ناصر .. يحب راس جدي عقب الصلاة : عيدك مبارك .؟
جدتي: علينا وعليك تبارك
انا .. واركض زي المجنونه بروح اكشخ على سنقة عشره ..
وأروح البس بدلتي العيد اللي عباره عن تنوره بنيه ناعمه وبدي تايقر عليه راس نمر وفوقه جكيت بني ظهره كله كرستال عسلي وكتوب بالزري تايقر ولابسه صندل بيج وفاتحه شعري على طوله ورباطته بربطه بيج خفيفه .. وحطيت كحل بس ورحت لجدتي عشان تعطيني عديه
حنا لنا عديتين عقب صلاة العيد وعديه الكشخه .. احم حنا غنيين
واما اختي زيتونه عهد ..
فلبست تنوره سماوي مشكوك عليها بنمنم اخضرتفاحي .. وفوقه بدي سماوي وفوق البدي شال اخضر تفاحي كله هدب ناعم وينمسك بورده سماويه .. ورفعت شرها لفوق وطلعت منه خصل
ماحطت مكياج .. جمالنا رباني .. مغتره حيل بنفسهاا ..
واما مقصوفة الرقبه عذاري من القهر ماني واصفه بدلتها جعلها الماحي صكت علينا خصوصا بعد قصة شعرها فكتوريا ..
انا وعهد .. بالمطبخ نسنع الحلا والقهوه .. الـــــعيد العــــيد ترن ترن الله على العيد وقمال العيد
وبعدها قلبناهاا ..
هلي على الكويت هلي ياشمس الاعيادي ياشمس الاعيادي
وأضوي على كل بيت اضوي فيك الفرح زاهي فيك الفرح زاهي
........
المراد عيدنا بعيدنا وكل عاده يجون عماني يسلمون على جدتي ثم يتغدون عندنا ثم نقوم انا ويا عهد نلقط قراطيس من خلافهم ..
انا .. وانسدح : أأأأأأأأه تعبت
عهد: يابنت قطي كشختك لا تخرب
انا: واقوم متروعه : أي والله
عذاري.. جت من العيد وانسدحت على طول بكشختها
هذي البنت السنعه اللي تحلل فلوس بدالها مو حنا من يخلص الغرض لها رحناا كدسناه بالكبت مالت على وجهيناا .. مدري نخشه لمنو لزمن او للورثه او لليوم الاسود الله العالم ..
..................................
مرت الايام ورى بعض لين جاءاليوم الموعود اللي ماتخيلته يجي بسرعه أأه
جت مرت ابو فارس هي واخت فارس اللي عمرها 15 عندنا للبيت .. وكانت زيارتهم غريبه
مو مثل العاده المره جايبين معهم هدايا .. وانا من شفت كشرة العجوز وانا ناغزني قلبي
ربنـــــــــــا يستر
مرت ابو فارس : هاه وش قلتي
امي: والله مدري وش اقول تعرفين عهد محجره لولد عمها ولاعندي غير عذبيه
مرت ابو فارس: انا ماعلي منهي اناعلي انها وحده من بناتك اكيد طيبه من طيب امهم
امي.. وتتشقق : أي ولله اكيد طالعات علي بس ابشري ولا يصير خاطر الا طيب
بكلم خوانها ونرد لكم خبر
مرت ابو فارس: مستعجلين والله تعرفين الوالد وده يزوج عياله بسرعه ..؟
امي: يصير خير انشالله
........
ابو فارس وفارس بالدوانيه عند الرجال ..
ابو فارس: وحنا جايين نبي قربكم
مشاري: هذي الساعه المباركه والله لو انها ذبيحة ماتوفي قدرك يا خال
فارس.. كان جالس والهم كاسيه .. بيني وبينكم مغصوب على العرس .
ومو بس العرس إلا علي انا بالذات
ابو فارس .. يكز ولده ويهمس له .. ماتقول شي
فارس.. وعيونه تغورق .. وشاقول فيك الخير والبركه
مشاري .. لاحظ أضطراب فارس . بس برر على انها خايف مو انه مغصوب ..
