يخلِّدنا
لو التاريخ بعباراته يخلِّدنا
ينْكِرك من هو نهل من صافي احسانك
ويخلِّد اللي بأفعاله يقلِّدنا
من الحسد ما يهمه غير خذلانك
الجاحد اللي ما بين الناس يجحدنا
إن حدّه الوقت جاك يدق بيبانك
من طبعنا ما نرد انسان يقصدنا
فعله من اجله وأفعالك على شانك
والله ما نقدر نغيرها عوايدنا
خلك على نهج أبائك وجِدَّانك
أفعالنا البيض عند الله تسعدنا
بالطيب والجود املا كف ميزانك
سُهيل
|