عرض مشاركة واحدة
قديم 10-10-2011   #2


الصورة الرمزية جنــــون

 عضويتي » 752
 جيت فيذا » Feb 2010
 آخر حضور » منذ 18 ساعات (06:11 PM)
آبدآعاتي » 3,247,042
الاعجابات المتلقاة » 7365
الاعجابات المُرسلة » 3668
 حاليآ في » » 6ـلىآ رَصيـﭮ الـجنـﯛטּ εïз ••
دولتي الحبيبه » دولتي الحبيبه Saudi Arabia
جنسي  »  Female
آلقسم آلمفضل  » الترفيهي
آلعمر  » 17سنه
الحآلة آلآجتمآعية  » مرتبط
 التقييم » جنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond repute
نظآم آلتشغيل  » Windows 2000
مشروبك   star-box
قناتك mbc
اشجع ithad
مَزآجِي  »  رايقه

اصدار الفوتوشوب : Adobe Photoshop 7,0 My Camera: استخدم كاميرا الجوال

мч ѕмѕ ~
لا أخشى عليك

..................من نسآء الكون

بــل أخشى عليك

من #

طفلة
تشبهني

مشآكسَة ، ثرثآرة ، مجنونة ، وتحبكَ كثيراً كثيراً
мч ммѕ ~
MMS ~

افتراضي



الايام خلتني اخبر محمد زين ..... انسان غريب لابعد الحدود بس كان دايم يحسسني بشعور غريب اني باي لحظة ممكن يهرب ويخليني كان يصر على انو لمن يجي في يوم يتركني اني ماراح يخلني احتاج احد ابد والكلام هذا كان يزعجني لاني مابغيت غيره يكون لي على طول ...
.... كان طول مامحمد عندي بالخبر ممنوع ارفع السماعة حتى لو كان برى البيت ... يخاف انو يكون زوجته او امه لانهم مايطيقوني وانا ماحبيت اني ازعج نفسي بعداوات من اي احد ....ومر شهر العسل بسرعة ومحمد خلاص لازم يرجع للرياض ... الحمد لله محمد اي احد ممكن يقول عن كويس بجميع المقاييس بس انا كنت مو مرتاحة كنت احس انو في كثير اشياء ناقصتني ... مدري وش هي بس الاحساس كان زاعجني مرة ...
ماتجرات اني اروح لعند ماما بعد مايروح محمد عندي اظل لوحدي ولا ارجع للكابوس اللي كنت عايشته خايفة من مشاري ... بس امي هيا لمن يروح محمد تجي عندي بس مدري ليش محمد لمن يجي كان يحسسها انها ثقيلة ماكن يبي اي صلة مع اهلي ... مع انو امي هيا تنحط على الجرح يبرى .....كان مايقصر عن باي فلوس حتى بدون ماطلب كل شي عندي بس الشي الوحيد اللي ماكان راضي به هو الدراسة .... على كلامه انا ابي وحدة متفرغة لي يوم اجي وعندك دراسة وش اسوي انا ... وانا قلت خلاص يابنت الظاهر مافي امل بطلت اطلب منه خلاص .....سافرت معه كثير وشفت الدنيا،، دنيا ماشفته من قبل بس محمد انسان غريب كنت احس انو ماعندو اي نخوة ماانسى وجهي الي ساح يوم اول مرة سافرنا وطلب مني افسخ عباتي كانت حجته انو وده اني اخذ راحتي ،، بس لمن وداني معه للمرقص كنت مستغربة معقولة ،،كان يشرب ويرقص ،، والمرقص كلوا سكارة بس هو كان موعلى باله اي شي واستغربت كيف قدر يتجاهل نظرات اللي حولي ،، وكيف تجرا يوم سحبني للنص علشان يرقص معي كنت احس نفسي عريانة بس طاوعته في كل شي... مع اني ماكنت راضية ابد ....وكنت احيانا ماسلم من لمسة على الطاير او نظرات تاكلني اكل ....
مع مر الايام كان محمد يتاخر في جيته عندي ويطول كل مرة اكثر واكثر لين صارت مدة اللي اقضيها بين جية والثانية اكثر من شهرين ....
امي هيا ماكانت تخليني ..... وفي مرة دق الجرس واستغربت لمن سالت مين ولقيت صوت خالي فيصل ....فتحت الباب له..: هلا خالي تفضل ... قهويته وضيفته بس امي هيا اسبقتني وسالته عسى ماشر..
خالي فيصل : افا يمه تبين لجيتي سبب ...
امي هيا : انا اعرفك اكيد في سبب...
خالي فيصل : ابد بس محمد رجل لينا دق علي يبيني اخلص امور لينا علشان تلحقه بريطانيا ..
فتحت فمي : وشو .... وكمل : هو دق علي علشان اخلص اوراقك واقص لك تذكرة علشان تلحقينه لبريطانيا وهو بيعلمك السالفة اذا دق عليك هذا كلامه،، بس انا جاي اخذ بطاقة العايلة والتصريح والجواز قومي هاتيهم وكلمي زوجك اساليه ...
تمنيت اني اقدر ادق عليه بس هو مفهمني زين اني مستحيل افكر ادق عليه وانه اذا بغاني راح يدق علي علشان كذا استنيته لين دق علي وخصوصي انه مسافر لبريطاني مع زوجته فكيف يطلب مني اني الحقه هناك ..سالته عن السالفة : محمد خالي فيصل ... وقبل ماكمل تكلم هو: اي انا طلبت منه وفاء راح تروح هي والعيال لفرنسا وانا حبيت اقضي لي كم يوم بدون ارتباطات عائلية قلت تجيني لين هنا ونتونس مع بعض ..
...... : محمد بس انا ماعرف اسافر لوحدي اخاف ...
محمد : يالينا انتي ماشاء الله عليك كبيرة مانتي بزر وبعدين كل اللي بتسوينه انك بتركبين الطيارة لوحدك خالك بيخلص امورك عندك وانا بخلص امورك عندي هنا يعني وش يبي لها ..
واستسلمت زي كل مرة مع اني ماكنت راضية .....
وخلص خالي فيصل اوراقي وجاء يوم السفر .. طلعت معه للمطار واستنيته لين خلص كل شي وباقي علي اركب الطيارة بس ،، تركت يد خالي فيصل بصعوبة ومشيت في الممر وانا التفت وراي حتى هو لقيت بنظرته خوف علي لاني كنت ضايعة جداااا ضايعة
الجزء الرابع :