ناصر.. مسوي فيها فاهم .. إلا ماقلت ياناصر كم عمرك
ناصر.. ووده يخنقه .. سنين
مشاري.. ويرقع الموقف .. عمره 22
ناصر: وش تشتغل
مشاري: علامك ماتعرف ناصر
ناصر: لا اعرف بس ابيه يتكلم
فارس: لا تخاف ماني اطرم
ناصر: واحد قال غير ذالك
مشاري: يحول هدوا جايين انتطالب
ناصر: لا ابد بس نسولف ماقلنا شي
المراد
اجتمعت العايله في غرفه الجده ماعدا انا وعهد وانا احاول اني استرق السمع من الدرج
انا: تسمعن شي
عهد: لالالالالالالالالالالالاع
انا: هش يقولون واحدن مات
عهد: تفاولي بخير
انا: اجل وش تفسرين جية مرت ابو فارس
عهد: وانا شمدريني
انا: هشش هششش
امي.. عذاااااااااااااااااااااااااب
انا: هلاااااااااااااااااااااااا
امي: تعالي نبيك
ورحت اركض للغرفه وانا مستانسه بيدخلوني وماهم مدخلين عهد
انا: يالبيه
جدتي: تلبين الكعبه مع رجالك
انا.. وارفع ايدي:أمين .. سمي يمه
امي: لابس بغيت اعلمك ان جت ام غزاله تخطبك لولد زوجها فارس وحنا وافقناا
انا.. منصدمه .. يعني تبون رايي
جدتي: لا حنا اتفقنا ووافقنا واجمعنا وعطيناهم كلمه
انا: طيب وليش مناديني
مشاري: لا عشان ماتنصدمين ويجيك الخبرمن برى قلنا نبلغك
انا. ومثلت اني مستحيه ورحت اركض فوق ..
انا: عهد عهد
عهد: هااه
انا:عهد بتزوج
عهد.. كلولووووووووووووووووووووووش ومنهو
انا: وعيوني دموع: فاااااااااااااااااااااارس
عهد: أأأأأأأأأأأأأأأ مبرووووووووووووووووووووووووك
اما عذاري انصدمت.. صدموها بتريله ..؟..
تقرر الزواج عقب اسبوعين ويالله باللله قدرت اخلص شغلي واجهازي للعرس
قبل العرس بيوم مسوين لي البنات حفله وداع العزوبيه
لعبنا فيها وأكلنا فيها واستخفينا فيها حتى اني لبست شماغ اخوي على وجهي وماسكه زنوبه بيدي وشغلوا لي انشوده
وقمت ادخل عليها وانا اوزع بوسات على البنات يعنني عروس منهبله وهو بالفعل منهبله
** هلا ياللي تمنيك نصيبي .. هلا يافرحي وسعدي وطيبي ...
هلا يانصفي الثاني هلا بك .. هلا باللي اناديه بحبيبي ..
جمعنا ربنا العالم بحالي .. جمعنا الخيرودعوات الاهالي ..
وانا والله يابو العيالي ... شكرت الله بأنك لي نصيبي..
انا كملت نصف ديني يا حبي ..لقيت اللي يماشيني بدربي ...
لقيت الطيب وأخلاص وتفاني ..لقيت اللي غدى دائي وطبيي..
عليم الله يا اجمل واطهر واشرف حب يحيبي ويكبر..
لانك في وجودي شي اكبر .. من اني اخذ انفاسي وريقي..
أأأأأأأأأأأه ليتني وقفت فرحتي عند هذا اليوم اللي كان اسعد يوم في حياتي ..كنت فرحانه ان خلاص بكرى بيرتبط اسمي باسم فارس اللي كنت احلم فيه على مدار 456 يوم منذ اول يوم عرفته فيه او شفته فيه .. وسبحان الله ربي حقق لي مناي .. بس الحمدلله الخيره فيما اختاره الله ..؟..
