منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

07-29-2011

أما عند فيصل وعهد ..

عهد : فيصل
فيصل (يشوفها مستحيه كتم ضحكته) : يووه وش قلت بشوف شنو شريتي بس
عهد (تحط الأكياس في(دولاب) الكبت وتقفله وتتسند عليه) : مالك شغل أشياء خاصة
فيصل(غمز لها) : أشياء خاصة كيف
عهد : خاصة خلاص عاد وش فيك أنت اليوم
فيصل(يقرب منها) : يعني بشوف زوجتي حبيبتي وذوقها في الاختيار
عهد : ما خترت شيء زين ارتحت
فيصل : لا لا اجل من ذوقه لا تقولين أمي تحطميني أعرف أمي وذوقها
عهد : هههههههههههه لا
فيصل صار واقف قدامها ويد على باب الدولاب(كبت) ويد على خد عهد واهي قدامه متوترة من قربه
فيصل : طيب نظره
عهد : لا
فيصل : تكفين
عهد (تبعد يده وتبتعد عنه بعد ما أخذت المفتاح) : فيصل لو سمحت بغير لبسي وآخذ دش تعبت من السوق
فيصل( يتربع على السرير ) : ماني طالع لين تلبين رغباتي
عهد (التفت له ) : رغباتك وش
فيصل (يأشر على الكبت(دولاب) ) : وش حطيتي هنا
عهد(انحرجت ونزلت رأسها) : .....................
فيصل : ههههههههههههههههههههههههه فهمت
عهد (مسكت الوسادة (مخدة) وضربته فيها ) : غبي زين غبي أنت
فيصل (يحاول يمسك الوسادة ) : هههههههههههههه خلاص أسف خلاص
عهد : خلاص هاه بذبحك مجنون أنت
فيصل (مسك يدها ورماها على السرير وصار مقابل لها ) : مجنونك صرت يا بنت
عهد : بنت تصدق يا حلو هالكلمه بس (دمعت عيونها) مهي لي
فيصل (مسك يدها وأبتسم) : أنتي بنت وامرأة وسيدة عرش قلبي تكفين لا تتحسسين من هالكلمه ما قصدت فيها شيء ولا تفكرين
عهد(طالعت لعيونه وتفكر) : كيف ما أفكر فيها وهالكلمه مسببه حواجز بينا منت قادر تقبلني منت قادر تنسى أعرف تصرفاتك مزيفه تمثيل عشان ما تجرحني ما تبي تحسسني بالنقص أو تخليني أعيش الماضي المؤلم على حقيقة كانت نهايتي وهدم لحياتي والله اقدر اللي تسويه يالغالي بس ما اقدر أتحمل تمثيلك طيبت قلبك أحسها إشفاق لي ولحالتي وعلى الحقيقة اللي أنت عرفتها عني تستاهل اللي أحسن مني وما اطلب منك أكثر من أنك تكون سندي في الحياة وتحميني لين تأخذ اللي تستاهل تكون لك زوجه وأم لأولادك

سمعت رن جوالها سحبت يدها وجلست وفيصل لا زال نايم على السرير ويشوفها تطلع الجوال من شنطتها اللي كانت مرمية على السرير وترد على المتصل

عهد : ألو هلا يمه .. بخير يالغاليه وأنتي شخبارك وكيف فواز ......... ههههههه وأنا مشتاقة له كثير ....... (حست عيونها دمعت) يمه متى توصلين اشتقت لك يا يمه ........ لا يمه بس ابكي من شوق لك تكفين يمه لا تتأخرين