قربت وجلست على كرسي وانا مترددة واحس من جد ضايعة ........ خايفة......... وفي هالوقت اللي زي كذا كنت محتاجة صدر يحميني ويحن علي ،، صحيح محمد زوجي .. بس.... مع محمد هالكلمة لها معنى محدود جدااااااااااااااا.....
كنت جالسة منكمشة في كرسيي ... والناس تمر من جنبي وفجأة اقبل واحد يناظر كرته ويناظر رقم الكرسي اللي فوق وتنحنح : لو سمحتي ....
رفعت راسي : نعم .....
الرجال : ابي اروح لكرسي .......... سرحت في وجهه ملامحه قوية وجذاب والسكسوكة مرة روعة واحلى مافيه كانت شفافيه مرة شفافة مبين عليه مايدخن .... وانا مو حاسة اعيد الكلام في خاطري .... وافكر فيه ... بعدين انتبهت انه يبي يروح لكرسيه اللي جنب الشباك ........
....... : اااه اسفة ... معليش .... حاولت الم اغراضي علشان اوقف واروح عن طريقه مد يده وساعدني ... ثما قال : ايش رايك تروحين انتي هناك عند الشباك وانا اجلس على الطرف ..
...... : شكرااا ... رحت للشباك وجلست وماانتبهت انه خلا اغراضي على حجره وسرحت في افكاري وماحسيت الا والطيارة تتحرك شهقت لاني انتبهت : شنطتي ........
الرجال :.......... معي الظاهر انك نسيتي تاخذينها مني ......... ابتسم في وجهي ورديت له الابتسامة ... اخذت جوالي وقفلته ... وطلعت كتاب دايم اقراه .... وسرحت مع الكتاب في عالم ثاني : .... شكلك لسى ماجعتي ... رفعت راسي لمن سمعت صوته ولقيت المضيفةعلى راسنا............ اااه شكرا اخذت الصينية ...
الرجال : انا اسف بس شفتك من شوي في عالم ثاني واخذت شاي وقهوة انتي اختاري والثاني لي...
........... : شكرا .... انا ماحب القهوة راح اخذ شاي ومديت يدي اخذ منه الشاي .... بس كنت صايره مضيعة فكبيت الشاي في حجره ....... وشهقت ... : اسفة اسفة ...
الرجال : ولا يهمك ... اح ..
.....: والله اسفه ..
الرجال : معليش والله خلاص جاني شوي بس لاني حاط الجريدة في حجري ..
دمعت عيوني ورفع راسه بابتسامة ......لالالالا مافي شي صديقني ...
طلعت منديل من شنطتي وحاولت امسح له ماكنت مستوعبة وش جالسة اسوي من الفشلة ... رفع هو يدينه وجلس يناظرني مستغرب مني فجاة انتبهت وكشيت في محلي ثانية حسيت انو ودي النافذة تنفتح واطير منها من الفشلة انا وش جالسة اسوي ...فك الحزام وقام طلع شنطة صغيرة من فوق وراح للحمام .. انا يوم قام جلست ابكي .. بعد ربع ساعة لقيته رجع مغير ملابسه ودخل الشنطة وجلس وربط الحزام ...... بعد ماجلس انتبه لصوت شهقتي اللي تقطع الصمت اللي احنا فيه ... لقيته لف علي : لالالالالالالالالالا وش وله الدموع ماصار شي مد يده يعطيني منديل بس مارديت عليه وقرب يده بصراحة الدنيا لايصة من الدموع فتحت غطاي وتجاهلت يده وطلعت لي منديل من الشنطة وسمعته ينادي : لو سحمتي .. بليز ... وجات المضيفة : موية ... شكرا ...
شوي وجابت المضيفة الموية ،، مد لي بالماي ...: تفضلي ... بس ماخذيته .. حط لي الماي على الطاولة .. تجاهلته ... وسندت راسي على الكرسي ونمت وبعد فترة مدري هي قد كم بس حسيت بريحه حلوة جلست استنشقها بقوة وانا جالسة اراجع نفسي وين انا فتحت عيوني ومانتبهت في الاول وين انا بس انتبهت ان راسي على صدر احد ... جلست دقايق قبل ماستوعب انو راسي على صدره ... شهقت ورفعت راسي اللي جاء سيده بوجه وحسيت بانفاسه على وجهي ....... وجهي صار ماينشاف لونه ودمعت عيوني ....بسرعة هو كنه يبي يلحق عليها لاتطيح : لالالالالالا تكفين توك سكتي من شوي ............ورجعت عدلت جلستي وكمل : .. ممكن تشربين شوية مويه .... وتعوذي من الشيطان ... ماصار شي كنو راسك راح على الكرسي ياستي ماعندي اي مانع انا.....
............ : اسفة ... من جد اسفه .. مدري اشلون انا ..........وسكت كني نسيتها وماودي ارجع اذكرها
الرجال : صلاح معك صلاح ...اهلا ... ورفع المويه : الحين اشربي .. شربت علشان احاول بالدموع اللي وقفت على طرف عيني ماتطيح ......... وبعد فترة نطقت : لينا .......... انا لينا ..
صلاح : تشرفت بمعرفتك .. اول مرة تسافرين بالطيارة .....
............: لا بس اول مرة اسافر لوحدي ......... رايحة لزوجي ..
صلاح : مو مشكلة ......... اي شي تحتاجينه مالك الا تطلبين تحت امرك ...
......... : شكرا .. شوي وصلنا صوت الطيار : ارجو من السادة الركاب الكرام التزام المقاعد وربط الاحزمة استعدادا للهبوط ....
لفيت اتفرج على جدة من الشباك وانوارها تلمع من بعيد وبعد نص ساعة ساعدني صلاح علشان انزل من الطيارة وساعدني اجلس في الباص وهو ظل جنبي واقف لين وصلنا قاعة الوصول ... وهناك سالني : في حد محتريك ..
