*****************************************

على السفره



الكل جلس في مكانه المخصص بعد ما الخادمات عدلوا السفره ..

أبو جاسم يطالع الكل: وين ملاك .؟؟؟؟؟؟؟..

سالم بهدوء: نـــايـــمــــه

ريم شهقت : نايمه هالحزززززه ...

سالم استغرب انفعال ريم: أي.. شفيها يعني؟؟؟ ..

ريم بضيق: افف ترى حالتها هذي ما تطمن ...

أبو جاسم بإستفسار: ليه شفتي عليها شيء؟؟؟ ...

ريم توترت: ها ... لا ولا شيء ..

جاسم بحده: ريم ...

ريم وبعد جاسم تكلم خرتها على طوووووووول: بصراحه اليوم كانت مرررره تعبانه.. مو راضيه تاكل شيء.. وبس تشرب عصير برتقال و لما خلصنا طلعت رحت لصديقاتي أسألهم عنها قالوا ما طلعت استغربت وبعدها شفت بنت بنفس القاعه معها وسألتها وقالت هي طالعه من زمان استغربت وسألتها وين راحت قالت كانت دايخه وراحت الحمام (الله يكرمكم) و ..

أبو جاسم بإهتمام: ...و ...

ريم غمضت عينها : لما دخلت بصراحه شفتها تترنح ..مسكتها وبسرعه وصلتها للصحه وأول ما دخلنا طاحت مغمى عليها ولما جلست فجأه كذا اعتدلت .. وفرغـــــت ...

الكل شهق وسالم وقف: يعني ما خاب ضني .. تعبانه ... (طلع لها)

الجدة وقفت: أنا لازم أصعد لها ..

أبو جاسم وقف: وين تروحي يمه ..

الجده: هذي بنت ولدي الله يرحمه ... مالها أحد ..

هديل وقفت: أنا بروح لها ... (صعدت ومعاها ريم)



*************************************

في الغرفه



كانت ثلج واللي يدخل يقشعر من برودة الغرفه وأما هي معرقه دخل سالم وراح لها : ملاك .... ملااااك ...

ملاك فتحت عينها بصعوبه: سـ ... سالم ...

سالم بقلق: تحسي بشيء يألمك؟؟؟ ...

ملاك ابتسمت تخفف عن سالم القلق: لا ... بس نعسانه

دخلت هديل ومعاها ريم وأمهم وراهم وقربوا : ملااك ...

هديل على طول جلست جنبها ومسكت يدها وبسرعه طالعت ملاك: ملاك ... إنتي مصخنه ؟؟؟..

ملاك كل شوي تغمض عينها: لااا ...

أم جاسم قربت وحطت يدها على جبهتها وشهقت: حرام عليك ... كل هالصخونه و ...
(لفت لريم) بسرعه قولي لجاسم يجهز سيارته ..

ملاك بسرعه اعتدلت بإعتراض: لاااااااااااااااااا ... ما أحتاج وبعديـ ....

وصلت الجده وأول ما شافت ملاك على طول راحت لها بقلق : شفيك وجهك أحمر ؟؟؟... (لمستها) وش هالصخونه ؟؟؟؟

ملاك ومالها خلق على طول انبطحت وغطت وجهها بالمفرش : طلعوا ... خلوني أنااااااااااام ..

دخل أبو جاسم طالع مرته وعرف من نظراتها العناد وعلى طول لف لريم: روحي جيبي مقياس الحراره ...



************************************

بعد 3 دقايق


وصلت ريم بالمقياس وهو قرب: ملاك ... ملاااك ...

ملاك: .................................................. .....

الجده فتحت الغطا شوي وشافت وجه ملاك زاد إحمرار وصارت معرقه من التعب وتنفسها صعب ظلت ساكته ..وأبو جاسم على طول قاس حرارتها ولما شاف درجه الحراره شهق: 40 ...

جاسم وراه : خلاص نوديها المستشفى ... يالله ...

الجده تكلم ملاك: ملاك ... ملايك .. ملوكتي ... (وبخوف)..ماترد؟؟

ملاك: ................................

أم جاسم على طول سحبت عباتها اللي متعلقه : روح جهز السيارة ... بسرعه ...
(بدوا يلبسوا ملاك العباه)

بعد ربع ساعه

طلعوا جاسم وأمه وملاك وسالم للمستشفى وأما البقيه بالإضافه لسجاد اللي توه جالس بقوا بالبيت ...



*************************

في بيت أبو محمد


محمد ماسك سوزان بإحراج: حرم علي.. لو سمحتي جهزي قهوه ...

سوزان ووجها أحمر وبقهر: انقلـــــــــع وما بسوي لك شيء ...

محمد عطاها نظره: متأكددددده ...

سوزان تأففت بصوت مسموع ولفت لأمها : يـــــــــمه ... شوفيه؟؟ ...

أم محمد: محمد والنهايه؟؟؟ ..

محمد اعتدل: خير يمه ...

أم محمد: اعقل واترك أختك بحالها ...

محمد قلب وجهه على سوزان: طيييب ... (دق جواله ورفعاه) : هلا والله بالنسييييييييب ...

سوزان على طول طالعت فيه وهو حب يحرق أعصابها : لا لو سمحت أنا مو فاضي ... لا ... لا تحاول تترجى (طالع أخته) وحده بوحده ...

سوزان عصبت فيه وأما محمد ما اهتم لنظراتها : اسمع ..اسمع .... لما تجي يمكن أكون مب هنا ... لا بس تعرف العناد وإيش يسوي ...

سوزان طالعت أمها وأمها: ما عليك منه ...

بعد مده اعتدل محمد: كيف؟؟؟ ... ومتى هالكلام؟؟؟ ... وجاسم معاها ؟؟؟... طيب وشخبارها؟؟؟ ... (بصدمه) 3 ساعات مو معقوله ... طيب دقيتوا عليهم ؟؟؟...

أم محمد بقلق: جاسم شفيه؟؟ ...

محمد طالع أمه: يمه ملاك بالمستشفى.. (رد يكلم علي) ..أي والحين من اللي في البيت ... أها ... المهم طمنا عليها ... أوكي لا تخاف الحين أجيبهم لك .... لا ولا تكلف على حالك كفايه اللي أنتوا فيه ... يالله مع السلامه (سكر)

سوزان بقلق: شفيها ملاك؟؟ ...

محمد وقف ومشى حاقرها : مالك دخل وبعدين (لف لها متكتف) ليه قاطه إذنك عندي؟؟؟؟ ...

سوزان نزلت راسها بإحراج وأمها بدفاع: والله إنت اللي صوتك عالي ... قول لنا شفيها ملاك ؟؟؟
أبو محمد وهو توه داخل استغرب: ملاااااك ؟؟؟... (طالع وراه) شفيها ؟؟؟؟
محمد : لا بس ملاك في المستشفى تعبت عليهم ونقلوها طوارئ وكل ما يتصلوا لجاسم ما يرد ...
أبو محمد بقلق: الله يستر ... (اتصل بجواله لجوال أخوه)



***************************************

في المستشفى



قطع المكان تقطيع بالروحه والجيه خايف عليها مووووووووووووت وكل شوي يطالع الساعه

صار لهم 3 ساعات ونص وحتى الدكتور من دخل ما طلع ... الله يستر ...

أم جاسم : يمه سالم تعال إجلس ... لا توترنا معاك ...

سالم طالع الساعه مره ثانيه ورضخ للأمر الواقع وجلس.. بعدها بدقايق معدوده انفتح الباب وطالع الجماعه اللي على طول وقفوا

جاسم بسرعه: خير دكتور شفيها؟؟ ...

الدكتور فسخ نظارته : تقرب لها ...