يوم العرس..
الساعه 8 مساء توني راجعه من الصالون بسوبرنا الازرق ومعاي شلتي الداشرات
وكنا مسوين حفله بسيطه في البيت .. انا رفضت ادخل الصاله لاني حيويه حيل << ماودها تقول امهاا عيت لا تدخلني الصاله بحكم انه عيب اللي يبي يشوفني يجي يسلم علي بالبيت وبعدهاا
يروح للعرس
عاد وربي انه عين الصواب كنت مرتاحه حيل نفسيتي شوي متعدله ماكنت متوتره حيل بعكس لو داخله الصاله صحيح انها ربع ساعه بس بكون متخصبقه ومو على بعضي . ومتوتره .. بعكس البيت ماكان موجود غير خوياتي وجاراتنا وبنات عمي وجماعتناا .. وكانو يرقصون على راحتهم ومبسوطين وانا كنت مرتاحه إلى ان جت الساعه 10 يوم قالوا المعرس بياخذ عروسه ..
يــالله اتهون كل ماجاني .. تحسن الخاتمه وتزيين النيه
اذكر يوم خواتي وقفوني يبون يلبسوني الرداء قمت اتشهد ..
انا: اشهد ان لا أله الا الله حي على الصلاه
عهد: علامك علامك
انا: وبديت ابكي : عهد مابي مابي بقعد عندك
عهد: يامي طسي اصلن اليوم بستحل سريرك بشبكه مع سريري واصير نفرين
انا: ايا الخسيه كنتي مخططه عليه من سنين
عهد: هههههههه هش هش المعرس وصل
دخل فارس ومعاه ابوه بس وربي ماذكر من هذيك اللحظه شي فجأه انا بزعاج مدري شلون إلا انا جالسه على سرير وفارس يسكر باب الغرفه وراه .. بعدها استوعب انا وين ..؟..
انا: وقامت تسكر اسناني في بعض من الخوف ..
فارس.. ولا حتى طالعني قط بشته ودخل الحمام ..
فارس.. قلت لهلك يسون لك جنطه وعانيها بالكبت اذا بغيتي تبدلين ملابسك
انا: اجل حنا وين
فارس: رافع حاجب : تستعبطين
انا: وببراءه : اعرفك عشان استعبط عليك
فارس: ويخزني حييييييييييل .. وبعدها .. حنا بفندق.. ودخل الحمام يتروش ..؟..
انا قمت واجر ثوبي وراي .. وفتحت الشنطه واطالع إلا في قميص نوم لم اراه من قبل انا ما اشتري هالنوعيه من القمصان .. شفاف حيييييييل ...
انا: يانعنبو ذا الزول عهيد حاطه هالقميص يعنني اغراء مالت على الكشره أولن لامن زين جسمي يوم أطلع كرشي ولا من بياضي الناصع ابج ركبي سود يما الفقر
ماكنت ادري ان بعلي العزيز طالع من الحمام من بدري وشافني من اول مطلعت القميص
فارس.. بخبث : هذا شنوو
انا: اطالعه بخجل .. شويه خرق نظف فيهم لغرفه
فارس: هههههههههههههههههههههه
انا: يقولون النظافه من الايماان ..
فارس: لا باين النظافه اجل الركب سود
انا: وابقق عيوني **
فارس: انا برقد تصبحين على خير .. وخ خ خ خ خ خ خ
انا: لالا بس كذا وين العشااء اللي يقولون عنه وين الكلام العذب وين الرومانسيه ابكم هذا طلع ألعن مني بالرومانسيه مالت على الوجهه .. رحت بدلت ملابسي فصخت كليلي حق العرس وكانت تحته سروالي الطويل الابيض .. يعني كشخه مع الوجهه هالسروال ما استغنى عنه
لبست قميص حرير طويل وفيه فتحات من الجوانب وكمومه شيفون وعليه قصه من الصدر وورده بيضه ومثلهاا حطيتها بشعري بعد مافتحت التسريحه واللي خلت شعري كيرلي من تحت لفيته على صوب والورده ورى اذني ورحت خمدت جنب الادمي ..؟.. وطبعا مع السرول الطويل .. وصيه الوالده : إلا السروال يابنيتي
.........................