........... : لا........ لا مافي
صلاح وكنه مستغرب ردي : زوجك ؟؟؟!!!
....... :زوجي مو هنا انا وصلت المطار بس علشان احول الطيارة رايحة بريطانيا ...
صلاح : لالالالا قولي غير كذا مو معقول انا بعد ... خلاص ولايهمك عطيني اوراقك وانا اساعدك علشان تخلصينها وانت روحي هناك انتظريني ........... وقفا ثما لف راجع وقال : عطيني رقم جوالك علشان اذا احتجت اسالك عن اي شي او ضيعتك .... اخذت جواله ودقيت رقمي .........ز ولف يروح ناديته : صلاح .... شكرا ....... رد علي بابتسامة ناعمة ...
جلست احتريه ............ وتذكرت كلام محمد اذا وصلت مطار جدة اسالي مراح تضيعين لانو مالقينا لك حجز غير كذا ........ ولمن تخلصين امورك ويصير مو باقي لك على الا تروحي للطيارة غيري ملابسك لملابس طلعة علشان تكوني جاهزة اول ماتقربون من لندن راح تفصخين عبايتك علشان ماني ناقص مشاكل في مطار لندن ............... سرحت لاني تذكرت الملابس لبستها بالبيت ... وتنهدت ياربي ساعدني عليه ماني ناقصة اتحمل مشاهد محمد اذا سوى خرابيطه ...
سرحت في الناس اللي تروح وتجي ......... وفي ناس جاية محرمة علشان تاخذ عمرة بس المطار كانو الناس اللي فيه شوي لانو الساعة الحين 2 نص الفجر ...تمنيت اني اروح للعمرة ولا مرة رحت ..
شوي الا رن جوالي رقم غريب اكيد صلاح جاني صوته : هلا لينا وينك .......
...........: انا عند المقاعد اللي جنب الكافيتيريا ..... شوي لمحته من بعيد .. قرب من عندي : هلا تشربين حاجة والا تبين تاكلين ..............
...............: لا شكرا ...
صلاح : تعالي نجلس عن الزحمة .......... وقدمنا لين وصلنا عند المقاعد ناحية المكتبة .......... جلس جنبي .... : اسمح لي يالينا لو كنتي زوجتي .... لو اموت ماخليتك تتبهدلين زي كذا مو لازم هالسفرة يعني ....
............. : اسفة شكلي ثقلت عليك ...
صلاح : ابدا بس قصدي يعني لو انك مالقيتي اي احد يساعدك وش كنتي بتسوين ,,, ضحكت : صدقني انا سالفتي سالفة ... واللي صار لي الحين يعتبر ولاشي ....وعم سكوت رهيب كان ودي اسولف معه اكثر ومرت ساعة وجاء وقت روحتنا ...التفت لي صلاح : لينا انا يوم اسوي اوراقك طالعت فيها .... تدرين وش صار
خفت لايكون في شي راح في اجراءات السفر صلاح بعد شوي بتطير طيارته اذا مارحت وش بسوي لوحدي ياربي : في شي اوراقي مامشت ........
طالعني وكنه تحسف على الكلام اللي قاله : لالالالا وش فيك لو في شي ماكنا بنركب الطيارة الحين بس خلاص خلينا نروح الحين وبعدين اعلمك ......
تضايقت بس يوم ركبت الطيارة راحت شكوكي ....... ونسيت .........
جلسنا جنب بعض لانه حجز لنا جنب بعضنا ......... وجلست جنب الشباك ... حسيت نفسي اخصه ،، يحميني ،، ويخاف علي ....... وطارت الطيارة ... لفيت عليه ... انت تدخن ؟
صلاح : وشو !!!!!
......... : لا بس حبيت اسال لاني ماحب التدخين بالمرة ...
صلاح : لا
........ : انا قلت لك شي رحت لوحدي .... بس انت ليش رايح لوحدك ...
صلاح : بروح لاخوي وولد عمي هناك يدرسون هناك ... والحين عندهم عطلة قلت اروح اقضي معهم وقت حلو
وضاع منا الكلام مرة ثانية .......... لفيت عليه وطاحت عيني في عينه ... جات لنا المضيفة : كفي .....
صلاح : ثن كيو .... كان يو جف مي تو تي .... ثن كيو
وردت عليه المضيفة : ويت بليز ......
وجاء الشاي بعد شوي واكتشفت اني الحين بافتح وجهي .......... ترددت كثير ومديت يدي وهي ترتجف ونزلت اللثمة .... حسيت بعيونه تناظرني ... وسويت انو ماصار شي .........
صلاح : لينا سمعت اغنية محمد عبدو الهوى الغايب
.......... : اي مرة احبها ... تدري انو محمد عبدو مطربي المفضل
صلاح : حتى انا
........ : انا عندي له مجموعة حلوة على الاب توب ..
صلاح : اتمنى اسمعها ...... ايش رايك ترسلينها بايميل ..
........ : اوكي
مدري ليش حسيت اني معه بامان ماحسيت به من قبل وسالته : انت تشتغل ..(( لان الحين عندنا في الخبر وقت دراسة ماتوقعته من النوع اللي يترك الدراسة علشان السفر ))
صلاح : لا اشتغل........... وانتي ...؟؟؟
........ : لا كان ودي اكمل دراستي بعد الثانوي بس الله ماكتب ... نزلت راسي و حسيت حياتي مرت شريط ....اربع سنوات مرت من عمري كنها دهر ...رفعت راسي : وانت مطول في لندن ....
صلاح : لا شهر اغير جو ...ظلينا نسولف وماحسينا بالوقت ....... قربنا نوصل وتذكرت كلام محمد ... العباية
......... : لازم افسخ عبايتي ..
