الــــــــــــــبــــــــ (44 ) ــــــــــــارت

------------------------



تحس بالألم اليوم هذا كان لازم تلبسه وتنزف لسالم لكن بدل سالم جاسم انتبهت للباب ينفتح كانت أمها حست قلبها يضرب يضرب رفعت النظر للساعة 9:30 وقت زفتها لبيت زوجها بلعت ريقها وهي تسمع الكل يقول

بـــــــــنــــــــــزفــــــــــــــــــك ألـــــــحــــــــــــيــــــــن

ليالي (طالعت لامها) : من بيزفني
الأم : الكل بيكون في الزفه
ليالي : من بيزفني
الأم (نزلت عيونها) : سالم
ليالي (بألم وبهمس) : عنيد

أخذت نفس ووقفت عدلت فستانها وأخذت مسكتها ألتفتت للبنات وابتسمت وهي تحاول ما تبكي

ليالي : أحبكم
البنات : وإحنا بعد
ليالي : لا تبكون ترى ابكي
مي : والله ببكي
عذاري : لا تذكرين البكي ابكي
الأم : بس يا بنات خلونا نزفها الكل تحت
ليالي : يالله
سمر (تداري دموعها) : ياليت نقدر نروح معك ونوصلك بس رفضوا
ليالي : إيه عشان أخليكم تنامون عندي وولد أمه بحضنها ينام
الام : ليالي
ليالي : هههههههههههههه نسيت اقصد ماي هازبن
البنات : ههههههههههههههههههههههه

نزلت ليالي والبنات حولها شافت الكل تحت أهلها كان الحفل عائلي عشان أبو سلطان ما صار له وقت متوفي وعذاري اللي حلفت عليها ليالي تحضر رغم أنها رفضت لأنها لازالت تعبانه نفسيا بس أصرت عليها عشان تغير الجو الكئيب وتطلع من الحزن ولوم نفسها على موت أبوها رفضت تحط أغاني مراعاة لعذاري والكل ونزلت بهدوء من على السلم وصلت وسلمت على الكل ودعت البنات اللي تمنت يروحون معها ولكن رفض الكل بأن ماله داعي أخذت نفس وهي تلبس عباية العروس وتستعد تطلع من البيت وتواجه اللي كانت خايفه منه

ســــــــــــــــــــالـــــــــــــــــــــــــــ م

وقفت عند الباب الخارجي لما شافت ناصر يقرب لها ويمسك يدها طالعت له ودمعتها بطرف عيونها عوره قلبه لبحر الحزن في عيونها انتبهت له يلتفت لمكان ترددت تطالع وين نظره ثابت بس تجرأت ورفعت النظر شافته واقف مستند على سيارته ومكتفت أيديه ونظرته لتحت كثير صاير هزيل متغير حمدت ربها إن الاضاءه عند البيت خفيفه تأملته تعرف انه حاس بوجودها بس يتحامل على نفسه ما يرفع النظر دعت ربها يرفع النظر تبي تشوفه آخر مره

ليالي (بهمس) : سالم

سالم اللي من عرف أنها بتطلع ابتعد عن الباب صح حلف يزفها وهذا شيء مخالف لعاداتهم إن اهو ولد عمها بس ما قدر ما قدر وقف بوجه الكل واعتراضهم والكل يعرف حبها بقلبه وحلف يوصلها يبي يحس انه قريب منها لآخر لحظه قبل توصل لزوجها وتكون في مملكته وبيته يبي هل لحظه تنطبع في عقله وقلبه حس أنها تتابعه رفض يرفع النظر حاول وحاول بس قلبه آمر

سالم رفع النظر شاف ناصر واقف وجنبه هاله من نور بياض مضيء ما يوضح منها شيء الأضاءه خفيفة ولكن عكس فستانها النور حولها ما يشوف غيرها انتبه لناصر يشد على يدها حس أنها تبكي حس أنها تتوجع صد عنها لما شافها تتجه لسيارة ناصر وفتح باب سيارته بس ألتفتت لها

سالم (بقلبه يصرخ يناديها) : لياااااااااااااااااااااااااااااااااااااااااااااااا لي

