البارت الثالث



بيت فيصل الأب والأم و٣ بنات هدى حصه وريم

و ٥ أولاد فيصل الكبير خالد سعد وليد ومالك
هدى وحصه متزوجات

استقبلوا نورا بحب وكانوا مجهزين العشاء وانبسطوا
مع بعض طلعت نورا وفيصل لجناحهم انصدمت نورا المكان صغير بس غرفتين

بس مابينت لفيصل لانه يحبها قالت اكيد ماراح نطول هنا فيصل شخصيته حلوه وقوي

بس عند أمه مايرد لها طلب اتصلت عليه أمه قالت تعال وصلني بيت اختي
قال ل نورا ونزل يوصلها تتحلطم نورا تقول والسواق والأولاد اللي عندها

مرت الأيام والأم تأخذ فيصل وتروح

وبعد تطلب من نورا تنزل تعمل القهوه والشاي والحلا

عشان الجارات بيجون عندها وتنزل وهي
لابسه عبايتها لان البيت فيه اخوان فيصل ولبسها

قصير او بنطلون ماأخذت راحتها

وتفرح اذا راحت لأهلها تنبسط مع أمها وإخوانها وانتهت إجازتها ورجعت للدوام اشتاقت
ل تلميذاتها الصغار فرحوا حضنوها وهم يبكون لاتروحين وتخلينا

جلست معهم تحاورهم وتحضنهم
انا مشتاقه لكم بدأت تعطيهم الدرس كانوا شطار


والمعلمات عاملين لها مفاجأه حفله كيكه وهدايا والمستخدمات مانسوها أهدوها لانها كريمه معهم

وفي نهاية الدوام جاء فيصل ياخذها وهي مبسوطه
وتحكي له عن البنات وكيف يحضنونها
والمعلمات عاملين حفله برجوعها والهدايا
قال مافيه احد مثلك يحظي فيك نورا فداك كوني ياكوني انت

كانت تعبانه ودخلت غرفتها ترتاح

فيصل نزل تحت عند أمه زعلانه أمه من نورا ليش ماتنزل معك تتغدى معنا يشرح لها انها تعبانه

واخواني موجودين ماتاخذ راحتها وتتحلطم ماعجبتها

لو انك مأخذ بنت خالك كان احسن
أمي نورا تسوى كل بنات العالم طلع لغرفته يريح

يشوفها نايمه ملاك ربي يحرسك ويتمدد وينام
أم فيصل مع بناتها شكل مرة اخوكم ساحرته
هدى زي أمها ماتحبها تقول اكيد منهبل عليها

حصه وريم يحبونها يقولون كيوووت اكيديحبها

هدى متزوجه ودائما مشاكل مع زوجها

حصه متزوجه وطيبوبه وحبيبه

ريم تحب نورا ودائما تجلس معها نزلت نورا

وجلست مع البنات وريم تقول لها ليش ماعندك اخ كبير
نورا ليش ؟؟

ريم عشان اتزوجه أنتي ملاك ضحكت قالت لا انا نورا وضحكوا

الا هدى في جوالها ماهتمت فيهم
جات أم فيصل وبصوت عالي نورا روحي سوي القهوه

تأمرها كأنها خدامه لها تضايقت وراحت للمطبخ

زعلت ريم ليش ياامي ماقلتي لي حرام
بسرعه تروح مع نورا وتراضيها وتساعدها عملت بسبوسه

مع القهوه بس عمتها أم زوجها ماعجبتها البسبوسه أنتي

ماتعرفين تسوين شي الله يخلف على ولدي
أكلك ماله طعم

مافيه الاريم يزينها كل شي من إيدين مرت اخي
حلو نزل فيصل ويأكل من البسبوسه يقول أنتي ياريم
عامله البسبوسه قالت قل رآيك اول
فيصل: يميييي لذيذه اول أمره أذوق شي حلو قالت نورا اللي عملتها فيصل وانا أقول اشم نورا وانا اكل
ربي يحرم هاليدين من النار
وتبتسم نورا لفيصل وعمتها ماعرفت الزين

بس انت منخرش معها

ويجي ابو فيصل وماعجبته البسبوسه مثل زوجته طلعت نورا تبكي ليش.