فتح عيونه على الاخر ولف للجهة الثانية ماتجرات اقوم للحمام كنت احس اني راح اترعى .. بس محمد نبهني كثير وانا مابي اسوي مشاكل .... نزلتها من على كتفي ... وسحبتها ولميتها وقام من مكانه عن اذنك .... اعلن الطيار للوصول بس صلاح ماجاء استنيته كثير بس لازم اقوم جلست ... ادوره ماحصلته فنزلت ... كنت مرة حزينة .... ولقيت محمد استقبلني ورحنا للفندق ....... ولمن وصلنا ... كان محمد حاجز لي غرفة لوحدي مادريت ليه بس ماسالت .... ماطلعت معه لمكان اذا بغاني جاء عندي للغرفة ينام ولمن يجي الصبح يطلع مرة ثانية واحيانا اظل يومين ماشوفه .......وطلعاتي كانت لوحدي في صالة الفندق تحت .. واحيانا حوالين الفندق بس ... حسيت انو اكبر غلطة اني رضيت اجي .... محمد مفتكرني علشان عمره وبس ........ اليوم طلعت لصالة الفندق بعدين جاء على بالي اتغدى معه رحت لغرفته وطقيت الباب ...شوي فتح الباب كان مرة متفاجى من جيتي .......... : اشفيك ..
.............: لا بس حبيت امر عليك ... ودخلت بسرعة وانا اتتريق عليه .. مخليني على الباب مو خايف حد يشوفني وانا عنده .......... طليت لقيت في ظل داخل ... مو مصدقة عيني جت زوجته .. رجعت خطوة للوراء .. بس لا هذي مو زوجته .... محمد دخل وهو يقول بعصبية : المفروض ماتجين هنا ابد ... جلست اقول في خاطري لالالالا هذي اكيد مو زوجته ....... لفيت عليه .........: محمد وش هذي ..
محمد : اسمعي ... انتي تدرين زين اني على كيفي وومحد يقدر يحاسبني...
.......... رديت بعصبية : لالالالالا منو انا علشان احاسبك .. صح وطالعت بنظرة تعجب ليش جابني اذا مدبر عمره وكملت : محمد انت تدري هالبنت يوم تجيبها وش وراها
محمد : اسمعي .......
..........: لا اسمع انت ابد ماراح اخليك تساويني بزبالة من الشارع .. انا برجع ... وصرخت .. رجعني
رحت مغتاظة من محمد ليش سوى كذا .. طيب اذا هو يبي يسوي كذا ليش جابني ... خلاص الصداع مسك راسي وذبحني .. طرا على بالي صلاح ... مدري ليش ... يالله احس نفسي مرة رخيصة في عيون كل اللي حولي
لازم يكون لي شخصية علشان اواجه هالمصايب ....ظليت ممتنعة عن محمد اللي حاول فيني بس انا ماراضيت
وكنت مصرة يرجعني للسعودية .... دق علي بعد يومين من اخر مرة كان فيها معي وخبرني انو لقى لي حجز انتظار اليوم نص الليل ورحنا للمطار .... ظل معي طول الليل وربي الحمد لله يسرها ومشيت للسعودية وهناك خالي فيصل يستناني روحتي مش مثل جيتي كان ودي ابكي طول الوقت بس حسيت دموعي خلاص خلصت ... احسن شي انها كانت للمطار الظهران على طول ... بالرغم من اني كنت مرة مقهورة من محمد بس لالا ماقدر اناقشه اشلون اخاف يطلقني وين اروح ،،، لعند مشاري مرة ثانية ،،، ياربي ظليت اسبوعين وانا على اعصابي وامي هيا مرة متضايقة علشاني بس انا ماقلت لها ليش انا تعبانة ....
امي هيا : لينا شكلك مو عاجبني
..... : ابدا تعبانة يمه ...
امي هيا : لايكون حامل ............ ضحكت ايه هذا اللي كان ناقصني ورديت : لا يايمه يعني الواحد مايتعب الا من الحمل اساسا محمد مايبي عيال وانا ماخذه مانع ...
امي هيا : طيب تبين احط لك اكل
وتوني برد سمعت صوت فتح الباب ........ لفيت لقيته محمد ...حسيت بقلبي ينعصر محمد المرة ذي جاء بدون مايقول اكيد في شي،، دايم يخبرني علشان امي هيا تروح قبل مايجي ...
............. : الحمد لله على السلامة ...
محمد : الله يسلمك ......... لينا تعالي ابيك
دخلت معه داخل وساد صمت بيننا طويل كنت لازم اقطعه وافتح الموضوع .......
............. : محمد انا ابيك بس تحترمني في وجودي اللي سويت اهانة لكرامتي .. محمد ماظنتي انك تبيني زي مابيك ..
نزل راسه في الارض ورد ببرود: لينا يعز علي فراقك بس احنا خلاص مالنا في بعض اكثر
صرت اروح واجي كنت متوقعة بس برضو انصدمت ... ماعرفت وش ارد ،،لفيت على الدولاب وطلعت اوراق العمارة..: محمد خذ ماعاد لها لزمة ...
محمد : وش ذا يالينا هذا حقك الله يسامحك ..
....... : ماابيها ... والدموع نزلت من عيني ... مابيها انا ابيك ابي احد يكون لي سند وشل لي بالفلوس والعمارة... مو هي اللي ناقصتني ..
محمد: تكون لك سند .. ذخر ... وانا راح اظل طول عمري عون لك متى ماتبين تلاقيني انا اخذت منك احلى ايامي سعادة
انهرت وجلست على الكرسي وطلع الكلام محمل بالاسى : محمد فكر مرة ثانية
محمد : اسف لينا... ولف يفتح الدولاب ويطلع اغراضه ..
جلست استوعب اني راح ارجع لعند ماما ياربي راح ارجع مطلقة ........ وموقف امي مني .... والناس هذي ثاني مرة
سمعت صوته : لينا اول ماوصل للرياض وافضى راح ارسل لك ورقتك .....وطلع

