07-11-2016
|
#29
|
يا راس
يا راس لاترجي رفيق يعزك
ان كان ماعزيت نفسك بتنهان
قام الردي يجسر عليك ويدزك
دارت عليك اليوم دورات الازمان
الناس ماتعطف عليك وترزك
ارفع مقامك وارتفع ياكحيلان
والموقف اللي هز قلبك وهزك
لاتلتفت للي غدى ماضي كان
يحز بالخاطر وانا ادري يحزك
انك تشوف الذل من اقرب انسان
اصبر على هموم كثيره تلزك
وقف على حيلك ولو كنت تعبان
عاند زمانك في طموح يكزك
لو قالوا : ان معاند الوقت خسران
قلوب خلق الله بعضها تعزك
واكثر من اللي تعزك قلوب عدوان
يعني اليامن طحت محد يرزك
انكان مارزيت نفسك بتنهان
|
|
|
|
|