يارب أنا راضي المقسوم
صابر / ولو طاحت العبره
•
متأمل الجاي فيه غيوم
عبدك فلا ينتهي صبره
•
الكسر فيني لو إمية يوم
من أمرك بثانيه / جبره
•
وبأمرك تراني قوي عزوم
يمرني الياس ،،، واعبره
•
والحظ لو هو معي معدوم
ماقلت : من قلة الدبره
•
أطيح وأرجع وأرد اقوم
يكفيني أخذت لي خبره
•
ومن طعنة الخنجر المسموم
قويت ،،، وعزومنا جبره
•
واللي بدربي يرش سموم
ماهو بهمي ولااعتبره
•
وقلبي لو إنه غدى محروم
صامل ليا جيت بختبره
•
إن عاش فعله عليه اوسوم
وإن مات ماله سوى قبره
•
وإن غاب لاتكثرون اللوم
خلوه ينزف لكم حبره
•
السيل لا ابطى وراه علوم
إبطاية السيل ،،، من كبره
•
مبارك الحجيلان..
|