الجزء الخامس




سكنت في ظلام غرفتي وتعجبت من احوالي دايم ساكتة .... ويوم هانت علي كرامتي اللي انداست .. رحت بالرجلين ...........
جلست اعاتب نفسي ليش تكلمت؟؟؟؟
ليش ماظليت ساكتة ؟؟؟؟
يعني اسوي روحي توني ادري انا دايم اعرف انو محمد يسوي اي شي علشان يونس عمره ......
ليش احط نفسي في وجه المدفع ؟؟؟؟
تالمت لاني احس اني بدون سند حتى ولو سند كذاب ..... ياربي .... يعني الحين برجع للبيت .... لازم اتعامل مع مشاري ... ضاقت بي الدنيا ...
ماحسيت الا بريحة الغالية : يمه تكفين مابي ارجع لعند مشاري .... انا اموت ولا ارجع ...
دمعتها نزلت : يابنتي الحين انتي مو هامك انك تتطلقين ،،، وخايفة على عمرك من الرجعة وبس ..
...... : يمه طول عمره محمد مو زوج بس كان يحميني من العيشة مع مشاري ..
امي هيا : طيب ماعليك انا اتصرف ... توكلي على الله
سالت نفسي امي هيا وش بتسوي مابيدها شي هي بعد زي قليلة الحيلة ....... فتحت الدرج علشان اخذ منوم ،، صدع راسي ولازم انام علشان مافكر التفكير تعبني ... صار لي فترة وانا استخدمه .... وصار شي ماقدر استغني عنه لانو محمد تعب نفسيتي كثير .. كنت اتضايق من افعاله اللي اشوفها قدام عيني صرت اهرب من نفسي اخذ حبوب وانام علشان مابي افكر ...لين صرت ماقدر استغني عنها ... لمن في يوم تخلص وانا ماادري كنت اتعذب طول الليل وماتجيني النومة ،،، محمد وتصرفاته اللامبالية دخلتني في كآبة شديدة ابدا مارتاح الا لين يروح للرياض وتجلس معي امي هيا ....
اخذت حبة .... بس لا... حبة ماتكفي .... خذت ثنتين .... وحطيت راسي على الفراش .....جلست اتقلب ...وتعبت وانا اتقلب .... ياربي وش فيها الحبوب ماجابت نتيجة .... جلست اتقلب واتقلب .... متضايقة من عمري ومدري وش خاش لي بكرة ....مرت ساعة وبعدها ساعتين .... ولسى عيوني حتى مانعست ياربي وش اسوي ابي انام الحين ....
الحين ....
فتحت الدرج وطلعت الحبوب فتحتها في يدي باخذ حبتين زود ... بس جلست اقلبها في راسي طيب ممكن اتاثر ... بس انا ماقدر ابي انام يلا باخذها واللي يصير يصير .... توني رفعتها لمحت في درجي المفتوح حاجة عطتني اياها امي هيا ... كتيب صغير حرصتني عليه .. دايم توصيني اني اقراه .. اخذته .. ونزلت الحبوب .. وفتحته وانسدحت ..... جلست اقراء
(( الله لا اله الا هو الحي القيوم لاتاخذه سنة ولانوم له مافي السماوات ومافي الارض من ذا الذي يشفع عنده الا بإذنه يعلم مابين ايديهم وماخلفهم ولا يحيطون بشي من علمه الا بما شاء وسع كرسيه السماوات والارض ولايؤده حفظهما وهو العلي العظيم ))....... ثما قريت : (( قل هو الله احد* الله الصمد* لم يلد ولم يولد *ولم يكن له كفواً احد ))...((قل اعوذ برب الفلق * من شر ماخلق * ومن شر غاسقٍ إذا وقب * ومن شر النفاثات في العقد * ومن شر حاسدٍ إذا حسد )) .... ((قل اعوذ برب الناس * ملك الناس * إله الناس * من شر الوسواس الخناس * الذي يوسوس في صدور الناس * من الجنة والناس )) ..... ونفخت ....... لفيت الصفحة ... (( ءامن الرسول بما أنزل إليه من ربه والمؤمنون كلٌ ءامن بالله وملائكته وكتبه ورسله لانفرق بين أحد من رسله وقالوا سمعنا وأطعنا غفرانك ربنا وإليك المصير * لايكلف الله نفساً إلا وسعها لها ماكسبت وعليها مااكتسبت ربنا