أم جاسم بسرعه: زوجها ...

الدكتور: اممممممم ... (بتفكير) أتوقع إني بخليها هنا لمدة يومين..

سالم بصدمه: يومين ... ليه شفيها؟؟؟ ...

الدكتور: درجه حرارتها عاليه .. ولو ما لحقتوا وجبتوها كان ممكن تموووووت ... بس الحمد لله

الله ستر (الكل من الصدمه ساكت) ... غير كذا ... إحنا حاولنا فيها بكل الطرق عشان تتقبل العلاج وكانت رافضته وما كانت تتقبل شيء بس الحمد لله على آخر أمل تقبلت العلاج والحين

هي نايمه وإن شاء الله تكون بكرة تمام ونزلت درجه حرارتها وإذا نزلت بكره بكره بتطلع بس إذا ما نزلت بتظل عندنا تحت الملاحظه ..

جاسم بعد مده: مشكور دكتور ... (توه بيمشي الدكتور) إلا ممكن أشوفها؟؟؟ ...

الدكتور: بس هي نايمه

جاسم: مو مشكله ... أنا بس بتطمن عليها ...

الدكتور: أوكي بس إنت ... (طالع البقيه) لأن الحاله ما تسمح ...

سالم: لااااااااااا ... أنا أخوها ...

أم جاسم مسكت يده وجلسته: تعال أجلس وأترك جاسم يدخل أحسن لنا بكره كلنا ندخل ...

سالم بتحلطم: وش معنى يعني وإلا ... (بدو التحلطم)

دخل جاسم شاف المغدى من جهه والتنفس من جهه والأجهزة الأخرى حولها تقرب دخل يتأملها وبعدها سحب كرسي وجلس ...

الممرضه وهي تلم جهاز الضغط بعد ما خلصت: لو سمحت ... غير مسموح لـ ...

جاسم: عارف ... (مسك يد ملاك وبهدوء) ملاك ...

ملاك بدت تفتح عينها ببطء وطالعته وقربت منها الممرضه بابتسامه : صحيتي؟؟؟ ...
(سحبت كاس ماي قريب) شربي ... (ساعدتها في الشرب)

بعدها الممرضه طلعت وأما جاسم ابتسم لها: خوفتينا عليك ..

ملاك بهدوء : وليه تتعب نفسك؟؟؟ ... وتخاف علي ... كان الأفضل تتركني أمووووووووووت ..

جاسم بعد مده : إنتي الحين تعبانه ... وما برد عليك ..

ملاك قلبت وجهها : بس كلفت على نفسك ..

جاسم شد على يدها : كل شيء عشانك يهووون ..


ملاك غمضت عينها وتحاول تترجم " هذا جاسم ... مستحيييييييييل "(لفت له بهدوء) :سالم وسجاد وين ؟؟؟


جاسم: سالم بره وسجاد بالبيت .... كان نايم

ملاك شدت على يده: ساعدني بقوم ...

جاسم على طول وقف : وين؟؟ ...

ملاك استغربت: وين يعني ؟؟؟... إلا إذا رميت أغراضنا من بيتكم فهذا شيء ثاني ...

جاسم ابتسم وجلس على السرير جنبها: ولا تعقلي ... هذا وانتي مريضه..

ملاك قلبت وجهها عنه: أقووووول ... ضيقت علي السرير ...

جاسم قرب وجهه من إذنها: لازم تتعودي من الحين ..

ملاك زادت دقات قلبها وصار دق طبول عندها وتنفسها زاد ريحه عطره تخللت بحلقها وبتوتر: جاسم .. أبي أنام

جاسم وحس لها انها متوتره من قربه: أوكي ... (وقف) بكره بنجي لك ... مع السلامه .. (وطلع)

ملاك ظلت تطالع طيفه..وبعدها طالعت مكان ماكان جالس..اذا الحيم وبجلسته بس اخذ ثلث ارباع السرير..كيف لما نتزوج..عزات الله مالقيت حالي الا على البلاااااااااااااط...



***********************************************

اليوم الثاني



واخيرا..ومع الإقناع طلعت من المستشفى وأول ما دخلت : ألف الصلاة والسلام عليك يا حبيب الله محمد ...

سجاد ويحاول يتقن: كللللللللللللوش ..

ملاك أول ما شافته ضحكت وعلى طول حملته وتحببه: وحشتننننننننني ...

سجاد بضيق: ملاك ... عفستي لبسي ... (يأشر على بلوزته اللي اعتفست) شفتي وش سويتي ؟؟؟

ملاك وهي تسحب خده وتحبه: يا ربي أموووت أنا على هالحلاااااااااااه ..

أم جاسم سحبت سجاد من ملاك: شكلك اليوم بتذبحي الولد ..

ملاك: يوه عمتي ... والله وحشني ...

سجاد يكمل وهو يشوف ريم تأشر عليه يبدأ ..غنوا لحبيبي و ..

ريم وسالم أنضموا له: وقدموا له التهاني ... في عيد ميلاااااااااده .. عساها مئة عاااااااااااام ...

سالم بحب: أفرح حبيبببببببي وأطلب أغلــــــــى الأماني ...

هديل تكمل مقطعها: هالليله يا عمري تناديــــــك الأحلااااااااام ...

ملاك من الصدمه ظلت تطالع فيهم ودموعها شوي وتطيح شوي ما سمعت إلا بصوت الاستيريوا يبدأ ..نفس اغنية العيد ميلاد..

ريم بدت ترقص بعد وسحبت معاها ملاك : أيووووووووه ..

الجده وهي تمسك جاسم من كتفه: كللللللللللللوش ..

جاسم طالع جدته وحك إذنه لأنها لبلبت بالقوه عند اذنه.. وهي ضحكت عليه وهديل سحبت أمها وبدوا يرقصوا

ريم: يووووووه ..ملاك رقصي ..

ملاك منحرجه ومشاعرها متلخبطه مسحت دموعها ولما شافت الكل يرقص فرحان على طول

مسكت يد ريم وبدت ترقص معاها وطبعا فذيك اللحظه ما يعرفوا وش يرقصوا يعني بس رقص يعبر عن الفرح فقط لا غير ..

جاسم ظل يطالع أول مره يشوفها كذا ولا بعد متأكد إنها نست إنه واقف وإلا ملاك ترقص ولااااااااااااااااااااااااااا.. قدامه ...مستحيييييييييل هي زين إذا ما لفعته بالنعاااال مو بعد ترقص قدامه ..

كان الجو وناسه أبو جاسم أول ما وصل ظل يطالع وش صاير وبعدها تقدمت مرته وبدت ترقص

معاه وهو بس يبتسم وأمه تقول له : إرقص ... مع مرتك .. يوووووووه وين الرومانسيه ..

أبو جاسم ضحك : يمه هالأشياء خليها لجاسم ومرته

(طالع جاسم اللي يطالع جمال مرته اللي سرح فيها مع ريم)

أم جاسم بخفيف: أصلا هو مو معاك ..

سالم وحط شريط سلامي عليكم يالسعوديه :... ملااااااااااااااااااااك ..

ملاك فهمته وبسرعه: لحظه وقف ..

الكل انصرع وسالم طفاه وهي بسرعه راحت خذت شيلتها وشنطتها وبعدها على طول للحمام وبعد مده طلعت وكان شكلها تحفه الكحل اللي رسماه عينها بيه رسم ومتلثمه

وسالم على طول شغل المسجل ويالله وريم صعدت وسوت نفس الحركه وهديل تشجع ....

الجده بإعجاب: ما شاء الله ... وقسم بالله بناتنا قماااااااااره ..

