واهز قلبي هز ريـح للاغصـان
ارياح صيف عاصفات عواتـي

مما جرالي صار حالي بنقصـان
ياهل الفكر والراي ويش السواتي؟

تلعب بي الاقدار والفكـر حيـران
وصرت انتظر للي به الرب ياتـي

امشي مع الماشين والقلب نيـران
واضحك وكني هانيه في حياتـي

واحسرتي بدلت ربحي بخسـران
ولاجـدا ياكـود هـل اعبراتـي

لوتنفع الحسرات سيلت الاوجـان
وهليت دمع مثل نهـر الفراتـي

وانا ليامنه علـي الزمـن شـان
جبت القلم والبـوك والمحبراتـي

وكتبت شعر بالصعيبات لـي لان
وابديت مافي خاطري في شفاتـي

يالله عسى يوم بنـور الزبرقـان
يالله لاتقطـع رجـاي بصـلاتـي