منتديات قصايد ليل - عرض مشاركة واحدة

05-21-2012

(في جناح شهد وبندر):
دخلت شهد الغرفه:هاه وش بغيت.
بندرقفل الباب بالمفتاح ولصق فيها بندر: بغيتك أنتي.
شهد: بندروالله مووقته ليه تستلعن علي إذا جونا ضيوف.
بندر:لأنك متشخصه وبتشخيصك تثيريني.
شهد:أبعد لايجي خالد ويفضحنا.
بندر:لاماراح أبعد وتوه بيبوسها دخل خالد مسرع: ماما ماما ماما ماما.
بندربضيقه:خير وش تبي.
خالد خاف:سسسس ساااااااا مممي داق يبيك.
شهد: طيب وين جوالي.
خالد: تحت ترا جدتي معصبه على ابوي.
بندروتوه يتذكر: طلعي لي ملابس وانزلي شوفي ليه سامي داق أنتوتنكدون على الواحد فرحته.
يوم طلعت له ملابس وضفت الحوسه اللي سواها لصق فيها.
شهد: وبعدين معك.
بندر:خلاص.
نزلت شهد وجوالها ماسكت من الرن.
عهود متضايقه لأن أم بندرتحب شهد .
شهد قربت من أم بندروخذت جوالها:هلا سموي.
سامي:أصغرعيالك أنا.
شهد:وشلونك.
سامي:الحمدالله.
شهد:وشعندك داق.
سامي:العائله مجتمعين في الثمامه وانتي معزومه.
شهد:والله مدري وش اقول لك بس بسأل بندروأرد لك.
سامي:أسألي بندروردي علينا.
شهد:أوكيه باي.
سامي:باي.
أم بندر: شهد عسى بندربينزل.
شهد:ألحين يلبس وبينزل.
أم بندر: المهم الأكل جاهز.
نوره: إيه يمه.
نزل بندرومربالصاله وهو منزل راسه: السلام عليكم وشلونك خالتي أم نايف.
أم نايف:الحمدالله أنت وشلونك عساك بخير.
بندر:الحمدالله عن أذنكم مضطر أروح شهد تعالي.
وطلع
عهود بهمس:شفتي وشلون حتى مارفع عيونه لأحد.
ريم:خلاص أنسيه.
عهود:والله لأردله الصاع صاعين.
ريم:الرجال مبسوط بحرمته وولده من يصدق الولد الأسود يصير جميل وأجمل من عيالنا.
عهود:أوص أسكتي لاترفعين ضغطي.
أم بندرضاقت من تصرفات ولدها اللي كل شوي ينادي حرمته كنه مايبيها تجلس معهم.
لحقته شهد:بغيت شي.
بندر:وش فيك المهم كنت أقول لاتنسين موعدنا الليله.
شهد عصبت:صدق بايخ وماتنعطى وجه.
ضحك بصوت عالي متعمد يبي يقهر عهود وطلع للرجال مر الوقت وتغدى الكل الحريم جلسوبالصاله والرجال بالمجلس وبدو يشربون شاي ونعناع.
رن جوال شهد: هلابك.
عهود تحاول تتسمع من بعيد.
بندر:هلا والله بهالصوت.
بندر:شهد.
شهد: لبيه.
بندر:وش كان يبي سامي.
شهد توها تتذكر:إيه صح ترا أهلي كلهم مجتمعين بالثمامه ويبوني أروح معهم.
بندر:هم بيخيمون.
شهد:إيه بيخيمون.
بندر:بكره أوديك.
شهد:ليه أبي أروح حرام عليك.
بندر:لا نسيتي وعدك لي.
شهد:طيب نأجلها.
بندر:لاموبكيفك.
شهد:طيب هم الحين بيمروني.
بندر:لا مافيه روحه.
شهد:طيب خلودي يبي يروح.
بندر:لا.
شهد:خالتي شوفي بندر جنني.
أم بندرخذت السماعه: وش تبي كل شوي مشغل حرمتك كنك بزر أسمع البنت مالك شغل بها.