ريم تتقدم لجدتها وتهز كتف: أيوووووووه ... عاشوا (انتبهت لجاسم وعلى طول سحبته).. كملها معانا

جاسم حط يده على غترته عن لا تطيح وهو يضحك: بلا هبااااااااااااااااااال ..

هديل وانظمت مع ريم وبحماس: يالله جسوم ... شف مرتك ترقص مع أبوي ..

جاسم طالع مرته وبعد رفع يده وبدأ يحركها وخواته منجنين عليه لأن جاسم هو أجمل واحد فيهم.. بس كان ما يخلي أحد يقول هالشيء لأنه دايم يقول كلنا نفس الجمال بس مع كذا هو أجمل حتى من البنات ..بس مع كذا ما طلع ولو ربع جمال ملاك ...

مع الرقص والهبال ما وقفوا إلا لما سمعوا صرخه سالم : ملاااااااااااااااااااااااااااااك ..

أبو جاسم على طول طاح على ركبته وبقلق: ملااااك ..

الجده بقلق مسكت يدها : شفيها ؟؟؟..

جاسم بسرعه: أكيد داخت (رفع ثوبه وفسخ غترته وعطاها هديل) تباعد يبه

أبو جاسم طالع ولده وبعد مده تباعد وجاسم بكل هدوء دخل يده وحطها ورى ظهرها وحط يده الثانيه تحت رجلها وشالها من الأرض ووداها لغرفتها ...

ملاك فتحت عينها وشمت ريحه العطر الرجالي استغربت وأول ما رفعت راسها شافت جاسم ولااااااااااااااا ... حاملها ..

ملاك صرخت: آآآآآه ... نزلني ..

جاسم تبهدل وانصرع بس زين إنه وقف أخذ إتزان وكمل مشي وعلى طول حطها على سريرها وهي تجمعت الدموع بعينها

ملاك: كيف تتجرأ وتحملني ... ما تستــــحــــــي ..

جاسم: كنتي طايحه .. و ..

ملاك وقفت من القهر وتخصرت: أنا ما قلت لك أحملني ... أوكي وبعدين على أي أساس تمسكني ...

جاسم: إنتي مرتي ..

ملاك بقهر: أنا مو مرتك و ..

الجده زقرت: ملااااك ..

ملاك انتبهت للوجوه اللي تشهد الموقف وسكتت وأما الجده تقربت: هذا زوجك ... فاهمه ..

ملاك بقهر: لا .. مو فاهمه ... وأنا أصلا ما أبيه ..

جاسم فار الدم من عروقه وصل لوجهه وصار لون عينه غير أحمر من العصبيه بس تكلم بدال عنه أبوه : ملاااك ... إنتي زوجة جاسم ... ومو شرط إن نسوي زواج ولو يبغيك الليله ما أحد يقدر يمنعه ... بس هو حفاظا على مشاعرك ساكت عنك ..

ملاك بقهر: نــــــعـــــم .. أقول الورقه اللي أجبرتوني عليها ... ما تسوى عندي وأنا ما أعترف بها ولا

هديل بصدمه: مو إنتي موافقه على أخوي .. و ..

ملاك بإنفعال: من قال ... آخذ واحد أكبر مني بـ 8 سنوات أو أكثر ما صرت مجنونه للحين

جاسم وبدون سابق إنذار دز ملاك لين صارت منبطحه على السرير وهو قرب وجهه منها وبتهديد: سمعي يا ملاك ... أنا أسكت بس على كيفي والوقت اللي يطفح الكيل... أحذري مني ... لأن بيصير شيء لا يحمد عقباااااااااااه (توه بيطلع)

ملاك وتتصنع القوه: وإيش ممكن تسوي تطقني .. عادي عندي مناعه ..

أبو جاسم توه بيروح يطقها إلا جاسم مسك يد أبوه: يبه .. أنا الولي عليها (طالع ملاك) وإذا أبي.. أأدبها رضت وإلا ما رضت ..

ملاك انقهرت: أنا مؤدبه قبل لا أشوفك ..

أم جاسم شهقت وأما الجده: ملاك ... عييييييييييييييييب ..

ملاك ظلت تطالع جاسم بنظرات تحدي وبعدها جاسم تركها وهي صرخت: لو أنت رجال ما رضيت أحد يجبرك .. على الزواج من وحده ما تبيك ... وإلا أنت ما عندك عزة نفس ..

لحظه لحظه سمعتوا وش تقول .. لف بوجهه وطالع وبعده تقدم واللي يحركه إحساسه بالإهانه وعلى طول سحبها من شعرها وعطاها كف ... وبعده الكف الثاني وأبوه بسرعه بعداه : جاسم ... حرام عليك

جاسم ويطالعها بإستحقار: بس تعرفي ... انا أحب هالشيء وأتلذذ فيه (طالع أبوه) بعد شهر ونص أنا بروح البعثة لمدة ســــــنـــــــه (طالع ملاك) وأتمنى يكون الشهر والنص يكفي للتجهيز

أم جاسم بصدمه: لا تقول زواجكم بعد شهر ونص

جاسم ويطالع بملاك اللي تصيح وتطالع فيه بنظرات توسل لأول مره تعطيه إياها وهو بكل وحشيه مثل ما جرحته وإهانته وقدام من ... قدام أهله وخاصه خواته لا ... وألف لا

جاسم: أنا بحجز كل شيء ... (ابتسم بسخريه) جهزوها (طلع)

ملاك بدت تضرب نفسها وهي مو حاسه : لا ... قولوا له ... أنا ما أبي ... أبي أكمل دراستي ..
مستحيل .. حرام عليه .. والله آسفه ما أعيدها بس لا يتزوجننننننننننننني ..على الأقل لنهاية السنة الجايه ... بليييييييييييييييز ..

الجده بعتاب: إنتي اللي جبتي لنفسك .. (طلعت والكل طلع وراها)



**************************************************

في غرفة هديل



جالسه تفكر باللي يصير ببنت عمها.. وكيف بيصير كل شيء ..بس استغربت من جاسم.. بس بنفس الوقت عذرته ..سمعت صوت جوالها يدق تعرفه من الرنه صاحب الإتصال فعلى طول رمت الدب اللي بيدها وقامت للتسريحه سحبت الجوال ورفعته وبنعومه: هلااا ..

فيصل بحب وعشق وهيام:

هلا باللي قال الهلا .... واللي الهلا لا شافته ما ردت هلا
هلا باللي ملكت مفتاح قلبي .... وأنا أنتظر متى تحن لقلبي لتملئه

هديل وانحرجت: فـــــــيــــــصـــــــل

فيصل بنعومه: عيوووووونه ..

هديل: أنت ويينك الحين؟؟ ..

فيصل: في الشارع

هديل بعدم تصديق: أحلف..

فيصل: وقسم ..

هديل بغيره: وليه طالع الشارع مدام ما عندك دوام هالحزه ..؟؟؟؟؟؟؟؟

فيصل: أشوف البنات واللي لابسينه

هديل انقهرت منه: فصلوووووووه .. ترى إحنا سعوديين .. مالك حاجه بالمفاصييييييخ اللي ما إنوجدوا إلا للإغراااااااااااااااااااء ..

فيصل بمحبه: آآآآآآآآآآه يا قلبي .. درر .. دررررررررررر ... أقول مو كأن عطيتك وجه ووافقت بعد سته شهور زواجنا ..

هديل وتذكرت زواج أخوها وبحزن: فيصل ..

فيصل وحس لها وبجديه: عمره ... شبلاك؟؟
..

