***
تعال وآترك عنك بكرآ وبعدين !
كثر آلتغلي بعض الاحيان ينعآب ..~
***
كانت منتظرته بشوق هو كلمها وقال راح اجيك لا تروحي مع السواق ظلت تتمشى بالحديقه !
لحد ما شافته داخل ابتسمت بشوق له تحس هالأيام بعد حيل عنها وفقدته حتى لو تشوفوه وتسولف معاه بس باله مو معاها بشغله !
سعود وهو يطبع بوسه على يدها:شلونك؟
شجون بخجل:مشتاقه لك
سعود ضم وجهها بيده:أعذريني يالغاليه اعرف مقصر
شجون:معذور بعدت يده وجلست تلف بفستانها الوردي:وش رايك حلو؟
سعود:انتي محليته يا بعد قلبي واهلي احبك والله احبك
شجون وهي تمسك يده:حبيبي لا تبعد عني والله احبك
سعود:مو بعيد عنك يلا لبسي خل نروح بقول لوحده من الخدم تجيب اغراضك ونسلم على امي
شجون وهي تأشر ع الطاوله:هنا اغراضي وعمتي عندها خالتك وسوسن ومن تدخل عندهم ما راح تطلع بدري وانا ابي نروح
سعود بخبث:هالكثر مشتاقه لي؟
شجون بخجل وارتباك:لا اممممم سمر طولنا عليها بس
سعود:لا صدقتك عادي قولي مشتاقه لك حبيبي
شجون :اووووووه جد بايخ وراحت تلبس وهي لسى تسمع صوته وضحكاته
لبست وطلعوا وهي تحس انها مالكه الدنيا اليوم بقربه لها
***
كنت آحبه و آعترف ..
لآكن شعو و و ري آليوم له مختلف !
مآ عدت آحس وذي في ضيقته آسليه
في غيبته آبكيه
وجوده و آلعدم وآحد !
كل آللي عرفته منه عذآب !
آلسهر و آلغيآب و شوفتي لكل آلآحبآب
آلآ هو !
يآآه كم ترجيته ,:
خلك معي
حبيبي محتآج لك .
بس لى آلآسف مآهو كفوو !!
صرت آحس آني غريب .
مثل عآشق : بس مآله حبيب :")
***
عند ريم اللي وقفها السواق عند الباب كان سعد واقف ينتظر امه تطلع طالع بساعته اللي داخله على وحده ظل يطالعها وهي تنتظره تبعد
سعد بعد فتره:شلونك ريم؟
ريم:زينه ممكن ابي ادخل
سعد:مو كأنك ماخذه راحتك الساعه وحده وتوك ترجعين
ريم بأستغراب:وانت وش عليك؟
سعد بقهر:مثل اختي عرضي وشرفي وما ارضى احد يتكلم عليكم
ريم:اللي يتكلم بيجي وقت ويسكت و مشكور على مشاعر اخواتك اتمنى تظل على طول اخ لي
دخلت بعد ما تركته بحيرته اتمنى تظل على طول اخ لي اتمنى تظل على طول اخ لي اخ لي اخ لي وش قصدك يا ريم !
وش تقصدين ليه تتصرفي كذا بداخلك شي كبير اكبر من صدمتك بموت ابوك وبمعاملة خالتي فيك شي؟
ليه تغيرتي ليه صرتي كذا ترفضين أي احد من دون أي مبرر !
مشت وقابلت خالتها بالحوش ما راح اخلص اليوم لا منك ولا من ولدك ولا من أختك
ام سعد:صباح الخير ريم
ريم:هلا خاله شلونك
ام سعد وهي تطالع لها بأحتقار:تو الناس ما بقى شي ع الفجر
ريم:ولدك برا لا تتأخري عليه
ام سعد:مو كانك تطرديني ؟
ريم:افهميها زي ما تبين مشت وتركتها بركان بينفجر
طلعت لسعد وهي تسب وتتأفف عرف ان السبب ريم
ام سعد: لا ما تستحي ابد
سعد بضيق:هي وش فيها؟ليش كذا
ام سعد:مدري غير عن اختها فيها شي حتى اختي بتنجن منها بس انا شاكه ان في احد مسوي لها عمل ايه اكيد فيه
سعد:يمه وش هالتخاريف
ام سعد:تخاريف بعينك أكيد فيه هي حالتها مو طبيعيه لا تقنعني بس خل اروق لها مو ما يهون علي بنت اختي مهما كان
سعد: لاحول ولا قوة الا بالله
ام سعد:بس سوق ابرك لك
ريم اللي كانت داخله ومستعده لصدام مع امها
ام سامي:ممكن أعرف انتي وين كنتي؟
ريم:عند اروى
ام سامي:ومن اذن لك ابي افهم انتي عايشه لوحدك هنا طالعه داخله على كيفك
شذى:يمه هي
ام سامي:بس لا تدافعي عنها خليها تسمعني وش عندها هالمره انا يا ريم تطيحين وجهي وتخليني مااسوى ّ!