فيصل (غمض عيونه وفي نفسه) : يا قلب فيصل ليتني اقدر أضمك واخفف عنك بس عارف انك ما راح تتقبلين عارف للحين مو قادرة تتقبلين قرب رجل والسبب الحقير الله لا يسامحه والله لولا خوفي من ردت فعلك لآخذتك في حضني وخليتك تنسين الهم والألم أكون لك بلسم لجروحك ولا أخليك تحتاجين لأي إنسان حتى أمك بس هذا نصيبنا لين الله يرأف بحالنا وقلوبنا تنسى اللي مرينا فيه والحقيقة المؤلمة لحالنا (حس بيد تهزه بخفه فتحت عيونه وأبتسم) خلصتي مكالمة
عهد : أيه وش فيك نمت
فيصل : والله سريرك يغري للنوم بس لا ما اقدر أنام
عهد : تعبان
فيصل (مسك يدها وباسها) : لا بس لازم نروح لمحل أثاث نختار غرفتنا عشان يجهزونها ما باقي شيء ونطلع نتعشى من زمان ما طلعنا
عهد : طيب ما تؤجلها بكره
فيصل : العشاء ولا اختار الأثاث
عهد : الاثنين والله تعبانه
فيصل : على شرط
عهد (ألتفت لدولاب (كبت) ) : هاه شرط
فيصل (فهمها) : ههههههههههههههههههههههه لا لا
عهد(انحرجت وضربته على يده) : فصوووووووووووول
فيصل : هههههههههه خلاص أسف بس مو هذا الشرط
عهد : شنو
فيصل : تسوين لنا عشاء من أيديك الحلوة
عهد( ابتسمت وأشرت لعيونها) : من عيوني بس آخذ دش وأصلي أروح أسوي
فيصل (بجرأة جلس وقرب منها وباس عيونها ) : فديت العيون وصاحبها

عهد انصدمت من حركته وفيصل ما طالع لها نزل وطلع برى الغرفة وخلاها بصدمتها واهو عارف انه تجرأ بس يحاول يكسر الحواجز بينهم وكله رغبه في إن يبدأ حياته ويرمون الماضي خلف ظهورهم بس لازم خطوه خطوه

---------------------------------------

في بيت بندر ....

خالد وميثه جلسوا في المجلس لوحدهم بعد ما الجد طلب يتركونهم يتفاهمون محد يؤثر على ميثه وكل قصد يبعد بندر ونظرات بندر عنهم عشان خالد يقدر يقنعها بندمه ودخلوا الصالة اهو وبندر وأم بندر وخوله

