منتديات قصايد ليل - عرض مشاركة واحدة

10-02-2010

بعد مرور ايام دخل تركي على امه::
تركي:صباح الخيير الغاليه وشلونك........؟؟
ام تركي: بخيرر دامي وياك ياقلب امك انت
تركــي:تسلمـــين الا يما بغيت اكلمك بموضوع...؟
ام تركي:قوووول ياتركي وش عندك
تركي وهو منزل راسه منحـــرج:يما انا قررت انا.......يما ابي اتزوج
ام تركي :ههههههه يويلي تركي الغالي بيتزوج هذي الساعه المباركه أي والله
تركي:تسلمييين
ام تركي:الله يسلمك من بكره ادورلك بنت الحلال الي تسرك
تركي: لالا يما انا مختار وخالص
ام تركي:يوييييلي ياتركي هذي سواتك صرت نفس بدر المجنون
تركي:افأأ يا يما تركي ولد رجال مايسوي هالسواة
ام تركي:وانا يايما اعرفك بس من هي الي تبيها....؟؟
تركي:اشواق بنت ناس واصل
وقعد تركي يشرح حق امه شلوون تعرف على اشواق
عند طلال..
وراح طلال على طول البحر "لان اذا تضايق او صارله شي كان يروح البحر" وقعد فيه أكثر من ساعة وبعدها دق على هنوف وقال
طلال: قوه هنوو
هنوف: هلاوالله
طلال: شخبارك؟؟
هنوف: الحمدلله_ شفيك؟
طلال: لا مافيني شي
هنوف: زين شفيه صوتك متغير؟ وانت وين؟
طلال: ماكو شي انا بالبحر بروحي تجين!!
هنوف: لو بكيفي جيت_ زين شفيك؟
طلال: بس تهاوشت مع ربعي وطلعت منهم
هنوف: ليش؟ وعلى شنو تهاوشتوا؟
طلال: كنت اتغشمر مع راكان وبعدها جاب طاريك وتهاوشت
هنوف: طاريي!! وانا شكو بالموضوع؟!
(طلال قالها السالفه كلها) وهنوف كلمته وطمنته وقالتله هنوف: أنتم ربع والمفروض ماتتهاوشون بسبت بنات وماتخربون علاقتكم وأنت لازم تروحلهم وتتأسف منهم
طلال: يغلط عليك وتبيني اسكت
هنوف: هو صح غلط بس انت الي بديت وياه
طلال: خليه يولي الحمار
هنوف: طلال حياتي ترا هو صاحبك وقريب منك مهما يغلط المفروض ماتهاوشه
طلال: اشوفك تدافعين عنه؟ وهو سبك
هنوف: ماأدافع عنه ياطلال شفيك!! انا ابيكم تردون مثل أول وبعدين مو انت قايلي ان تركي وفهد وراكان اقرب اشخاص لك ويعرفون كل شي عنك
طلال: مافيني شي_ اي صح قلتلك
هنوف: زين خلاص رد لهم وتأسف منهم كلهم لانك عصبت عليهم
طلال: ماراح اروحلهم ولا راح اتأسف لهم
وهنوف تكلمه وتفهمه وطلال كان مقهور من كلام راكان و هنوف أخيرا اقنعت طلال وطلال راحلهم وتأسف لكل واحد ومايقدر يستغنى عن ربعه ولا عن هنوف وقعد معاهم سوالف وغشمره ونكت ولعب وردت علاقتهم مع بعض ولا كأن شي صار بينهم..
وبعد فتره طلال راح عند الشباب بالديوانيه وكان فيها فهد وراكان وتركي ربع طلال وناصر ولد خال هنوف وغيرهم من الشباب ودخل طلال و سلم عليهم كلهم وقعدوا سوالف وضحك وغشمره (تعرفون الشباب وسوالفهم) المهم طلال كان يسولف على ناصر (للعلم ان ناصر مع طلال يعرفون بعض من قبل) وناصر زل ألسانه وقال لطلال
ناصر: آآآآآآه أشهدنه الحب بلوى
طلال: هههههههااااااااي (ضحك بصوت عالي والشباب لفوا عليه وقالوا شفيك ياطلال تضحك ضحكنا معك)
طلال مستمر بالضحك: هههههااااااي
وبعدها قال طلال وهو يضحك: البزر ناصر يحب أسمعوا ياربعوالشباب اضحكوا على ناصر و قالوا من تحب؟؟
راكان: طليل حرام عليك
ناصر انحرج وقال: اضحك على طلال بشوف شنو يقول!!