اختي تقول لي بنتك مو بالبيت وانتي ما تدرين !
ريم: ومن متى تهتمي بدخولي وبخروجي وبعدين مو اول مره اخرج من دون ما تعرفي
ام سامي: لابعد اطربيني وش بعد يا بنت بطني قولي
ريم:وش يعني لو ما قابلت اختك اول مره
ام سامي: لا مو اول مره بس مسألة خرجاتك هذي كل ساعه والثانيه وما احد يدري عنك لا
ريم بقهر:ومن يدري اصلا عمرك ما اهتميتي
ام سامي:من اللحين اهتم يا ريم تبين اسكت لحد ما تجيبي مصيبه على رأسي !
ويجون عمانك ويقولون هذي تربيتك جالسه تلفي على حل شعرك على بالك مالك حسيب لا اذا سكت عنك بمزاجي انا !
بس اللحين خلاص راح اربيك من جد وجديد واشوف تاليها معاك !
كان كلامها ملح جاء على جروح ما راح تندمل لفت وعلى وجهها نظره ما عرفت تفسرها امها وابتسامه مكسوره حيل !
مشت لحد غرفتها وقفلت عليها ولسى كلامها يتردد باذنها وينك عني من زمان وينك؟ ليش تركتيني لوحدي ليش؟
مااعرف من هالحياه الا اسمها وبس ضعت والسبب آآآآآآآآه مدري مين السبب انا ولا ضعفي ولا قسوتك وظلمك ولا نذالته !
ما تبين تفضحي لو تدري اني لمت نفسها وجلست تبكي بقهر على كل شي مر عليها بهالسنين من فارقته !
و ما فارقها عايشه بخوف رعب من كل شي تنام وهي ما تدري على شنو تصحى؟
شذى اللي تدق الباب وبكل رجاء:ريمي تكفين فتحي الباب
:ريم ما تقصد عشاني خل اتطمن عليك
كانت تسمع كلامها ودموعها على خدها تطمني على شنو ؟
انا انتهيت خلاص انتهيت أعيش عشان شنو انتظر بس يجي اليوم اللي اشوف ندمكم على انكم وثقتم فيني !
سمعت جوالها يدق وكان سامي سحبت شنطتها ...
وظلت تطالع بالجوال فتره بعدين ردت بصوت مبحوح: هلا بالغالي
سامي بخوف:هلا ريم ليش تبكين امي فيها شي انتي شذى فيصل
ريم:بس بس وحده وحده مافيهم الا العافيه بس توي صحيت على اتصالك
سامي بشك:أكيد
ريم:ايه تطمن
سامي:ازعجتك؟
ريم:لا بالعكس وينك هالاسبوع ادق لك بس ما ترد ولا حتى تتصل
سامي:ابد يالغاليه بس امتحانات واحتست
ريم بحنان:الله يوفقك وكيف امتحاناتك
سامي:زينه الحمدالله بس تعبت من هالغربه ودي ارجع
ريم:خلاص هانت ما بقى شي
سامي:ايه والله وشلون فيصل
اخذتها السوالف معاه وحا ولت تتناسى همها للحظات بس
***
تبي تعرف أخبآآري ,,!
أخبآآري أنــهـ غيآآبكـ حيــل مزعلنــي ..
أخبآآري أنكـ بعيد وتسكن أفكآآري ,,!
شي ورا الحب يعذبني ويسألنــي ..
يقوول وينه وأن خانتني اعذاري ,,!
***
راشد اللي مو قادر ينام يحس بضيقه قام من بعد فقد الامل في النوم !
