هليت يا شوق كلك ذوق تلقى في الحشى بستان
ربيع من المشاعر فيه لك تقدير و اجلالي
ترى درب الهوى لاهل الهوى حاجه تسير ادمان
وهروين الهوى فيني مسوي طيش و هبالي
لكن لا تتبع المقفي ترى من يتبعه خسران
ولا تذكر رسوم الحب الاول للهوى التالي
ولا ترمي حبال الود للعالم بلا ميزان
تظن الناس في حفظ الموده كلها امثالي
انا عندي شعور و حس ما ربي عطاه انسان
كنوز الحس فيني عوضت في نقص الاموالي
ووجداني كرم يا اهل المحبه و الكريم امعان
نحرت القلب من شانك و لك في العين فنجالي
وانا يا كم عرضت الشوق لك و العرض بالمجان
و قلبي لك على بابه كتبت العرض لا زالي
محمد الحريري
عودالليل
|