منتديات قصايد ليل - عرض مشاركة واحدة

05-21-2012

ومرت الشهور بسرعه عليهم كانت شهد تتوحم بامور كثيره مره ايسكريم ومره كاكاو ومره حب ومره فصفص
وجتها فتره أدمنت فيها على الليمون والملح لدرجه انها صارت تنام على الليمون وتصحى على الملح
طبعآ الكل فرح بحملها إلا عهود اللي إلا الأن ماسوت شي لشهد كانت تفكر بالأنتقام من بندر لأنه سطرها كفين لاكنها مأجله الأنتقام ومجهزه مفاجأه كبيره لبندر.
قربت ولاده شهد وكانت تبي تولد بالرياض رغم أن بندر رفض ذلك إلاأن ألحاحها طفشه فقرريروح معها بطياره خاصه ومعها طبيبات مرافقات من يدري يمكن تولد بالطياره
وصلت للرياض سليمه أستقبلهم سامي اللي أول ماشافها قال:هلا والله بالبطه.
رمت عليه شنطتها الصغيره خبطت بوجهه قال: حرام عليك أنا سامي حبيبك.
شهد بصعوبه في التنفس: تخسي يالحمار أجل أنا بطه .
سامي لاحظ أنها تعبانه ويالله تمشي:صدق أنك مجنونه في وحده بشهرها التاسع تسافر بالطياره.
شهد:إيه أنا المهم وين السياره أحس أني بموت.
بندر:وأنا مومالي عينك.
سامي : أوه بندر هنا معليش يالنسيب ماشفتك ياالله السياره قريبه بروح أجيبها عند البوابه.
راح سامي بندر: شهد وش فيك.
شهد:أه مافيني شي أبي أرتاح أحس أن ظهري مكسر من الألم.
بندر: تحسين بشي.
شهد:ودي أنام تعبانه أنا بروح لأهلي .
بندر: وبيتنا.
شهد:والله مالي خلق بندر أحس أن الدنيا تدور بي.
وقف سامي السياره عند البوابه وحط بندر في بيته وراح لبيت أهله ومعه شهد
بندردخل بيتهم وهوتعبان يبي ينام شاف أمه بالصاله سلم عليها وراح للجناح حقه ورمى نفسه على السرير ونام بدون مايحس بنفسه.
أماشهد كان الكل مجتمعين في بيتهم لأنهم يدرون بجيتها
دخلت وأنسدحت على اول كنبه من التعب ماقدرت تسلم عليهم.
أم وليد: شهد وش فيك.
شهد:تعبانه يمه أبي أرتاح.
أم وليد:طيب قومي روحي غرفتك.
شهد: مافيني حيل.
جابو لها بطانيه وحطوها عليها وأتركوها تنام لأنها تعبانه.
وفي يوم الأثنين جاها طلق الصبح الساعه ست سامي قام مفزوع من صراخها طمرمن مكانه وشغل السياره وراح للمستشفى قسم طوارىء دخلوها غرفه العمليات ولأنها بكر بتولد بعد 12ساعه وجلست تصارخ سامي ماتحمل أتصل على بندر جاء مسرع وأصر يدخل غرفه العمليات أمنعوه وخلوه يجلس عند الباب كان يسمعها تصارخ ماتحمل صار يدور بالممررايح جاي
أم وليد:هد اعصابك وأناخالتك.
بندر:خالتي لها ساعتين وهي تصارخ ولاولدت.
أم وليد:لاتنسى انها بكر بتولد بعد10 ساعات .
بندرخاف وصار يقرآ قرآن وكلما صرخت وقف ويوم سمعها تقول بموت راح مسرع عند الباب يتسمع عل وعسى يسمع صوت الطفل ولاكن مافاد أنتظر ومل من الإنتظار كان متوتر ووتر خالته معه : خالتي تأخرو.
أم وليد:هد أعصابك كلها كم ساعه وتولد.
أم وليد جلست تدعي ربها وتقرأ قرأن بعد صراخ دام 12 ساعه سمعو صوت طفل طلعت النيرس مبروك ولد.
بندرمن الفرحه سجد لله شكر وأتصل على أبوه , أبوه مافهم شي من بندر لأن بندر كان مبسوط ويذب خيط وخيط فالأخير فهم ان شهد جابت ولد الكل بارك لبندر دخل يبي يشوف شهد وشافها تتنفس بصعوبه بندر:وش فيها.
الدكتوره: شي طبيعي لاتخاف.
بندر:أكيد.
الدكتوره:إيه عن اذنك .
شافها قرب منها: الحمدالله على السلامه ياأم خالد.
أبتسمت : بتسميه خالد.
بندر:اكيد على الوالد وينه أبي أشوفه.
كان الولد لونه أحمروكان سعنون مره الكل فرح به وأنبسط به ومرت مرحله النفاس كئيبه على شهد لاكن خالها فواز أخرجها من الكأبه بطريقته الخاصه
لاكن بندر نكد عليها كالعاده من شاف وجه ولده وهو متضايق لأن الولد صار لونه أسمر فقال:ليه لونه أسمر متاكده أنه ولدي.
شهدعصبت:لاولد الجيران أبي أفهم ليه أنت كذا همك الشكل توه صغير وإذا كبر بيوضح وجهه .
بندر:لا المساله فيها أن شكلهم لخبطو بالأولاد وعطونا ولد ناس مانعرفهم.
شهد:والله موأنا اللي خلقته أساسآ الكلام معك في هذا الموضوع فاضي أسكت أحسن لي.