يعاملوني كذا وفيصل يراضيها حقك علي ي عمري أنتي ويطلعون يتمشون غير لها جو



في المدرسه كانت مع بناتها الصغار تشرح الدرس الا المديره تدخل وتطلب من استاذه نورا بضم البنت امل
إلى صفها دخلتها وجلستها والبنات يضحكون عليها شعرها منكوش ولبسها حوسه
طلبت نورا الكل يتأسف ل أمل تأسفوا وكملوا الدرس

في نهاية اليوم بعد خروج الطالبات من الفصل طلبت من امل بكره تمشط شعرها قبل حضورها للمدرسة
في اليوم الثاني جات امل لم تمشط شعرها وتأتأ بالكلام وتبكي والطالبات يضحون عليها قالت نورا انا احب امل وكل الطالبات وحنا نحب امل

في وقت الفسحه الكل طلع من الصف الا امل
استاذه نورا شافتها جالسه لوحدها قالت ليش ماطلعتي صارت تبكي حضنتها وجلست تكلمها

ليش مامشطتي شعرك اليوم وتبكي وين أمك
قالت وعيونها دموع أمي وأبوي صار لهم حادث وتوفوا
بكت نورا اااااااااه ي حبيبتي عندك اخوان قالت لا

وين ساكنه عند جدتي

وهي كبيره ماتعرف تمشط شعري ااااااااااه ي قلبي
تعرفين انا احبك كثير امل حضنت المعلمة وهي تبكي

بطلب منك الصبح تجين بدري وهنا بالفصل
امشط شعرك محد يعرف الا انا وأنتي
وافقت وهي تضحك ودموعها تنزل

في البيت تحكي ل فيصل عن امل

حزن عليها حبها وهو ماشافها

المشاكل مع عمها وعمتها ماتنتهي صار نزولها قليل
العصر راحت نورا للسوق واشترت ربطات وملابس ل امل
وصار كل يوم تجي بدري عند معلمتها وتمشط شعرها وأحلى ربطات

وتلبسها جاكيت عن البرد وتعطرها
وفي نهاية اليوم تجلس نورا بالفصل عشان تذاكر
حق بكره وتحل الواجب وتعطيها شامبو وصابون
وملابس لجدتها
تفوقت امل الكل يحبها من طالبات

ومعلمات والمديرة تشكر نورا فعلا أنتي مربيه

ومرت الأيام وانتهت السنه الدراسية ونجحوا الطالبات

وامل هي المتفوقه على الجميع بس حزينه بتفارق معلمتها

وطمنتها انا معك دائما وكانت صادقه تتابعها بصف ثاني وثالث من الصبح معها ونهاية الدوام في المذاكره وحل الواجب
مرت ٣ سنوات ومشاكل مع عمتها أم فيصل تقول خلاص تزوج ابي اشوف عيالك بزوجك بنت اخوي
فيصل مستحيل اتزوج نورا وبس نورا في غرفتها وفيصل تحت مع أخواته

هدى طلبت يوديها السوق دق على حبيبته بودي اختي السوق تروحين معنا قالت طيب نزلت
وهدى سبقتها وركبت قدام لما وصلت نورا قالت هذا مكاني مارضت تنزل فيصل ركبي ورا ي هدى مارضت زعلت نورا وركبت
قالت وصلني بيت اهلي عند أهلها تبكي بألم ليش
يعاملوني كذا
ومنال تهون عليها طلبي منه تطلعين في بيت

بالليل جاء فيصل ياخذها راحت معه وهي زعلانه منه
ليش تخلي أختك وانا زوجتك والله رجعتها للبيت ماوديتها
اللي يزعل حبيبتي يزعلني انا

طيب فيصل ليش مانطلع في بيت
انا ادور اشتري ارض وابنيها كله عشانك ياروحي وعمري فرحت يارب يخليك لي ي تاج راسي
وفعلا اشترى الأرض وبدأ البنيان وكل يوم يمرون يشوفون بيتهم
تعبت نورا دوخه وطاحت خاف عليها فيصل

في المستشفى يبشرونه انها حامل يدخل عليها ويحب رأسها يزين أم عيالي

راح يبشر أمه فرحت بس لو .. قاطعها فيصل نورا وبس وفي المدرسه مانست امل معها وتابعها وتشتري لها ملابس واشياء تحتاجها
امل بالصف الرابع وتعتبر أستاذ نوره أمها
مرت الأيام ونورا ولدت وجابت شوق

فيصل
ياحلوهاساعة لفتني التباشير
بشارة سلامة حبيبتي وبشارة ضناها

بنتي قمر على قمر

أشرقت الأرض وازدادات
وتلألأت أنوار من حولنــا
بمناسبة مولودتي شوق
مبسوط وفرحان



بس صار شي ماكان في الحسبان

ابو فيصل طلب من فيصل .......