بندر:طيب يمه عطينياها .
أم بندر:لا مافيه.
خالد:ماما أبي أروح فمامه.
ام بندر:حتى ولدك يبي يروح.
بندر:طيب عطيني حرمتي اتفاهم وياها.
أم بندر: خذ كلمها.
شهد: هلا.
بندر: طيب خليهم يمرون خالد أنتي بكره تروحين.
شهد: طيب.
قاطعها:اليوم حنا معزومين عند خويي اللي قلت لك عنه.
شهد: تذكرت إيه صح الناس بينتظروننا.
بندر: خليهم يمرون خالد هذا أخركلام وجهزي له ملابس تعرفين خلودي راعي حوسه .
شهد:انشاء الله.
أذن العصردخل خالد مسرع:ماماماماماماماماماماما سامي جاء جاااااااااااااااء.
أم بندر:وش فيه ذى .
أم نايف:لايكون أستخف.
عهود حبيت تسوي نفسها مهتمه لأمر خالد فقالت: خلودي حبيبي وش فيك.
طالعها بطرف عين وقال: مالك دخل ماما تعالي.
عهود:طيب تعال حبني ماسلمت علي.
خالد: لا وع ماأبي.
ضاقت عهود منه أم بندر:حبيبي سلم على عهود.
خالد: مابي.
وصرخ:ماما.
شهد وهي نازله ومعها شنطه خالد: سمعتك والله سمعتك ياالله تعال.
أم بندر: على وين .
شهد: والله أهلي مجتمعين الليله في الثمامه ويبوني أجي لاكن ماأقدر لأني معزومه أنا وبندر عند صديقه اللي توه متزوج وتعرفين خالد عاد من درى بموضوع الثمامه ألح وأزعجنا بصياحه فوافق بندريخليه يروح مع أخوي.
أم بندر: فيه أحد بيهتم فيه هناك.
شهد:إيه فيه أمي وخواتي وبناتهم اللي يموتون عليه.
خالد وهويسحب يد أمه:ياالله ماما لايروح عني.
شهد ضحكت وطلعت لسامي ونبهته ينتبه على ولدها وأتصلت على أهلها ووصتهم على ولدها وسكرت السماعه .
راح خالد وجلست شهد مع الحريم بالصاله.
أم بندر: من اللي عازمكم.
شهد:محمد ولدسعد ال.....
أم بندر:ماشاء الله أجل رجع من شهرالعسل.
شهد:إيه.
عهود حشرت نفسها بالموضوع:موحلوه تروحون لناس توهم متزوجين عيب والله فشله أكيد الحرمه بتتضايق.
شهد:والله الحرمه هي من نفسها أتصلت وعزمتني وزوجها عزم بندر موحلوه نردها.
عهود:طيب متى بتروحين.
شهد:والله إذا أبوخالد أتصل علي.
نوره حست أن عهود تبي تتمشكل مع شهد فقالت:شهد ترا بندر بيجي بعد شوي روحي أجهزي عشان تروحون للجماعه.
شهدطالعت الساعه ووقفت:عن أذنكم مضطره أروح أجهز نفسي.
عهودبينها وبين نفسها:لوتملين وجهك مكياج ماراح تصيرين زينه الله يعين ولد عمي عليها.
رقت شهد فوق تنحنح بندر بيدخل يبي يرقا للجناح
أم بندر:وش عندك فوق.
بندرأنحرج وهومنزل راسه قال:نسيت بوكي .
أم بندر:أثقل مب زين كل شوي ناط بوجه حرمتك.
بندرأنحرج حس بأن كل الأنظار حوله أستأذن وراح للجناح.
دخلت شهد الجناح وتروشت وطلعت وهي لافه الفوطه على جسمها نشفت جسمها وبدت تلبس ملابسها الداخليه
دخل بندر وهي تلبس ملابسها: أموت انا على الجسم الحلو.
شهد: أطلع برا.
بندروهويقرب:ليه.
