--------------------------------------------------------------------------------




طمنوني عن حبيبي كان مريتوا عليه ... وعلموني كيف عايش طمنوني كيف حاله


يا ترى مرتاح ولا صار بعدي شي فيه ... واسألوه ان كان حبي لين هاللحظه في باله


يعلم الله مانسيته واني أتالم وأبيه ... وان ما ليله ومرت الا داعبني خياله



واني لين الحين قلبي واقف يحتريه ... ينتظر منه يرد ولو أبسطها رساله



من عرفته وانا ماني قادر القى شبيه ... نادر حبه ونادر في غلاه وفي وصاله




اللي ما عمره عصاني ولا عمره قال ليه ... حتى همي لاجل عيني حطه في قلبه وشاله



حالف ان شفته لاضمه بصدري واحتويه ... واني لاخلي حياتي كلها تصبح حلاله



طمنوني ولا تجوني قبل ما تمروا عليه ... اللي خلاني بدونه عايش بحاله وحاله