طلال: احلف بس.. ههههااااااي
(وبعدها لما اندمجوا الشباب كل واحد مع الثاني)
طلال قال حق ناصر: تعال صدق تتغشمر ولا جد تتكلم؟؟
ناصر: واذا حبيت حرام يعني؟؟ ولا شنو؟؟
طلال: لا عاد جد تتكلم؟؟ انت تحب وحده؟؟
ناصر: اي أحب وحده ولا أرسلها بالأوراق وهي ترد علي
طلال على وجه ابتسامه: ماشاءالله ترد عليك بعد!! ليه هي تعرفك بعد
ناصر: اي تعرفني وشافتني وشفتها وشفتها بدون ملفع و شعرها طويل وتجنن
(طلال انصدم من ناصر وقال في باله شلون البنت تراسل ناصر وهو جيكر "ناصر قصير ضعيف اسمر بدرجتين شعره خشن حيل وقذلته ع جنب وما تتغير وملامحه ماتساعد")
ناصر: شفيك سكت مو مصدق؟؟
طلال: لا بصراحه صدمتني تحب وانت صغير!! وطيب البنت اللي تحبها كبرك بعد؟؟
ناصر: لا أكبر مني بسنتين بس ما يمنع اني أحب
طلال: أكبر منك ولا تحبها!! انا اعرف ان الواحد اذا حب حب وحده اصغر منه مو أكبر منه ولا بسنتين والله غريبه!!
ناصر: شالغريب بالموضوع عادي وهي تدري اني أحبها ولا أرسلها وتراسلني ومرات أكلمها وتكلمني
(ناصر قال حق طلال كل شي وشنو كتب لها وشنو ردت وطلال قاعد يسمع ومستغرب من الموضوع) وبعدها قال لطلال
ناصر: طلال تراها تصيرلي و تقربلي حيل
طلال: شنو؟!
ناصر: انا ولد خالها وهي بنت عمتي يعني أبوي أخو أمها
طلال: أحلف بربك؟!
ناصر: ورب الكعبه ومحد يدري بعلاقتنا إلا أختي الصغيره هي اللي تودي رسايلي وتجيب رسايلها
طلال: والله انك شيطان تعرف تحب بعد الله يا الدنيا
ناصر: اسكت بس يمكن بعد كم يوم انام عندهم
طلال: بعد انت شكلك تلعب لعب معاها وبعد هي معطيتك وجه
ناصر: وش على بالك بعد مضبط العلاقه معاها
(طلال زاده فضول إلا يعرف اسمها) وقال
طلال: ناصر تعال نسيت أسألك وش اسمها هي؟؟ خلني أمسكها عليك وكل ما اشوفك أقول اسمها
ناصر: لآآآ_ ماراح أقولك
طلال: اخلص علي لاتخاف ما راح أخذها منك خلها لك ما أبيها بس قول وش اسمها؟؟
ناصر: اصلا هي لي_ ياحلو اسمها!! اسمها هنوف
(طلال تنح في وجه ناصر و على طول تذكر هنوف اللي حبها وارتاح لها)
ناصر: وشفيك تنحت؟؟ ادري اعجبك اسمها !! ههههه
طلال: لا بس... بس
ناصر: بس شنو؟؟
طلال: الله ياخذ الشيطان بس تعال هي بنت عمتك واسمها هنوف
ناصر: اي
طلال: آها.. بس هنوف بنت منو ؟؟ ياولد زادني الفضول
ناصر: هههههه أدري حبيت سالفتي معاها وحبي لها
طلال: اخلص عاد قول؟؟
ناصر: هنوف بنت علي
(انصدم طلال صدمه كبيره وقال لناصر بصوت حاد)
طلال: هنوف علي!!!
ناصر: اي هي وشفيك؟؟ تعرفها أنت بعد لانها تقربلك.
طلال انصدم ثاني مره وعصب
طلال: كملي السالفه بعدين انا نسيت شي وبروح
وراح طلال بسرعه والشباب يقولون طلاااال على وين على وين؟؟ وطلال مارد عليهم و الشباب قالوا لناصر: وشفيه مستعجل كذا ومو من عوايده يطلع ولايقول "فمان الله"
ناصر: مدري عنه قال نسيت شي وراح
وتركي وراكان وفهد حسوا انه فيه شي "لان تركي وراكان وفهد وطلال كانوا مثل أخوان ويعرفون كل شي عن بعض"
المهم طلال ركب سيارته بسرعه وساقها بسرعه كبيره وراح على طول بيته ودخل بيتهم بسرعه وصعد غرفته ودق على هنوف
(هنوف كانت تستعبط على ناصر وناصر كان مصدقها و هنوف تدري انه ماراح يصير شي بينهم وصح انه ولد خالها وكان ينام عندهم عشان اخو هنوف ولد عمته ويشوف هنوف وكان يسلم عليها و يسولف معاها وناصر اصلا اصغر منها ومتعودين عليه لان كله عندهم) "طلال كان يغار على هنوف حيل حيل"
طلال على طول قالها
طلال: تخونيني يا هنوف تخونيني
هنوف: شفيك يا طلال؟؟
طلال: ولا تقولين شفيك بعد
هنوف: لحظه شسالفه؟؟
طلال: السالفه!! تبين السالفه!!