لاتؤاخذنا إن نسينا او اخطأنا ربنا ولا تحمل علينا إصراً كما حملته على الذين من قبلنا ربنا ولا تحملنا مالا طاقة لنا به واعف عنا واغفر لنا وارحمنا انت مولانا فانصرنا على القوم الكافرين )) .... يالله القران دايم يريح كملت ..... " اللهم اسلمت نفسي اليك وفوضت امري اليك ووجهت وجهي اليك والجات ظهري اليك رغبة ورهبة اليك لاملجا ولامنجا منك الا اليك امنت بكتابك الذي انزلت وبنبيك الذي ارسلت " وتغطيت وسالت ربي " ربي اللهم اشرح لي صدري ويسر لي امري " ... " اللهم إني عبدك ابن عبدك ابن امتك ناصيتي بيدك ماض في حكمك عدل في قضاؤك اسالك بكل اسم هولك سميت به نفسك او انزلته في كتابك او علمته احد من خلقك او استاثرت به في علم الغيب عندك ان تجعل القران ربيع قلبي ونور صدري وجلاء حزني وذهاب همي " ..... سكرت عيني قبل ماكمل ، ونمت مرتاحة مرة ...حسيت انو صار لي زمان مارتحت زي كذا ..بس الحمد لله ... انا لي من الجأ اليه اذا ضاقت بي الدنيا انا لي ربي .... رفعت يدي يارب ...
تذكرت يوم كنت اشوف سواة محمد يعيوني ووشلون يعصي ربه وقت في خاطري يالينا اكيد هذي نعمة من الله اللي فكك من مشاهد افعاله ...
غسلت وصليت ... وطلعت لامي هيا لقيتها تتقهوى ..... : يمه يازينك ويازين ريحة دلتك ...... حبيت راسها وقطيت روحي في حضنها ....
امي هيا : شكلك اليوم احسن .... الحمد لله ...
......... : اي يمه الحمد لله ...
امي هيا : جعلك ترتاحين بطاعة الرحمان دايم .... قولي امين ..
..... : امين .. امين يايمه ..
امي هيا : واللي يقول لك شي راح يسعدك اكثر واكثر
رفعت راسي : وشو يمه ...
امي هيا : انا كلمت خالك فيصل تدرين انه ساكن في شقة ومايهمه اذا طلع من وحدة للثانية ... قلت مالي الا اني اشجعه اني ينقل عندنا هنا في العمارة ووياخذ الشقة الارضية علشان مايقدر يرفض وتنزلين له في الايجار شوي وكذا ماراح الا يقول اي ..وكذا ماحد يقول لك ماتقدرين تجلسين هنا ... بس اعذريني اني تصرفت عنك بالشقة ..
.. قمت حبيت راسها ..... : يمه وش هالكلام انا كلي حلالك لو تبين اعطيه العمارة كلها هدية ... انتي فصلي وانا البس يالغالية .... يمه مدري يوم انتي مو جنبي وش كان بيصير فيني ... يمه تكفين لا تخليني ابد تكفين ....
امي هيا : ابدا يابعد قلبي ... ودمعت عيونها ...محد يفرقنا ان شاء الله الا الموت
...... : يمه وش هالكلام تكفين جعل يومي قبل يومك مااقدر انا اذا انت مو جنبي اعيش ... بكيت معها لين خلصت دموعنا ثما صرنا نضحك .... قمت سويت لها الغداء ... امي هيا علمتني الطبخ وصرت اطبخ لها دايم ،، لين صرت اعرف اطبخ مره زين ،، ... اليوم سويت لها مرقوقة .. وتوني حطيتها على السفرة ... جاء خالي فيصل .. امي هيا عزمته... وتكلمنا عن الموضوع ورضى ...فرجته على الشقة حقتي لانها نفس الشقة اللي بياخذها ... قامت امي هيا راحت تصلي العصر ... لف علي خالي : لينا انا اذا باخذ الشقة مراح اخليك تنزلين الايجار بعطيك نفس المستاجر القديم هذا حقك .... يكفي اني شايل يدي بعد اخذ من حقك ...
قمت حبيت راسه ... : الله يخليك لنا ذخر انت ماتقصر ... استئذن وطلع
.................................................. ...