الصبح ..<< ماقلت اشعه الشمس (عللو ) لنعدام الرومنسيه
فارس: عذبيه عذبيه قومي
انا: هاااااااااااااااه عهد اطلعي برى لا ألعن مترسك
فارس: يمه هذي بتهبدني من اولهاا عذبييه قومي
انا: وامسك المخد واحذفها على فارس << كل هذا وانا نايمه
فارس: أللعين ابو ذا الوجهه
يمسك المخده ويغفصها بوجهي .. قووووووووومي
انا: أأأأأأأأأأأأأ اختنقت
فارس : ليه ماتقومين
انا: أأأه << اتثاوب .. صبااااااااااح الخير
فارس: قولي مساء الخير الساعه اللحين 3 العصر
انا: اووووووووووووف قول واللله
فارس: ألعب معاك
انا.. وابحلق فيه .. هااااااه
فارس: قومي بدلي واكلي لك لقمه
انا: انشالله ياطويل العمر
فارس: ههههههههههههههههههههههههههههههه طيب قومي
انا: وانتفض نفضتي المعتاده : اصبحنا واصبح الملك لله
فارس.. كان يشرب حليب .. وشرق من الضحك ..
رحت تسبحت وبدلت ملابسي ولبست دراعه نعومه من تفصال اختي عنود وطلعنا من الفندق ورحنا للمطار وسافرناا لمكه لمدة اسبوع وعقبها رجعنا ديارنا سالمين غانمين
تونى وصلنا بيتنا
فارس .. ينزل من السياره وانا جالسه بالسياره .. حضرتي انطره يفتح لي الباب اميره مو عذيب اللي اهلها يرقدونها بطراق ويقومنوهاا بطراق .. على ان فارسوه رومنسي وهلحين بيفتح لي الباب .. وادعي بالسياره يارب يفتح يارب يفتح لي
لان اختي عنود قالت اذا فتح الباب يعني يحبك واذا مافتحه يعني مايبك ..
فارس واقف عند باب بيتهم : هــــــــيه انتي ترى وصلنا الباب
انا : واطالعه بشمئزاز : انتـــــــــي ؟؟
قلت انزل بكرامتي مع هالوجهه مايقدر خرب علي هاللحظه اللي كنت بورثها لبنت بنت بنت بنت بنت بنتي مو كافي عليه ليلة عرسي اللي حتى ماقال لي مبرووك ..
انزل ورجلي كانت نايمه ووقفت عند باب السياره وانا بنص وقفه رجلتي خانتي هذيك اللحظه ..
فارس.. وماسك الضحكه : شفيك
انا: بحياء .. رجلي
فارس: شفيهاا
انا: تشكي الحال << وهذي معناها مخدره وكانت هذي شفره بيني انا وعهد لان اذا قلت لخواني ان رجلي نايمه والله مايرحموني انواع الترفس فيها يحبون لعذاب خخخخخخ
فارس: هههههههههههه طيب ويجي يمسك يدي برومانسيه .. ويمشيني معاه داخل البيت
وانا امشي .. تقول عجوز مضيعه عصاتها وتنطر احد ترتكز عليه .. فارس بحركه لعانه رفس رجلي يبي يصحيها .
انا وبنفعال : أأأأأأأأأأأأأأأأأأأأأأأي يعور
فارس.. بغى يهفني راشدي.. تصارخين علي
لولا تداركت الوضع وخشيت وجهي ورى ظهره .. كان هلحين يخرعون وجهي الورعان اللي مايفرشون أسنانهم
فارس.. ويترك ايدي : انا بسبقك ..