هديل: اسمع ... الخ .. (قالت له السالفه)



************************************

في بيت العم أبو محمد


طبعا صار محور الحديث الخبر اللي انتشر إلا وهو زواج جاسم وملاك اللي بعد شهر وأسبوع

وهم من سمعوا الخبر بدوا يطلعوا للسوق يجهزوا وأما علي وسوزان عقدهم بيصير قبل العرس بأسبوع وكانت سوزان تجهز نفسها .. (الكل حالته لله)

العمه هدى: أما جاسم تجيه حالات مو طبيعيه ..

أم جاسم وتحاول تخبي السالفه: هذا اللي صار ..

هدى: طيب ودراستها؟؟؟ ... وآخر سنه؟؟؟ ..

أم جاسم: الله أعلم .. جاسم رافض يتكلم مع أحد نهائي ..

هدى تنهدت بحزن: وملاااك ..

أم جاسم: من أسبوع ولما سمعت قراره وهي ما تطلع وكل صياح .. حتى ضعفت أكثر من قبل ما تاكل شيء وكم مره يغمى عليها ..

هدى وقفت: بروح أشوفها ... (صعدت)

دخل علي بعجله:يمه أي أحلى هالغتره هذي .. وإلا هذي ..

الجده: الحمراء أحلى ..

علي وحب يتنرقش معاها: إذا بلبس البيضاء ... (طلع)

أم جاسم ضحكت والجده: حسبي الله على شره .. ما يستحي .. هالولد ماادري على من طالع..



***********************************

في غرفة هديل


دخلت ريم بعجله : هديلوه .. يالله علي بيوصلنا الحين .. وعمتي بتجي معنا ..

هديل وهي تسكر عباتها وتسحب الشنطه: طيب يالله

طلعوا ونزلوا تحت شافوا أمهم سألوها عن عمتهم ولما عرفوا إنها مع ملاك سكتوا وظلوا ينتظروا ...



***********************************

في غرفة ملاك



: ذبحوني يا عمتي .. ذبحوووووووني .. (رفعت راسها من حضن عمتها) ليه يصير فيني كذا؟؟؟ .. أنا وش ذنبي أبوي ما يحبني وش ذنبي رماني رميه .. أنا .. أنا .. أنا أتمنى الموووووووووووووووووووت اليوم قبل بكره .. الله ياخذ روحي يا رب ...

هدى ما تحملت وحضنت ملاك وما تخفي إن دمعت عينها ومسحتها وبعد ما جلست تهدي ملاك شوي طلعت وأما ملاك تلمست رجليها وحطت راسها على يدها وصاحت زياده ..







تخفي صوت صياحها اللي يقطع القلب غمضت عيني وأنا أحس مع كل شهقه منها إن قلبي يتمزق ما تعودت أسوي كذا بس هي اللي جبرتني .. بسرعه تحركت لغرفتي ما أبي أضعف وأكنسل كل شيء ..

رميت غترتي على الكنبه وجلست أفكر باللي ممكن يصير ... قطع علي صوت الجوال ...
رفعته: هلا ... الصاله .. طيب ... لا بأي مبلغ يكلف ... أوكي .. 150 ما في مشكله ... تمام .. سلام (سكر وتنهد)

ترتيبات الزواج صارت سريعه جدا أم جاسم وهدى راحوا يقضوا لملاك يوميا من الصباح إلى الليل وبقى لهم أشياء كثيره ..

البنات كانت الفرحه مغرقتهم هديل تجهز لزواجها وزواج أخوها مره وحده وريم مستانسه أخوها

وبعد بكم شهر أختها وأما سالم طلع مع علي واشتروا لهم وأما سجاد شرت له أم جاسم بدله حليوه مره

وأم جاسم شرت لها جلابيه فخمه وأما جاسم ما جهز ولا شيء مو مهتم للعرس نهائي ..

وكان مزحوم بالشغل ... والبعثه اللي طلعت له عشان يكتسب خبره وبيقوم بعدة مشاريع مع أشخاص مهمه يعني الأيام الجايه كلها بيظل مشغول ...




********************************************

قبل الزواج بـ3 أيام


مغطيه وجهها بالغطاء حق السرير وتصيح صياح يقطع القلب (كالعاده) بس هالمره السبب غييييييييير..

مو عشان الزواج وإنها رافضه أساسا الزواج بدت تتقبل كونها بعد كم يوم بتلبس الفستان الأبيض وبتصير معاه بحالهم وبتصير حلاله

بس اللي صدمها أكثر وما كانت عامله له حساب أن السفر بيكون على طول في اليوم الثاني الساعه 4 العصر وغير كذا ... الأهم بالنسبه لها .. أخوانها ... سالم وسجاد ..

مستحيل تتركهم ما تقدر .. أهم كل شيء لها بهالدنيا أهم اللي متحمله كل شيء عشانهم .. ما تقدر تتصور حياتها بدونهم ... مستحيييييييييييل ..


من سمعت الخبر من عمها وبالصدفه إنهارت صياح وحاولت مع عمتها تقنع جاسم بس عمتها ظلت بس ساكته لأنها ما تعرف وش ترد عليها (مسحت دموعها) لازم أواجهه .. لازم .. (سحبت غطاها وأحكمته وطلعت لغرفته)

طقت الباب وانتظرت ما أحد رد ظلت تطق الباب مده ما أحد رد ..

ملاك انقهرت حركت مقبض الباب : مقفل .. افففف (دارت بترجع وشهقت)

جاسم يطالع فيها بنظرات غضب وهو فوجهها: بغيتي شيء؟؟؟ ... (ما يخفى إنه إنصدم من شكلها ... صارت مسطحه هي مع الجدار ... واحد .. البجامه واسعه عليها أكثر والهالات السوداء ... بانت وعينها الحمراء وحتى خشمها نفس الحاله وعينها اللي تلمع دليل الصياح)

ملاك بتوتر: أي ... بغيت أتفاهم معاك ..

جاسم حقرها وطلع مفتاح غرفة من جيبه وهو يفتح الباب: ما في تفاهم بينا ..

ملاك عصبت ولما كان بيدخل وبيسكر الباب سحبته من ذراعه: اسمعني بس ..

جاسم ظل يطالع فيها مستغرب أول مره ملاك تسوي كذا ..

ملاك نزلت يدها بتوتر وإحراج: آسفه ..

جاسم بعد مده أشر لها على الكنبه: تفضلي ..

ملاك توترت أكثر : لا ... أنا بروح أجهز للعرس .. بس ..

جاسم فتح الثلاجه: غريبه .. ملاك تجهز لزواجها ومن من ..مني أناااا... (لف يطالعها)

ملاك نزلت عينها وبخضوع: هذا الي صار .. المهم .. (رفعت راسها) صحيح بتسافر اليوم الثاني للزواج

جاسم وهو يصب العصير في الكاس: قصدك صباحيتنا (ملاك حمر وجهها) أي .. وبعدين تراك مسافره معاي .. يعني مو أنا بس ..

ملاك جاتها الغبنه بس مسكت نفسها ونزلت راسها تطالع الأرض وعينها تشدهم على بعض: طيب ... وأخواني .

جاسم لف لها ومد الكاس العصير : تفضلي ..

ملاك هزت راسها نفي: جاوب على سؤالي ...

جاسم جلس قبالها وحط الكاس على الطاوله اللي تفصل بينهم واللي نوعا ما ماخذه مساحه الجلسه بكبرها ومع الديكورات التراثيه الجميله واللمسه الكلاسيكيه كانت بجد حلوه ..

جاسم وحط رجل على رجل وبتريقه: وش بلاهم أخوانك؟؟؟ ...

ملاك لما التقت نظراتهم ببعض نزلت عينها للأرض: لا ... بس (خذت نفس) أنا ما أقدر أترك أخواني بحالهم ..