ليالي قبل تصعد السيارة مسكت الباب والتفتت له تهيأ لها صوته ولا فعلا ناداها تحس فيه إيه تحس فيه بكل شيء بقلبها بمشاعرها تحس شدت على المسكه وهي تطالع له واقف وثابت يطالع لها ولا همهم احد بس يبون يملون العين من النظر يبون يطبعون آخر صورهم مع بعض في قلوبهم

ليالي (بقلبها) : لبيه يا قلب ليالي أحسك تنادي يالغلا احسك


هو أنت ناديت وإلا الصوت خيل لي

يا من ضلوعي إذا ناديت سمعنك

اشتقت لك حيل وودي اسألك قلي

اشتقت لي وإلا طيوف الشوق ماجنك

سالم ( ضغط على باب السيارة بقوه واهو يناظرها) : آآآآه ما توقعت إن الأمر صعب كذا أوصل حبيبتي للي خذاها مني ياااااااااارب ثبتني لا اموت اليوم يارب

يا دموع الموادع وش كثر دمعـك يصـب
بلل أرموشي وعيني قامت بدمعي تشيـل
-ـ-ـ-
فاض من عيني وعيني كل ماترمش تـصب
دمع شوق ودمع بعد ودمع لا شافك يسيل
-ـ-ـ-
ينتثر من فوق خدي بس في قلبي يشـب
أحرق أعيوني وعيـا عن عيونـي لا يحيـل
-ـ-ـ-
كل دمعه من عيوني تنتظر رجعت محـب
ماقوت لحظة وداع ولا قوت بعدك يطيـل
-ـ-ـ-
لانويت أسلى وأسلي خافقي قلبـي يهـب
يرسل الونات بالعبرات ودموعـي تسيـل
-ـ-ـ-
دمع يا دمع الموادع اسكب ادموعي وكب
زد على الدمعات دمع وزد على عين هميل
-ـ-ـ-
خل عيني لجل غالي تنثر الدمـع وتـكـب
ما توقف لين يصبح في وسط قلبي نزيـل


ناصر (وقف جنبها) : ليالي خلينا نروح
ليالي (وهي تطالع لسالم) : حسبي على من كان السبب حسبي الله عليك
ناصر (أستغرب) : وش تقصدين
ليالي (وهي تطالع لامها اللي تقرب لهم ) : ريوف
ناصر (يطالع لها بصدمه وهي تصعد السيارة وتعدل فستانها) : ...............
الأم : ناصر وش فيك سكر الباب خلنا نزف أختك
ناصر(انتبه أنها تعدلت بالسياره وعدلت فستانها) : هاه حاضر يالله ركبي عشان ابوي
الأم : أبوك بيروح
ناصر : إيه

صعدوا في السيارة الأم والأب وناصر وليالي وسمعوا رنت جوال ناصر طلعه ناصر ورد

ناصر : ألو .. هلا ... (طالع لليالي بالمراية) بخير ..... والله ...... طيب اوكيه ...... مع السلامة
الأب : من
ناصر : سالم
الأب (ألتفت وطالع لسالم يركب سيارته) : الله يهديه
ليالي (ألتفت وشافته يطلع يده من السياره ويرفعها يأشر) : وش فيه
ناصر : زفتك الكل بيسوي مسيره من هنا لبيت زوجك بالورد بنزفك
الأم : ماله داعي ليه كل هذا
ناصر (يشغل سيارته) : ليالي تستاهل

طلعت سيارة سالم الكشف قدام سيارة ناصر علت أصوات هرنات السيارات التفتت شافت سيارة محمد أخوها ومع سلطان جنبهم على اليسار وانتبهت لليمين أخوها وليد دمعت عيونها يوم شافته يبتسم لها ويأشر وجنبه كان خالد ولد عمها في سيارتين خلفهم فيها فيصل وفهد والثانية بندر وإبراهيم وأضواء السيارات وصوت العالي للهرنات والناس تطالع لهم وأبوها يقول فضحتونا بين الناس وناصر يضحك ومشغل أغنيه زفه والصوت عالي كثير