كنت مبسوطة مر وسعيدة خالي ضبط كل اموره وراح ينقل بعد ثلاث شهور لين يخلص عقد المستاجر القديم ويصلح الشقة عقبه ... ومحمد ماجاء منه اي خبر ....
بعد ماسكن خالي فيصل باسبوع زارنا خالي ابراهيم وعلمني انو محمد مر عليه وعطاه ورقة طلاقي ويوم درت امي من زوجته عصبت مرة بس هدت يوم درت انو خالي فيصل بيسكن جنبنا ..... ضاق صدري تمنيت ماما تجي تسال عن حالي على الاقل وهي مو معقول ما تدري اني ماقدر ارجع علشان مشاري او تسوي روحها ماتدري .. يلا كيفها ...
لمن تقربنا من مها مرة خالي فيصل ارتحت لها مرة وكنت بعيدة عنها من قبل علشان ماما تكرها ... ماما دايم تنبسط على سميرة مرة خالي ابراهيم مع انها حقودة وانانية تحب نفسها اكثر حتى من عيالها وزوجها وبالرغم من صفاتها السيئة ماما تحبها اكثر من مها .. وتعمل لها الف حساب ..والف خاطر ..
ارتحت كثير لمها قربتني منهاكثير وعيالها متربين كويس ،، عندها عساف وغسان وبنت روعة اسمها ملاك ،، عشت في جو عائلي كنت محتاجة له علشان احس بالاستقرار .. صرت اتصرف كنو خالي فيصل ولي امري كنه ابوي وهو عوضني فعلا عن ابوي .... حتى اني مااروح ولا اجي مكان الا بشوره ....
...................................
كنت بغرفتي جالسة اجرب بدلة اشتريتها يوم كنت اخر مرة مع مها في السوق ...البدلة بالطول وبالعرض ماحسيت انها حلوة على اللبس ... قلت مالي الا اغيرها طلعت الفاتورة ياربي هذا اخر يوم لازم قبل ماتروح علي الفلوس .. كلمت مها : مها تكفين روحي معي علشان ارجع البدلة ....
مها : مقدر عندنا موعد لملاك .. ومدري حتى متى برجع ...ليش ماتروحين مع السواق ..خليه يستناك برى روحي رجعيها واطلعي ...
..... : تكفين خذي شور خالي فيصل وعلميني ...سمعتهها تنادي عليه وتساله ..
مها : خلاص انا ارسل لك السواق الحين خالك يقول مافي مشكلة.... ولولا حنا متاخرين كنا وديناك بطريقنا ...وسكرت ورحت اتجهز
سمعت بوري السيارة : يلا يمه تامرين على شي ..
امي هيا : لايايمه بس لا تبطين ..
.......... : لا ماراح اتاخر برجعها واجي ..
وصلت للمجمع الراشد ونزلت وقلت للسواق يوقف السيارة في الباركنج ويستناني عند البوابة برى ..دخلت ولقيت الاصنصيل بيسكر حطيت يدي ... كان فيه واحد ترددت بس هو وقف الاصنصيل وقال تفضلي ...دخلت لقيته حط على الدور الثاني زي مابي .. رجعت لوراء استنى يوصل بس حسيت به يناظرني ... لمن وصلنا فتح الاصنصيل وطلعت طلع وراي ... مشيت بخطوة سريعة علشان قلت في خاطري اكيد بيغازلني ... بس تفاجات يوم نادني : لينا ....انصدمت .. منو هذا ومن وين يعرف اسمي خر قلبي برجليني .. ومالفيت ... بس هو جاني ...
رفعت راسي ........................ : صلاح ...
صلاح : ايه صلاح يعني مانسيتني ...
كنت مستغربة لدرجة اني مارديت ....
صلاح : كيف احوالك ...؟؟ ان شاء الله تمام..... ممكن نجلس ....
.........: خير ....لا طبعا ...اسفة ...رحت بسرعة وتركته ونزلت بسرعة مو لازم حتى ارجع البدلة ...
لا وستين الف لا... انا خلاص لقيت العيشة اللي ابيها مابي احد يخرب علي عيشتي الحلوة اللي انا عايشتها وش خذت انا من الرجال اللي عرفتهم غير الاذى ..
توني دخلت البيت وانا متضايقة جداااا ... ليش متضايقة ...؟؟!!!
في يوم كنت مرتاحة له يمكن جلست معه بس كم ساعة وتعلقت فيه وقتها بس خلاني في حيرة وانا خلاص نسيته ...