جاسم وفهم لها وللمقصود نزل رجله وحط يده اليمين على ركبته اليمين واليسار على كبته اليسار وشبكهم ببعض وحط وجهه فوقهم : والحل ؟؟؟

ملاك بتوتر منه ومن حركته بعد: ما ادري تصرررررررف ..

جاسم وقف وراح عند مكتبه وسحب له قلم وأخذ ملف من ملفات الشغل: سالم كبييييير وبيظل هنا .. وأما سجاد ومعاه أمي وجدتي وخواتي ... يعني مو ضايعيين ..

ملاك انصدمت من كلامه وبسرعه وقفت: مستحيييييييل يا جاسم .. أنا أترك أخواني ..

جاسم ببرود لف لها : كلها سنه .. ما بيتغير عليهم شيء ..

ملاك بتوسل: بليز يا جاسم .. الله يخليك .. خذهم معانا ..

جاسم بعناد: لااا ..

ملاك: الله يخليلك للي تبي .. عشان عمي .. أبوك ..

جاسم طالع فيها : لا ... وبعدين أنا بصير توني معرس تبيني أبلي نفسي بأطفال .. ولا بعد مو أطفالي ..

ملاك وتحس أن قلبها ينطعن ويتمزق من الألم: بس هم أخواني ..

جاسم قلب وجهه: وبعدين ما بيصير ناخذ راحتنا أنا معاك ... (ملاك من الصدمه ساكته وهو لف لها) وإلا نسيتي إني ناوي عليك ..بأدبـــــــــك

ملاك طاحت دموعها وحطت يدها على خدها وهي تتذكر صفعته المؤلمه بجد: بس إنت ضربتني ... أخذت حقك

جاسم وقرب لها وبتهديد: كل اللي صار .. ولا شيء ... فاهمه ... (وبأمر).. وبتطيعيني بكل شيء وأنا عارف تعرفي ليه ؟؟؟ لأنك وبكل بساطه بتكوني وحيده .. ببلد غرييب ما أحد يعرفك بلد غير آمن .. وكل هاللي صار والي قلتيه عني بجي يوم .. بيرجع لك بس بطريقه ثانيه ..

ملاك نزلت راسها بألم على كل كلمه: أنا آسفه .. مستعده أعتذر قدام الكل ..

جاسم قلب وجهه: إذا فات الفوت (تنهد) ما ينفع الصوت ..

ملاك برجى: جاسم .. تكفى .. طلبتك بسوي كل اللي تبيه مني بس سالم وسجاد يكونوا معي .. بصير زوجه صالحه لك بس يضلوا معاي .. بطبخ وبغسل وبكنس وبرتب و..... واللي تبيه بسويه بس خلهم معاي

جاسم شد على عينه وبعدين فتحها وبكل تسلط: لااااااااا .. وأنا ما أقول كلمه وأرجع فيها ..

ملاك صاحت وبإنفعال : مو أنت جاسم الأولي .. إنت خياله .. واحد بلا إحساس ولا مشاعر ..
جاسم الأولي أفضل منك بمليووووووووون مرررره .. جاسم الأولي ينحب ... بس أنت مستحيل ..

جاسم لف لها وبسخريه: ليه .. حبيتيني؟؟؟ ...

ملاك تمسح دموعها : لا .. الحمد لله ... أنا ما أحب ناس خاليه من المشاعر .. (طلعت)
جاسم ابتسم ونظراته كلها توعد: كلها 3 أيام ... وتصيري بين يديني..ونشووووووووووووووووووف...



********************************************


ملااااااااااااااااااااااااااااااااك وموقفها مع جاسم..بيتصلح والا لا؟؟؟؟

بداية حياتهم بالمشاكل..بتستمر والا لا؟؟؟

لوين بتوصل هالمشاكل ولوين بتنتهي؟؟؟؟


وجاسم هالبلفعل مابيأخذ خوانها معاها ..علما هو يعرف انها ماتقدر تستغني عنهم نهاااااااااااااائي؟؟؟؟؟؟؟؟




يوم العرس

الكل مرتبش بس ما صارت الساعه 7 إلا الكل بالصاله من الأهل يستقبلوا الضيوف اللي

بعضهم جايين من بره عشان يحضروا حفل الزواج وخصوصا أن جاسم شخصيه معروفه ومشهوره والكل يطمح يناسبه

: مبروك يا عرييييييييييييس

جاسم وبإبتسامه: الله يبارك فيك خال أبو أمجد .. شخبار شركتكم ..؟؟؟؟...(حتى فعرسه يفكر بالشغل)

أبو أمجد بعطف فياض : والله ما أعرف وش أقول لك .. إنت من أول ما ساعدتنا بالمبلغ وإحنا على أحسن حال ... الله يقدرني وأردها لك ..

جاسم: وش دعوه يا خالي ... مابنا شيء ... أنت أخوي وصديقي لا تقول هالكلام ... وإذا على الفلوس اعتبرها هديه

أمجد مقاطع: 1000 ألفين مو مليونيييييييييييين ونص ... أي هديه هذي .. ؟؟؟

جاسم ابتسم وهو يسلم على أمجد: الهديه لا تقدر بثمن ... فاهم كلامي ..

أمجد : بس حتى ولو .. أنت لو ما وقفت معانا لما كان البنك بيوقف حسابنا كان الحين إنا عند المساجد من مال الله يا محسنين

علي مقاطع بلقافه معتاده: وش تتساسرووووووووووووووووون فيه؟؟؟؟

أمجد يبعد وجه علي اللي بينهم: أفففففففففف على اللــــــفــــاده(اللزقه) ... أقول جسوم .. أخيرا بتفتك منه

جاسم ضحك: لا وأنت الصادق .. هو من عقد على الحبيبه ما صرت أشوفه كل يكلمها..(طالع علي بنص عين)

علي بفخر: أحسن من مقابل وجهكم ... (بحلس عليهم ..ومشى)

وصل محمد: مبروك جسوم ..

جاسم بجديه ورزانه: أسمي جاسم ... وإذا ما علموك إياه بالمدرسه أعلمك إياه هني ... (كلهم ضحكوا)



************************************************** *******


في الصاله عند النساء


أم جاسم حاسه عمرها مرتبشه تسلم على هذي وتشوف الخدامات وتشوف العصيرات وتستقبل وتودع بس كل هذا يهون مدامه يكون حق ولدها البـــــــكــــــــر

قطع عليها: كيفك عمتي؟؟؟؟؟؟؟

أم جاسم لفت وابتسمت وهي تحظنها: سوزااااااااان .. حيا الله حرم علي ..

سوزان انحرجت وأما أم جاسم سلمت عليها وتحاببوا وبعدها راحت سوزان للكوشه مع البنات اللي يتفننوا بالرقص وأم جاسم راحت تكمل أوامرها للخدم ..

هديل وهي تسحب يده: يالله سجاد .. ارقص ..

سجاد وماسك بيد غترته: بتطيح ..(طاحت).. شفتي طاحت ..

ريم وتعدلها له: خلاص طالع جات خاله سوزان ..

وصلت سوزان وبدأ الكل بالردح



*********************************


في جهه ثانيه


أم عبد الكريم: إلا يا أم سلمان ... من هالمزيونه هذي ؟؟؟؟؟؟؟؟؟

الجده وهي تطالع جهة ما أشرت صديقتها العزيزه: هذي أسيل بنت بنتي (أشرت جهه ثانيه) وهذي ندى بنتها الثانيه

أم عبد الكريم بعقلها : إنشاء الله تعجبك يا عبد الله .. لفت لأم سلما ن ... مخطوبه؟؟؟؟؟؟؟

الجده: منهي ؟؟؟؟

أم عبد الكريم: أسيل

الجده بإبتسامه: الله يجيب نصيبها ...

