منتديات قصايد ليل - عرض مشاركة واحدة - عشاق يعتلون ناصيه القلوب /روايه سعوديه رومنسيه وجريئه كامله

12-15-2014

لما سمعت صوت الباب قفل طلعت ريما ولبست ملابسها وعدلت شكلها وخرجت من الغرفه شافت فهد مسوي لها شاي ساخن
فهد يمده لها :خذيه يريحك
ريما باستهزاء :شهالاهتمام؟؟
فهد نرفز من طريقتها :قلت اكسب فيك اجر ... بعدين وين طالعه ؟
ريما عطته ظهرها ومشت فهد هنا جن جنانه على تطنيشها لكلامه والشاي اللي سواه علشانه مسكها من ايدها :وين يابو الشباب ؟
ريما التفت عليها ببرود مصتنع مع انها خايفه :وين يعني الجامعه
فهد بعصبيه :لما اكلمك توقفين شربي الشاي بعدين اوصلك
ريما اخذت الشاي وصارت تشربه فهد دخل غير ملابسه وتذكر ان نور بالبيت
قفل اللباب من برى من خوفه عليها وصل ريما للجامعه ورجع للبيت بعد ماستاذن من شغله ..

رانيا كانت بالمطبخ دخلت عليها امها وهي لابسه عبايتها وتركض صوبها بخوف :رانيا يمه تعالي
رانيا بخوف :شفيك ؟
خديجه : جدتك مريضه واظن انها بتسلم امانتها
رانيا باستغراب :من جدتي ؟
خديجه :خالتي انا
رانيا :استغفر الله يمه هذي عدت ميه سنه شبعت حياه
خديجه بعصبيه :رانيا وجع
رانيا :طيب بتروحين عندها
خديجه ايه
رانيا :خلاص لاتاخرين بعدين الوقت متاخر
خديجه :رانيا تدرين ان بيتها بعيد سفر يعني ماراح ارجع يمكن الا بكره
رانيا :يمه ماله داعي
خديجه تعطيها ظهرها :انتبهي على نفسك انا وخالك بنتاخر
رانيا :كل الموجودين عارفين
خديجه :ايه بس ناصر ومها لا
رانيا :اجل انا منو اقصد
خديجه :طار عقلي يابنتي المهم سوي اللي عليك وقولي لهم لاتنسين وانتبهي على نفسك لاتطلعين من البيت سامعه
رانيا هزت راسها ورجعت على شغلها ... ناصر صحى على بكى مها
ناصر بخوف :فيك شيء .؟
مها :لا بس تبعابنه شوي
ناصر :اخذك للمستشفى ؟
مها :لا ابي امي
ناصر يناظر الساعه :هالحزه امك
مها تبكي زياده :تكفى ناصر
ناصر تنهد وصار يقنعها وهي رافضه الفكره لبس ناصر ولبست مها وطلع من البيت وصل مها على اهلها وهو رجع للبيت علشان ينام
ويكمل نومته اللي ماتهنى فيها سمع صوت بالمطبخ وشاف رانيا طالعه منه وتركض وماسكه راسها
ناصر قعد واقف لحد ماطلعت فوق وهو مستغرب منها حتى انها مانتبهت له دخل ناصر المطبخ وشاف لاكشمي قاعده تضحك
ناصر :وين ابوي وعمتي ؟
لاكشمي قالت له لان رانيا قالت لها اذا سالها تقوله تعفيها من المسوليه
ناصر بعد ماستفسر منها :شفيها رانيا ؟
لاكشمي ترفع حواجبها :ممكن هامل(ممكن حامل )
ناصر يضحك :شتقولين انتي ؟
لاكشمي تصر :الا هدا هامل مافي سوي كذا الا واحد هامل (الا هذي حامل مافيه احد يسوي كذا الا وحده حامل )
ناصر حس بدوخه ماتصورها بباله وفكر بالمده اللي ظلت فيها رانيا عند مازن ماشاف نفسه الا يركض على الدرج
شاف رانيا قاعده بالصاله وتتالم من راسها وتمسك فمها وبطنها
ناصر بدى الشك قرب صوبها :تعبانه
رانيا اخترعت واستغربت من وين جاي هالوقت : لا
ناصر باصرار :اذا تعبانه اوديك ...