الأم : الصوت عالي
ناصر (بصوت عالي) : يمه ترى هالأغنيه عاليه لأنها بكل سياره مشغلينها
الأب : تفشلون وش هالحركه البايخه ما تعرفون ممنوع شلون لو الشرطه شافتنا
ناصر : هههههههههههههههههه يبه فهد وفيصل مضبطين الوضع مع ربعهم
الأب : يعني
ناصر (طالع لأبوه وغمز له وأهو يبتسم) : يعني ولا كأنا موجودين
ليالي (دمعت عيونها و في نفسها) : ليه ليه آآآه نفس أحلامي وانا صغيره تحققها لي يا سالم ليه تخليني اعاني حتى اللي حلمت فيه تحققه لي



غمضت عيونها تتذكر سنوات طافت لما كان عمرها تقريبا 11 سنه كانت جالسه مع سالم وناصر عند باب البيت هذا مكانهم كل يوم يجلسون من العصر لين الليل عند الباب الخارجي مسموح لها بس تجلس والبنات لا كانت تلبس من ملابس ناصر لأنها بحجمه وكان شعرها وهي صغيره لين كتوفها على شكل دائرة من شافها من بعيد يعتقد أنها ولد توأم ناصر لأنها تشبهه

ذاك اليوم شافوا جيرانهم اللي قدامهم عندهم عرس وناس طالعه وناس داخله وبنات بفساتين وفرحنات ينططون

ناصر : هذولا كل يوم عندهم عرس
ليالي (تآكل ايسكريم) : بنات أم مقبل وش كثرهم
سالم : ما عندهم غير مقبل
ليالي : يا كرهه الضب الأسود
ناصر(يلتفت لها ويأخذ الأيسكريم ) : مقبل يقول إذا كبرت بآخذ ليالي
ليالي (تضربه على رأسه) : تخسي ويخسي مقبل أنا آخذه
سالم : يخسي العبد يا خذها
ناصر :ضربك رجلك يارب
ليالي (بعصبيه) : يخسي ما جابته أمه اللي يمد يده على بنت أبو وليد اكسرها له
سالم : ههههههههههههههه كفو
ليالي (ضربهم على كتوفهم ) : شوفوا ترى هذا المعرس جاي يأخذها
ناصر (يلتفت لهم) : وش عرفك تناظرين بالرجال كذا ما تستحين
ليالي : كيفي أناظر وش دخلك (أخذت الأيسكريم منه) نار في بطنك خلصته يالخايس
سالم : طلعوا طالعوهم
ليالي : يوووه هذي هيا الخبله هي العروس
ناصر : كأنهم بعزاء شوفوها لابسه عباتها
ليالي : اجل كيف تنزف لازم مستورة
ناصر : إيه عارف بس شكلها كأنها رايحه لعزيمه ولا زياره ما تقول عروس
ليالي : عشان ما فيه اغاني ولا شيء
سالم : يعني لما نسمع اغاني تكون عروس صدق
ليالي : ايه انا ابي لما اتزوج الكل يعرف ان ليالي اعرست الكل يسمع اصوات والكل يسمع هرنات السياره
سالم : ازعاج
ليالي : ايه بس ابي احس اني عروس مو زي كذا تقول معزيه
ناصر( وقف وقطف ورد جنب البيت ونثره على رأس ليالي ) : كلوووووولووووش
ليالي (توقف وتنطط) : إيه كذا أبي ورد بورد حولي والكل يحسدني كل البنات ما يقدرون يسوون مثلي لاني
ناصر وسالم (يطالعون بعض) : لانك بنت ابو وليد
ليالي (مدت لسانها وبغرور) : لا لأني غير

يسوق السياره قدامهم واهو يشوف سيارتهم بمرايه السياره ويذكر الماضي وحوارهم وأمنيها كيف تنزف

سالم( يبتسم على ذكرياته) : صح مو مثل البنات انتي غير انتي قلبي أنتي حياتي انتي حلم واختفى قدامي ودي اكون معك اكون لك اكون ملك لليالي مستحيل اكون لغيرك قلبي ينزف وانا امشي في الطريق عارف آخره ونهايته بيت زوجك أتمنى ما ينتهي أتم معاك اليوم اشوفك وبس ابي اشوفك قلبي يوجعني احس بضيق بس ابي احقق اللي تمنيتي يمكن امنيتي غريب امنيتك انتي تمنيتي زفه طويله وورد والكل يعرف هذي زفة بنت ابو وليد وانا تمنيتك انتي وبس وبس