وهذي حالتهم من أنولد الطفل بندر ينتقد شكله ويعاير شهد بأم الإسيود ومع مرور الأيام بدى يفتح لون وجهه طبعآ شهد ماسلمت من نقد الحريم لولدها كان الكل ينظر له على أنه منبوذ لأنه أسمر مرت الأشهر ورى الأشهر وبدأ خالد يكبر وكل يوم مسبب قلق لأمه اللي صارت تتجاهل الناس وبندر كانت تدعي بدعاء دايم تردده:(اللهم أنصرني على كل من حقربي وبولدي).
مرت خمس سنوات بسرعه البرق وكبر خالد وصار أبيضاني كأنه سوري وجميل وصار الكل يسمي عليه ويذكر الله لأنه جميل وشهد ربته تربيه صالحه حفظته القرأن صار يحترم الكل والناس مستغربين منه رغم صغر سنه إلاأن أسلوبه محترم.
وفي يوم من الأيام كان عم بندروعياله جايين يتغدون عند أهل بندروكان كل شي جاهز الحريم بالمجلس يتقهوون والرجال بالمجلس وبندرطول ومانزل عند الرجال لأنه مايبي ينزل.
(في جناح شهد وبندر):
شهد:خلودي تعال البسك.
خالد: ماما ماأبي.
شهد:بندر طفح الكيل مع ولدك شف له صرفه.
بندر:حبيبي أسمع كلام ماما.
خالد:لالالالا.
شهد سوت نفسها زعلانه قرب خالد:ماما لاتزعلين أناأحبت.
شهد:إذا تحبني البس.
أخذ الفنيله من نفسه ولبسها.
شهد جلست تبوس فيه: ياناس أحبه موت.
بندر:منهو أنا.
خالد: لاأنا.
شهد:ههههههههه أقول يالله خلونا ننزل عمك وأهله وصلو.
خالد طلع من الجناح مسرع يبي يروح لجدته بندر لصق في شهد: وأخيرآ خلانا ألحالنا.
شهد: اللي يسمعك يقول جالس على قلبك.
بندر:كلما جلست معك نط بوجهي أوف لزقه المهم وش رايك بس نكنسل كل شي ونجلس مع بعض بندر وهويبوس رقبت شهد.
شهد:بعدين لاحق الحين الناس جو فشله خالد نزل وأحنا مانزلنا بيقولون صرفو ولدهم وجلسو مع بعض.
بندر:يقولون اللي يقولون مومهم وبعدين هم عمي وعياله من كنت بزر وهم يزوروننا عادي البيت بيتهم.
شهدأبعدت عنه وعدلت نفسها وتوها طالعه بندرمسك خصرها:على وين.
شهد:بندربعدين الناس تحت لازم أساعد خالتي.
بندر:طيب توعديني الليله.
شهدباسته على خده:أوعدك.
تركها ونزلت كانت الأنظارعليها.
عهود تهمس بأذن ريم: من زينها ويا وجهها نازله وكاشخه.
ريم:أسكتي لايسمعك أحد.
شهد:حياالله من جانا.
أم نايف:الله يحييك.
شهد سلمت على الكل وقربت من أم بندر:خالتي تبين شي.
أم بندر:وين بندر.
شهد:فوق.
أم بندربدهشه:مانزل للرجال.
شهد:الحين يلبس.
أم بندربضحكه:جننتي الرجال شكله ماصدق خبر أن خالد ينزل عندي هههههههه.
شهد أنحرجت وعهود عصبت لأنها سمعت كلام أم بندر.
عهود كانت متشخصه تبي تقهر شهد فكانت تقوم وتصب القهوه تسوي نفسها سنعه نزل خالد وبصوت عالي: ماما بابا يبيك.
أم بندر:قل له مافيه عشان يصك عليها ومايطلعها.
شهد ولع وجهها من الحرج.
راح خالد مسرع وجاء : يقول بسرعه تعالي.
أم بندر: وش يبي.
خالد وهو يبلع ريقه:يقول خلها تجي عيب أقول عند الحريم.
أم بندرطلعت عيونها قدام:وشو وش تقول.
خالد:ماما ياالله هويقول نادها وبوديك الملاهي إذا جت.
أم بندر:قله لا.
عهود معصبه أشتعلت عندها الغيره (شكلها قلبت عقله لازم أتصرف) .
فجأه رن جوال شهد:هلابك , إيه لابالدرج الثاني طيب شوف اللي جمبه لاياالله يابندر ترا بذبحك خلاص خلودي يعرف مكانه طيب.
نزل خالد مسرع:ماما بابا حاس الدولاب كله يدور شرابه وين حطيتيه.
أم بندر:خلاص روحي شوفي وش يبي ولدك فشلنا.
رن جوال شهد حطته عند خالتها ورقت أم بندرردت : هاه خلاص جتك لاتزعجنا يالله لاتتأخرعلى الرجال مع السلامه.
فجأه رن جوال شهد أم بندر:نوره تعالي شوفي منهو.
نوره: هذا سامي.
خالد:جيبي الجوال.
نوره: خذه وده لماما بس لاترد.
أخذ خالد الجوال ورد : ألو سامي.
سامي:خلودي حبيبي وشلونك.
خالد:زين.
سامي:حبيبي وين ماما.
خالد:فوق.
سامي:نادها.
خالد:وش تبي.
أم بندر: عيب ياولد .
سامي:خلودي تروح معنا.
خالد بفرحه: وين.
سامي:الثمامه .
خالد: إيه تعال خذني.
سامي: إذا جت ماما بقول لها.
خالد:لالا تعال.
سامي: مع السلامه.
خالد:أوريك.