بندر(يطالع ساعته) : .................
الجد : وش فيك
بندر : هاه لا كأن
الجد(قاطعه واهو يشرب فنجان قهوة) : لا خلهم وش فيك تبي أختك تتطلق
بندر : ما قصدت بس أنت تعرف وش سوى خالد بحق أختي
الجد : أختك بتاخذ حقها من خالد بس خلنا أول نعطي فرصه لهم
أم بندر : قلت له والله بس بندر عصب لما عرف
الجد (يطالع لبندر) : متهور
بندر(صد عنهم وكتم الغضب) : ..............
الجد : اسمعوا أنا جاي اكلم خوله بموضوع
بندر : تحب نتركم بروحكم
الجد : لا خلكم لان خوله ما تطيعني
خوله (بصدمه) : أنا يبه ما أطيع
الجد : إيه بموضوع واحد راسك ما يلين
خوله : والله أنت لو تطلب روحي ما اغليتها عليك ترخص لك
الجد : قولي تم
خوله (بدون تردد) : تم
الجد : توافقين على اللي خطبك مني
خوله(انصدمت) : شنوووو
الجد (ألتفت لعايشه وبندر) : شفتوا ترى قالت تم
أم بندر : كلوووووووولووووووش مبروووك يا خوله
بندر : مبروك بس من خطب
الجد : ضاري ولك أبو سيف
خوله : من
بندر : لا ضاري خطب ونعم الرجال
أم بندر : ما شاء الله ونعم النسب
الجد (يوقف) : اجل يالله بروح ابشر الكل بخطبت خوله
خوله (توقف وتمسك يده) : يبه وش تقول أنت
الجد (يطالع لها) : أقول أنخطبتي
خوله : بس أنا ما وافقت
الجد : قلتي تم وأنتي بنتي ما تتراجعين بكلمتك
خوله : بس يبه أنا قلت تم ما قصدت موافقة ما اعتقدت بتكلمني بهذا الموضوع وأنت عارف ردي عليه بالأساس
الجد : عايشه بندر خلونا لوحدنا (طلع بندر وأمه والجد مسك يد خوله وجلسها) جلسي يا بنتي
خوله : يبه
الجد (حط يده على فمها ) : اِِِششش اسمعي وش بقول أنا يا خوله مو دائم لك ولو إخوانك يحبونك وحريمهم يعزونك أنا مو مرتاح انك تكونين بينهم أبي أشوفك في بيتك ومع زوج عارف وواثق أنه بيكون لك خير خلف لي بحياتك بعد ما أموت
خوله(دمعت عيونها) : تكفه يبه لا تقول كذا تكفه لا تذكر الموت أنا أموت لو صار لك شيء
الجد (ضمها له ) : الموت حق يا بوك
خوله : يبه لو كنت عند أحسن إنسان ما يعوضني عنك
الجد : سمعي يا بنتي ضاري والله رجال زين وأنتي كبرتي وصار عمرك 27 تقريبا تبين تبقين طول عمرك كذا أنا ودي أشوف عيالك وأشيلهم عيال الغالية
خوله (بكت في حضنه) : يبه أنت فاهمني وفاهم رفضي
الجد : هذا خوف بس والأعمار في أيد الله يا بوك أمك كانت تعبانه ومعها مرض ما كنت اعرفه القلب وجابتك على كبر وأنتي ما فيك شيء
خوله : يبه طلبتك أنا مرتاحة كذا بوضعي مو معترضة
الجد : بس أنا معترض وإخوانك مو عاجبهم رفضك الدائم للمتقدمين لك وتراهم كلموني أنهم موافقين على ضاري وأنا بعد بس أنا أبي تفكرين وما أبي أجبرك لكن والله فرحان بطلب ضاري لك
خوله : بس ضاري خطبني ليه
الجد : نصيب يخطبك نصيبك من الله يمكن كاتب لك النصيب مع ضاري
خوله : يبه
الجد : خوله فكري في الموضوع واستخيري عشان خاطري بعطيك يومين وبعدها ردي علي قرارك والله ما أجبرك بس عشاني استخيري يا بوك
خوله : ..............
الجد : طلبت بس تفكرين وتستخيرين
خوله : حاضر يبه بس لا تجبرني
الجد (باس جبينها) : ما راح أجبرك ولا عمري أجبرك يالغاليه
خوله : طيب ليه بتروح اجلس تعشى اليوم عندنا
الجد : لا بجلس بعطي خالد وقت مع ميثه عارفه بندر يحسب الوقت يبيه يطلع
خوله : اجل عاند فيه
الجد : ههههههههههههههههه طيب

آما عند خالد وميثه ........