لان السياره كشف رفع يده اشاره وتوقفت السيارات وسالم تلطم بشماغه وكان يستعرض بالسياره (يفحط – يقحص) والكل هادي ويتابعه كيف بفن يستعرض فيها على إسفلت الطريق يحرقه ودخان السياره واضح حوله سالم يحرق أطارت السياره بإسفلت الطريق يبي هالطريق يحس بنار قلبه يبيه يقطع على سيارة العروس الطريق ولا توصل لبيت زوجها يبي يحس بناره وانا يمشي فوقه بس النار في قلبه

في سيارة فهد وفيصل ..

فهد : خطير شوف كيف يتحرك فيها
فيصل (بحزن لحال أخوه) : نار في قلبه يبي يحرق المكان قبل يحرق نفسه
فهد : قلنا له بلاها خلها
فيصل : سالم ما يقدر لو عليه يذبح جاسم بس هذا نصيبه
فهد : تصدق خايف في يوم يحصل لي اللي يحصل لسالم
فيصل (ألتفت له) : وش تقصد
فهد : أخاف تخلص عدة وضحه وأنا ما رجعتها وأشوفها تنزف لغيري
فيصل : ضيعتها منك نصحتك بس ما تسمع
فهد : لا بعدي عندي فرص أرجعها قدامي طريق طويل
فيصل : يمكن ينقطع هالطريق عليك
فهد(ابتسم بخبث) : لا اليوم ببدأ اخطي بجديه بهذا الطريق
فيصل : وش محضر
فهد : كل خير
فيصل : فهد
فهد (يطالع سالم) : لا تحاتي الوضحه لي وبس وغصب عنها
فيصل : متهور
فهد : لعيونها اتهور هههههههههههههههه
فيصل (هز رأسه واهو يبتسم) : مجنون

في سيارة بندر وإبراهيم ...

إبراهيم (يصر على ضروسه بعصبيه) : شوووووووووف راح يقلب متهور
بندر : خله سالم فنان في السيارات
إبراهيم : فنان طل شوف اهو مقهور متألم بيضيع نفسه أنا لازم أوقفه
بندر (يمسك يد إبراهيم) : وين رايح
إبراهيم (ماسك الباب) : اتركني بروح أخليه يوقف عن هالغباء
بندر : سالم مو بحاله طبيعيه مو بوعيه مو شايف احد
إبراهيم : بيشوفني شوف يا بندر كيف يتحرك والله تقلب فيه يموت كذا
بندر : لا ما نقدر نتدخل خله لين يهدأ
إبراهيم (يطلع جواله) : بتصل في أبوي اهو يقدر له
بندر : خل خالي
إبراهيم : حرام أنا طاوعناه لازم أبوي يتدخل ولا بيصير شيء (حط الجوال عند أذنه) ألو .. يبه


في سيارة وليد وخالد ..