شهد: مومن عوايدك تدلعني وش عندك من الصبح وأنت مشتاق لي وتدلعني حتى تناديني بأحلى الأسامي بندر مب علي هالكلام أنت ماسويت كذا إلا إذا كنت ناوي شي.
بندر:يعني إذا كنت ناوي شي أدلعك.
شهد:إيه من تزوجتك ماتناديني بأحلى الأسامي ولاتلصق فيني إلا إذا كنت تبي شي وأنت عارف وش أقصد.
بندر:هههههههه زوجتي وعادي أدلعها.
شهد: مب حب فيني يالمصلحجي.
بندر:طيب ياالله أجهزي بسرعه أنتظرك بالصاله.
بندربينه وبين نفسه: ماسويت كذا إلاعشان أوضح لعهود أني نسيتها عشان كذا أتصل على شهد وأرسل رسايل لها إذا جت عهودعندنا.
نزلت شهد وهي لابسه عباتها أستأذنت من خالتها وطلعت ركبت السياره
وراحوا للناس وأطلعو يوم أذن العشاء ماحبو يطولون خاصه أنهم معاريس موحلوه يضايقونهم.
وفاجأها بندر بليله رومنسيه في أحدى الفنادق.
بعد أسبوع من الأحداث وفي بيت عهود
ماجدبعصبيه:أنتي ليه ماتفهمين.
عهودبعصبيه:أناولاأنت اللي تبي تاخذ فلوسي.
ماجد: لاتنسين أني خسرت الشركه حقتي وديوني بالملايين وأناالحين أسدد ديوني وأنتي ماشاء الله حسابك اللي في البنك اللي هو خمسه وعشرين مليار ورافضه تساعديني به أناقلت لك ساعديني وأردها لك حتى دالوبك مليان أطقم ذهب وألماس لوتبيعينهم جابو150,000ليه ماتبيعينهم أبي أسدد وأول ماأخلص ديني بأشتري لك ألماس وذهب بالقيمه اللي تبينها.
عهودبعصبيه:لا تحلم تاخذ مني فلس واحد.
ماجد:لاتنسين أن كل الفلوس اللي في رصيدك وكل الذهب والألماس اللي عندك كله من خيري حتى ملابسك اللي أنتي تبجخين بها كله من خيري.
عهود:تتمنن علي حضرتك.
ماجد: لاتحديني الحين احرمك من كل شي عشان تعرفين قيمه الفلس, كلما عطيتك فلوس تصرفينها على تفاهات ملابس وذهب وألماس ومكياجات والمشكله تلبسين اللبس لبسه وحده وترمينه .
عهود:أنت مالك دخل فيني.
ماجد: الشرهه مب عليك علي أنااللي يتكلم معك.
عهود: ماراح أعطيك شي من فلوسي لوتموت.
ماجد:ههههههههه قالت فلوسي قالت ترا كل شي تملكينه من خيري.
عهود:أصلآ لوانك رجال ماطلبت فلوس من حرمه تبي تسدد دينك تسلف.
ماجد:هذا أخركلام عندك.
عهود:إيه واللي تبي تسويه سوه ماهميتني.
ماجد:عهود لاتحديني أحرمك من الفلوس.
عهود:تحلم تشم شي من ريحه فلوسي حامض على بوزك.
ماجدماتحمل عنده ضغوطات نفسيه وضغوطات عصبيه كل الطرق وقفت بوجهه وكل التجار اللي يعرفهم تخلو عنه ويوم طلب زوجته أرفضت وغيركذا تقول له منت رجال
تغيرالحواراللي بينهم من حوار هادىء إلى مشكله كبيره وعهود أغلطت عليه وسبته ومن الضيق ماتحمل وسطرها كف وقفت بوجهه: طلقني ياحيوان طلقني.
ماجد:خلينا نتفاهم.
عهود:مافيه تفاهم بيننا أساسآ أنت حيوان وحقيرولاأنت رجال.
ماجد عصب:موأناالي حرمه تصرخ بوجهي ولابعد تقولين حيوان وحقير ومورجال.