خالد : يعني والحل
ميثه : نفترق
خالد(قرب ومسكها من يديها وصر على ضروسه) : لا
ميثه : أترك يدي توجعني
خالد(ترك يدها وحط أيديه على رأسه) : لا إله إلا الله طيب ليه قلبك صاير حجر قاسي
ميثه(جلست وكتفت أيديها واهي تطالع له) : منك
خالد (وقف قدامها) : والله معترف في غلطتي والله ندمان بسك عقاب لي فهمت الدرس ولا أكرره ميثه أنا ما أحب إلا أنتي تكفين لا تكسرين قلبي
ميثه(أشرت لقلبها) : وقلبي اللي كسرته
خالد : اجبره لك بس اسمعي لي أنا رجال غلطت والله بس الشيطان شاطر
ميثه (قربت من وجهه وطالعت لعيونه) : سؤال يا خالد وطلبتك لا تكذب تكفه
خالد : والله ما اكذب
ميثه : علاقتك معها تعدت حدود الجوال واللقاء
خالد : يشهد ربي يا ميثه بس جوال وشفتها مره ولا تعديت حدودي ولا الحرام
ميثه : تعرف لو أنك (دمعت عيونها) حللت الحرام كان لو على موت ميثه ما ترجع لك
خالد(أبتسم ومسك أيديها) : يعني ترجعين لي
ميثه ( صدت عنه) : لا
خالد : بذبحك ذبحتي قلبي شوفي يا ميثه (وقف وأشر لها بعصبيه) أقسم بربي يوم زواج أختك مي راح أجي الصالة وترجعين البيت معي اعتقد إن فتره كافيه خليتك
ميثه(وقفت بعصبيه) : يعني شنو غصب
خالد قرب منها وشافها تبعد لين صارت بينه وبين الجدار
خالد : غصب عنك (أشر عليها) وعلى بندر وعلى الكل (قرب وباس خدها وهمس في أذنها) جننتيني يا بنت
ميثه(أبتسم واستحت ) : احم طيب ابعد بندر
خالد (حط إصبعه على فمها ) : باللعنة بندر لا تخليني ارتكب جريمة بأخوك ( ضمها له وبحب قال) مكانك خالي يالغاليه تكفين ارحميني مو عارف لا آكل ولا أشرب ولا أحس بطعم الحياة بعيد عنك
ميثه( بكت بحضنه) : والله ما صار عندي أحساس للحياة من بعدك يا خالد بس والله مجروحة منك والخيانة مره
خالد (يمسح على ظهرها وباس جبينها وضمها له أكثر) : ما كنت عارف قيمتك لين ابتعدتي وصرتي من المستحيل شوفتك أو اتهنى بقربك تكفين ميثه
ميثه(رفعت نظرها له) : ما تكررها أوعدني لو بيوم فكرت تخوني خلني ارحل في حال سبيلي بس لا تجرحني الجرح يألم
خالد(أبتسم ومسح دموعها ) : أوعدك
ميثه(أبتسم ) : مصدقه
خالد : هاه رضيتي
ميثه : أيه
خالد : اجل يالله نرجع بيتنا وتنورين مكانك
ميثه : هاه لا مو ألحين خلها بعد أيام
خالد : لا لا وش بعد أيام أنا ما صدقت ترضين أخاف بندر يلف عقلك ويخليك ترفضين مره ثانيه
ميثه : هههههههههههههه وش يلف عقلي
خالد : يا حلو ضحكتك ربي لا يحرمني منها
ميثه(استحت من نظراته) : ولا يحرمني منك بس خلها بيوم عرس مي أنا توني يبي لي أيام ارجع لصحتي
خالد : عرس مي بعيد
ميثه : بعيد وش كلها كم يوم ويمرون بسرعة
خالد : آآآآآآآه كم يوم عندك كأنها سنين
ميثه : عشاني
خالد : طيب بس توعديني محد يؤثر عليك وتتراجعين عن كلامك وخصوصا بندر
ميثه : أوعدك خلنا بعيد هالفتره لين عرس مي واوعدك ارجع معك لبيتنا
خالد : على راحتك يا قلب خالد
ميثه : طيب اتركني
خالد(أبتسم بخبث) : لا عاجبني كذا
ميثه : خالد
خالد(بهمس) : عيونه

خالد قرب من ميثه بس أنضرب الباب وابتعد عنها ومسك يدها أبتسم لما شاف خجل ميثه وجده يدخل مع بندر