وليد (بصدمه) : يحبها
خالد (يطالع سيارة العروس وبعدها يطالع سالم) : توك تعرف
وليد : ما اصدق سالم وليالي
خالد : إيه كان حلمه اللي بقلبه ويتمنى يحققه ولما صار وقت يحققه صار سراب
وليد : ليه
خالد : التحاليل طلعت مو متطابقة
وليد : كنت أظن إن تقدم لها عشان ولد عمها وبس أما يحبها ما اعتقدت في يوم سالم يشيل في قلبه مشاعر لها علاقتهم أخوه وبس
خالد : هذا الظاهر لنا بس المخفي لا ما كان يعلم فيه إلا ربي بقلبه وبس
وليد(سند ذقنه على المقود) : تصدق لما أجبرتها تتحجب عنه بكت بكت كثير وقالت سالم لا كل عيال عمي إيه سالم لا بقلبها سالم غير البشر كنت بضربها هذاك اليوم بس ناصر وسالم هربوا فيها
خالد (يطالع له) : هربوا
وليد(أبتسم على الذكرى) : إيه هربوا للشارع وتركوني كان عمرها 13 سنه عنيده صبيانيه بقصة شعرها بلبسها اللي تأخذه من ناصر بحركاتها وتقليدها لسالم وناصر حسيت أنها كبرت خلاص من هي صغيره كانت طفلتي أحبها وأغير من ناصر وسالم وقربهم وهي ما تشوف مثلهم كنت أبي أبعدها عن سالم افهمها إن مو محرم لها مو مسموح يشوفها هي كبرت بس هي ترفض تقول سالم غير سالم غير مو مثل عيال عمي (ألتفت لخالد) وش تسميه هذا
خالد : يمكن أول أخوه بس اعتقد لما كبروا تغير اذكر ميثه لما كنا صغار احب قربها الجلسه معها ما يهموني لما كنت اجلس معها كان فهد وفيصل ومحمد يعلقون علي بنيه عيب تجلس كذا كأنك بنيه بس في شيء بقلبي إني أحب قربها أحب كلامها أحب وجودها صغير وما كنت افهم هالمشاعر والفرح بس لما كبرت عرفت إن هذا اسمه حب يمكن ما فهمت هالكلمه بصغري بس بكبري عرفت معناها وعرفت إن ميثه لي وبس عكس سالم اللي حبه وحلم حياته ضاع منه بلمح البصر
وليد : يمكن ما اعرف الحب قبل الزواج يعني زواجي من زوجي الأولى أم سعود كان على اختيار أمي لي يعني تقليدي وزوجتي أم سعد كان يمكن تقول طبع حبيت أقلد أبوي لما شفت عنده زوجتين وكيف حياتنا ضنيت إني بعيش حياه كذا بس لما تزوجت ما قدرت أحب الثنتين أعاملهم بما الشرع أمر فيه بس حب لا شيء او مفهوم انا ما اعرفه اقدرهم اعزهم اكرمهم اوفي لهم احترمهم بس الحب ما اعبر عنه لقيت ان امي وامي حمده ما في مثلهم ابدا
خالد : هههههههههههههههههههههه شكلك ندمان على زواجك من الثنتين
وليد : ندمان إني تزوجت أصلا ليتني عزوبي هم والعياذ بالله
خالد : هههههههههههههههههههههههههه

في سيارة محمد وسلطان ........


محمد : وش رأيك نستعرض معه
سلطان (بصدمه) : وووووش مجنوووون أنت
محمد : ما تشوف أخوك وجنونه اللي يسويه حرام
سلطان : كلنا حاولنا بس اهو عنيد
محمد : يا سلطان أختي تتألم وهي تشوفه هو بس همه ينفذ لها أمنيتها بس ما فكر بمشاعرها لو سألناها تبين أمنيتك تتحقق ولا تشوفين اللي قاعد يصير بتقول ما ابيها عشان ما اعيش الألم بشوفته قدامي واهو يشوفني انزف لغيره
سلطان : تصدق قبل كم يوم لما قال سالم ان بيزفها كنا جالسين مع ابوي فهد بالمجلس رفض ابوي رفض وعصب الناس وش بتقول وانت مو مسموح لك سالم حاول يقنعه حاول بس ابوي رفض عصب سالم وقال بيحقق لها امنيتها هي حبيبتي وتمنيت لو احققها لها وهي تنزف لي بس هي خلاص صارت لغيري ما ابي بيوم تتمنى شيء ولا تلقاه هي ليالي لو قالت شيء لازم يصير كلمة حبيبتي هزتني كثير يحبها معقوله ويكابر ويقول ازفها ليه يعذب نفسه
محمد : اللي يحب يتنازل عن اشياء كثيره عشان محبوبه
سلطان : تنازل
محمد : ايه تنازل عن حبيبته لشخص ثاني يمكن مو رغبته ولا إرادته يمكن مجبور ايه مجبور يكتم ألم ويبلع غصت الجرح بقلبه الدامي ويسكت واهو يشوفها تنزف بس صدقني اللي يسويه عشان يوضح لنا ان يتمنى لها الخير وان فرحان لها ويبي لها السعاده هذا كل قصده يوضح لنا شيء ويخفي في قلبه جروح الم قهر حزن ووجع شديد يعصر قلبه ويخليه ينزف
سلطان : سنوات كتم هالحب وخباه في قلبه عشق حب وله وشوق لها يشوفها قدامه والكل يبصم انها مثل اخته يبتسم ويقول اللولو غير اللولو غير ما فهمنا كنا نظن انها غير لان متعود عليها وجودها لعبها كل شيء فيها تختلف بس كلمة غير لما كبر فهمنا إحنا وش يقصد غير لأنها بقلبه اهو وبس
محمد : الحب حلو بس إذا كان مع من تتمنى بحياتك مثل فرح امنيتي تصدق اتخيل نفسي في مكان سالم ابي احس باللي يحس فيه والله جسمي ارتعش من الخوف لما فكرت ممكن تكون لغيري فرح قطعت طريق التفكير في إحساس سالم أنا في بدايته وجعني قلبي كيف لو امشي لآخر الطريق وكل أفكاري إن فرح لغيري
سلطان : محد يقدر يحط نفسه مكان سالم لان مكان سالم حوله هاله من الوجع الالم والقهر والحزن واهو يشوف موكب حبيبته تنزف قدامه لو كابر اهو بشر من لحم ودم يحس
محمد : وقف شوف وش يسوي
سلطان (فتح الباب) : سالم
محمد : سلطان خله
سلطان (هز رأسه واهو يشوفه) : .........