هنوف: قول شنو؟
طلال: ماكنك تكلمين ناصر ولا كأنه بينكم شي؟؟
هنوف: لحظه شفيه ناصر؟ و مثل شنو بينا شي؟؟
طلال: لآآآ.. يعني ماتكلمين ناصر ولد خالك ؟
هنوف: ما راح أكذب عليك اي أكلمه
طلال: بعد بكل ثقه تقولين أي ؟
هنوف: مو أنت تبي تعرف السالفه كا انا أقولك اياها و ماراح أكذب عليك
طلال: ماشاءالله عليك وعليه ولا بعد تراسلينه
هنوف: اي كنت اراسله هذي بعد ماأنكرها
طلال: ماشاءالله بعد ولا تقعدين معاه وتسولفين وماهمك أحد
هنوف: همن هذي ماراح أنكرها كنت أسولف معاه
طلال: كل هذا صار_ وبعد تبين أزيد
هنوف: ماأكذب عليك قول وانا أقولك الحقيقه
طلال: ماشاءالله ليه عندك بعد سوالف
هنوف: طلال انا واثقه من إلي أقوله وما كذبت عليك ولا مره وناصر كنت استعبط عليه ومن فتره لفتره ينام عندنا وهو اصغر مني وكان نفس أخوي وتعودنا عليه
(وهنوف قالت حق طلال كل شي بينها وبين ناصر وفهمته)
طلال زعل وقال: خلاص خلاص تبين شي؟؟
هنوف: شفيك؟
طلال: تبين شي بسكر؟!
هنوف: وربي قلتك كل شي خلاص عاد لاتزعل
طلال سكت مارد عليها
هنوف: ورب الكعبه ما في بيننا شي شفيك عاد خلاص
طلال: خلاص خلاص لاتحلفين صدقتك
هنوف: أنا ما كذبت عليك
طلال: بس بغيت أموت لما سمعت السالفه ولا فيها اسمك
هنوف: اسمالله عليك
طلال: آآآآآآه ياهنوو آآآآه
هنوف: اسمالله عليك من الآآه
(طلال بدا يفصل على هنوف وهنوف صوتها ناعم ويساعد على الفصلات)
طلال: هنوو
هنوف: هلآ
طلال: هنوو خليني أخطفك؟
هنوف تضحك ضحكه ناعمه وتحطم: وين توديني؟؟
طلال: أنتي وافقي وراح أوديك مكان بعيييد عن الناس وراح أنسيك أمك اللي جابتك
هنوف وهي تضحك بصوت واطي وضحكتها عجيبه : وين بعيد؟ وأمي ماتقدر تنسيني إياها
طلال: مكان بعييد وظلمه و صدقيني انسيك امك وابوك وأهلك
هنوف تضحك: يمه أخاف_ شبتسوي فيني؟!
طلال: اسم الله عليك تخافين انا وياك_ عندي شغل معاك!!
هنوف: شنو شغلك؟!
طلال: أنتي أمشي معاي بعدين راح تعرفين وصدقيني راح انسيك الدنيا كلها حتى اسمك انسيك اياه
هنوف: مابي
طلال: صدقيني بتستانسين
هنوف: مابي
طلال: قاعد اقولك تنسين الدنيا وما فيها
هنوف: مابي
طلال: طيب ان ضعت بصحرا دورين علي
هنوف: اممممم راح يلقونك الشرطه قبلي
طلال: أروح مكان حتى الشرطه ما تلقاني
هنوف: لآآ!! أنا بروح الصحرا مابي احد
طلال: آآآه تروح روحي بعدين
هنوف ضحكتها تطير العقل: ههههه لآآ
طلال: أضيع بعدين انا من دونك
هنوف: هههه
طلال: بعدين أروح أدورك بكل مكان وما اخلي أحد يدور بدالي عشان اذا شفتك اسرقك و أخذك
هنوف: هههه بعدين الشرطه تجيك وتاخذني وتوديني لأهلي
طلال: هههااااي ما يدلون مكاني اللي بوديك فيها حتى الجني ما يدله
هنوف: هههه بعدين يذبحونك
طلال: عادي خلي يذبحوني دامك أنتي أخر شخص اشوفه عادي من بعدك أمووووت
هنوف: اسم الله عليك تخيل شخص ثاني يلقاني قبلك
طلال: عشان أذبحه محد يمسكك غيري ولا يلمس شعره منك
هنوف: هههه
طلال: فدييييييييييت الضحكه انا دوووم يارب
هنوف: هههه تسلم
طلال: هنوو
هنوف: هلآ
(طلال فاصل حده)
طلال: مايصير أخذك ليله وحده
هنوف فصلت: هههه بس ليله!!
طلال: بس ليله انا مو طماع
هنوف: هههه قول نص يوم!! قول ساعتين!!
طلال: ولاتزعلين ساعه وحده بس أنتي تعالي وبعدين افكر أخليك تروحين أو ماأخليك
هنوف: لآآ_ خبله أنا عشان تحبسني مثل هذيك المره
طلال: خلاص نص ساعه بس أسوي شغلي معاك وروحي
هنوف: هههه شنو شغلك معاي؟
طلال: عندي شغل أسويه معك بعدين تعرفين
هنوف: نظري ولا عملي!! هههه
طلال: أفا عليك عندي عملي و بعدها نظري................
وطلال كمل فصلته على هنوف وتعمق معاها ودخل بالخطوط الحمرا لحد ماذوووب هنوف وداخوا واشرقت الشمس وبعدها ناموا وطلال طبعا تحلم ان هنوف نايمه معاه!!)
...ودارت العلاقة بينهم وكان طلال يغار عليها من كل شي ويحب صوتها "العذب" وحبها بس مايبي يعلمها و مايقدر يعيش من دونها ومايمر يوم وإلا طاريها موجود مع طلال واستمرت علاقتهم مع بعض وكانت أحلى علاقه...