بندر (عقد حواجبه) : ..............
الجد : هاه بشر (طالع لأيد ميثه بيد خالد) شكل الأمور زينه
خالد (قرب من بندر وباس رأسه) : بتكون زينه إذا رضا عنا أبو عبدالله
بندر (ألتفت لميثه وبعدها طالع خالد) : والله أنا كل همي راحة أختي
خالد : أختك بتكون معززه مكرمه مع زوجها
الجد : وبندر أكيد ما يحب أخته تنتهي حياتها أو تسمى مطلقه في مجتمع ما يرحم
بندر : طلاق
الجد : إيه
بندر : طبعا ما أتمنى لها الطلاق بس خالد غلط وغلطته كبيره
خالد : والله معترف وتطلب ميثه رضاوتها
بندر : يكفي أنها ترجع برضاها ويكفي اعرف إن أختي اللي تبيه ورغبتها ولو قالت لا من بكره تطلقها
خالد (ألتفت لميثه) : طلاق
الجد : هاه يا ميثه تبين ترجعين لرجلك ولا تبين الطلاق
ميثه(طالعت لهم ونزلت عينها) : بزمنا ما يرحم المطلقة وأنا راضيه إذا (طالعت لبندر) اخوي وسندي وافق ارجع
بندر(قرب وباس جبينها وابتسم) : راضي عنك يا قلب أخوك
ميثه(ضمت أخوها) : ربي لا يحرمني منك
خالد(غار من بندر) : احم احم
بندر(رفع حاجبه) : نعم عندك اعتراض (وضم أخته له ) يوم ضميتها
خالد(صر على ضروسه) : أي عندي اعتراض مو اللي حاضنها زوجتي وش عليك عندك زوجتك مو أنا بعيده عني
ميثه(استحت ) : اسمحوا لي بروح
الجد : احرجتوا البنت
خالد : والله من قلبي طالع القهر
بندر(يلعب بأعصاب خالد ويضم ميثه ويبوس خدها) : يا حلو قرب أختي
خالد (بعصبيه) : جدي شفه
الجد : فعل أيديك
خالد : بندر لا تحدني أسوي شيء تراني متهور كيفك

ميثه فتحت عيونها وخافت تعرفه متهور فكت نفسها من أخوها وطلعت بسرعة واهي تسمع ضحكاتهم عليها دخلت الصالة وشافت الكل قاعد قربت من أمها وجلست جنبها وحضنتها

الأم : هاه رضيتي
ميثه(بحيا هز رأسها إيه) : ...........
الأم(تمسح على رأس بنتها وابتسمت) : إيه يمه البنت مالها غير زوجها لو صار بينهم شيء الحب بينهم يبقى ولازم تتحمل عشان حياتها
بندر(دخل وجلس جنب الجوهرة) : ...............
خوله : راحوا
بندر : إيه راحوا مي صبي لي قهوة
مي : حاضر ( صبت له ومدت له قهوته) سم
بندر : سم الله عدوك
الجوهرة(ألتفتت لبندر) : بندر بروح لأمي ممكن
بندر(شاف وجها وعيونها المحمرة) : ................
الجوهرة(نزلت عيونها) : .....................
بندر : قومي ألبسي
الجوهرة (ألتفت لخالتها) : خاله تأمرين على شيء قبل أروح لأهلي
ام بندر : سلمي على أمك بتنامين عندهم
الجوهرة( طالعت بندر) : أذا بندر ما عنده مانع
بندر : مثل ما تحبين تبين تنامين عندهم
الجوهرة : أيه
بندر : قومي جيبي عباتك وتعالي بنتظرك في السيارة
الجوهرة : حاضر

قامت الجوهرة تلبس وبندر طلع للسيارة ينتظرها

أم بندر : ميثه متى بترجعين لبيتك
ميثه : قلت له بعرس مي ارجع معك
مي (تغير ملامح وجها بذكرى عرسها) : ................
خوله : يعني تجهيز عروس جديدة
ميثه : ههههههههههههه طبعا بكون غير
خوله : الحب يذل يا جدعان
الكل : هههههههههههههههههههههههههههههه
مي (وقفت) : بروح أذاكر بكره اختباري وما باقي شيء وارتاح ادعوا لي
الكل : الله يوفقك يارب
مي(صعدت وابتسمت للجوهرة اللي تنزل) : سلمي على البنات
الجوهرة : يوصل

طلعت وركبت السيارة مع بندر بعد ما سلمت مد يده وشغل المسجل والهدوء بالسيارة سيد الموقف

وصلوا لبيت أهل الجوهرة

الجوهرة : تنزل
بندر : لا بروح للأستراحه بتنامين اليوم عندهم
الجوهرة : أيه لو سمحت لي
بندر : اوكيه بكره أمر آخذك بعد ما اطلع من الدوام
الجوهرة : طيب بنتظرك
بندر (مسك يدها قبل تنزل) : ................
الجوهرة(طالعت له) : فيك شيء
بندر(رفع يدها وباسها) : انتبهي لنفسك
الجوهرة(ابتسمت) : حاضر