سالم وقف سيارته في نص الطريق وفتح المسجل على أغنيه كثير تعني له لأنها تصور مشاعره تحكي اللي بقلبه تفسر معاناته ومدى الألم بقلبه وكان متلطم (متلثم) ويرقص في وسط الشارع وقدام سيارة ناصر وكل ما قالت الأغنية هاي روحي صارت لكم كان يأشر على ليالي


شيلوها بعيونكم
داروها برموشكم
زفوها بثوب الفرح
هاي روحي صارت لكم هاي روحي صارت لكم

شيلوها بعيونكم داروها برموشكم
شيلوها بعيونكم داروها برموشكم زفوها بثوب الفرح هاي روحي صارت لكم

مشوها فوق الورد
ورشو من عطرا الورد
احذري لو صابا برد
خبوها بقلوبكم خبوها بكلوبكم
شيلوها بعيونكم داروها برموشكم
شيلوها بعيونكم داروها برموشكم زفوها بثوب الفرح هاي روحي صارت لكم

خلوني ارقص معا
اخر مرا اودعا
من قلبي بهديكم دعا
الله يبارك فرحكم
الله يبارك فرحكم
شيلوها بعيونكم داروها برموشكم
شيلوها بعيونكم داروها برموشكم زفوها بثوب الفرح هاي روحي صارت لكم



ليالي تحس الدنيا تدور حولها مسكت نفسها ومسكت دموعها وكتمت شهقاتها منظره مؤلم مؤلم تبي تصرخ

بــــــــــــــــــــــــــــــــــــــس

بس هي تتمنى تشوفه صح يوجعها قلبها لمنظره بس تبي تشوفه تشوفه تشوفه

حطت يدها على قلبها وهي تسمع أبوها معصب وناصر ساكت وأمها تشد على يدها وتحاول تقويها تبي تفتح الباب وتجري لها ترتمي بحضنه وتقول

خذني تكفه أبيك أنت أنا لك عرفت بكل شيء عرفت بريوف وعرفت إني كنت بين أيديك بس بسببها صرت لغيرك عرفت إن بعدك نااااااااااااااااااااااار وقربك عذااااااااااااااااااااااااااااااب أشوفك يا حبيب الروح أشوفك تتعذب وأنا ما بيدي شيء كفاااااااااااااااااااااايه طلبتك خلنا نفترق وهذا القدر لا تعذبني لاااااااااااااااااا يا دموعي نار نااااااااااااار على خدي شوفوووووووووه حتى وأنا مو له حقق اللي تمنيته الكل صاااااااااااار يعرف بحبه لي وان اللي سواه شاهده عليه بس مو له محبوبي مو له أنا صرت لغيررررررررررك والقدر حكم كفايه آآآآآآآآآآآآآآآآآآآآآه يالوجع ابي اموووووووووووت وارتاح من شوفته مكسور قدااااااااااااامي أبي أخلصه من الألم و اوقف نزف قلبه اااااااااااااااااااااابيه بس اهوووووووو اللي ابيييييييييييييه