بعد مرور شهر سمع طلال ان هنوف تبي تتزوج وان أبوها غاصبها على ولد عمها وقالها أبوها: مالك إلا ولد أخوي "ناجي" فهنوف مو بيدها ترفض ولاتقدر تتكلم وطلال أول ماسمع الكلام هو انصدم صح!! بس صدمته كانت على ضحك يعني ضحك وضحك وضحك وبعدها بكى كأنه استجن (لان انصدم اول شي بسالفة مها وشلون ملك عليها وثاني شي انصدم بسالفة هنوف وشلون أبوها زوجها بلغصب)
طلال قعد بغرفته يمكن يومين ما طلع منها ولا أكل شي ويشرب زقاره ورا زقاره وعيونه كانت حمر وتحت عيونه سواد وأسنانه صفر من كثر ما يشرب الزقاير وراسه بينفجر من كثر التفكير ومو قادر يعرف شنو يصيرله!! وشنو يدور قدامه!! وفجأه طلع من غرفته يبي ينزل يشم هوا لان حس انه يبي يختنق وصل عند الغرفه اللي قدام غرفته وما قدر يشوف قدامه وطاح على الارض فشافته ساره وكانت تصرخ تقول: طلال طلال شفيك طلال
ونادت أمها ودقوا على أبو طلال وعلى طول ودوه المستشفى وحطوه بالملاحظه
(للتذكير ان طلال عنده حصوات بلكلياته صغار لحد يووومكم هذا)
والدكاتره شافوه وقالوا صعدوه الجناح لان حيل تعبان وظل بالمستشفى تسع أيام تقريبا
وساره قالت لهنوف وهنوف درت بحالته وودها تشوفه قبل لاتتزوج ودقت على ساره و وصفة ساره لهنوف مكان طلال وراحت ساره تجيب هنوف من تحت وهنوف كان جايبها أخوها الكبير وأخوها شاف ساره وراح بعيد ينطر هنوف وقال لهنوف لا طولين
ودخلت هنوف عند طلال وطلال اول ما شافها حس انه بخير وبصحه وعافيه ولا كأنه شي يعوره_ شاف عيونها ونسى كل شي وظلت هنوف عنده وقالها
طلال: قطي نقابك ياهنوو
هنوف قطت نقابها وداخ طلال وانسدح على سريره وقال آآآه
قالت هنوف: اسم الله عليك
والأخ كان مكيف على السرير
طلال: هنوو انا كل يوم بدخل المستشفى عشان كل يوم تجيني وأشوفك
هنوف: اسم الله عليك سوها عشان ماأجيك
طلال: عادي اسوي حادث و أقول أبي هنوو جيبولي هنوو
هنوف: ياحول اسم الله عليك لا تفاول على عمرك ترا ماأجيك
وبعد السوالف الحلوه أخو هنوف دز مسج وقال: يالله
هنوف: انا بروح يلله ما تشوف شر وتطلع بالسلامه انشاءالله
طلال من قلبه: لآآآ.. تو الناس خلي أخوك يروح وانا اوصلك
هنوف: اذا قمت بالسلامه بعدها يصير خير
طلال: عجل يلله بقوم أوصلك
(طلال قام من صدقه.. مشتهي يوقف وأول ماوقف)
هنوف: وين؟؟ وين؟؟
طلال: أوصلك
هنوف: نعم!! مجنون؟؟ أقول أقعد خلني أروح
طلال كان يبي يطيح ما وزن نفسه ومسك يدها اليمين
طلال: مجنون فيك_ ابي أوصلك تكفين
هنوف:تبيني أموووت اذا شافك أخوي
طلال: لا اسم الله عليك انا أمووت بدالك
هنوف: يا حول شكلهم اذا شافوك بيودونك مستشفى المجانين على حالتك هذي
طلال: عادي خلي يودوني
هنوف: ياربي شسوي!! ساره امشي وصليني
ساره قامت عشان توصل هنوف وطلال عرف ان هذي آخر مره يشوف هنوف فيها ويسمع صوتها و هنوف ما تدري ان هذي اخر مره تشوف طلال فيها.
جدت طلال وعم طلال زاروه بالمستشفى ومن بعد السلام والكلام قالوا
الجده: والله يا وليدي باجر بجيبلك يامك عيش ولحم وأكل ولاتنشد عن الدختور (جدة طلال بدويه أصليه وماهمها أكبر راس وعوووبه)
طلال مبتسم: اي والله يا يمه ما يعطوني أكل حلو عيشهم بارد ولا نص ملاس لوعوا كبدي
الجده: ياويلي عليك مجوعينك ابشر اني بذبحلك ذبيحه وبجيبلك كل يوم منها وإللي فيه خير يقرب عندي لأمحطه بالعصا
العم: يا يمه هدي هدي لا يطردونا محنا في هوشه
طلال: ههههه يمه باجر بنطر عشاك تراني مشتهي أكل البيت
العم: ابشر و انا عمك بيجيك اللي يسرك
الجده: افا عليك ياوليدي لا توصي حريص جدتك اذا قالت شي.....
العم قاطعها: تجيبا يعني تجيبا
ودار الحديث وبعد يوم بالضبط
تركي وراكان وفهد كانوا عند طلال بالمستشفى والوقت كان وقت عشا (تخيلوا الموقف)!!
