكر عليهم..ضمها ماجد بقوه..
ماجد: و يلوموني إني مجنون فيك..الله يخليك لنا
ياسمين تحاول تبعده: ماجد أنا وش قلت لك؟!
انفتح باب المصعد فجأه..و شهقوا البنتين اللي كانوا بيدخلون..ياسمين بعدت ماجد عنها و التفتت عليهم..

ياسمين: تفضلوا
كانت تبيهم يركبون معهم عشان يبطل ماجد حركاته..لكنها انقهرت و هي تسمعهم يتهامسون و يطالعونهم بإستغراب..و طالعت ماجد بقهر و ليتها ما طالعته..
ماجد: وش فيكم تطالعوننا كذا! لا تفهمون غلط هاذي زوجتي و منتظرين بيبي
وحده من البنات بجرأه: مبروك
ماجد بفرح: الله يبارك فيك(و يلتفت لياسمين) و إن شاء الله تكون بنوته حلوه و قويه على أمها
ياسمين بقهر: ماجد!!
ابتسم لها بحب..و هي سكتت لأنه مستحيل يقتنع باللي تقوله..مو هو دائما يحرجها بتصريحه بحبه لها حتى قدام أبوه و خالها..

في بيت فيصل/
كانت سهى جالسه مع جارتها القريبه منها و تصيح..
سهى: تعبت من هالحاله والله تعبت..أحيانا احس إنه ما بقى له بقلبي حب من هاللي يسويه
بدور: لا تخربين يا سهى حياتك عشان مجرد أوهام
سهى بإستنكار: أوهام! كل اللي اشوفه قدام عيني و تقولين أوهام!!
بدور: بس فيصل ما بحياته قصر معك في شي لا بمعاملته و لا بفلوس معيشك أحسن عيشه

سهى بحزن: صح بس مع كل هذا أنا متأكده إنه ما يحبني..من أول ما تزوجنا و أنا أحاول أقرب منه لكن هو قلبه و تفكيره للحين معها و مهما أسوي له ماراح ينساها أبدا
بدور: سهى وش هالكلام؟ سالفته مع أسيل مر عليها سنين بعدين هاذي مرة أخوه كيف تتوقعين يفكر فيها هالتفكير!
سهى بسخريه: أنتي ما تشوفين نظرة عيونه كيف تتغير إذا جاء طاريها و كيف يهتم بكل أخبارها..و كله كوم و إذا شاف بنتها كوم الدنيا ما تشيله من الفرحه و ينسى الكل وهو يلاعبها(و تكمل بقهر)حتى إنه يحط عقله بعقل البزران و يهاوش أي أحد يلمسها
بدور: الله يرزقكم بالذريه الصالحه اللي تقربكم من بعض و تشغله عن غيرك
سهى بأسى: ما أظن حتى لو يجيه ولد بيحبه مثل ما يحب بنت أسيل..هذا إن جبت حتى هالشي مو قادره عليه
بدور: اذكري الله يا سهى أنتي مو مأخر حملك إلا الحاله النفسيه اللي أنتي فيها و إلا الدكاتره قالوا إن ما فيك شي يمنع الحمل
سهى: و مين قال إني أفكر أحمل و أنا للحين مو عارفه إن كنت بأستمر مع فيصل أو لا
بدور: أنتي اللي تقولين هالكلام! والله أحيانا ما أعرف أنتي وش تبين؟
سهى: أبي فيصل يكون لي لحالي أبي أنا أكون أهم شي في حياته..مو مجرد طاري أسيل يبعده عني
بدور: الله يهديه لك
سهى: يا ليت لأني مو عارفه إن كنت بأتحمل هالحال أو لا

في بيت أبونادر/
أبونادر: تفضل حياك
فتح أبونادر الأنوار..و ترك ضيفه يدخل وهو راح لداخل البيت..
دخل للملحق..الشاب الطويل..الأنيق..مشى بخطواته الشامخه..و جلس على إحدى الكنبات..نقل نظراته بالغرفه يقيم ذوقها لأن هاذي المره الأولى اللي يزور فيها أبونادر في بيته..العلاقه بينهم من سنين كانت علاقة عمل و بس..لكن اليوم الصدفه خلته يشوفه برا الشركه و يتكلمون مع بعض لحد ما عزمه أبونادر في بيته..لفت انتباهه على الطاوله اللي جنبه..دفتر صغير لونه وردي فيه بالوسط رسمة قلب كبير بارز بالأحمر..ابتسم بسخريه..و أخذه و بدأ يقلب صفحاته اللي كانت مليانه أشعار رومانسيه..فتح على الصفحه اللي كان فيها القلم الأحمر اللي بنهايته قلب كبير من الفرو..قرأ اللي مكتوب بالصفحه..
سيرة الحب لرغوده:
١_ناصر
2-فارس
3-سيف
4-بدر
5-أحمد
6-مشاري
7-علي
8-خالد
9-فهد
و رقم عشره..كانت راسمه له إطار مليان قلوب..و تاركته فاضي..
ما يدري كيف مسك القلم و كتب وسط الإطار..بسام..اسمه..ضحك على اللي سواه..و سكر الدفتر و رجعه مكانه..بس ما يدري انه خط بيده قبل لحظات..مستقبل بيجمعه فيها بالسنين الجايه..

"*:{{؛؛تـمـــت بـحـمـــد الـلـــه؛؛}}:*"

أختكم

أغاني الشتاء

ونقلته اختكم
انينوو