قارئ الفنجان
الشاعر احمد الردعان
معاك !! تحلا هالحياه بعيوني
ويرتاح صدرٍ من عنا الحزن كابت
ليت الصدف اتكون لا قلت كوني
ماكان ضحكاتك عن العين غابت
صوتك ليا منْه استقر في اذوني
لحن عبادي من مشاعره نابت
عطر كفوفك كلّما صافحوني
نفسي على اللي مابقى منْه ذابت
كل الدفاتر ترتوي من مزوني
وكل القوافي عقب ما اكْتبك شابت
قبلك من الاحباب خابت ظنوني
واظنوني بحبك ولا يوم خابت
واعينك اللي هي .. دوافع جنوني
وانفسي اللي من هوى الغير .. طابت
منهو قرا الفنجال ،، ولا عيوني
انت الوحيد اللي بالانثين .. ثابت !
|