لقتها فرصه ترفع ضغطه عشان يطلقها:طلقني طلقني.
ماجد: تحلمين .
عهود:لوأنك رجال طلقني.
ماجد:رجال غصبآ عنك رضيتي أم أبيتي.
عهود:منت رجال.
عصب ماجد:أوريك منهو الرجال والله لأحرمك من كل فلس خذتيه مني.
عهود:أقول لك طلقني.
ماجد:أوكيه بطلقك بس بشرط واحد كل الأملاك اللي خذتيها مني ترجع لي ومن ضمنها الرصيد والذهب والألماس كل شي مثل مادخلتي هنا بدون شي بتطلعين بدون شي.
عهودأنصدمت تبي الطلاق بس ماتبي تخسر العز.
ماجدوصل للباب وألتفت لها:أنتي طالق وبأرسل لك ورقه الطلاق إذا رجعتي لي كل أملاكي اللي أخذتيها.
طلع وسكر الباب وراه بقوه تركها وهي مصدومه هي كانت تبي الطلاق بس ماكانت تتوقع أنها راح تتطلق وتخسر الفلوس والذهب والألماس كانت تعشق الفلوس والذهب والألماس لاكن من بين صدمتها ضحكت:أخيرآ أرتحت من هذا السجن عادي ياخذ كل شي بكيفه أساسآ بندر من يعرف أني تطلقت بيتزوجني ههههههههههه يكفي أنه مليارديرهههههههههه قرب إنتقامي منك ياشهد وهذي هي الخطوه الأولى.
وفعلآ رجعت بيت أهلها وأخذ منها ماجد كل شي الفلوس الذهب العمارات والبيوت والأرصده والأراضي اللي بأسمها خسرت كل الثروه بسبب حقد وتفكير للأنتقام كانت أنانيه مع زوجها من رجع بندر من السفر وهي تخطط تخلي زوجها يطلقها ماجد كان عارف أن عهود تحب بندر ولاحظ عليها شي واحد كلما جاء طاريه تدافع عنه وتسأل عنه وعرف انها تحبه لأنه شاف صور بندر عند عهود فقرر يحرق قلبها مثل ماحرقت قلبه بخيانتها له لأنه كان حاط أشرطه تسجيل في التلفون وسمع كل حرف وكل مكالمه هاتفيه وعرف ان عهود كانت تبي تتطلق عشان ترجع لبندر حب يقهرها تركها على ذمته إلين ماتزوج بندر ومرت خمس سنوات
أمامسأله خساره الشركه كانت إختبار من ماجد لعهود وفشلت في الإختبار كذب عليها بسالفه الديون يبي يعرف هل هي تحبه ولا هل بتضحي بالأملاك لأجله ولا لا وهنا الصدمه ماحبت تمد يدها له وتساعده وعاقبها بالطلاق والحرمان من عيشه العز
بعد أسبوع من طلاقها أتصلت على بندروسمعته أغنيه وقالت له الخبروهو فرح فصار يكلمها يوميى وقرر يتزوجها وأهمل زوجته وماصار يتقبل وجودها صار طول الوقت جواله مشغول حن قلبه لأيامه القديمه اللي عاشها مع عهود وصارمايقدر يستغني عنها دقيقه وحده.
وفي يوم من الأيام
في بيت أهل بندر:
نوره:ههههههههه اللهم لاشماته.
أم بندر:وشعليك منها.
نوره:حتى زوجها طفش منها أنا قلت لكم موالجمال كل شي ماصدقتوني.
أم بندر:الحمد لله اللذي عافانا ممابلاها به.
دخل بندر وشهد:السلام عليكم.
أم بندر ونوره: وعليكم السلام.
نوره:شهد مادريتي أن عهود تطلقت.
بندريدري بالموضوع لاكن من تذكرعهود نغزه قلبه وتغيرت ملامح وجهه والكل لاحظ عليه وشهد حست بهاالشي وعصبت.
شهد: والسبب.