رانيا تقاطعه :لا
وقفت وكانت تمشي عنه مسكهامن ذراعها :لما اتكلم لا تقاطعني
رانيا بتعب :شتبي بالضبط
ناصر تركها لما شاف برودها :ولا شي
رانيا عصبت :ممكن انام الحين ياستاذ ناصر
ناصر سكت ومشت رانيا وهي تافف منه ناصر ماتحمل مشى حتى صار قدامها لدرجه ان رانيا اخترعت واستغربت
ناصر :ليش ماتقولين عن المفاجاه
رانيا عقدت حواجبها :شتبي انت واي مفاجاه ؟
ناصر بضحكه :مشالله عليك وسحاويه بعد
رانيا عرفت انه يبي ينزل من قيمتها دفته وكانت تبي تدخل غرفتها مسكها وصار يصارخ فيها :انت وحده مغروره شايفه نفسك
اعرض عليك المساعده تدفيني وتطنشيني شهالاسلوب
رانيا سحبت ايدها وهي تبكي :شوف هالحركات ماتمر علي ..
ناصرحملها على كتفه وهي تضربه وتصارخ وفتح السياره وركب وراح معها للمزرعه
بعد ساعه دخلوا للمزرعه كان ناصر مايسمع الا صوت بكى رانيا وترجيها انه يرجعها وهي ترتجف وقاعده وراء تحت
لما وقف ناصر راح وفتح الباب وسحبها ومشى فيها لعند الاسطبل كان يبي يتعبها علشان تعترف بلي يدور بباله ولما قربوا رانيا وقفت وهي تبكي
رانيا :شتبي مني ليش تركض فيني ؟
ناصر بعصبيه وهو يصارخ :والله خايفه على نفسك وولا على ولد مازن
رانيا انصدمت كانت بتتكلم وصار يركض فيها لما وصلوا الاسطبل فتح باب طلع منها فرس رانيا
تذكرتها كانت اللي هاجمتها هذيك الليله لما كانت تساعده بولاده
ناصر يمسكها ويسحبها صوب رانيا :ناظريها ماتشبهك
رانيا استغربت :انت مجنون
ناصر صار يهديها لانها تهيج من صوت رانيا اللي تصارخ وشوي تبكي :انا مجنون ايه مجنون وخالص على الاخر
رانيا بتحذير :ناصر خلنا من جنانك ورجعني
ناصر يضحك :نفسي اركب معك الخيل
رانيا بخوف :ناصر رجعني
ناصر ركب الخيل بسرعه وخطف رانيا معه وهي تصارخ :ناصر نزلني
ناصر :ماراح انزلك حتى ينزل اللي ببطنك
رانيا :وقف
ناصر متمسك فيها :مافيه
رانيا مسكت رقبته وتوجه وجهها له :تكفى وقف
ناصر يصارخ :لا اسكتي
رانيا مسكت راس الخيل وتشد الحبل وتعاند ناصر حتى وقف ونزلت ونزل بعدها :ايه كل هذا علشان تحافظين على ولد مازن
ويصير الحفيد هو الوريث ماتوقعت تفكيرك
رانيا تقاطعه :اسكت كافي حرام عليك كل تفسره عكس
ناصر :فهميني
رانيا تبرر وتصارخ ودموعها على خدها :ليش يهمك الموضوع حتى لوانا حامل مو متزوجه مثلك ومثل مها لما تزوجتوا مافتحت فمي
بكلمه حتى لما حملت ماقلت ليه وليه وامس توك تحتفل انت وابوك على الحفيد وانت بكل غرور رافع خشمك
ناصر قرب منها وسكتها :كل هذا بقلبك
رانيا سكتت وعطته ظهرها ناصر قرر يعترف كل اللي بقلبه ويحس فيه اتجاهها :انت مانتبهتي لكل اللي حولك الا لانه يعنيك مثل مايعنيني كل اللي يصير لك
رانيا التفت :ناصر رجعني
ناصر صرخ يقوه :ليش تهربين من اللي ابي اقوله لك
رانيا :مو وقته خلاص الزمن لعب فينا وحن اسستسلمنا له عيش حياتك ياناصر وانساني ليش تدور لتعب وانت قريب بيصير عندك عايله انت ....
ناصر قرب منها ومسكها من كتوفها :رانيا تعبت وانا ارتجي اللحظه اللي تجمعني فيك تعبت خلاص معاد اتحمل انا كل يوم انطعن ميه طعنه
رانيا بعصبيه :وينك لما تزوجت وحملت مها والحين قريب بتولد تعرف من مها مها اعز صديقاتي خسرتها علشانك
ولاصارت تعترف فيني حتى ناادر ماتكلمني ليش علشانك انت فرقتنا وتنازلت عن اشياء كثير علشان حضرتك تنبسط
موصحيح انها تضيحه وانت دريت اني حامل مادري شتفكر فيه
ناصر حس بغصه بصدره لما عرف انها حامل :رانيا تكفين مو ذنبي اللي صار غصب عني انا كنت مابي مها بس جدتي ووصيه امي بالله
رانيا رفعت يدها :ناصر كافي خلاص فات الاوان مو وقته الحين انسى رانيا
ناصر يصارخ وعصب وصار يتكلم بهستيريا :شوفي اللي بطنك نزليه
رانيا ضحكت :انت شيخصك ؟؟
ناصر يتنفس بصعوبه ويناظرها :...
