ديوان الشاعر / عبد الله بن ذويبان .. l
/
[ ياديم ْ ]
ضحكتك حلوة .. و انا خالك يا ديم
... أضحكي لي .. كل ما شـح الكـلام
و علميني كـل مـا هـب النسيـم
... كيف أغافل زحمة جروحي و أنـام
و كيف أخلي كل طعنـات الصميـم
... من ورى باب الحشا .. برد و سلام
الله يواريك .. عـن كيـد الحريـم
... و عن عيون الشر .. و عيال الحرام
أشعلـي بعيونـك السـود العتـيـم
... ما ورى هذي و لا هذي .. ظـلام
أن هديتي .. صرتي قطعة أيسكريم
... و أن لعبتي سـال ملحـك للختـام
وجهك أجمل وجه .. و الله العظيـم
... ما هو أيّة وجـه عابـر و السـلام
داعبي بأطـراف كفـك كـل غيـم
... و أجمعي من حولك أسراب الحمـام
يا أطهر من الحزن في قلب اليتيـم
... و اجمل من الطيب فعيـون الكـرام
كل ما جيتك و انـا حالـي سقيـم
... رحت من عندك و انا : بخير و تمام
و ضحكتك حاجه خياليـه يـا ديـم
... كل ما عانقتهـا .. ضـاع الكـلام
’
|