نوره: يقولون أنه أختبرها وسوى نفسه مهموم وكأنه خسر كل شي وقال لها أني صرت مفلس عاد عهود من سمعت بكلمه مفلس أنهبلت قال لها بأخذ من أملاكك عشان أسدد رفضت واغلطت عليه وماوقفت معه فطلقها وأخذ منها كل الفلوس والأملاك وأخته تقول أنها كانت تخونه.
بندرعصب:لا من قال طول عمرها أصيله.
أنتبه لزلته وسكت.
شهد شبت في قلبها حريقه الغيره وودها تقوم وتذبح عهود:إيه واضح.
طالعت بندر من فوق لتحت بنظرات إستحقار وصدت عنه بندر عرف ان شهد تذكرت موقف خيانته قبل خمس سنين.
أم بندر:من يقول أنها أصيله البنت غلطانه هذا إختبار من زوجها وفشلت فيه لوتحبه مابدت الفلوس عليه تستاهل ماجاها رجعت لأهلها بدون أي فلس.
نوره:يعني بترجع تلبس لبس عادي مثل أول ههههههه تحفه والله صدق مسخره كانت تشوف نفسها علينا أحسن تستاهل.
بندر:خلاص عاد.
شهد وقفت وطلعت من المكان وراحت للجناح ودخلت غرفتها وخبطت بالباب.
أم بندر:عاجبك كذا ليه تزعلها.
بندرمن عرف أن عهود تطلقت صارت شهد ماعاد تهمه: لاتخافين دلع بنات المهم هي ماتبي تتزوج.
أم بندربصدمه:وش عليك منها في بليس.
بندر:يمه أبيك تخطبينها لي.
نوره:خير لاعيوني هذي ماتاخذها.
بندر:انتي لايكثر المهم يمه طلبتك أخطبيها لي الشرع محلل لي الأربع.
نوره: لوتاخذها بتدمر بيتك.
بندر:أنابأعدل بينها وبين شهد يمه أناأحبها من زمان.
أم بندروقفت:أدري أنك تحبها وأدري أنك تمثل علينا أنك تحب شهد واضح هذا الشي بعينك وأنت عارف عهود أيش وشهد أيش شهد دخلت قلبي من شفتها وعهود ماعمرها دخلت قلبي حتى يوم خطبتها لبدر عمري ماحبيتها حاولت أقنعه بغيرها رفض والنتيجه مات والسبب انه عرف بعلاقتك فيها كيف بتامن بيتك مع وحده خاينه خانت أهلها وثقتهم فيها وكلمت واحد ماهو محرم لها كيف تبيني أرضى بوحده مثلها.
بندر:يمه أنامصمم على الزواج وبعد بكره بأكلم أبوي وعمي هذا أخر كلام.
نوره:صدق أن الرجاجيل أنانيين ماتبيها عشان شكلها ماتبيها لأنها موبيضا ولاجميله طيب هي مالها ذنب الله خلقها كذا ليه الرجال مايحسون ليه دايم يجرحون الحرمه في الصميم ولايلتفتون لها ترا حنا مولعبه بيدينكم مره تبونا ومره ترمونا بس صدقني يابندر وأمي شاهده على كلامي والله لتندم والله بتندم طول عمرك لأنك بعت شهد عشان حثاله.
بندر:أحترمي نفسك.
نوره:ياعيني والله وبدينا ندافع عنها .
أم بندر:فكر أول قبل ماتتخذ قرار لاتدمر بيتك بدون أي تفكير.
بندر:أنشاء الله بأعدل بينهم.
نوره وقفت وطالعته من فوق لتحت:أشك في هذا ماتوقعت أنك كذا كنت مثلي الأعلى وكنت دايم تنصحني بالدين والخوف من الله لاكن بعد اللي سمعته طحت من عيني يمه تلقينها هي متصله عليه لاتستبعدين شي من عهود الله ياخذها.
بندركان بيرد عليها لاكن مسك أعصابه وماأهتم كل همه أنه يتزوج عهود.