................................
احترت انا في عمري واحتار عمري فيني ................

الدنيا تدور حولي وانا حاسة اني في دوامة ...

مدري من الي منا تخلى عن الثاني انا والاانت...؟؟؟؟ ...هو احنا نفس اللي كنا امس والا غيرتنا الظروف ..
ابتعدنا وكل واحد في طريقه..........
ولكنو في يوم التقينا في نقطة .. اجمعتنا وبسرعة فرقتنا ....

ادور ملامحك في خيالي ..
تصدق كنو مامريت على عيوني في يوم!!!............ولا كنو في يوم التقينا
صرت ذكرى كل مامر عليها وقت انمحت زي صورة انرسمت على شاطي بحر كل مازارها موج محى منها ملامح.....
طيب ليش انا عايشة معك وانا ناسيتك ..........

وماني قادرة اتخلص من ذكراك ؟؟؟؟؟!!!!!!!!!!!!!!!!!

ضيعت دروبي يوم حبيتك ....
وتمنيت ارجع لذيك النقطة...
مدري علشان التقيك ..؟؟ والا علشان انهيك من حياتي ؟؟؟




.................


وجوده قدامي حرك فيني مشاعر ..... بس هو ليش يبي مني انو نجلس مع بعض اشلون تجرى وهو يفكر اني لسى متزوجة هو وش شايفني .... ضاق صدري ... دفنت راسي بالمخدة ....ابي انام .. ياربي ابي انام ..
بس الجوال دق .... رقم بدون اسم .... بس انا اعرفه هذا رقم حفظته .... كنت مخليته بس علشان احس اني ممكن القى رجل يعرف معنى يكون رجل ....بس ترددت ارد والا لا......

الجزء السادس


لمن ركبت معه الاصنصيل ماعرفته كان متغير .... كان مشخص .....
دايم لمن اشوفه احسه رجل بمعنى الكلمة....
وجلست اطالع بالرقم لين بطل يدق.... ارتحت حسيت انو كذا احسن..... حطيت الجوال على جنب .... مارتحت كثير بس انا مستحيل ادق عليه وهو يوم مايدق راح يوفر على عذاب القرار .....
حطيت راسي اراجع الذكريات الحلوة اللي اجمعتنا ...........
بس هو كان مصر يعذبني .... دق ثانية ... ياربي ... نقزت من فراشي كني شفت شي يخرع .. وجلست اروح واجي في الغرفة .. لين وقف ..... جلست اناظر الجوال خايفة اني اضعف ... اي لازم اقفل الجوال ... وتوه صار بيدي ،، دق مرة ثالثة من الخرعة رميته طاح على الارض وانفتحت البطارية ... لميته من على الارض وحطيته على الكومدين ... بس قلت لا ماراح ارجع اعدله بعدين ...
طلعت منحاشة رحت لحضن امي هيا ....علشان ابي احس بالامان ارتحت كثير بحضنها وقررت صلاح صفحة من ماضيي انا نسيتها ...
....
رجعت لغرفتي .. وضبطت الجوال وفتحته ... توني بحطه جاتني رسالتين ..فتحتها وانا مترددة من مين ....
لقيتها منه ،،، فتحتها موجود اربعتش مرة والثانية منه ...
" لينا ..
مدري وش اقول بس
انا ادري انك تطلقتي ..
في شي مهم ابي اقوله لش تكفين
انا منعت نفسي الفترة اللي راحت
علشان زوجك بس انتي الحين
لا علشان كذا لازم اكلمك
ضروري ارجوك "
ياربي ... شوي دق الجوال تمالكت نفسي ورديت .. وجاني صوته : الو ... الو لينا
جاء صوتي ضعيف كنه يترجاه " تكفى مابي امل كذاب "....... : نعم .. معك ....
صلاح : لينا انا ادري ان غير هالفرصة يمكن ماراح تعطيني .. علشان كذا ابقول لك يوم ساعدتك وانا ادري انك متزوجة كل اللي في بالي اني اساعد وحدة ممكن احس انها محتاجة مساعدة من باب الادب واللياقة ....... لينا انت معي ...
.......... : ايوه .... وكمل : بس لمن خذيت اوراقك علشان اخلصها شفت شي عور لي قلبي .. لينا تدري وش يوم شفت اسمك دريت انو انتي يا لينا تكوني بنت احمد تدرين احمد من يكون لي ............................ يكون خالي ... تصوري يالينا انتي بنت خالي وانا اشوفك بهالصدفة الغريبة .... تصوري وش هالشي عور قلبي ... واللي تعبني اكثر اني ............... اني حبيتك .... عفت عمري ويم تعلقت فيك وانتي بنت خالي لواحد غيري مو مهتم بالانسانة اللي عنده ...................وتنهد علشان يكمل : كل يوم يزيد علي يزيد عذابي ...لينا يمكن تشوفيني اناني بس هالانسان اللي طلقك مايستاهلك ابد .... ابد يالينا ...
سكرت الخط وانا ابي استوعب الكلام اللي قاله ..........
انا عمامي وعماتي انتهو من زمان دورهم في حياتي وظروف الحياة ماجمعتنا ابد الا في مناسبات قليلة شفت فيها مرة عمي والا عمتي انا حتى لو شفت عيال عمي وعماتي او بناتهم في مكان او في سوق ماعرفتهم .... هم تخلو عنا يوم بابا مات لانهم يكرهون ماما .... بابا كان مربيهم ويوم تزوج بعد ماتطمن على خواته كلهم واخوانه كان كبير في السن وهم اكانوا اخر شي يفكرون فيه انو بابا يتزوج علشان كذا كرهوا ماما ويوم مات اعتبروها السبب في موته علشان كذا ماسالوا عنها والغريب انو دايم حتى يوم بابا موجود كانوا يغارون من اهتمامه فينا .. كانو يعتبرونه ابو لهم مو اخو .. بابا عمره كله ضيعه في تربيتهم ....
الحين بعد هالعمر اللي مضى ... يصير الانسان اللي حسيت معه بالامان ولد عمتي ..... تعذبت زود ... لاني عرفت انه حبني .... مدري وش كان شعوري كان شعور ملخبط ماني قادرة افسره ...
نمت على المخدة مابي افكر ....
لمن صحيت ... ماكان في شي تغير لقيت مكالمات منه ولقيت رسايل تركتها مابي اشوفها ..... خلاص مابي افكر فيه .....


 توقيع : جنــــون


مواضيع : جنــــون



رد مع اقتباس