دخلنا البيت وكاااااان هدووووء
انا: هـــــيه ياهل البيت
فارس. ههههههههه اعقلي اعقلي البيت مافي احد
انا: وينهم
فارس: ابوي تعرفنيه مايجلس في البيت ومرت ابوي بيتها بالركن الثاني ومافي احد هنا عايش غيري انا واخوي عزيز
انا: وتدمع عيوني .. يابعيدي والله
فارس: يطالع فني ..امشي لشقتنا فوق
انا: امش مورانا شي
انا امشي وشايله شنطة فارس وشنطتي << يقال لكم عروس الاخت ..
انا: فارس ..
فارس: هلااا
انا: انا اعرف العرايس اول سنه رياجيلهم يشولون اغراضهم وانا من اول يوم وانا اشيل شنطتك
فارس: عشان تعرفين اني حمش
انا: ابك انت وش حاط بشنطتك وربي ثقيله
فارس: اقول خففي من الشحووم وشيلتي وانتي ساكته
انا: باقي درب
فارس: باقي أي والله
انا: نذرن علي ان وصلت لشقه اني للولش
فارس: هههههههههههههههه نشووف
واول ماوصلنا للشقه وانا اللي احذف الشناط .. كولووووووووووش
فارس: ابج اسكتي فضحتينا
انا: يختك ماصدقت اوصل تعبت وربي طلعت لي عضلات حتى ناظر
فارس: انا بعرف ماخذ واحد من الربع خلك انثى اول شهر تكفين انا طالبك
انا: والله احاول قدم طلبك واراجعه انا مع نفسي ونشوف متى تنزل الانوثه
فارس: وهو يجلس على الكنبه : انا بعرف الدلاخه اللي فيك وراثه ولا مكتسبه
انا: اجل ماقلت لك عن قصه مشواري ويا الدلاخه
فارس.. ويبتسم : لالالا ماقلتي
انا:يقطعني أي والله اسمع ياطويل العمر
فارس: والله على طويل العمر هذي بغتر صج
انا: يحق لك
فارس.. ويرجع شعره على ورى : ليه << ماقلت لكم ان رجالي نبت شعره وطلع حرير
انا: اني زوجتك
فارس.. ويحذف الكوشيه علي: اخص يالغرور طيب كملي سالفتك
انا : هذا الله يسلمك كان يازمان ولا مدري زمان ياكان .. وجلست افكر وانا حاطه ايدي على ذقني
فارس: هههههههههههههه أأه اللعن ابو الغباء اللي بعدوا كملي\
انا: ياربي طيب شفيك مستعجل تقول سودانيه اللي تشحد بمكه
فارس: انا سودانيه يا صوماليه ..
انا: انا صوماليه يا عصمااان
فارس: ويبطها ضحك وقام يحط ايده على فمه وهو ميت ضحك : ههههههههههههه
انا: أي اسمع لا تصير مليغ
فارس: اوووه والله تعرفين تكلمين حضري
انا: حدك ناقد علي اعرف حضري حتى اني اكل كنافه
فارس": هههههههههههههه شكو شكو بعرف
انا: والله مدري جت جذي
فارس: ههههههههههههههه وربي اخت مشاري صج
انا: وش فيه مشاري طاح من عينك
فارس: لا عليكم خفة دم وعباطه مهي عند احد غيركم
انا: أي لازم تعرف عيال غزاي مطبوع بظهورنا ختم الدجه العالمي
فارس.. طيب كملي هرجتك
انا: صحيح تحب السوالف ماني مكمله وخل كبدك تفرك هنياا ولا عندك احد ..
فارس: اصلن انا اللي مابي اسمعك
انا: من الحرره ودك تعرف << اطلع لسني له
فارس: ياخذ هاللسان
انا: ومسويه فيها زعلانه : بالله هذا حال معرس تقول لي ياخذ اللسان خلاص انتهيناا
واقوم مسويه فيها تعال راضيني .. وكنت انطر يمسك ايدي ويجلسني ويسمعني احلى قصايد الغزل
بس ابن الحلال ماصدق اني رحت عنه إلا يمسك الريموت ويقلب على القنواات ...