أم عبد الكريم: إنشاء الله ... قريبا ...

الجدة بمزاح: على شاشة mbc

وضحكوا ثنتينهم ...



******************************


في الغرفه الخاصه


جالسه وتفكر بالمصير المجهول مع شخص ما تعرف تتصرف معاه ... هي صغيره وبتظل صغيره ...

كانوا متفقين إن كل شيء بعد ثالث بس الحين هي بتتزوج وعمرها 17 سنه وشهرين يعني 17 فقط ... حتى 18 ما دخلت ما تعرف تتصرف متوتره خايفه ...

تبي تصيح مو عارفه تطيح دموعها صاحت لحد ما شبعت .. توسلت يكنسل بس هو قلب وجهه حبت رجل عمها بس أيضا عمها ما يقدر يسوي شيء لأن القرار كان وما زال بيد زوجها المصون جاسم

دخلت عليها عمتها هدى وبإبتسامه: جاهزة ...؟؟؟؟؟؟

ملاك طالعت نفسها بالمرايه ووقفت وأخذت نفس: توكلنا على الله



**********************************************


عند الشباب


الشباب من الفرحه : سبحان الله.. والحمد لله.. ولا إله إلا الله.. والله أكببببببببر

سبحان الله والحمد لله ولا إله إلا الله والله أكبر ..

خططوا طولت الوقت يكرروها وعلي يتولى التلبلب وسالم معاه (علماه)

سالم يضبط شكله وعلي يدزه: أقول ... ناوي على من الليله ..؟؟؟؟؟

سالم بمزاح حب يحرق دم علي: إذا في مره مثل سوزان فأنا ناوي عليها ..

علي طالعاه بنظرات غيره: مالك دخل بمرتي ... فلو سمحت ضف بوجهك ...

سالم ضحك: هههههههههه على العموم ... أنا متأكد إن ملاك أحلى من الكل ...

علي: ما تسوى ضفر من سوزااااااااان ..

سالم بتحدي: تتحدى .. ؟؟؟

محمد: على ايش..؟؟؟؟؟؟؟؟

سالم قال لمحمد السالفه ومحمد قال يكلم علي: تحط عقلك بعقل بزر ..

سالم شهق: أناااااااا بزر .. أفا يا محمد أفا ... (لمعت دمعه بعينه ومشى عنهم)

علي لف لمحمد بغضب: ليه قلت له هذا الكلام .. ؟؟؟؟؟؟

محمد: ليه هو يتحسس .. ؟؟

علي: لأنه معتبر نفسه كبير عشان أخته ملاك .. والحين إنت قلت له كذا بيصدقك ... (وبنرفزه) تعال رقع السالفه ... (مشوا لسالم)

**************###########***************&&&&&&&&&& **********


انطفت الإضاءة وحل محلها الإنارة الصفراء (الكشافات) وانفتح الباب من قبل الخادمتين..

وأخيرا تقدمت بكل توتر وخوف حست بالأنظار تتوجه لها وعارفه هذا الشيء بس ظلت طول

الوقت شاده على باقه الورد وصدرها تحسه طاير من الرهبه من تنفسها اللي زاد أكثر من أول

أضعاف مضاعفه غمضت عينها تحاول تهدي نفسها.....

بس سمعت عمتها اللي مسكت يدها بنعومه : أقرأي المعوذات ... ما شاء الله عليك .. صكيتي على الكل .. ماشاء الله..

غصبا عنها ابتسمت للمدحه اللي من عمتها شافت المصوره تأشر عليها تمشي..

وبدت مسيقى ياني الحزينه بس كانت ماتهم الكل كان يتأمل هالعروس الفريده من الجمال ..

صحيح المكياج ما كان متكلف فيه كان ناعم وبناتي جميل بين نعومتها وحتى تسريحتها اللي

بالتجعيدات الخفيفه وكله ملموم على جنب وواصل للخصر والورده الجانبيه المثبته على

الطرحه المنسدله بكل نعومه تغطي كامل جسمها من الخلف .. تقربت منها هديل وعدلت

فستانها الذيل وساعدتها على المشي بس ملاك ما كانت عارفه تمشي وكله من طول

الفستان وثقله أكيد مو جايبينه خصيصا من المصمم زهير مراد ...

كان لونه سكري وكله كرستال.. عاري بمعنى الكلمه بس إصرار من ملاك خيطوا فتحت الصدر

شوي وشروا قماش وخيطوه من ورى عشان يخفف من ظهور ظهرها اللي كان كله مكشوف بس بعد التعديل صار نصه ...



*******************************************


وصف الفستان


كان فوق شريط عريض على آخر الكتف وكان كله حركات وكله كرستال وينسدل هالشريط مار

بأسفل الصدر ومنه للخصر ويلفها وينشر بعدها على الفستان وأما اليد الثانيه عاريه ..وعند الصدر مغطى بقطعه داخله بيضاء والبطن شفاف لين الخصر.. وبعدين ينسدل الفستان الناعم
بكل إنسيابيه على جسمها اللي كان بقمة الروووووووووعه والأنووووووووثه ......

ما يحتاج أعلق على الناس .... بكتفي وبقول كلمه انبهروا قليله عليهم ... خلنا نقول إنشلوا ...

وصلت للكوشه ولفت على طول في وجهها حمياتها اللي يسووا لها حركات تضحك..

وبعفويه ضحكت وبنعومه حتى المصوره فرحت أخيرا ما بغت وعلى طول صورتها بهذي

الضحكه وظلت ملاك مبتسمه بنعومه تحاول تخفي قلقها بالمناظر اللي رايح واللي جاي ...

هديل وريم ساعدوا مرت أخوهم في ترتيب فستانها اللي احتل الكرسي كله وصار منسدل عليها بنعومه وباقة الورد اللي كانت فوق حضنها وكلها كرستالات متنثره وكلها ورود روز أبيض ...

ريم بحماس: وقسم بالله أجمل عروس شفتها ... تجنننننننننننيـــــــــــــــــــــــــن ...

ملاك انحرجت وما علقت وهديل: أكيد مو ذوقي .. (غمزة لملاك)

ملاك عطتها نظره وذيك: هو يعني صحيح اخترتي القماش والموديل وشكل الطرحه وكل شيء بس لو مو أنا كان ما طلعتي كذا ...

ملاك : يالواثقه ... إلا وين سجاد ...؟؟؟

وصلت سوزان : صلوا على محمد .. (البنات صلوا على النبي وهي كملت) وأنا جايه ما مريت

على طاوله واسمعهم يتكلموا عليك .. اللي تقول تجنن واللي تهبل واللي شحلاتها واللي

ملكة جماااااااااااااااااال .. واللي واللي ... بصراحه خفت عليك من الحسد ..


ريم تحط يدها على خدها: يووووه العييييييييين أخاف أخوي ما يتهنا بليلته بسبتهم ....

ملاك قلبت ألوان وقلب وجهها الأبيض للأحمر في غضون دقايق وأما هديل: أقول ... بروح أشوف جدتي كان عندها قرآن صغير ... (راحت)

ظلوا البنات كلهم جنب ملاك وبدوا الرقص وكل وحده تتفنن وأما اللي صارت فاتنه مره هي ريم لأنها لابسه فستان ذهبي نص الظهر طالع وممسوك بقطعه قماش ملتفه حول رقبتها

بالإضافه لقصه الفستان اللي صايره قدام وموصله لفوق الركبه بشوي فلما تمشي تبان رجلها ومع الصندل الذهبي اللي كله سيور وحركات .. طالعه رهيبببببببببه ...

بس ما غطت نص جمال ملاك

ملاك تنادي بخفيف: ندى ... ندوي ..

