يا مذيّـــرْة الهقـــاوي والْفكــر طبعك هبــوب
يــا أنــا يالّلي جهلتــك طايـــعٍ والّا امغصوب

ودّريني كود تلقي من شتـاتي لـــي طــــريق
واجمعينـي للصّحاري وانعطافــات الـدّروب

وانـــذرينــي للمســـا حلــمٍ جميـــلٍ مستعــار
وانقضي كـــلّ العهود إليا انقشع للّيــل ثــوب

واكسريني للطّموح إنْ راد يصعد بي طموح
واصنعيني للّيالــي بيـــن مشـــراق وغـروب

يا أنــا يالّلي جهلتك علّميني كيف أكــــون ؟؟
شاعـــرٍ واحــــد يمثّــــل بالأسـى كلّ القلوب

كيف حبــري مــن جفافه والورق مافيه روح
غـــاويٍ يتبـع سواليف الظّما الغـــرّ الّلعــوب

كيفْ بزهر في ظنون الصّمت واكتبني قصيد
والمعانــي لا تثنّــت مــن بنـات الفكر عـوب

مــا تــوصّلني مـــداه ولا تعـــاود بــي جبيـر
لا قراها الّليــل ينــده للضّيا مــن كـلّ صوب

علّميني كيـف بسـرق من شعاع الشّمس نور
واتجمهر بالظّــلال ونــرسم الــوحدة شعـوب

يــا أنــا يالّلي جهلتك علّميني كيــف أكون ؟؟
لامتداد الصّبح بهجة ... للفضا صدرٍ رحوب


وهـــــج....

وأنا الغريب بكلّ ما أُوتيت من لغتي ...!