رانيا تلوي فمها :رجعني للبيت
ناصر هجم عليها ومسكها وهو يهزها :تكلمي انت حامل ولا لا
رانيا تبكي : اتركني
ناصر عصب :اسمعي بكره ترجعين لزوجك اذا وصلت فيكم الحنيه لهذي الدرجه يوم انك تحبينه ليه تكلميني وتنزلين دموع التماسيح
رانيا وهي تنزل دموعها بقهر على كلامه اللي جرحها :ليش جبتني هنا حرام عليك شتبي فيني ؟؟؟
ناصر بلع ريقه وقرب منها ومسح دموعها وهو يمسح على شعرها :اهدي انا اخذتك علشان ترتاحين
رانيا تناظره وتامل عيونه وخشمه وشفايفه :ليش تسوي فيني كذا شتبي مني خل كل واحد يعيش بحاله
ناصر ضمها له بحنان وهو يضغط جسمها الضعيف على صدره :تعبت والله
رانيا تمسح على شعره غمضت عيونها وصار تحسس وجود ناصر جنبها كانوا منسجمين مع بعض ..
صهل الحصان اخترعت رانيا وفتحت عيونها كانها فاقت من حلم
رانيا تبعد عن ناصر وتعدل شعرها ولبسها :نبي نرجع تاخر الوقت
ناصر يتلفت كانه ضايع له شيء :انا اسف يارانيا اذا تعدي
رانيا تقاطعه ماتبي تذكر شيء من اللي صار :بكره ابي ارجع لمازن لازم ولده يتربى عنده
ناصر هنا انجن على كلامها :انت مجنونه كيف
رانيا تقاطعه وتبي تعذبه ربع عذابها :ايه مجنونه
ناصر مسكها بهدوء ويكلمها برقه :انا اسف ماقصد على الكلام اللي قلته ولدك بربيه انا بس لاتروحين تكفين
رانيا حنت وبسرعه اعترفت :انا مثل ماطلعت من البيت
ناصر انصدم ويبي يستوعب :نعم ؟؟
رانيا بضحكه :مافي حمل ولا خرابيط
ناصر ضحك :قولي الكلمه اللي قبل
رانيا عرفت قصده ان مازن ماقرب عليها :يله نرجع
ناصر عض على شفايفه :بنرجع بس طلب واحد بس لاترديني
رانيا :ناصر مو وقت طلاباتك
ناصر :خلاص امشي قدامي
رانيا لفت وعندها فضول تعرف شطلبه بس خافت ماتقدر تنفذه مشت بعيد والافكار تدور ببالها
مالتفت على ناصر اللي يحضر لها مفاجاه ماحست الا باليد الاتخطفها وركبها الخيل وهي تسمع ضحكاته
رانيا متمسكه بناصر :وقف
ناصر يضحك :ههههههه ليش ترفضين الطلب
رانيا بخوف :هد سرعته
ناصر يهدي سرعته مسك خصر رانيا وثبت مكانها رانيا بيدها تدورشيء تمسك فيه علشان ماتطيح ناصر مسك ايدها ولفها على رقبته وهو يبتسم لها
رانيا حاولت تسحب ايدها بس ناصر اجبرها تمسك فيه وانطلق بالفرس وصار يركض فيهم
ولما رجعوا ورانيا تحس بالذنب علشان مها وتفكر فيها
نزلت وهي متضايقه من اسلوب ناصر اللي يفرض عليها اللي يبي ولما رجع الفرس مكانها رجع لرانيا وهو فرحان
ناصر :مشكوره على اللفه
رانيا بضيقه :يله نرجع
ناصر بضحكه :بالله عليك كم مره قلتي يله نرجع
رانيا بعصبيه :كافي ناصر تلعب باعصابي يله نرجع شبصفتنا قاعدين مع بعض وبهالحاله خلاص اخذت طلبك يله لبيت اكيد امي بتتصل وتفقدني ومها
ناصر تضايق وقاطعها :يله امشي
ركب ناصر السياره ورانيا رجعت وراء وغطت نفسها وطول الطريق وناصر يشغل اغاني ويناظر رانيا
وبعد مده وصلوا البيت ناصر طالع رانيا اللي نامت بسرعه نزل وفتح الباب اللي مكان رانيا
ناصر :رانيا وصلنا
رانيا كانت نايمه ماحست بشي ناصر حط ايده تحتها وحملها رانيا لما حست فيه فزت وبعدت عنه بسرعه
ناصر بعصبيه :رانيا شفيك مثل ..
قطع عليهم اذان الفجر ..
رانيا :حسبي الله عليك
ناصر يفسر عصبيتها :اه منك شلي تغير