وصلت ندى بعد ما تباعدت عن البنات اللي يرقصوا: هلااا ...

ملاك: روحي قولي لهديل في شنطتي فيه قرآن صغير ...

ندى : أوكي ... (مشت)

المصوره: قربي وجهك من باقة الورد .. ابتسمي .... رفعي الطرحه شوي .... ايوه ...
(طقت الصوره)


***********************************************


الساعه 1 الليل


الكل تغطى متحلطم ما مداهم ما استانسوا إلا بيدخل المعرس ..

أسيل باحتجاااااااااااااج: ما في تو الناس ..

ندى : أي والله ... أحس ما طلعت مواهبي بالرقص ..

ريم بدلع انها ماتتغطى لانه اخوها: خلاص من الحين أخوي بيدخل .. ماله داعي هذا كله التحلطم ..

ندى بتحلطم: وش عليك إنتي بتكملي الرقص ...



من جهه ثانيه ماسكه يد هديل: ما في ... خايفه ..

هديل تحاول تسحب يدها: ملاك حرام عليك ... الحين بيدخل وأنا مو معاه ...

ملاك طالعت فيها وبعين مدمعه: وأنا ... من معاي ...؟؟؟؟.. (تركت يد هديل) روحي ...

هديل حز بخاطرها ومسكت يد ملاك : خلاص ملوك ... والله ..

ملاك تمسح دمعتها بيدها وقلبت وجهها للجهه الثانيه: روحي ما أبي أشوفكم .. كلكم ..

هديل وهي شوي بتصيح لأنها عارفه مشاعر ملاك وخصوصا إنها وحيده بلا أم تخفف عنها أو أبو يوقف معاها بهذا الموقف ...



*******************************


بجهه ثانيه ..


أم جاسم ماسكه يد جاسم اليسار عشان ما يدخل لعروسه الحين وتقول لريم: هاتي المشموم ...

جاسم حس نفسه تبهدل والبشت اعتفس : يمه الله يهداك أنا مو بزر تمسكيني ...

وصلت الجده وهي تعري: كلووووووووووش ... (حبته فخده) ألف الصلاه ...

والكل كان معاها: والسلام عليك يا حبيب الله .... محمد .... كلوووووووووش ..

وبدوا يكرروا نفس الشيء وأما هديل انظمت لهم ومسكت سلتها المليانه مشموم

وأم جاسم ماسكه الفلوس اللي بتنثرهم على ولدها والجده ماسكه اكليلين ورد عشان يلبسون بعض ...

ريم وهي رافعه جلابيتها المخصصه لهذي الدخله (متفقه مع هديل) وبسرعه تركض توقف وراهم ومعاها هديل وقدامهم الباب اللي أول ما يفتح بتصير في الوجه ملاك ..

هديل تدز أخوها: أخذ نفس قبل لا يغمى عليك ...

جاسم ضحك على تعليقها بهدوء ونعومه: وليه إنشاء الله؟؟؟ .... لهذي الدرجه تلوع الكبد ... (حب ينرفزها)

ريم طالعت هديل وبعدين طالعت فيه وغمزه له : بنشوف وش تقول لما تشوفها ..

الجده بعجله: يالله ندخل ..

أم جاسم: لحظه بيشتغلوا شريط الزفه للمعرس ...



*******************************************



في داخل الصاله وعند العروس تحديدا


جات لها أسيل وندى وأم محمد وكلهم يحاولوا يهدوها بس هي تصيح صياح مو قادره تسكت بس تحاول قدر الإمكان ما ينسمع صوتها ..وبس اللي كانوا يدروا هم مع الصوره اللي تحاول تهديهاشوي..

وبعدها راحت وقفت في الممر عشان تبتدي تصور دخلت المعرس ...

أم محمد: ملاك ... سمي بالرحمن وشربي الماي ...

أم جواد حست إن فيهم شيء فقربت لهم: وش صاير ... ؟؟؟؟

كل الناس ما اهتموا لأن كلهم عينهم على مكان الإضاءه المصوبه تجاه الباب الفخم ..

قطع عليهم كلهم صوت المسجل : الف الصلاه والسلام عليك يا حبيب الله محمد ..

وكرروها 10 مرات وكل الناس وخصوصا البنات متحمسين يشوفوا المعرس خايفين يكون أحلى منها وأصلا كل هذا استعداد للتعليق ... (معروفين)

ريم: يالله بدت الزفه ... (أشرت للخادمات يفتحوا الباب) ..

بهدوء ونعومه انفتح الباب وبكل شموخ وكبرياء بــــــان المعرس وحوله أمه وجدته وأخواته بالإضافه لسجاد اللي واقف قدامه ..

توه بيمشي إلا: لحظه .. لا تمشوا ..

هديل طالعت سوزان بإستغراب: وش صاير ... ؟؟؟

سوزان تقدمت وبس ساسرتها وذيك شهقت: إيش .. لا تقولي ...

(عطت ريم سلتها وراحت ورى سوزان لملاك)

أم جاسم احتارت وهي تشوف اللمه على ملاك : وش صاير ..؟؟

جاسم حاول يفهم سبب الجمعه بس ما قدر لأن أساسا ما يبان منها ولا شيء كله نسوان بعباياتهم ومغطين عليها ...

وصلت هديل وبقلق: ملاك ... شفيك ... ؟؟؟

ملاك بتعب واضح: ما اعرف ...

هديل مسكت يدها: ما أكلتي شيء ...؟؟؟

ملاك ما ردت وأما هديل عصبت فيها: عشان كذا اغمى عليك ... (سحبت كاس الماي) اشربي بسرعه ...

ملاك مسكت الكاس وشربت شوي وبعد مده أخذت نفس: ساعدوني أوقف ..

أم محمد: لا خلك جالسه مدام إنك تعبانه ..

ملاك بإصرار: لا .. بوقف .. (وتوها بتوقف إلا ما تحملت ورجعت نفس الشيء مكانها)

هديل بقلق: يا ربي (طالعت جهة أخوها اللي يطالع ومحتار وحست إنه يبي يجي بس مو قادر) أقول ... بنتمم الزفه .. ولما نوصل قريب خلوها توقف وبعدين تباعدوا عنها .. أوكي ..

كلهم: أوكي

وصلت معاهم العمه هدى بعد ما سمعت من سوزان اللي صار وبقلق: ملاك ... خير .. عسى ماشر ..

ملاك تطالع فيها: لا .. ما شر .. (غمضت عينها)

وصلت عندهم وجاسم على طول وبقلق واضح: وش السالفه ..؟؟

هديل تحاول ما تبين: تقدم تقدم ... ما صاير شيء ..

ريم بخفيف: وش فيها ..؟؟

هديل وعشان جدتها ما تسمع فقالت بخفيف: مرتين أغمى عليها ...

جاسم ولقطها ولف: إيـــــــــش ..؟؟؟؟؟؟

الجده لفت له: هو .. جاسم الكميريا هنااااا ... (تأشر له)

جاسم رفع للإبتسامه الإصطناعيه للتصوير وظلوا هديل تحاتي ملاك وخصوصا إنها تحس بالحركه اللي تصير هناك..

وجاسم يبي بسرعه يوصل ويشوف وش أخبارها وأما أمه وجدته الفرحه مو سايعتهم وصدقوا كلام هديل إن مو صاير شيء ...

بدت المصوره تعطي تعليمات مثل إنتظر شوي .. أتقدم أنت وأنتوا خلكم ورى شوي ولما وصل للمنصه قالت لهم: الحين إنت بس تقدم وأنتوا شوي انتظروا ... (لفت للعروس)

ملاك وبمساعده عمتها اللي جابت لها علكه على الأقل شيء تاكله وقفت بتعب وكلهم محاوطيها ولما جات لهم المصوره قالت لهم: لما أأشر زيحوا ... (تباعدوا) أوكي ..