دخل عم طلال ومعاه صحن ابو كرسي "مال الذبايح" ولافه بكيس زباله عشان محد يصيده وخدامة جدته شايله جنطه كبيره شوي داخلها العيش ولحم والدقوس واللبن والشطه "كل هذا عشان الدكاتره مايشوفونهم" والشباب قعدوا يضحكون على عم طلال وشلون شايله ولافه بكيس زباله وسكر باب الغرفه وفتح الكيس والجنطه "طلال بغرفه خصوصيه"
طلال من الجوع يصفق ويقول: عااااااش عمي
تركي: عنك عنك ياعمي
راكان مبتسم: الله عشآنآ اهني اليوم امممم
فهد: انطروا خلونا نرتبه يا مشفح
طلال: انا عازمكم أقلطوا يالربع
راكان: بناكل وما درينا عنك
تركي: يلله عمي اقلط
عم طلال: أبشر وانا عمك
راكان: ياني مشتاق للذبايح
فهد: راكان لوعت كبودنا
حطوا العيش بالصحن وتجمعوا عليه وهم ياكلون
طقطق طقطقطق "الباب"
عم طلال فز وأخذ الصحن وحطاه تحت سرير طلال والشباب يخشون الباقي "راكان خش الشطه بمخباته وقعد يصفر ويهز راسه وعيونه بالسقف وتركي غطا اللبن والدقوس بدشداشته ويطالع راكان وفهد بطل الدرايش عشان ريحة الأكل ووقف يطالع برا " وطلال حط نفسه نايم وعمه عنده بالكرسي
دخل الدكتور ومعاه ممرضين الممرضين غطوا خشومهم لان ريحة الغرفه كلها ريحة عيش
الدكتور: السلام وعليكم
الكل: وعليكم السلام
الدكتور: شنو ماكلين؟!
عم طلال: لا بس جدته جايبه كم أكله له
الدكتور: بس الاكل الدسم ممنوع عليه واحنا مانعينه عن أكل البيت
راكان مبتسم: لا أكل خفيف لاتحاتي يا دكتور
تركي: دكتور احنا حارصين عليه عدل تطمن
الدكتور: أتمنى.. دام المريض نايم خلوه يرتاح هو تعبان
طلال ماسك بطنه من الضحك مايقدر يتحمل سكوته
راكان وتركي وفهد انتبهوا لطلال وفهد أخذ الدكتور: دكتور تعال برا بكلمك شوي
أول ماطلعوا الممرضين والدكتور وفهد معاهم،، طلال بطها من الضحك وراكان وتركي دشاديشهم توصخت وعم طلال زلق من الكرسي وقال
عم طلال: الله ياخذهم ماخلونا نتهنى بالحم لو جايب أمي تحرسنا كان ماتجرأوا يطقون الباب
طلال: هههههههههه
عم طلال: مريض أنت!! ألعن أبو هالوجه
راكان: الله يقطعكم وصختوني
تركي: اسكتوا اسكتوا شوفوا دشداشتي إلي يشوفني يقول: هذا توه يتعلم شلون يأكل!! او بيقولون: عني بزر !!
طلال: هههههههههاااااي
راكان: ههههه اللي يقول انك بزر ما كذب
تركي: أبك ما علي شرهه
فهد دخل: الله يقطعكم فشلتونا ماعرفت شلون أرقع لكم يا حمير
طلال: هههههههه ماعليه ماعليه
فهد: امحق مريض بس
راكان: صدقت بس انا اقول لو نكمل اكل احسن
عم طلال طلع الصحن وماتاب وقعد يأكل وطلال نزل من السرير وقعد يأكل وفهد قفل الباب وقعدوا كلهم يأكلون ويعيبون على بعض
راكان: بالذمه طلال انت مريض؟
تركي: ما ظنتي
فهد: لا كلام على طعام
راكان: يا اخي احنا ما تكلمنا
فهد: اجل وشو ؟
راكان: هه هه هه احنا سولفنا لو سمحت فرق بين السوالف والكلام
الكل: ههههههههههههههههههههه
~وظل طلال يذكر هنوف وبعض المرات يتخيلها وكل مايسمع اسم هنوف يفز قلبه كأنه أحد طعن قلبه~
{وهذي قصة طلال وهنوف،، اول ما قرب طلال من هنوف وحبها ويبيها فجأه راحت منه}
طلال ماله في الدنيا نصيب كل ما حاول يحب وحده تفاجأ و تتزوج ومن بعد قصة طلال ومها وقصة طلال وهنوف حرم طلال يتزوج وحرم عليه يحب بنت ثانيه وعاش حياته متعذب وقلبه مكسور ولا يمكن يرجع مثل ما كان وقلبه ينزف كل ما تذكر حبه مع مها ألي كانت أقرب من أنفاسه"وعشقها" وحبه مع هنوف إلي تقرب منها وحس انه يبيها،، وظل طلال في دنيته متعذب وضايع
عند تركي:
