السلام عليكم ورحمة الله وبركاته


أحبتي الكرام
بكم يطيب المقام
ولكم يحلو للحرف الكلام




بسم من هو على كل شي قادر
مغير الحال بين ليله وضحاها

كاتب اقدارنا خافيها وظاهر
اللى بذكره يطيب لنفسي شقاها

لكل بيت حكمه فى بطن شاعر
ولكل شاعر قصيدٍ يا حلاها

وانا قصيدي يحكي غربة مشاعر
غربة روح تاهت فى خطاها

اعطتني الدنيا من احلى المظاهر
واخفت عني شينها فى خفاها

جملت لي حسنها كنها شي طاهر
والطهور فيها تذمه فى هجاها

من تبعها ظنها لولي وجواهر
ومن عصاها تجيه خجلى خُطاها

اتغريت يوم سويت فيها شاطر
وما دريت ان النار لمن جناها

اسمعوا الحكمه من عقل شاعر
يوم اطلق قلبه للدنيا وهواها

ما جنا منها غير دمع المحاجر
وما عاف فيها غير يوم اشتهاها

غربة مشاعر يوم تكون فيها فاكر
زرعها جنه وجنتها النار ولظاها


ياسر إبراهيم خليفه
(بكاء بلادموع)

حرف إحساسي قصيد فى مجمله
ماهمني" لونه"بحره" و تفاعيله

صحيح ان أجمل الاحساس اوله
وصحيح الحرف واصف تفاصيله

بعض القصيد وحي من دنيا الوله
وبعضه حرف ما تلقى للوله دليله

وانا قصيدي إحساس طيف وأخيله
بعضه غصه وبعضه قصه جميله


]
وبعض الحروف ما تلقى التكمله
وبعض الاحساس من حرفي اشيله

اه يالقصيد كل حروفك مشكله
وجرحك دوا للقلوب العليله

ياسر إبراهيم خليفه**بكاء بلادموع**