الكل: أوكي ..

رجعت المصوره مكانها وبعد ثواني أشرت عليهم وندى قالت: يالله .. (وبدت وحده وحده
تمشي وشوي شوي بدأ يبان فستان ملاك ... يدها ... أخيرا وجهها وثم بالكامل)

المصوره: تقدم يا جاسم ..

جاسم وهو يحاول ما يبين الدهشه اللي هو فيها: وين ..؟؟

المصوره بإستغراب: إيش ..؟؟

جاسم استوعب وتقدم لين صار قبالها وهو يطالعها وهي ترجف ومنزله راسها ..

المصوره: يالله إرفع الطرحه وحب راسها ..

جاسم بثقل ورزانه مد يده ورفع الطرحه وما عدلها إلا البشت توه بيطيح وهو عدلاه وسلم عليها وحبها فوق راسها وأما هي طول الوقت مغمضه عينها ...

فتحتها لما سمعت المصوره : يالله تعالوا .. (تكلم أمه واخواته وجدته)

أم جاسم: كللللللللللللللللللللللللوش

جاسم ابتسم لخواته وهم واقفات جنب بعض ويتساسرون ... أكيد عني أعرفهم ... أشر لهم يجون

ريم: خيييييييييييير

جاسم: عن إيش تحشوا فيني .. ؟؟؟؟

هديل: ولا شيء ... (سحبت يد ريم) تعالي نوقف عند مرت أخونا ... (تبي تقهر اخوها)

جاسم رفع حاجب وعطاهم نظره وعيد وهم ما اهتموا ..

الجده مدت إكليل الورد وعطته جاسم والثاني عطته ملاك اللي ترجف ..

أم جاسم بشك من شكل ملاك: ملاك ... تعبانه ؟؟؟

ملاك تخفي : لا (قابلت جاسم وهو لبسها الإكليل وأما هي أول ما رفعت راسها أول ما شافته ظلت تطالع فيه من الصدمه يمكن أو من الدهشه ... كان مبين إنه جميل بشكل مو طبيعي ... غير كذا نظرته لها ما عرفت تفسرها ...
قطعت تفكيرها وهي تلبسه الإكليل ولفت تواجه الحظور)

الجده بفرح: مبروك يا جاسم منك المال ومنها الأحفاد ...

ريم وهديل ماتوا ضحك وملاك تبخرت وأما جاسم ولأنه سمع الجمله كثير عند الرجال: الله يسلمك ... ويخليك ..

أم جاسم: ليه واقفين؟؟؟ ... يالله جلسوا ..

وصلت العمه: ألف الصلاة والسلام عليك يا .. (انحرجت وسكت)

البنات ماتوا ضحك ... متفقين عليها لأنها كانت متأكده إنهم بيكملوا معاها بس هم ما كملوا عناد ... فتفشلت و ...

هدى: الله يغربلكم من بناااات ... ما تستحوا ..

ملاك ما تحملت ومعاهم ماتت ضحك:ههههههههههههههههههه

وجاسم على طول لف لها أعجبته بصراحه ابتسامتها أول ما شافها بس الحين الضحكه يوووووه ... راح فيها ...

هديل وانتبهت لنظرات جاسم لملاك: أقول ملاك .. ما بترقصي ...

ملاك تمسح دموعها بعد ما هدأت شوي من التوتر: يالله على يدك ...

ريم تسحب يدها: ما طلبتي ..

جاسم انقهر: تعالوا لا ترقصوا ... (ما شاف إلا طيفهم وباقة ملاك اللي بيده)

أم جاسم بإبتسامه: الله يهنيكم إنشاء الله ...

جاسم حب راس أمه: ويهنيك ويبقيك يا أحلى أم بالدنيا ...

قطع عليه : بلاها المثاليه الزايده ...مسوب حاله .. (سحبت الباقة من يده وحطتها على الكرسي) تعال بس ارقص ...

جاسم وماسك بشته لا يطيح: ريمووووووه ووجـــــــــع ...

وصلت ريم ومسكت يد ملاك وشبكتها بيد جاسم: يالله إرقصوا ...

جاسم طالع ملاك اللي منحرجه وساكته وهو: أنا ما أرقص ...

هديل نغزه: ما أدري من اللي قال ... لما أعرس برقص لمرررررررررررتي ...

جاسم بثقه: هذا أنت قلتيها برقص لمرتي ... مو لخواتي .... (يقهرهم)

ريم برجى: عاد جسوووووووم تكفىىىىىىىىى ...

جاسم سحبها من إذنها: إيش قلتي؟؟؟ ...

ريم تصلح: قصدي أستااااااااااااااااااذ جاسم ...

هديل تضحك: طالعوا ... لا يفوتكم ..

كلهم طالعوا وبعدها ماتوا ضحك وملاك حطت يدها على بطنها من الضحك ودموعها أربع أربع من كثر الضحك ..

كانوا يشوفوا أممهم وجدتهم يتحاضنوا ويقولوا للمصوره صوري هالصوره وكل شوي شكل وكان شكلهم تحففففففففه....مجننين المصوره جنااااااااااااااااان بطلباتهم...ولااااااا ..يشوفوا الصوره..اللي مشمرها موعدل عيدي الصوره..واللي شعرها كااااااااش فهالجهه..حتى العين يركزوا فيها..وحده مغمضه ووحده مفتحه ...

جاسم: تعالوا .... نفسي أخرب عليهم ... (سحب ملاك من يدها)

الجده: خلها تصورنا ماسكين يد بعض ...

جاسم: لا الحين بتصورني مع مرتي ... (لف لها) يالله صورينا ..

المصوره وكأنها لقت المنقذ: أوكي ... تعال أوقف كذا ... وحط يدك على خصرها ..

ملاك بدت تصور معاه صور عاديه مو محرجه وأما الكل انشغل بالرقص ...

أما عن راي البنات اللي شافوا المعرس : 1) وااااااااي يهببببببببل ...

2) مناسبين لبعض ..

3) حرام عليكم العروس أحلى .. أصلا غطت على كل الأعراس اللي رحناها ..

4) شكلها ذوووووووق .. كفايه إنها ناعمه ..

5) ياليت أصير مثلها ..

4) أنت أول وصلي بنفس تناسق جسمها ..

5) تخصرت البنت: لا والله .. أصلا جسمي أحلى منها ...

1) صدقتك ...

3) خلاص بدينا يعني بالهواش ... الحين الريال معرس وأنتوا تكلموا عنه ..

2) ليكون ناوين عليه ...

5) لا والله أنا عندي عبد الله يكفيني ..

1) إلا شخباره خطيب زمانه ... (وضحكوا عليها)



طلعوا ملاك وجاسم لغرفة التصوير الخاصه والبقيه ضلوا يكملوا ردح ..

المصوره: حطي راسك على صدره ..

ملاك: مااااااااانااااااااااا ... (قلبت وجهها)

المصوره: يوووووه .. ولا صورة صورناها مثل العالم والناس ... لازم شوي تكون عندك جرأه

ملاك تكتفت: قصدك أصير قليله حيا ... ؟؟؟

المصوره: هذي صور حميمه لكم أنتوا ... ما أحد يشوفها ...

ملاك: وإحنا مو محتاجين لها ..

المصوره طالعت جاسم تستنجد بيه وهو وقف وسحب ملاك من يدها وحط يد حول ظهرها ولف للمصورة : صوري ...

المصوره صورت وبعدها جاسم بدأ يسوي الحركات والمصورة تصور وملاك نفسها تصيح كل الصور جريئه وإحراج في إحراج ...