راح تركي وخطب اشواق وافقت اشواق وطبعا تركي طار من الفرحه
وقرر بعد ما يجي من مصر راح يتزوجها
(( وهم بطياره بيروحون لمصر))
فهد عند راكان وطلال عند تركي طبعا تركي وطلال قدام فهد وراكان
(( بالطياره ))
راكان:اففففف رجعنا للنكد
فهد:و شدعوه كنت مستانس بالكويت يا راكان لا تكذب
راكان:حتــــــى ولو يا فهد اهلي وخواتي وهند
فهد:احســــــن لك ياخوي بمصر عالاقل تنساها شوي
راكان: هه وشلون انسى روحي يا فهد هي كل ما املكه اه بــــــس اه
فهد: سلامتك من الاه يا راكان
راكان:هههههههه ياحليك يا فهد
فهد:قل الله حلاك
راكان:ووجع شقلتلك
فهد:شايفني بزر قدامك تقول يحليلك؟
راكان:ههههههه اقول المضيفه وراك صار لها ساعه
فهد:احم احم المعجبات كثار
المضيفه:اففف خلصني اخي شو بدك تاكل؟؟
راكان :هههههههههههههههههههه
فهد:احم احم انطم
(وطلب منها وراحت)
طلال لف عليهم: ووجــــــع فضحتوونا شفــــــيكم؟
راكان ميت من الضحك
فهد:سلامتك وعطا راكان نظره
طلال:شنو فهد عشق المضيفه نفس المره الي طافت؟
راكان: يعني ما تعرف اخوك ؟
تركي: لا فهد خل هالمستوى عنك شوف الي قدام الي بجنبنا لابسه ابيض بس انا غازلت اللي بجنبنا لابسه وردي
فهد :هي انت وياه شنو شايفيني تراني متزوج
راكان:ناس الف مره تتزوج وناس مو حاصلهم مرره
طلال:اي والله شفت يا راكان
تركي:خلاص صكيتوا الولد عين تبي ام ابيض و لا ام وردي اخلص ولا اقول اخد ام وردي
فهـد:انقلــــــعوووا
راكان_تركي_طلال:هههههههه
قعدوا بالطياره:
طلال وتركي يغازلون البنتين
راكان يفكر بهند اه يا هند ليتني مت قبل ما شوفك لغيري
فهد يفكر شلون راح تكون حياته مع رهف بعد ما طلق شروق اه يا رهف
وصلوا لمصر::
راحوا لشقتهم حطوا راسهم ونامووا اول واحد قام الصبح راكان نزل تحت شاف المره الي تطبخلهم :اخبارك يا خاله
المره:بخير وانت يا راكان ازيك
راكان:ماني بخير يا خاله بعد فرقاها
المره:يا راكان ممكن أأول ليك حاجه
راكان باكتأبه المعتاد:قولي ياخاله؟
المره:انته من اول مدخلت مصر وانته حزين ومكتئب اولي لييه يا راكان دنته ولد صغير؟
راكان:الحــــــب يا خاله عذاب ما يعرف صغير وكبير
المره:ايوا يا واد دنته بتحب بس اللي بيحب حالوا مش كده
راكان:انا يا خاله اعشقها امووت فيها بس القدر اه ه
نزل فهد يتكلم مصري:صباح الفل والياسمين عليكو ازيكو
راكان:ههههه لا فهد اتقن اللهجه بالاول
المره:بص لفهد حياتو حلوه ما بيفكرش كتير وفرحان
فهد:اعوذ بكلمات الله التامات من شر ما خلق وذرأ وبرأ
راكان:ههههههه يعني ام احمد بتحسدك انت وذا الوجه ؟
فهد:جايز شدراك
ام احمد:ياواد اعأل انا بحسدك ؟
فهد:ههههههههههه لا يا خاله انتي الخير والبركه ههههه
راكان: ترى تحرمك من الفول ؟
فهد: ههههههههههههههههههههههه
ام احمد:ايوا
فهد:ابشرك يا خاله تزوجت
ام احمد:دنته كل مره كده بتتجوز بعدين بطلأ
فهد جرحه الكلام بس من طبعه ان ما يبين لأحد انه متضايق او زعلان:افا يا خاله الناس تقول مبروك وانتي تقولين كذا
راكان حس بفهد بس التزم بصمت
ام احمد:ادحك معاك ياواد الف الف مبروك يا فهد انشالله اشوف عيالك
فهد:انشالله يارب
تركي وطلال:يتريقون
تركي:اه دايخ امس طول الليل مانمت اكلم شواقتي
طلال:احســــــن من قالك تكلمها ان ذا نايت؟
تركي:انــــــقلع انت وثقافتك
طلال:ههههههه عشان تعرف اني مثقف
تركي:بس هذا الي فالح فيه الضحك وين فهود وركون هذول انا مقدر امسكهم بقول حق اهاليهم انهم بس يفرفرون