مر على يوسف لقاه نايم طلع يجلس بالصاله وهو يتعوذ من ابليس خاطري اتطمن عليك ريم وش صاير عليك؟
سحب جواله وفتح على رقمها والله أشتقت لك يا بعد هالدنيا
قفلت من اخوها وبدلت رمت بنفسها بتعب على كرسيها بعد ما حضنت دبدوبها كان خاطرها تكلم فجر بس غلبها النوم ونامت
اما راشد بدل وجلس يتمشى بالشوارع وهي ما فارقت خياله كلامها ضحكها بكاها رجاويها وعودهم وشلون خذلها؟
يا ترى بتسامحيني بيوم وتنسين اللي صار بيننا وترجعين ريم اللي حبيتها جلس ع الرصيف
:وش تبين تكون هديتك؟
:اممممممم
:شنو صعبه؟
:ايه راشد انت بس ارجع وما ابي هدايا
:ليش تبكين؟
:مو شغلك
:افا ريمو انا رشودك تقولي عليه كذا
:انت وش تبي مني؟
:أبي افهم بس ليه وحده بعمرك تبي الموت أعرف ان الغلط مو علي بس وش اللي خلاك تسوي كذا
:تشوف هالباب
:ايه
:اطلع منه
:راشد آآآآآآآآآآآآه راح اموت مو قادره يا الله
زفر بقوه وهو يحاول يبعد صوت بكاها عن اذنه ترجيها المها غصب عنه دق رقمها أشتاق !
صحت على صوت الجوال استغربت الرقم من يتصل دولي سامي من شوي كلمته
ردت بصوت كله نوم:آآلو الو منو اوف وقفلت ورجعت تكمل نومتها
ابتسم وبداخله يا جعله عوافي يا رب =$
***
*أَحْيآنْ آحِسّ إنّ آلْعُمُرْ جِدآً حَزينْ
مِثْلَ آلْغَمآ آ آ مْ ,
آللّيْ فِقَدْ روح آلْمُطَرْ !!
آلوقتْ يسريْ .!
وْ مآبِقىآ غير . . | آلْحَنينْ . .
وْ شْوَيِّة آحْلآمْ وْ مَنآديلْ وْ صُوَرْ !!
***
محمد:وين المشكله؟
مشاري:مدري اذكرها مو حلوه مدري احس صعب التواصل معها
محمد:مثل ما قالت امك لا تاخذها وتكمل على عمك وابوك
مشاري وهو يمسك راسه:ربي يعين الا انت وش فيك؟
محمد:ابي اتزوج
مشاري:تقلدني
محمد بضحكه:هههههه ولو اقولك انها من الدار بعد وش تقول
يوسف بعد فترة صدمه:انجنيت؟
محمد:ليش؟عادي
يوسف:ليش عندك فرصه تاخذ على كيفك وعلى مزاجك
محمد:مو هذي على كيفي
يوسف:مين؟
محمد:تذكر يوم كنا نفتش بالارشيفات وقضايا قديمه تذكر نايف العامر وقضية ذيك العائله مع عائلة الناصر؟
يوسف:ايه افتكرت بس وش دخل هذا بزواجك؟
محمد:البنت تصير بنت اخوه اللي على انه تكفل بحضانتها تصدق راميها بالدار من سنين ولا يسأل
يوسف:وانت وش عليك يعني مافهمت وش تبي؟
محمد:ابي اتزوجها
يوسف:ليش شفقه؟
محمد:لا بالعكس مو شفقه بس مدري احس في اشياء واجد ما انكشفت ولازم تنكشف
يوسف:يعني بتزوجها شغل واذا انتهى شغلك تتركها طيب لو طلع فعلا ابوها هو السبب وش بتسوي
محمد:عادي اظل معاها ويش بيصير يعني
يوسف:انت غريب
محمد:لا ابد بس انت مو راضي تشيل ان اللي هناك غير عنا مو عايشين بعالم ثاني
يوسف:امك بتوافق
محمد:مدري هي صعبه عليها بس مو مشكله تنحل يلا خل نروح ننام بكره ورانا شغل
يوسف:يلا بالرغم مالي خلق بس وش اسوي
***
لهون وخلص آلبآرت ..~
|