طلال:خير انشالله من حطك مراقب لهم
تركي:أنا .. أصلا هذول بذمتي
طلال:انــــــقلع بس
تركي:ههههههههههاي
طلال:اروح ادق عليهم ابركلي
تركي:انطر نلبس ونروح القهوه اكــــــيد هم فيها
طلال:طيــــــب بسرعه لا تموت
لبسوا الشباب
(( بالقهوه))
طلال:شباب انا زهقت من هالمنطقه
تركي:شنسوي هي اقرب منطقه من جامعتنا
فهد:شرايكم نروح الغردقه يمدحونها
راكان:اي صح يمدحونها وش رايكم نمرها
طلال:خلاص نروح لها يومين ونرجع قبل لا يبدي الدوام
تركي:طيب
راحوا لهالمنطقه واستانسوا بالشاليه اللي هم حاجزينه كان بجنبهم شاليه عايله كويتيه العايله:ابوهم ومعاه بنتين :ترف اصغر من الشباب بسنه كبر فهد بنت دلووعه بس دلعها له حدود تهبل شعرهااا قــصير ضعيفه ملامحهاأأ طفوووليه بنت كيوووووت وجسمهاااا يفحط أصلا كلها تقط الطير من السما
غلا:اصغر من ترف بسنه حيييل مع ترف تهبل حيل
ترف وغلا ابوهم مدلعهم حيل بس مثل ماقلت دلعهم له حدود
ترف وغلا يتمشون عالبحر: ترف:غلا شفتي الشباب اللي عندنا؟
غلا:اي
جا ابوهم منصور:ها حبيبات بابا شتسولفون عنه؟
ترف:لا ولاشي شكرا بابا عالشاليه نغير جو قبل الدراسه
منصور:العفو يا عيون ابوك
غلا:بابا ليش ماتتسبح؟
منصور:تبوني اسبح؟
غلا وترف:ايييي
منصور:طيب تعالوا
راحوا يمشون ورا ابوهم
منصور:مرحبااا شباب اخباركم
الشباب :هلااااااااا ومرحباااااااا
منصور:اخبااركم؟؟
طلال:بخير ربي يسلمك اخبارك انت؟
منصور:تماااام معاكم منصور ما تعرفنا ؟
تركي:حنا شباب من الكويت جاين ندرس هنا انا تركي
طلال: انا طلال
راكان :انا راكان
فهد:وانا اصغر منهم بسنه وأسمي فهد
منصور:والنعم فيكم وهذول بناتي ترف وغلا
فهد:اهلين
ترف ما شالت عينها من راكان جذبهاآآ موووت
طلال:ها منصور شرايك نتسابق
منصور:طيب طبعا انا بفوز
غلا:اكييييييييد بابا
فهد عطاها نظره:لأ انا بفوز
راكان:اقول اخلصوا علينا
طبوا كلهم بالبحر :
غلا:انتبه على نفسك بابا في ناس حسودين
فهد عطاها نظره:احلفي عاد
منصور:لاااا فهد وغلا اعلنوا الحرب هههه
الشباب مع ترف:ههههههههههه بدأ السباق غلا تصارخ تشجع ابوها
ترف:غلا اممم راكان
غلا:شفيه
ترف:مدري احس انه حزين
غلا: رايت حتى انا حسيت
ترف:اممم
قعدوا يشجعون::
راكان المركزالاول
ترف: مبروك
راكان ببرود:الله يبارك فيك
فهد ومنصور وصلوا مع بعض بس فهد سابقه بشوي
غلا:مبروك بابا انت المركز الثاني
منصور:هههههههههه
فهد:لااااااا احلفي عاد
غلا بابتسامه:اممممم
ترف:بس غلا جننتي الولد
راكان كان ملاحظ نظرات ترف له بس ساااكت
منصور استانس مع الشباب وقعد معاهم طول اليوم
ترف وغلا دخلوا المطبخ يسوون خفايف حق الشباب وابوهم
غلا:سم ببطن فهيدان
ترف:ههههههه مدري وشفيك عليه ترا فهد طيووب
غلا:انننقلعي فهد طيب أصلا هذا سوسه
ترف:آآآآه
غلا:وشفيك ؟
ترف:الزين عند راكان والله
غلا:ههههههههههاي ترف؟حبيتي راكان؟
ترف خدودها مولعه مع ابتسامه:امممم تقدرين تقولين
غلا:يااااااااي وناسه يعني راح تصير مواقف واجد وحنا بالشاليه
ترف:مدري والله
خلصوا العشا حطوه عالطاوله ونادوهم
راكان:تسلم يا منصور انا شبعان مو مشتهي وراح اروح اتمشى على البحر
ترف عيونها تتلاقط:يبا وين راكان؟
منصور:ما يبي ياكل روحي حاولي فيه هو عالبحر
ترف:انشاء لله من عيوني
ترف بصوت عالي ومن بعد:راكان
راكان:هلا والله ترف بغيتي شي؟
ترف:ليه ما تجي تاكل؟
راكان:بس مو مشتهي والله
ترف:اهاااا طيب راكان ممكن سؤال؟!
راكان ابتسم:تفضلي يا ترف
ترف طارت مع ابتسامته:ليه دايم احسك حزين ومتضايق ومتشائم من الحياه باااارد تتعامل ببرود حيل مع الناس
راكان:لا يا ترف لا تعيدين الماضي تكفييين لا تذكريني
ترف مصدومه:اسسسسفه ماكنت اقصد
راكان يضيع السالفه:لا مسموحه الا ما قلتي لي وش طابخين
ترف مستغربه:كل شي حياك
ومسك ايدهااا بدون شعور وترف انحرجت
وصلوا::
منصور:اوووه قدرت عليك تروفه
ترف تغمز لابوها: اعجبك بابا
راكان:ههههههههههه
فهد:خلاص خلونا ناكل
غلا:خلوه ياكل هالمفجوع
الكل:هههههههههه
فهد فتح عينه:منو المفجوع؟؟
غلا:منو غيرك
فهد بضحك:منصور انا بأدب بنتك هذي
منصور:ههههه حيلك فيها
غلا:لا بابا تكفى لا تسلمني لهالمجرم
فهد:خلاص ابوك عطاني الموافقه
منصور:هههه لا لا الا غلويه
غلا باست ابوها على خده:ياااي اموووت فييييك
فهد:منصور غلا مو لايق عليها الدلع لا تدلعهااا ترف اللي لايق لها
غلا عصبت وقامت من الاكل
راكان: وربي اني انا وطلال معلمينه كيف يتكلم مع البنات بإسلوب راقي.. يووه
البنت زعلت
تركي:فهد ليه تسوي كذا؟ في احد يكلم بنت بهالاسلوب؟
طلال:كم مره اعلمه يتكلم باسلوب حلو مع البنات بس مايفهم
راكان: فهد تراك من جد غلطان
(ترف في قلبها يالبيه تكفى علمني انا طيب شوفني يا حلو مسكت ايده مع دفاها ورقتها ونعومتها واسلوبه العذب ونظراته الرومانسيه وعيونه اللي كلها لمعان ورموشه كنها مهفه وفوق هذا كله ناعسه وربي محد هزني بهالكون غيرك.. كيف هالجمال والأخلاق بإنسان حزين وأسمه يطير العقل يوووه)
منصور:خلااااااااص بس شفيكم عالولد تراه ما غلط
ترف:انا اعرف غلا 5 دقايق وترضى
فهد قام:الحمدلله تسلمون
وراح لشاليهم وهو متضايق
فهد بقلبه"يالله متى بحسن اسلوبي بس وربي اسلوبي عاااااادي" دق على رهف
رهف بصوت نايم:الو
فهد:هلا رهف تو الناس الساعه 11
رهف:بسويلي قصه للدكتور باجر اني تأخرت
فهد:ههههه يا خوافه
رهف:فهد بناااام
فهد:افأ تنامين وتخلين فهودي حبيبك بروحه
رهف:فهدددد
فهد:ههههه خلاص يلله يلله في شلة بنات بالشاليه اللي بجنبنا يتمشون بروح اشوفهم
رهف نقزت:فهد يااويلك اذبحك
فهد:هههههه كل هذي غيره
رهف:انا مااا اغاااااااار
فهد:هههههه طيب طيب لا تموتين (وقعدوا طول الليل سواالف)
غلا قاعده بغرفتها ومتضايقه ترف دخلت عليها:غلاتي
غلا:هلا تروفه
ترف قعدت بجنبها عالسرير:غلا لين اللحين متضايقه من فهود وربي كان يضحك معك
غلا:ادري بس
ترف:بس شنو غلا فهد طيب ما يستاهل اللي تسوينه فيه وربي وبعدين اكسبي محبته انا راكان وانتي فهد
غلا:ترف ابوي ما ربانا على كذا
ترف:ادري حنا محنا مسوين شي غلط بنقيس نبضهم بس
غلا:برايك كذا؟؟؟؟؟؟؟
ترف:اكيييييد يلله ننزل تحت نقعد عالبحر بروحنا
(نزلوا البنات قررت غلا انها تكسب فهد وتحبه اما فهد فقرر ان يتحاشاها ما يكلمها ويرتاح نزل فهد للبحر قعد قدامه)
عند ترف وغلا:
ترف:يلله روحي له بسرعه
غلا:ماني رايحه
ترف:فرصه قاعد بروحه
غلا:ماااااااابي خلاص
ترف:امشي انا اروح معك
غلا:اممممم طيب وراحوا لفهد
فهد:اهلييين
ترف:هلا فييك شخبارك
فهد كان متنح بالبس اللي لابسته غلا.(للعلم غلا مو متحجبه بس ترف متحجبه)
كانت لابسه فستان قصير لنص الفخذ فيه كل الالوان كوكتيلي بس مطلعها تجنن وملامحها الطفوليه والنفنوف مخصر جسمها
فهد:أأ...أ انا بخير
ترف انتبهت له بس غلا منزله راسها وشعرها طايح على وجها
ترف:شتشربون؟
غلا:اكيد بيبسي
فهد:لا لا شنو بيبسي مو زين لصحتك لو مع وجبه اوكي بس بروحه لا جيبي لها عصير برتقال نفسي
ترف ابتسمت:طيب وراحت
فهد:مو ناويه تقعدين؟
غلا قعدت بس بمسافه بعيده عن فهد
فهد :غلا قربي ليش هالمسافه
غلا:لا لا زينه بس
فهد قام وقعد بجنبها قريب حيل:آآآآآه
غلا لفت عليه بسرعه لزقت حييل بوجهه :شفيك
انتبهت لنفسها:أأأ
جت بتبعد بسرعه مسك وجها وخلاه لازق بوجهه ما يقدر فهد يقاوم نفسه كان وده يضمها يبوسها على خدها الناعم وفعلا قرب فهد وباسها على خدها بوسه خفيفه ولف شعرها كله بجهه ثانيه وهمس باذنها"لا تخليني بروحي"